لا تلوموني اذا سميت هذا اللوشن دكتور البشرة !!!!!

[الجوهرة الماسية]

افضل لوشن جربته

اول ما شفته بالسوبرماركت ما تحمست اشتريه كنت طايحه بمجموعة زبدة الكاكاو من فازلين امووووووت بهذي المجموعه
نعومه وتغذيه للبشره شي عجيب

المهم ......وانا اتصفح النت قريت موضوع لبنت اسمها لولي تمدح لوشن
حمستني اجربه
ثاني يوم شريته وبديت استخدمه يوميا لجسمي كله ماعدى الوجه
ويوم بعد يوم الاحظ اختفاء اغلب مشكلات البشره عندي
حبوب الظهر توقفت عن الظهور نهائيا واثار الحبوب القديمه خفت بشكل مو معقول
ازال اللون الداكن ببعض الاماكن و التصبغات و عدم توحد اللون و صارت بشرتي متجانسه و صافيه وكلها اشراق وهذا بفضل احتوائة علي نسبة من احماض الفاكهة للتقشير وتجديد البشرة
واحب انبه هنا لعدم التعرض لشمس اثناء فترة استخدامه واستخدام واقي للاماكن الي ممكن تتعرض لشمس

ومن مميزاته بعد يزيل الخشونة و الجفاف و التشقق وقشور البشرة ويغذيها ويتركها ناعمه لامعه

يسرع في تجديد خلايا البشرة ويعطيها نضارة و مظهر صحي مشرق


يساعد علي انتاج البشرة للكولاجين بفضل وجود الريتنول و ايضا يحتوي علي كولاجين فيساعد علي شد البشرة و تحسينها

يعالج علامات تقدم سن البشرة و منها تبقعات تقدم سن البشرة البنية ..ويمنع ظهور التجاعيد

و الاهم بالطبع و رقم وااااااااااااحد هو علاج :

علامات التمدد السترتش مارك و ازالتها نهائيا مع الاستمرار من 3 الي 6 الي 9 اشهر بأسوء الحالات علي الاطلاق ..

الدكتور البروفيسور هذا اسمه لوشن :

vaseline renewal age-redefining body lotion

وفي منه خاص للايدي

والشي الجديد الي اكتشفته انو يمكن ان تستخدميه كمزيل لرائحة العرق
فعلا بنات ماعاد تحتاجي ديودرنت ريحة العرق تختفي لو تجلسي 3 ايام ما تسبحتي ومنطقة الاندرارم تفتح بشكل ملحوظ


شفتوا اني ما انلام اذا سميته دكتور البشرة





لا تنسوني من صالح دعائكم​

 

[Nonaa!]

اييييييي صح وايد روووعه

تحسين صج ترطيب بس انا وقفت عن اللوشنات بس مالي غيرهم توني مدهنه ريولي دهن البرتقال من بدي شوب

 

[Nonaa!]

مشكوووووووووووووره

 

[(كويتيه عسل)]

مشكورة حبوبه بس شنو الفرق بين اللي بالصورة؟

 

[((shoOoshoOo))]

اي نوع اختي اللي التزمتي فيه اللوشن ولا الكريم ؟ ولا الزبده ^_^


وثانكس

 

[الجوهرة الماسية]

اييييييي صح وايد روووعه

تحسين صج ترطيب بس انا وقفت عن اللوشنات بس مالي غيرهم توني مدهنه ريولي دهن البرتقال من بدي شوب

جربيه حتى لرجول روووووووعه

نورتي موضوعي يا قمر

 

[عز النفس يغنيني]

فازلييين غني صراحه عن التعريف وكل منتجاته تهبل ..

يعطييييييييييييج العافيه حبيبتي

 

[ام عفاف الكويت]

البنفسجي انا حاطته بخلطه التنحيف يهبل يهبل شوي عليه

 

[Nonaa!]

اتوقع ثاني واحد اللي يم الابيض

 

[faroo7a]

مشكوووره اختي
انا امووووووت باللي على زبدة الكاكاو ما استغني عنه
وانشالله بجرب اللي قلتي عنه

 

[الجوهرة الماسية]

مشكورة حبوبه بس شنو الفرق بين اللي بالصورة؟

شوفي حبيبتي انا كنت استعمل المجموعه هذي اول قبل ما اكتشف فازلين بالكولاجين الصورة الاخيره

وما اخفيك اني ارجع لاستخدامها كل اسبوع مره

بس الي مستمره عليه البنفسجي بالكولاجين

المهم انتي تبين الفرق

اول واحد على اليمين هذا زبدة الكاكاو جايه مركزه فيها ومعها زبدة الشيا
بس ترطيبها عميق جدا وخاصه للارجل والركب والاكواع

ومعروف الفايده الكبيره لزبدة الكاكاو وزبدة الشيا

ثاني واحد على اليمين هذا خاص للايدي ينعمها بقوووووووووه
واذا سويتي سكراب بالملح والليمون وبعدين غسلتي يدك ونشفتيها دهنيها منه والبسي جوانتي وشوفي شلون المفاصل الغامقه باليد تفتح واليد تصير حرير

ثالث واحد هذا لوشن زبدة الكاكاو يجي مائل لسيوله غير الكريم الجامد يستخدم لكامل الجسم لسهولة دهنه
ويحتوي على زبدة الكاكاو وفيتامين e

اخر واحد هذا جل زيتي يستخدم والجسم مبلول بعد الاستحمام ليحافظ على الرطوبه
ويحتوي على زبدة الكاكاو والجوز البرازيلي وزيت اللوز

 

[((shoOoshoOo))]

فديتج ماقصرتــــــــــــــي ^_^

بخصوووص فازلين بالكووولاجييييييييييييييين ينفع للخطوووط البيضه اللي بجسمي يعني في احد جربه ؟؟؟ وشلوووووووون ريحته ؟؟

 

[الجوهرة الماسية]

اي نوع اختي اللي التزمتي فيه اللوشن ولا الكريم ؟ ولا الزبده ^_^


وثانكس

الي التزمت فيه اكثر شي اخر واحد الي بالكولاجين وينفع للخطوط البيضاء

الان صارلي استخدمه شهر ونص

الخطوط البيضاء اصبح لونها مموه مع لون الجلد وباذن الله بعد شهرين مايصير لها اي اثر

 

[المرفأ~~]

بااااااااارك الله فيج . ان شاءالله بجربه .

 

[الجوهرة الماسية]

فازلييين غني صراحه عن التعريف وكل منتجاته تهبل ..

يعطييييييييييييج العافيه حبيبتي

نورتي يا قمر

 

[الجوهرة الماسية]

البنفسجي انا حاطته بخلطه التنحيف يهبل يهبل شوي عليه

هلا بك يا قلبي

البنفسجي ماينفع لخلطات التنحيف لانه يعطي امتلاء للبشره يخليها غضه لان فيه كولاجين

نورتي يا قلبي

 

[ابرار القحطاني]

صاجه اختي تستعمله

وهم بعد تاخذ لبناتها الصغار
واايد تمدج فيه

توها من فتره كانت في دبي عند دكتوره جلد هي وصديقتها .. وتمت الدكتوره تقولها مشالله واضح انج تعتنين بجسمج ويوم اسألتها شنو السر
قالت فازلين بزبده الكاكاوو

 

[الجوهرة الماسية]

فديتج ماقصرتــــــــــــــي ^_^

بخصوووص فازلين بالكووولاجييييييييييييييين ينفع للخطوووط البيضه اللي بجسمي يعني في احد جربه ؟؟؟ وشلوووووووون ريحته ؟؟

انا جربته يا قلبي والموضوع والمدح كله فيه

وينفع للخطوط البيضاء

الان صارلي استخدمه شهر ونص

الخطوط البيضاء اصبح لونها مموه مع لون الجلد وباذن الله بعد شهرين مايصير لها اي اثر

وبالنسبه لريحته ريحة احماض فواكه خفيفه

 

[الجوهرة الماسية]

مشكوووره اختي
انا امووووووت باللي على زبدة الكاكاو ما استغني عنه
وانشالله بجرب اللي قلتي عنه

جربيه وباذن الله بيعجبك بس اهم شي الاستمرار

 

[الجوهرة الماسية]

بااااااااارك الله فيج . ان شاءالله بجربه .

باذن الله بيعجبك بس اهم شي الاستمرار