لحقوووني لحقوني بالسادس وبموت من الالم امانه شنو اللي فيني ياربي كل الدنيا علي..

[آنثى طآغيه]

سلام

بنات بدخل بالموضوع ماعندي مقدمات..

انا بالسادس ومعاي الم مو طبيعي بالجوانب اليمين واليسار وظهري قوي استمر معاي ساعه بس وبعدها ماخف ماعاد صرت احس بالالم وقلت الحمدالله وحاولت انام ماقدرت مره يمين ومره يسار وظهري احسه منفصل عن باقي جسمي وبالموت نمت واليوم احس البيبي يتحرك حيل واحسه بيطلع من تحت يعني شفتو الففتحه وانت بكرامه احسها مثل النبض واشد نفسي فوق يعني رحمي على فوق وخف اسمحولي على الوصف بس قلولي شنو هذا انا بحمالي اللي قبله ماحسيت بجذي ابد وعادي ماكنت اعاني بس هذا اليوم وامس,,,ومعاي افرازات مو طبيعيه وسويت فحص مهبلي قبل كم اسبوع وقالت هذا مو ماي هاذي التهابات وعطتني ادويه والحمدالله اوكيه راحت والحين رجعت لي بس مع الم من تحت وعلى الجوانب شنو بنات تتوقعون طلوووق ولا يوم سوت لي فحص داخلي وسعت لي لاني بصراحه متضايقه:eh_s(11):

 

[شقرا كويتيه]

مدام تحسين بعوار ليش ساكته على عمرج حنا مودكاتره حبيبتي طيري عالمستشفى اخاف طلق ولاشي لاسمح الله روحي الطبيب والله يتمم عليج

 

[ام اغلى الناس]

المفروض تسوين سونار تتطمنين

 

[المها الابيض]

الله يشفيج ان شاالله ويتمم حملج على خير
اذا فيج عوار روحي الطبيب تطمني على
البيبي ويمكن فيج التهاب اذا تقولين الافرازات
زايده

 

[om MaRyooM]

روحي الدكتورة تطمني



حاشني مرة نفس هالعوار بس اخف من اللي توصفينه وقالتلي معاج تشنجات بالرحم وعطتني حبوب لمدة يومين
وصرت شزيني

 

[نـعـومـه]

روحي يسولج تخطيط

 

[آنثى طآغيه]

بناااااااااااااات الحين ما احس بشي .. بس خفت من اللي صار ومتردده اروح ولا لا؟ والله محتاره دقيت على دكتورتي ماعطتني وجه قالت عندي اربع حالات ولاده.. بس مدري مامرت عليكم هالاعراض والله دمعتي بعيني خايفه على الجنين وخايفه فجاه اولد بالبيت

 

[om Firas]

يمكن من الالتهاب كثري من شرب الماي قد ماتقدرين الله يشافيج ويتمم لج على خير

 

[auoma]

لا اشدعوه تولدين بالبيت الولاده غير وآلامها تختلف وانتي من بجريه تعرفين
الي فيج يمكن التهاب بالبول
او لتربه ولا حصى بالكليه لان عوار الخواصر يمكن من الكلى
روحي وراجعي لاتسكتين عن نفسج
وحركة البيبي عادي يوم تزيد ويوم تقل ويوم تحسينها فوق ويوم تحت هذه أمور عاديه

 

[حبوبة الأطفال]

ربي يتمم حملج على خير قلبو

ترا الالتهابات مو زينه عالحمل ... والله لا يقوله تسبب ولادة مبكرة
وهذي المعلومة من دكتوري

لازم تروحين للطبيب وحتى لو مافيج شي .. عالاقل تطمني عالبيبي

اذكر في حملي الثاني وكنت في نهاية الشهر الثالث وحسيت بعوار
رحت للحكومة ودخلت عدكتورة كويتية حدها نفسية وقامت تفحصني وتسألني عن مكان العوار وقلتلها إي هني .. حولتني على دكتور مصري للسونار
وقالي مافيج شي تطمني ان شاء الله بخير (والله ريح بالي كنت حدي خايفة) .. بس يوم رحت لدكتورة قالتلي شنو بينلج السونار .. قلت الحمدلله مافيه شي .. والله اهني عصبت الدكتورة وترنفزت وقالت توج تقولين عوار اووووووف استغفر الله >>> انصدمت من اسلوبها شنو تتمنى يكون فيني شي
لاحول ولا قوة الا بالله

 

[كراميل--82]

حبيبتي هذا يمكن يكون التهاب بالبول لان صار فيني نفس الاعراض اللى فيج كاني بولد كثري شرب ماي وسوائل
​

 

[FJ style]

روحي حق دكتورة ثانية

انا لو مكانج ما اسكت
وسوي تحليل بول

 

[c a t w o m a n]

يا عمري روحي تطمني منتي خسرانه

و انشالله مافيج الا العافية