لزانيا التوست بالياذنجان والكوسابالتفصيل والصور

[ريمه الكويت]

هالطبق ماخذه فكرته من طبخه ايطاليه مع اظافاتي




المقادير بالصور




مقادير الصلصه البيضه




قلاص حليب+ بيضه+3 ملاعق كبيره جبن قلاص+ رشه اوريجانو وملح+ علبه قيمر (قشطه) حجم صغير

كلهم تخلطونهم بالخلاطه وتتركونها على جنب

اما الحشوه





حمسه لحم مفروم بطريقتج+ 3 حبات حلقات كوسا مسلوقه نص سلقه مع شويه ملح ورشه كركم+ حبتين حلقات باذنجان اما مقلي او مشوي انا اقليه بكميه صغيره من الزيت حتى لايتشرب الزيت بكميه كبيره

وممكن تغيرون بنوع الخضار الي تفضلونها


وطبعا توست نشيل اطرافه+جبنه مزرولا

الطريقه ​

اولا ناخذ صينيه بايركس ونفرشها بقليل من الصلصه البيضه




ونفرش عليها طبقه من التوست




بعدها نص كميه الكوسا والبيديان





وعليهم نص كميه حمسه اللحم





ونرشه بالجبنه اما مبشوره اوشرايح




ونكرر العمليه مره ثانيه

 

[ريمه الكويت]

بالاخير نحط الصلصه البيضه والمفروض نحط الجبنه بالاخير بس انا غلطت حطيت الجبنه وعليها الصلصه انتو صلحو هالخطوه انهوها بالجبنه احلا





دخلوها فرن تقريبا ربع ساعه مجرد تتشرب الصوص لان كلشي فيها مستوي ماتحتاج وقت طويل وبعدها حمريها من فوق





وبالاخير ممكن ترشونها اما فلفل اسود خشن او اي بهارات خشنه مثل الاوريجانو او فلفل ابيض يعطي نكهه حلوه وشكل








وتفضلوها هني على قلوبكم

 

[صدى الأفراح]

بشررررفني أكون أول رد وأكوووول أول وحده مممممم ربي يسعدك بتجنننننن وصورك بتجنننن
مو جديده عليكي كل وصفاتك روووعه ونظاافه وشي بيفتح النفس

 

[محضوضة]

عوافي تنفع لرمضان والله مشكورة

 

[الدروووب]

يمي بجد اشتهيتها

يسلم ربي دياتك ياعسلز

ان شاء الله اساويها

 

[Tulips]

ماشالله

سهله وسريعه وشكلها لذيذ

يعطيج العافيه حبيبتي

 

[ايمانو حلوة]

ريووووم

تقريبا نفس طيحة ليديا ليباستيانش اللي في فتافيت صح؟؟

انا شفت وصفتها بس ماكتبتها اذكر سوت طبقات بين التوست والصلصة الحمرة والاجبان والكوسا شرايح واخر شي اجبان وماحطت صلصة بيضا

شلون الطعم يستاهل التطبيق؟؟

 

[الأبتسامة الدام]

حلوة الله يعطيج العافية

 

[7noOna]

ريــووووم تسلـم إيــدج ،،

اول مآشفـت الصوره :: قلت وي صعبـه حدهــآ !!!

~ بس صج الوصفـه سهلـه و لــزيـــزه


:*

 

[~~مس خوخه~~]

يعطيج العافيه يااااارب

وتسلم ايدج يا الغاليه

,,
​

 

[ام ريري*]

ما شاء الله تسلم يداتك ........

 

[جارة القمر]

ريمه الكويت



ماشاءا الله


تسلم ايدج

 

[أحلى همبه كويتية]

تبارك الرحمن وايد حلوة
عليكم بالعافية وتسلم الأيادي

انا لو سويتها بحط بطاط بدل الكوسا لأني ما أحبها


وعساك على القوة وابداعات جديدة

 

[أم@الحلوين]

تسلم ايدج ريومه

 

[Killer^Girl]

ماشالله
تسلم ايدج

 

[78MariMar78]

الله الله

شكلها يشهي

تسلم ايدك

وعليكم بالف عافية

 

[^^دموع الكويت^^]

تسلم ايدج


يعطيج العافية

 

[ضحكة الدنيا]

ابداااع
تسلم ايدج.
ريومه

وماننحرم من ابداعاتج

 

[ضحكة الدنيا]

ابداااع
تسلم ايدج.
ريومه

وماننحرم من ابداعاتج

 

[بنت الأصايل]

الله الله من زمان ماتابعت مواضيعج ماشالله عليج

تسلم الأيادي شكلها روعه