لا تخيبون أملي بليييييييييييييز

[أم رشووودي]

اشحالكمن خواتي عساكم بخير يعطيكم العافيه طلبتكم لا تردوني أنا من الامارات وأخت ريلي بتسافر الكويت بتاريخ 24 من الشهر بس ما عندها اي خلفيه عن الاسواق والاماكن المشهوره وأسواق الجلابيات والبدل والفساتين.

والمحل اللي تشتري هيا الشعيبي ملابسها فأي مركز؟ حطوا الحلقه فبرنامج قعده ما تنمل بلييييييييييييييز واللي عندها أي شي يسهل علي اطرشلها ع الايميل لا تبخل.


على فكره هي بتسكن ففندق ابيس

 

[tolay]

اتنور الكويت

مع الاسف ماعرف هالفندق بأي منطقه عشان اساعدها اكثر

بس اذا تبي جلابيات حلوه واسعارهم معقوله عندج سوق ( الحمرامول ويمه العربيد بلازا ) عندهم جلابيات حلوووه بمنطقة الفروانيه صوب السوق والمحلات التجاريه والزحمه

تبي مجمعات للتسوق او التمشي ؟؟

خلها تزور مجمع الافنيوز يصلح للتمشي والتسوق .... منطقة شويخ

سوق شرق فيه محلات ومطاعم وبرا جسر تحت البحر وكل شي فيه .... منطقة شرق قريب من السالميه

خلها تتسوق بمجمع الفنار ويمه مجمع البستان ومقابله مركز سلطان وسنتربوينت ومذركير واج اند ام وستار بكس .... يعني خلها تروح هذا الشارع لانه كل شي يم بعض وتقدر تتسوق وتتمشى مشي

خلها تروح مجمع المهلب ملابسه حلوه وكل شي فيه محلات احذيه اكسسوار وماركات وملابس ..... منطقة حولي

اذا حابه ملابس عملية واسعارها متوسطه خلها تروح سوق اسمه النقرة فيه محلات ملابس عملية وتحت فيه ملابس للبيت وملابس داخليه وكل شي ..... منطقة حولي

عندج سوق كويت ماجيك هم فيه محلات ملابس واكسسوار واحذية وساعات وشنط وكل شي ... منطقة ابو حليفة تبع فحيحيل

عندج مجمع اسمه 360 كله فيه محلات ماركات عالمية ..... منطقة جنوب السرة

كتبي الاماكن اللي قلتها لج بورقه وعطيه مرت زوجج واهيه خلها تستفسر اكثر اذا زارت الكويت

وطبعا المجمعات اللي قلتلج عنها فيها مطاعم والعاب اطفال وكل شي

وعندنا مجمعات اكثر بس انا قلت اكتفي اقولج عن هالمجمعات