مرحبا. لعيونكم هذي
المقادير:
أولا:2( ونص طحين - كوب سكر ناعم - كوب سكر طرية - 2- بيضة - 1 ونص باكنج بودر - ذرة ملح )
الطريقة:
السكر + الزبدة يضرب حتى تتكون كريمة هشة بعدين نضيف بيضة كاملة وصفار البيض الثانية فقط اما بياضها يترك على جنب نضيف الفانيلا ونضرب عدل لحد ما المزيج ينجانس مع بعض بعد ذلك نضيف الدقيق والملح والباكنج بودر نلم العجينة بعد اضافة الدقيق عشان البسكويت يصير هش راح تطلع معاج العجينة تلزق شوي عادي نلمها ونحطها بالفريزر شوس لحد ماتجمد. ملاحظة::هذا المقدار نسوي نفسه مع ملعقتين كاكاو بيصير عندج عجينتين وحدة سادة و وحده بالكاكاو.
<كيفية الاعداد<
نطلع العجينة البيضاء من الفريزر عشان نفردها على شكل مربع صغير ثم بعد فردها نطلع العجينة المعجونة بالكاكاو نفردها فوق العجينة البيضاء ونكرر العملية طبقات وبين كل طبقة واخرى نمسحها ببياض البيض وبعدين نحطها بالفريزر ونقطعها بالطول وتجمعين كل شريحتين بقصدير بعدين تقطعينهم شرائح بعدين تدخلينهم الفرن مجرد ما ينشف البسكويت في الفرن يكون قد استوى
.ملاحظة
سويت ثلاث اشكال من بسكوت الكاروهات)
في الصينية 3 انواع من المعمول وكله عجينته وحده:
المقادير 2 وربع كوب طحين 3 ارباع كوب سكر بودر واصبع زبدة + كرتون قيمر صغير- نص ملعقة صغيرة باكنج بودر - وملعقة صغبرة من ريح الكعك. والحشوات (فستق - جوز - تمر )
الطريقة:
تخفق الزبدة مع السكر حتى تصبح خفبفة كالكريمة يضاف الباكنج بودر والقيمر ويعجن جيدا حتى تتكون عجينة طرية ويضاف لها الطحين تقسم العجينة الى كور صغيرة و تحشى بالحشوات السابقة وتشكل في قالب المعمول وتدخل الفرن.
باقي المقادير نكملها عملي بالصور باذن الله.
الكليجة السريعة:
للامانة ماخذتها من اطباق النخبة ونفس الطريقة بالضبط فقط عدلت فيها بان اضفت حشوة تمر بين كل حبة والثانية وسويتها ميني صغار حيل بحجم مغطاة الدواء استخدمته بتقطيع الكليجة.
