لا طبنااا ولا غدااا الشر..

[شوشو الأمورة]

صبحكم الله بالخير بنوتااااات :eh_s(7):​

من منكم شاف حلقة خالد العبدالجليل بتو الليل؟؟؟​

اللي ماشافها كان يتكلم عن سوالف الخطابات ومواقفهم بصراحة كنت اشوف الحلقة وانا جذي​

احنا تعودنا على الخاطب ان يحدد مواصفات البنيه يبيها طويلة بيضا شقرا عصلة متينه هذا الكلام​

ماخوذ خيره عرفناه من زمان ​

لكن ام المعرس تتفنتق وتشرط على الخطابة تبي بيت العروس قسيمة بهالمنطقة الفلانية وماتبي​

انسباها في بيت حكومة اشدعوةةة :eh_s(12)::eh_s(12):​

والأدهى والأمر من هذا كله تقول وحدة من الخطابات ان هي اتفقت ​

مع أهل العروس ان اهل المعرس بيحضرون بيتهم يشوفون البنت لحد اهني كل شي طبيعي​

تقول الخطابة هي مع أم العروس على التلفون توصف لها البيت تقول وصلنا وصفطنا عند البيت ​

إلا ام المعرس تنط وتقول لا بس هونا ما نبي إي ليش ياأم فلان خير عسى ماشر​

جان تقول شوفي باب بيتهم حلي ياكبرها عند الله بس​

لا ونيي للمعرس يتشرط مابي بنيه من الجهرا ولا العاشرة أبي بالمناطق الداخليه عشان ​

المسافة والطريج كل يوم لين بيت اهلها بصراحة لاتعليق من كبر الكويت ولا من بعد​

مناطقها عن بعض​

يعني صارت البنت المستورة السنعة المتربية اخر اولوياتهم اهم شي القسيمة والمنطقة والإرتداد​

نسوا حديث الرسول عليه الصلاة والسلام اللي يقول تنكح المرأة لأربع: لمالها ولحسبها ​

ولجمالها ودينها فاظفر بذات الدين تربت يداك..​

على ايام اول الريال مايشوف حرمته إلا بليلة الدخلة واصبروا وعاشوا مع بعض وعيلوا ​

وربوا أجيال ينشهد لهم بالتربية والسنع والعدال مو الحين زواج بو طقة لو على ادناة الدون تطلقوا​

قبل ولين الحين في ناس تشتري البنية واهل البنية بس في النهاية الخير يخص والشر يعم​

المايك لكم بنات .. فضفضوا وطلعوا اللي بقلبكم ...​

 

[al3sooola]

احنا عندنا عيب الوحده او الواحد يتزوج عن طريق خطابة
عااااار علينا يصير

 

[noorq8]

تنكح المرأة لثلاث :لمالها وجمالها وحسبها فأظفر بذات الدين تربت يداك"

هذا حديث الرسول عليه الصلاة والسلام يعني معايير النكاح والزواج عند البشر المال بالمقدمه وهالشي فطره فينا ولكن ذات الدين هي من دعى للنكاح بها يعني لو لقت الأم بنتين سنعين وكل شي زين فيهم وحده غنيه ووحده على قد حالها من بتختار الأم أكيد بتختار الغنيه

 

[نفهمها صح]

خليها علي ربج

 

[حلا روووحي]

looooooooool

 

[أماني عمري]

تصدقين؟ اللي معياره الماديات ما يستاهل يتزوج البنت الطيبة و الأم اللي هونت عن البنت اللي قالت باب بيتهم حلي ربج فك البنت من شرها، عادي الناس تاخذها المظاهر ما تفكر بالعايلة الطيبة و أم البنت الزينة اللي عرفت تربي بنتها، ضحكتوني و ذكرتوني بواحد قاص على أمه قايل لها معاشه يخص نص الشهر مع انه ما يصرف على أهله و قبل لا يشوفني سأل جم معاشي و إذا عندي أقساط! بيتزوج المعاش مو اللي تتعب بالمعاش، ما أقول عن هالأشكال إلا دفعة مردي