لحدن يحاكيني ترى الخاطر أقصاه
والدمع ياقلب العنا مايطيبك
حتى لو أبكي وش ورى دمعي وماه
ويلي على أدري ويش قلبي يبيبك
تطري علي والقلب ماجاه كفاه
غايب ولكن غيبتك ماتغيبك
خذيت جوالي القديم أتقراه
إلين فاحت شاشته ريح طيبك
رقمكمسجاتكوصوتك وطرياك
كن الطيوف إقبال عيني تجيبك
لابوك ياالجوال ماتسمع الآآآآه
في ذمتي إنك صدق ضيعتني بك
متعومس الخاطر وياقلب ويلاه
ماقد ذبحني إلا سكوتك وطيبك
وإلا أنت يالاهي ولا أدري وش ألهاه
طف بوصالك مابقى من لهيبك
ياحبك لقطع المواصيل حباه
قطعت قلبي منك لاقطع صيبك
وسويت في اللي سواتك ماسواه
وأتحملك مهما جرى وأرتضي بك
ياذابحي ياصبر ذا القلب صبراه
ذبحته بكفك وهو ملتجي بك
إتروح؟! روح ودربك الله يرعاه
لو أبغى أجيبك بعرف أجيبك
در في ثرى الدنيا ومثلي ماتلقاه
تبطي عظم ماشفت زولن يذيبك
حظ الهوا اللي تعيش به بس حظاه
لأنه الوحيد اللي قدر يختلي بك
أدرى عليك من الهوا وأتحاشاه
وأروف بك وأهيم بك وأعتني بك
لأنك سحاوي والسحا يكسر إجباه
وشلون ماتبغي الهوا يستحي بك
عيبي أحبك لو غرامك معاناه
وأنت الغياب اللي بلا عذر عيبك
أضيق من جفواك وأجرها آآآآه
أخاف من غدر الزمان يغدي بك
لو إنك تدري خاطري عقبك إشجاه
يمكن تنوح الليل وإطر جيبك
أشره على الحب اللي أعطيتك إياه
ملعون حظن حط حبي نصيبك
هملتني بين الأمل والمحاتاة
مدري عدوك صرت وإلا حبيبك
