لحقو علي يا اهل الخبرة والسنع

[الفراشة_البيضاء]

السلام عليكم
لحقو علي يا اهل الخبرة والسنع ..
يابنات انا مابغيت عمري وتعشيت وانا قاعدة على فراشي ...... عايشة الدور حدي طالبة عشا من ماكدونالد وطبعاً البيبسي لازم كبير ويالويه وانا اتعشا ويطيييييييييييييح البيبسي عالفراش ويلعوز الدنياااااا
الحين الشرشف والكفر يهون والمخاد تهون........ الفراش الماترس شسوي فيه ؟؟؟؟؟؟؟؟؟؟؟
وساكنه بشقة لا بلكونه ولا حوش ولا هم يحزنون..... شنو الحل ؟؟؟؟؟؟؟
ارجو من اللي عندها خبرة تفيدني
يعطيكم الف الف عافية

 

[irresistible]

شوفي بالجمعية يبيعون رشاش لونة بنفسجي اعتقد اسمة زاوست او اوست شي جذي بتعرفينة من لونة ممتاز حق البقع و التنظيف

 

[دار (هيا)]

ان شاء الله البنات يفيدونج

 

[الفراشة_البيضاء]

توته مشكورة ياقلبي انا اقصد ان الفراش تشرب بيبسي من داخل شلون انشفه؟؟؟؟؟؟؟؟
والجو مطر و للاسف ما اقدر احطه بالنشافه خو انا كل شي اقطه بالغسالة

 

[رنين]

شغلي الدفاية قريب منه بعد ما تنظفينه عدل لا ينشف على دبق شيفكج من الحشرات وقتها!

 

[بتبوتااا]

ماكو الا انج تنادين الحارس يصعده السطح

او انج تكبين ماي وديتول وصابون مكان البيبسي وتنشفينه بالاستشوار مره سويت جذي لما كرمكم الله ولدي بال على الفراش

 

[كيوت_25]

وبعدين روحى نصيحة اشتري لج التغليفة البلاستيك حق الماترس وحطيها تحمى فراشك من الرطوبه او اى شى ينكب عليه

و تلقينها حبيبتي بجمعيه الفيحا فوق

 

[bnt_kwt]

وييييييييي الله يعينج ما سوت عليج السالفه ههههههههه

 

[الفراشة_البيضاء]

مشكورين خواتي على نصايحكم السنعه بعد عمري فديتكم الله لايحرمني منك واردلكم اياها بالافراح
عاد تدرين يالخنساء ان عندي الغلاف مال الماترس شاريته من ايكيا بس ذاك اليوم كنت غاسلته يعني الحظ الحمدلله عوي

 

[OM 3ABOD AL 7LOO]

واي الصراحه الله يعينج

 

[adool70]

اول شي كان لازم تصبيين ماي دافي مكان البيبسي

و بعدين اتييبن الصابونه البيضه والفوطه و تدعكيين مكان البقعه

و بعدين تشطفين بشويه ماي دافي و تمسحين بفوطه ناشفة

و خلي مكان الماترس مكشوف فترة و بعدين بالسشوار الحار نشفي الماترس

 

[الفراشة_البيضاء]

مشكورة أدول على نصيحتج ومرورج حياتي

 

[زهرة اللوتس]

حتى انا بعرف شلون انظف الماترس