لحقوني ظرسي طاح فشله

[أسيـل الجـــرح]

شلونكم بنات ضروري ساعدوني ظرسي طاح ومفتشله والمشكله انه اهو موقعه حده استراتيجي بما ان حلجي وسيع والسن الي طاح 4 ظرس من الصفه الي فوق ما اقدر اضحك دلوني على دكتور زين وايده خفيفه بس بشرط ( ويا ويهي طراره واتشرط ) ابيكم كل وحده تقول شنو مجربه عنده يعني تلبيس او حشوات تنظيف واهم شي الشلع والتقويم تكون اييده مثل الريشه ومرتب المشكله اني صغيره صكيت 27 ما ادري لميته انا معتبره نفسي صغيره المهم اسناني نصها مشلعه وحالتي حاله ويبيلي تقويم بس خوفي من طبيب الاسنان والله اني ارتعش رعشه ( ياويل حالي) من خوفي .. على فكره ترا جربت من قبل طيبة كلنك ركب لي اسنان في الواجه بس الله يسامحه مبين انه تركيب والمشكله ان جسر اسنان موسن واحد بس ما كان مرتب ولونه غير الباجي والانياب مسويهم طوال جني ذيب :dddds: يابنات ساعدوني ربي يفرج عليكم تدرون خصوصا احنا البنات نهتم بجمالنا وخصوصا بسمتنا يالله ناطرتكم مو تنسوني

 

[digital]

اعتقد احسن شي الزراعه

بس مو مجربه وما اعرف طبيبي زين

 

[أسيـل الجـــرح]

وينكم اكثر من 6 داشين ومو رادين ليش

 

[نجمة الجوزاء]

عندج دنتل كير زينين الي بحولي عندهم دكتور شفيق لبناني شاطر بس انا ما جربت عندا تركيب اسنان جربت التجميل

 

[DALALEY]

اسول روحي الثريا اللي بالفروانيه احسن عيادة اسنان رحت لها انا امي مسويه اسنانها اللي فوق كلها تلبيس حسبولها الضرس ب 90دينار

واختي بعد ضرسها اللي جدام انكسر ومشالله مااااايبين ان تلبيس صج صج شغلهم وايد حلو

اصلا حتى الضرس الؤقت اللي يحطونه مشالله جنه دائم من حلاته

يلا حبوبه روحي سوي ضرسج ترا اهم شي الاسنان واعتني فيهم

 

[afesa]

والله ضحكتيني شمطيح ضرسج بعدك صغنونه ....بس لحقي على نفسك وركبي بس ليش ما تروحين الاميرى؟؟الله يسهل امورك انشالله بس لاتضحكين وايد مدي البوز احسن

 

[noty]

يا قلبي انتي

شنو السبب ماكله شي يابس عليه

طاح كله ولا انكسر ؟؟

روحي عياده البيان اللي ورا الكنيسيه شطاار فيها كل التخصصات

فيها التجميل - فيها التقويم - فيها الجراحه ,, الخ

 

[hodhod]

أحسن شي عيادة البيان وقولي ما قلت

 

[أسيـل الجـــرح]

ابي شي انتو مجربينه مو بس سامعين فيه وضرسي طاح كامل بقى نتفه وقاعد يقزز البرطم .. انزين مقترحين لي عيادات منو الدكاتره بالظبط ابي دكتور احس ايد اخف انزين سمعتو عن دكتةور بالدعيه اسمه ياسين ورده .. وبعد عياده الميدان الي بصباح السالم منو الدكتور الزين عندهم ادري تعبتكم بس حطو نفسكم مكاني وشاكره لكم

 

[noty]

هلا حبيبتي

يعني حالتج مو اي وحده تمر عليها كسر ضرس عرفتي قلبي فجذي ما نقدر انقولج منو الددكتور

يعني انا ذكرتلج البيان لاني جربت حشوات و تنظيف و هالسوالف عندهم و ماشاء الله شطار

و استشرت دكتور الخياط عشان التقويم و ماشاء الله شطوور

يعني اتصلي عليهم و سالي شسم دكتور التجميل اللي عندهم

 

[حبيبته آنا]

اختي صارت فيها هالحركه اول ماتزوجت وتدرين اي ضرس اللي طاح ؟؟ واحد من الضرسين الجداميين واحد منهم طاح وكانت بحمام الدوام خخخخخخخخخ وكانت ماتسوق سياره المهم انها دقت على اختي اللي اكبر منها وقالتلها تكفين تعالي اخذيني بسرعه >>>ماتبي ريلها اييلها وياخذها خخخخخخخخخخخخخخخخخخ المهم خذتها ويابتها بيتنا ودقت على ريلها سوتله فلم انها بتروح السوق وانطرت لين صار العصر وراحت حق دكتور لبناني ببلازا اللي بحولي وخذالها القياسات وقالها بحطلج مؤقت ليحد مايخلص الضرس الصجي اللي بيركبه وقالها انها اليوم لازم تقعد بدون ضرس على مايخلص ضرسها المؤقت من باجر خخخخخخخخ المهم انها ردت دقت على ريلها وقالتله انها تعبانه يتها دوخه لما كانت بالسوق (للعلم ماراحت السوق ولاشافت رقعة ويهه) وبتنام عندنا جان يقولها سلامتج ماتشوفين شر الحين بييلج وبتطمن عليج خخخخخخخخخخخخخخ عاد مادري شنو الفتله فلم المهم انه مايه ومن باجر الصبح حطلها المؤقت وراحت بيت ريلها بس كانت تبتسم باسحياء علشان مايشوف ضرسها وعقبها يمكن بخمس ايام ركبولها الضرس الدائم بس ماشالله بالضبط نفس ضروسها حتى لو اتدققين ماتقدرين تفرقين بين ضروسها الصجيه وبينه
سامحيني قرقت عليج وايد

 

[أسيـل الجـــرح]

واي مشكورين وايد وايد وايد وان شاء احاول اروح اليوم اذا مداني والله فيكم خير يابنات ديرتي

 

[الجودي]

عن تجربه انا مجربه

في مستوصف فيصل التخصصي اللي في عمارات الكاظمي عالبحر

روعه و ينن ومحد يدري انهم تركيب الاثنين اللي جدام بعد

انصج فيه