لحقووووو علي ......هذي ولاده مبكره؟؟؟؟؟؟؟؟؟؟؟؟؟؟

[زبيـده]

السلام عليكم ...

انا اليوم اخلص السابع وادخل الثامن (هذا بحساب شريط الحمل الي في النت ) هذا لحساب صاير تقرررريبا صحيح بين لحسابات الثانيه (السونار..الدكتوره ..الدوره)

المهم.............

لي كم يوم احس بالام مثل الدوره اتروح واتيي والم في الضهر وواصل الين فخذي غير المغص غير الم في عظمه العانه احس انه بينكسرررر..اليوم رحت للدكتوره واخذت لي بالسونار وقالت انه الجنين راسه تحححححت وممكن الي معاج طلقققق.....وكانت تبي تكشف علي بس خافت هالشي يحفززز من الطلق لو كان طلق صحيح مو كاذب

وانا موعدي مع دكتورتي الي اتابع عندها بعد 3 ايام ...يمديها اتحطلي ابره حقت اكتمال رئه الجنين ولا كيييييييييييييييييييييييف؟؟؟

خايفه ومحتاره :eh_s(1):

 

[şα3β αηšαķ]

انا عطوني ابره الرئه باول ايام
التاسع اما الثامن مودري والله
بس اكيد الدكتوره بتقول لج
شنوو مناسب لج ليش ماقالت لج
؟؟؟!!

 

[وهــايب]

ديري بالج تخلين احد يفحصج
اللي قلتيه كله يصير وياي و عرفت انه طبيعي وهم اهني البنات ذكروا هالشغله ان من السابع يثقل وتحسين فيه تحت ومن هالحجي
نصيحتي لج ريحي عمرج فتره و اذا سويتي جهد اخذي بريك تمددي ورفعي ريولج حتى لما تنامين رفعي ريولج بس على الجنب تكون نومتج مو على الظهر
وطمنينا عليج

 

[ام فطوووم]

اخييييه حبيبتي الله ايعينج
بس انشالله يمدي ومايكون بالياهل الا العافيه
ماحبيت اطلع من غير رد
الله ايثبتلج حمالج ياااااارب

 

[الماس2008]

ماحبيت اطلع من غير رد
الله ايثبتلج حمالج ياااااارب

 

[sweeta77]

اهم شي اخذي ابره الرئه علشان اذا لاسمح الله ولدتي يكون وضع البيبي زين
في حالات الولاده المبكره مالك غير مستشفى الولاده لا تروحين خاص

 

[LiL MaMa]

ماله داعي تفحصج المفروض تسويلج تخطيط طلق
و انا لما ياني طلق و انا بأول الثامن
دكتوري عطاني ابرتين حق اكتمال رئة الجنين
و ابره توخر الطلق
و الحمدالله انا الحين بالتاسع

 

[معاالي]

بنات ليش تاخذون ابره الرئه

ولازم كل حامل تأخذها؟

 

[&جالكسي&]

لاتحانين
شي طبيعي من الثقل بس اهم شي ريحي ولاتبذلين جهد والله يسهل عليج وعالحوامل جميعاً يارب

 

[حظ من عنده انا]

اذا طلق فيه ابره تأخر الطلق

ولا تخلين احد يفحصج

والله يهون علي وعليج وعلي كل الحوامل يارب

 

[Tic_Tac]

صح وانا مع الاخت اللي قبلي

اول شي لا اتخلين احد يفحصج
وسوي تخطيط اذا كان اللي معاج طلق راح يبين من التخطيط مو شرط
من الفحص ما عليج من الدكتوره ولا اتخلينها تفحصج

واذا اللي. كان معاج طلق يعطونج ابر اتوقف الطلق
وعسى الله يتمم عليج لي التاسع يا رب
ويقومج بالسلامه

 

[*+$كويتية$+*]

لا تحاتين شي طبيعي


يسمونها تساليف

مثل الطلوق تروح وتجي

 

[زبيـده]

الله يعطيكم العافيه ما قصرتو

زين نبهتوني للجهاز الطلق.....انا بصراحه من قالت لي كشف صرخت في ويهاااا مابي

والله يستررررر

 

[LiL MaMa]

بنات ليش تاخذون ابره الرئه

ولازم كل حامل تأخذها؟

هذي حق اللي خايفين تولد ولاده مبكره

 

[FJ style]

للي بتولد قبل شهرها يعطونها هالابرة عشان تكتمل الرئة لان الرئة ماتكتمل الا بنص التاسع

حبيبتي شكلها بداية طلوق
لا تفحصين من تحت
بس تخطيط والافضل تراجعين الحكومة بهالسوالف

 

[زبيـده]

انا الي رحت لها في الحكومه واستشاااااريه ...بصراحه صدمتني يوم قالت كشفيه

بكرا انشالله مراجعتي عند دكتورتي في الخاص وانشالله ما تهمل وضعي

 

[StEllA]

انا اتذكر ببجري جاني جذي طلق قوي بالثامن و كان حيل قوي بس ما رضيت الدكتورة تفحصني و لا خذيت الابرة بس سويت تخطيط ، و سبحان الله طلعت البيت و ريحت و راح العوار و ما ولدت الا بعد موعدي يعني كملت التاسع كله و اكثر ، اهم شي سوي تخطيط عشان تاكدين

 

[آهات الليل]

ديري بالج يمكن لاسمح الله ولاده مبكره زهبي نفسج احتياط

 

[أبكاني ذنبي]

امبيييه خرعووني البنات اول مرة اسمع بابره اكتمال الرئه

عسى الله يثبته ويبلغج اياه بصحه وعافيه يااارب

 

[الم وجروح]

الله يتمم عليچ زبيده.
بس حبيت اقولچ. بولادتي الأخيرة. كنت بمستشفى حكومي وياني طلق بليل فسوتلي السستر تخطيط وقالت مافي طلق
قتلها نادي الدكتور وطلع معاي طلق وكان التخطيط خرطي
ماقمت اصدق جهاز التخطيط