لحقووووني...

[أمل q8]

مساء الخير


بنات ودي انام بس فيه موضوع موترني حيل وقلت مالي الا خواتي بالمنتدي بنات انا قاعده امر بمرحله صعبه بالبيت ومشاكل حيل صعبه وقويه علي موقادره اتحملها بس ادعي ربي أيسرها ...





المشكله بنات صايره جبريت ومتوتره طول الوقت وحايشني خبال مره تكانه ومره خبله وهالشي منصب بس بجو شغلي وانا شغلي مكاتب يم بعض والمكاتب اللي قبالي كلها كويتيين شباب وصاير صوتي عالي ودوامي المتنفس الوحيد لي لان عقب مشكلة اللي امر فيها بالبيت ماأطلع وصايره شخصيه ثانيه ولاأهتم بنفسي لما ارد البيت اقعد اعاتب نفسي ساعدوووني ادري بتقولون حتي لو شنو حجم المشكله عادي ولازم تصبرين بس شي قوي اللي علي راسي.*

 

[كبرت قبل اكبر]

اعتقد لازم تدورين حل لمشكلتك عشان ترتاحين ترا العصبيه تاثر على الوحده وتشينها ديري بالك
ولا روحي لاخصائيه اجتماعيه تناقشي معها ممكن تريحك
وداومي على الصلاه والدعاء والقران والاستغفار والله العظيم هي العلاج

 

[ام الدرر]

حبوبة عطي نفسج ايحاءات ايجابية
بترتاحين لازم يكون عندج قناعة انه كل مشكله ولها حل
دايم رددي بينج وبين نفسج
(ان بعد العسر يسرا)
(مابين غمضة عين وانتباهتها يبدل الله من حال الى حال )
واكثري الدعاء
عسى ربي يمسح على قلبج ويفرج همكم وكربتكم ​

 

[الأميرة كيرارا]

مدام إنج عارفة إن عندج مشكلة فهذا نص الحل حبيبتي
حاولي تنسين المشاكل قبل لا تطلعين
و حاولي تخلين شي يذكرج بالدوام و يهديج
عبارة حلوة
صورة تهديج

 

[كنوشة 2009]

دايما تعوذي من الشيطان
واقري قران على طول سبحان الله القراءة تهدي النفوس
وكل مشكلة لها حل

 

[amoOoNA Al_mazyoNa]

الله يفرج همج ياارب و ييسر أموورج عاجلا" غير آجل اللهم آمين

 

[ديما..]

الله يفرج همكم
حبيبتي اشربي بابونج يهدي الاعصاااب

 

[قاهره عذالي]

شوفي الانسان
طاقته له حدود
من حقج تنفسين تزعلين تعيشين المرحله ليمه تنتهي ان شاء الله
طبيعي المجروح المقهور المضغوط يصرخ ويعلى صوته
لا تعاتبين نفسج ولا شي
عتابج لنفسج هذا قاعد يزيد قهرج وهمج
حاولي انج تتوازنين وتفكرين صح
بس ان ماقدرتي لا تلومين نفسج
انتي انسانه تحت ضغط نفسي كبير فطبيعي اللي يصير فيج انتي لحم ودم وبشر
مو جماد ما يحس

 

[رحمتك ياالله]

كثير ناس يمرون بمشاكل
بس كل وحده واسلوبها

فيه ناس تحاول تنسي نفسها وتضحك وفيه ناس مثلج يبان عليهم العصبيه والصراخ

انتي فكري.. الصراخ والعصبيه بيجيب نتيجه؟؟ بالعكس راح تصيرين مو قادره تاخذين حل للمشكله

توكلي على ربي واستهدي بالله وكل مشكله لها حل

 

[عذاري الحلوه]

حبيبتي الله يفرجها عليك بس يا قلبي خذي نفسك لمشوار لاي مستشفى حكومي وشوفي الحالات المستعصية الي لهم سنين على الاجهزة وحياتهم واقفة على تيار الكهرباء لو انقطع انقطعت حياتهم و الحمد الله دامك تروحين وترجعين من الدوام هذي نعمه.

 

[الغلا كله لبوي]

:eh_s(17):

الله يفرج همج ياارب و ييسر أموورج عاجلا" غير آجل اللهم آمين

 

[al3sooola]

الله يفرج همج يارب

 

[أماني عمري]

استعيني بالله على مشاكلج و استشيري صديقة ثقة و مقربة لمشكلتج و خليها عادة عندج بعد كل صلاة اقري صفحتين او 3 قرآن تهديج و كثري استغفار و انتي بالسيارة استغفري لما توصلين الدوام و نفس الشي و انتي رادة البيت و الله يصلح حالج لما يحبه و يرضاه

 

[ستانلي]

الله يفرج همج ياارب و ييسر أموورج عاجلا" غير آجل اللهم آمين

 

[شوشو الشقيه]

عاد اختي
واايد يمر علينا ساعات
يكون الانسان عصبي
عادي
انا كنت نفسج ايام عصبيه
الي يكون قدامي اكل

بس بعدي لقيت حل لمشكلتي
اني كنت اعاني من ضغوط نفسيه
يوم لقيت سبب المشكله لقيت الحل
عادي
والحين انا هادئه
قولي ما شاء الله
اخاف ارجع لعصبيتي بعد مشكله