لحقو روايه يديده لعلياء الكاظمي

[miss89]

قوه بنات شلونكم عساكم بخير


اليوم بطلت ايميلي ولا علياء الكاظمي دازه لي ايميل انها نزلت روايه يديده


اسمها شهامه

وهذا كان كلامها


قرائي الأحباء

(صدر كتابي الجديد ( شهامة

يضم الكتاب روايتين

ويعرض حاليا في فيرجن و مكتبة العجيري

وقريبا في مكتبة جرير و مركز سلطان

وذات السلاسل

أتمنى أن ينال اعجابكم

علياء الكاظمي


بروح اشتريها باجر

 

[Tom ♥ Jerry]

.


انا آمس رحت مكتبه جرير .. و شريت 4 روآيات
اذا خلصتهم أروح مره ثأنيه مكتبه جرير و آشتريلي جم روآيه
> زوجي جذي معودني كل مآ آخلص الروآيات الي عندي يوديني مره 2 آكودلي روآيات

آمس خلاني ربع سآعه بالمكتبه و شريت 4 كتب
و كنت بشتري آكثر و أكثر لآني مدنمه روآيات .. بس عانيت من بعض المضايقات

و آنشالله الروحه اليايه آشتري شهامه

مشكـورة حبيبتي آنه نبهتينآ =)

قريت لـ علياء روآيه ( حبيبه ) و شريت آمس يبقى الآمل .........
الصرآحه الكآتبه مبدعه بمعنى الكلمه

 

[miss89]

توم وجيري ضحكتيني والله هههههههههههههه

عجبتني عانيت من بعض المضايقات خخخ

اي والله هالكاتبه كل رواياتها حلوه

 

[a3gl-mjnon2]

انا قريتلهآآ كل الكتب الي نزلتها من المجموعات القصص كانت احلى من الروايه وهاذا رآيي وشريت حبيبه بس ما كانت الرواية تشدني اني انهي القراءة بصراحه

بشتري شهامه واتمنى تكون روايتين من اروع ما يكون واتمنى لعلياء النجآآآح

 

[cup-cacke]

ونااااااااسه بحاول اليوم اروح واشتريها

توم وجيري..شنووووووووو الروايات اللي شريتيها

 

[خلي بالك مني]

حبيبتي تسلمين يا رب و مشكووورة وااايد الاسبوع اللي طاف رحت جرير يوم الأحد و ما كانت نازله سألت و قالولي آخر روايتين لها حبيبة و ورود ملونة و كنت أبي رواية جديدة

اليوم اتفقت مع زوجي اني أروح مرة ثانية جرير و انشاء الله راح أروح و أشتريها

مشكووووووووووووووووووووووووووووووووووووورة

 

[بدوره 22]

الله وناااااااااااااااااااااااااااااااااسه .. زين راح اشتريها ان شاء الله علشان اقراها بالطياره ...


والله صج هالكاتبه مبدددددددددعه الله يوفقها

 

[Tom ♥ Jerry]

توم وجيري..شنووووووووو الروايات اللي شريتيها

شريت الله يسلمج 4 روآيات
1/ توالايت ( الشفق )
2/ هرطقه
3/ و يبقى الأمل ينبض في القلوب > علياء الكآظمي
4/ روآيه ضيأع

 

[عيون منوعه]

مشكوره ع الافاده

و يبيله رووحه لفيييرجن

 

[راعية الطويلة]

انا الحين بديت بجمان..

بحكم عليها بعد ما انتهي من القراءة ...

اسلوبها سهل و بسيط

اتمنى يقدم لي شي جديد

تحياتي لج يا الغلا ع التذكير

 

[ღ كحلاء العين ღ]

؛

آلسسلآم عليكم ورحمة آلله وبركآته

سـبحآن الله ..!


جنه هالموؤضـوؤع حآطته لىء ..،



تدريـن تونىء اليوؤم جآيه جريـر على سآسس آخذ توآيلآيت ..~


و قبل لآ آحآآسسب قلت أمر قسسم القصص العربيه ..~


و بالصدفــه لقيته قدأإمي " شــهآمـه " ..،


منظر البنت و جمآلهآ والدمعه نآزله من عينهآ بلونـه البني شدنىء ..~

و أوؤل مآ سويته طآلعت اسم الكآتب و احسآسي مآ خآب عليآء منزله كتآب جديــد ..!



مآ تدرين اشكثر استآنست و شريت الكتآب على طوؤل ..~

و بالطريج قعدت أقرآهـ و أبشـرج خلصتــه ..~




عجـيييييب إلىء أقصى درجــه ..!


ملىء بالإحآسيس مــن ، جرأإح و حـب و غدر وخيآنـه ..!


بأإخـتصـــأإر يآ عليآِء أبـدع ــتي ...!




..[ :eh_s(17): ]..

 

[عهود الحب]

رد : لحقو روايه يديده لعلياء الكاظمي

امس رحت لجرير
ماكان في شي
مادري

بس يمكن بتنزل هاليومين

عالعموم نشوف روايتها الجديدة

ونبي ارائكم بنات

 

[فروووحه2009]

باسئل بس لا تتطنزون علياء الكاضمي ابي محتوا كتاباتها عن شنو المرا ولا الحب ولاعن قصص واقعيه وقضايا المجتمع واذا ممكن احسن كتاب قرتوه
انا اقرا روايات بس في الخيال العلمي اكثر
ومشكورين

 

[عهود الحب]

رد : لحقو روايه يديده لعلياء الكاظمي

ليش نتطنز ؟
علياء الكاظمي
ما لها كتب
لها رواايات واكثرها عن الحياة بشكل عام
واغلب تركيزها عالحريم ومشاكلهم

احسن رواية لها قصة بلا هوية و حبيبة هم حلوة
مستواها متوسط يعني 7 من 10
اذا تحبين الخيال مادري بس عندج عبدالوهاب السيد < رواياته رعب
وحلوة رواياته دايما ً

 

[نجمة الجوزاء]

شريتها من فيرجن المارينا

وقريتها وخلصتها بسرعة اسلوب السرد عاادي حيل ...ما حبيتها جدا بسيطة وعادية
الرواية الاولى كانت نوعا ما احلى من الثانية

والرواية الثانية ما فيها احداث كان ممكن تنتهي بثلاث او اربع صفحات

اتمنى التوفيق للكاتبة

 

[دلوعة روحي]

ان شاء الله اشتريها قريب

 

[دلع السلاطين]

انا شريتها من فيرجن لكن للحين ما قريتها

اختي قرتها وتقول انها نفس رواياتها الي قبل وتقول انها ماحبت الروايه
بس انا بقراها وبعطيكم راي فيها

انا اكثر كتاب حبيته لها بلا هويه والي حبيته فيه قصه رجل في خيالي جد بجتني
وروايه حبيبه كانت حلوه ومختلفه عن القبل

 

[^ليلاس^]

رد : لحقو روايه يديده لعلياء الكاظمي

مادري انا من بعد ما قريت لها مجموعة (جمان) مو متحمسه اقرالها مره ثانيه بعد اسلوبها عادي وما يشد وايد
امي تحب تقرالها خل ابشرها

 

[marimor]

وناااااسة اموووت على هالكاتبة ورواياتها اخر رواية حبيبة حديي اندمجت وتاثرت فيها كانت رووووووعة وقريتها مرتين وانشالله راح اشتري كتابها اليدييد وانا واثقة بتكون حلوة مثل كل رواياتها الي قبل:eh_s(6):

 

[مساء مونترو]

يعطيج العافيًــًً....