لج دعوة اذا ساعدتي اختج الضايعه

[azaiN]

السلام عليكم بنوتات


بنات ارجوكم كل الرجااااااااء ابي مساعدتكم ..والله حدي ضااايعه بقولكم سالفتي:eh_s(2):



انا تخرجت من الثانوي بمعدل 73 ودخلت التجاري .. وكانت صدمه عظيمه بالنسبه لي المهم دشيت تجاري وعلى ساس اشد حيلي واحول تربيه لكن الله ماكتب صارت لي ظروف وماقدرت اداوم وخذيت حرمان تقريبا لكل المواد وكورس الثاني مثل الشي وهالكورس على ساس اشد حيلي وارفع بالمعدل لانه المعدل لاسف زيرووو فكرت فيهاا وقلت خذيت بعض مواد حرمان مرتين والباقي حرمان ولا اف ماقدر اكمل والحين صايرلي اسبوعين مو مداومه بسحب اوراقي من التجاري واروح كلية بوكسل ولا اتصالات وملاحه واقدر اسجل بكورس الثاني ولا لا بناااااااااااااااااااااااااااااااااااااااااااااااااااااااااااات ارجوكم ساعدوني والله ضايعه:eh_s(2):



واللي تساعدني لهااا دعووة من قلبييي باخر الليل :eh_s(17):

 

[أمورته]

الحين اتوقع تقدرين تسحبين اووراقج بس التسجيل اتوقع وقف لان الاغلبيه قدم وخلص اكلمج عن التطبيقي اذا تبين اتصالات وملاحه هذا الي اعرفه ان اخطئت فمن نفسي وشياطن وان اصبت فمن الله وحده

 

[azaiN]

جزاج الله خيير

 

[azaiN]

بنات اللي عندها شي تفيدني فيه لا تبخل

 

[shayoma89]

هلا حبي شوفي اذا بتطلعين من تجاري لا افكرين تروحين اتصالات محد يطلع من كليه ويدش معهد فكري بمستقبل احسن هذي شهادتج لازم تحرصين عليها وترى الدبلوم ما يوكل خبز نصيحه من اخت لاختها وانتي معدلج ماشاءالله زين مو ميح عشان تروحين اتصالات وتجاري

شوفي سحبي اوراقج .. وقدمي على الكليه الاستراليه مكانهم بمشرف بيمتحنونج قدرات انجليزي الامتحان سهل بس لازم تدرسين قبل ماتروحين اذا قبلتي مستوى ثاني لغه او ثالث يكون على حساب البعثه ماتدفعين ولا شي كل شي على الحكومه وكل بدايه كورس ينزلج 300 .. 200 اعانه و100 حق الكتب.. اذا انقبلتي بمستوى لغه حده سهل مايبيله دراسه اهم شي الحضور.. بعده دخلي تخصص اداره اعمال دبلوم حده سهل والله كله تقارير وبريزنتيشن ماتحسين فيه اصلا لعب مافي دراسه .. بعدين ييبي نسبه وسهل انج تييبينها وكملي بكالريوس هم بالاستراليه والدراسه فيها الحين اسهل من قبل غيرو الجامعه عادي تصادفج 6 او 7 مواد مافي اامتحانبس تقارير وبريزنتيشن وفي مةادبس امتحان فاينل واحد ..

ليش قلتلج الاستراليه؟ لانه اذا درستي سنتين تظمنين شهاده دبلوم صارلج ظرف شي شيات عندج شهاده تقدرين تكملين فيها .. ماقلتلج جامعه الخليج او الامريكيه لانه 4 سنين متواصله لو لا سمح الله صار شي وانتي بثالث سنه تطلعين بدون شهاده

واذا خذيتي الدبلوم ان شاءالله كملي بكالريوس.. والله لو توظفتي على الدبلوم بياذونج كل الشغل عليج رفيجاتي دبلوم متاذين الكل يتامر عليهم ويشتغلون والباجين مرتاحين لانه جامعيين.. كملي حبيبتي وخلي تفكيرج دايما للاحسن .. لا تفكرين تتراجعين ورا

انا مثل نسبتج قبل وماعجبني وضع التجاري ولا اهلي كانو راضين ادشه دشيته عشان رفيجاتي معاي بس ما قدرت استحمل الوضع ووويع .. طلعت ودوني اهلي الكليه الاستراليه دخلت دبلوم وتخيلي الكل يقولي درسي ودرسي وشدي حيلج والخ .. بدون مبالغه الدبلوم يبت نسبه عاليه تفوقت بالدبلوم .. وهذا عطاني دافع اني اكمل .. وكملت بكالريوس والكل قالي صعبه ولا تكملين والحمدالله تخرجت ..

شفت موضوعج وايد شدني ذكرني بوضعي قبل .. اتمنى اني اكون فدتج حبيبتي

 

[shayoma89]

شفت الكلام الي كتبته اخترعت المهم اذا في بدليات طوفو لانه من الفون كاتبه ومالي خلق اعدل لووووول

ربي يوفقج ويوفق الجميع

 

[azaiN]

ياا حياااتي مشكووووووووووووووووووره عاد انا فكرت بالاستراليه بس مامدحوها بالنت .. يقولون متشددين ادكاتره ؟ وصج بالكلاسات في خلط؟ وشنو احسن تخصص فيها ولما اتوظف شنو راح تكون وظيفتي ووين بالضبط اتوظف ؟ واذا قدمت للامتحان القدرات وسقطت ادفع فلوس ؟؟ والإعانه ماتنزل كل شهر ؟ ههه ياكثر اسالتي :*


ولج مني دعوه ان شاءالله تستجيب .. فديتج

 

[shayoma89]

حبيبتي عادي اخذي راحتج اي سؤال في بالج قوليلي واجاوبج

انا توني متخرجه منها بكالريوس .. ودرست على الجامعه مالت البكالريوس القديمه ووايد عانينا بس يسقطونا .. ما بدينا ننجح ونييب نسب الى على الجامعه اليديده.. قبل كان في مشاكل بتخصص اداره بكالريوس وتغيرت الجامعه وصارت اسهل بوااااايد اصلا ماتحسين انج قام تدرسين .. دراستهم حلوه

ماعندهم وايد امتحانات بس تقارير وبريزنتيشن وامتحان فاينل او بدون امتحان فاينل اغلب المواد جذي نظامهم جذي بس اهم شي الحضور وانج تخلصين شغلج اول باول وتراوين الدكاتره عشان لو في غلط يعدلونلج

ونظامهم حلو النجاح من 50% .. لو يبتي 45% بالماده يعيدونلج امتحان الفاينل.. والامتحان يكون احيانا نفس الي امتحنتيه ..

الدكاتره بالعكس وايد زينين ويساعدون .. في دكاتره مرو علي ما اداوم عندهم بس اايي بالفاينل ومايقصرون يشرحونلي.. طبعا الدوام بتمهيدي اللغه والدبلوم مهم.. بس بالبكالريوس مهم بس عشان تفهمين الدكاتره مو كلهم يحسبون حضور.. واول ما تداومين يعطونج يونت قايد في كل الامتحانات وشنو تدرسين وشنو تسويين والتواريخ .. يعني اول ما تاخذين لورقه خلصي شغلج لا تخلينه يتراكم انا كنت اخلص كل شي وارتاح بعدين ما اسوي شي ..

الكلاسات بالدبلوم على ايامي ما كان في خلط بعدين صار في خلط الحين مادري.. اللبكالريوس خلط و في كلاسات بس حق بنات

بس بكل الاحوال الشباب بحالهم .. وتقدرين تسوين قروب بس بنات عادي ..صج نسيت اقولج اغلب الشغل مع قروبات يعني اريح بس لازم تختارين قروب سنع عشان لا تتاذين بروحج لووول

انا مادري انتي علمي او ادبي .. اذا علمي دشي هندسه .. اذا ادبي احسن شي اداره اعمال

وتخصص ادارة اعمال تتوظفين فيه بكل مكان كل ماينزل اعلان توظيف تلقينهم يبون هالتخصص وبسرعه تتوظفين لانه مرغوب واااايد

اهو مافي سقوط القدرات 3 مستويات اذا انقبلتي على الثاني او الثالث يكون على البعثه

اذا انتي مستوى اول تدرسينه على حسابج بعدين بالدبلوم تقدرين تييبين نسبه وتحولين على البعثه

بس انتي عندج وقت درسي لغه القواعد حطيهم بصفحه وحده وحفظيهم .. في امتحان ليسننق و في محادثه تكلمي بطلاقه بس ةانتي تتكلمين ركزي على القواعد الي تقولينها يعني جاوبي على قد السؤال وقولي كلام صح مو تتكلمين وايد وكل القواعد غغلط لوووول بس سهالات .. تقدرين تدخلين المعهد البريطاني حق لغه وايد فادني قبل الامتحان يراجعونج كل شي

 

[shayoma89]

ترى الاتصالات صعبه ويبيلها دراسه وامجابل اذا نوعيتج ماتحبين تدرسين وتجابلين لا تدخلين اتصلات

وترى الاتصالات صعب توظيفهم تقعدين سنين تنطرين وظيفه

وانا ما انصحج في بوكسهل لانه بس دبلوم بعدين تيين الاستراليه بكالريوس

خليج من الاول بالاستراليه عشان تكملين مع رفيجاتج ماتوقغين عند دبلوم

واذا نوعج تحبين تغيبين وتتاخرين لاتدخلين الاستراليه لانه الغياب ياثر على الدرجات

وبالدبلوم والتمهيدي لازم نسبة الحضور 90% .. اذا وايد تغيبين ما انصحج في بوكسهل او الاستراليه

 

[shayoma89]

اي سؤال ساليني ان شاءالله اقدر افيدج ..

صج اذا ماتحبين تداومين درسي بالعربيه ماعندهم دوام .. وسعرها رخيص بعد مقدور عليه على حسابج ماعندهم بعثه

 

[shayoma89]

واذا ان شاءالله انقبلتي بالبعثه لازم تلتزمين مو تدرسين كورس او سنه وتقولين بس مابي اكمل لانه الحكومه تدفعلج سنتين كاش اذا طلعتي لازم تردين فلوس الحكومه .. وحتى بالمستقبل لو تبين تكملين بعثه باي مكان ماراح تقدرين لانج اساسا لغيتي بعثه

اذا خلصتي دبلوم تنتهي البعثه اذا عندج نسبه تجددين البعثه وتكملين بكالريوس

وترى الشهاده مهمه حرصي عليها ولا توقفين عند دبلوم لانه الناس قاعده تاخذ ماجستير بعد جم سنه الدبلوم يصير حالهم حال الثانويه

 

[azaiN]

الله يجزاج خير ما قصرتي حبيبتي .. انا ان شاءالله قررت ادخل بوكسل تصميم داخلي اصير اكمل عليها بالاستراليه وكم سنه ؟؟

 

[shayoma89]

مايصير تكملين بالاستراليه لانه مافيها تصميم داخلي بتضلين على شهاده الدبلوم لانه مافي مكان بالكويت تقدرين تكملين فيه على هذا التخصص .. اذا بس تبين دبلوم خليج على هالتخصص

بس اذا بتفكرين بالمستقبل الاحسن انج تدورين على تخصص مرغوب ودراسته حلوه وتقدرين تكملين فيه بكل مكان بكالريوس.. تصميم داخلي حتى بتوظيف صعب بيحطونج مكان كلش مايخدم تخصصج

 

[azaiN]

جزاج الله خير ♡