لا تخلوني ،، أول مرة وأبي أضبط وضعي من البداية !!

[.،:"$الـعـوبــــة$":،.]

مرحبا حبايب قلبي ،
وشخباركم ؟؟
أنا من زمان أحب أدش هالقسم وأقرى وأطلع منه بدون ردود لأن نادرا ماأكون عارفة حل أو جواب لمواضيع هالقسم !
وأقول سبحاااااااااااااااان من يلحق ؟؟ وأشارك معهم !!:ch12:
وإنصدمت إن الوقت جا وأنا للحين متنحة !:080402ask_prv:
المختصر المفيد يالغالين ،، بنتي الحين بتم 4 سنين انشالله على شهر 11 الجاي ،
ومفروض أسجلها بالروضة ! ومفروض حاجزتلها مكان بالمدارس الخاصة !
لأني كنت طمعانة بالرؤية اللي عندنا في صباح السالم !
بس انصدمت إن هالأشياء مفروض إني مسويتها من زمان مو تو !!
يعني اللي جاب الطاري جارتنا الله يجزاها خير !! وإلا ماكنت ناوية أتحرك إلا على شهر 9 ! عبالي عادي !
ألحين قولولي شسوي ؟؟:eh_s(16):
أبي أسجل بنتي بالروضة وين نروح ؟؟ وأبي مدرسة الرؤية الثنائية بس يقولون مالي أمل وزحمة عليهم وطق عصي !!
أبي مكان بنفس هالمستوى لبنتي !
ماأبي الروضة العادية ! أحسهم يعاملون عيالنا مثل الغنم ! يكشونهم داخل الصفوف وبعدين يفكونهم بالألعاب !:flower:
والجهال طق مطاقق وكلام وصخ وكلن يتعلم من الثاني والأبلة تكلم بالتلفون !
بتقولون لااااااااااا شدعووووووووووة ! أقولكم هذا شي شفته بعيني لما كنت رايحة للروضة مع رفيقتي ناخذ بنتها من الروضة !
أنطركم ، منبطحه واتابع الردود :icon30:<< كذابة حامل ماتقدر تنبطح !​

 

[المزه]

حبيبتي انا اذكر يوم كنت اسجل عيالي بالروضه كنت اسجلهم قبل العطله مابي اخرعج وتقولين طافني التسجيل الكلام هذا من زمان لان عيالي الحين بالمتوسط بس والله الرياض العاديه ما منها فايده علشان جذي قمت اسجل الباقين بروضه القاعده الحلبيه روووووووعه منها تعلمهم القراءه والكتابه والقرآن بعد ومو غاليه الشهر بثلاثين دينار بس

 

[عنايد]

رد : لا تخلوني ،، أول مرة وأبي أضبط وضعي من البداية !!

لاعادي تقدرين تسجلينها اول السنه ان شاء الله اذا كملت السن القانوني

وبالنسبه للمدارس الخاصه على ئفا من يشيل على قولتهم بس انتي شنو تبين نوع التعليم ؟

 

[.،:"$الـعـوبــــة$":،.]

اشوى احد عطاني وجه !!!

التسجيل انشالله من بكرة براكض لها فيه واشوف شسالفته ،،
والتعليم أبيه يكون صح ، وتأسيسهم قوي ! وطبعا ثنائي اللغة ! وبنفس الوقت يكون فيه تحفيظ قرآن كريم !! << تشرط بعد !
روضة القاعدة الحلبية ؟ هذي وين ؟؟ ابي مكان قريب ، لأن أنا راح أوديها وأجيبها ! خلاص تعقدت من سوالف السواويق والخدم !​

 

[Un-6be3iya]

القاعدة الحلبية جنه بـ اشبيلية اذا ماني غلطآنة ؟
تأسيسهم باللغة العربية وااااايد قوي
بس الانجلش مو ذاك الزود


،
عئبـآل ما تجهزينهآ عروس ;*

 

[احب الزين]

حبيبتيي انا نفس مشكلتج بالضبط كنت متوقعة ان عادي لما تفتح المدارس اسجلها وبآخر اكتشفت ان الناس مسجله وخالصه حتى خواتي ماتوا من الضحك علي يقولون المفروض من شهر اربعه التسجيل
عموما بشهر سته رحت مدرسه الرساله بسجلها وطردوني شر طرده يقولون العدد فل وسبعين على الانتظار
بس بصراحه انصحج فيها نفس المستوى الي انتي تبينه ثنائية لغه واسلاميه بنفس الوقت والاستاف عجيب وعلى قولتهم يخرجون الطفل القيادي شكثر اعرف ناس فيها تغيرت شخصيات عيالهم من الى
والله يوفقها انشالله ويقبلونها اهي وبنتي ويصيرون رفيجات انشالله

 

[حلم الطفولة]

حبوبه الرلؤيا خلص تسجيلهم بس هم اتصلي وروحي يحطونها على قائمة الانتظار ,, وسجلي بعد بمدارس ثانيه بنفس الوقت عشان تضمنين مكان احتياط ,,
في مدرسة بالمهبوله اسمها الرساله وهي نفس الرؤيه تقريبا بس والله زرتهم وشفت انهم روعه ,, اللي مأسسين الرؤيه هم نفسهم أصحاب مدرسة الرساله .,, موفقه

 

[.،:"$الـعـوبــــة$":،.]

حبوبه الرلؤيا خلص تسجيلهم بس هم اتصلي وروحي يحطونها على قائمة الانتظار ,, وسجلي بعد بمدارس ثانيه بنفس الوقت عشان تضمنين مكان احتياط ,,
في مدرسة بالمهبوله اسمها الرساله وهي نفس الرؤيه تقريبا بس والله زرتهم وشفت انهم روعه ,, اللي مأسسين الرؤيه هم نفسهم أصحاب مدرسة الرساله .,, موفقه

دقيت على الرؤية والتكامل اليوم لين انهد حيلي ومحد رد ! قلت خلاص بحطها على قائمة الانتظار لو حق السنة الجاية ، لأن بنتي هالسنة تكون مستمعه توها !!
بس بكرة بروح أمرهم ، والرسالة بعيدة وأنا لايمكن أشرك بنتي في باص ! << موسوسة !!!
وحدة من رفيقاتي شتقول ؟؟ << عجبني تفكيرها !
تقول البنات بس أسسيهم وحطيهم بالمدارس العامة ! لأن البنات ذكيات وبسرعة يستوعبون ويخافون !
أما الصبيان من البداية لي النهاية خليهم خاص ، أضمن لمستقبلهم ! لأن الصبيان تناحة وعناد وتكيسل مو طبيعي !
شرايكم بكلامها ؟؟؟​

 

[عشق]

رد : لا تخلوني ،، أول مرة وأبي أضبط وضعي من البداية !!

انا عمي دخل ولده حكومه والولد مو راضي يروح وكل يوم بجي وصراخ طلعه بنص السنه ووداه خاص
انجليش قروب بلاي بالرميثيه
باولى روضه اسم الله عليه يكتب اسمه بالانجليزي

انا بنتي بعد سجلتها مع ولد عمي

ورفيجتج صحيح كلامها نفس تفكيري اقصاها بنت انجحت والا اسقطت وراها ريل يشيلها ويصرف عليها
بس الولد لازم نجابله علشان يطلع شخصيه مهمه بالمجتمع ههههههههه
ومدارس الحكومه عند الصبيان ما وراهم غير الشقى من حطوا هالمدرسات فيهم
عالاقل قبل رياييل ماسكينهم
الحين الابله وين تلحق عليهم وعلى شطانتهم