لزانيا...بطريقتي الخاصه(صور)

[jolie_q8]

السلام عليكم بنات منتدى كويتيات

حبيت احط لكم طريقه

..اللزانيا..

وللامانه..انا ماخذه الطريقه من أحدى المنتديات...مع اضافات خاصه فيني

واتمنى انها تعجبكم..

مقادير الصلصه

2 طماط وسط مقطع صغير (الكميه حسب حجم الصينيه)

1 بصله متوسطه (مقطع صغير)

1 فلفل اخضر بارد (مقطع صغير)

2 فص ثوم مفروم

ملعقه كبيره اورغانو

1 مكعب ماجي + ملح حسب الحاجه + فلفل اسود

جبن موزاريلا مبشور + جبن برميزان مبشور

شرائح لزانيا ( على حسب النوع..في انواع لازم تنسلق- وفي انواع بدون سلق)

250 جرام لحم مفروم محموس مع بصل وثوم وبهارات وملح طبعا (كل وحده تسوي الحمسه مثل ما تحب..وانا بعدين بحط لكم الطريقه العدله..اللي تشيل الزفره من اللحم عدل)

******************
طريقه حمس اللحم المفروم

* يغسل اللحم جيدا ويوضع بمشخال الى ان يجف

* يوضع اللحم بجدر ويوضع عليه ماء حار.. يغطي اللحم

* تخلينه يطبخ..وتشيلين الرغوه والدسم ..بملعقه عميقه (مثل مالت الشوربه)

* اذا صار ماي اللحم نظيف وصافي.. ضيفي البصل والثوم وحركيه..وحطي بهاراتج (كمون-بهار مخلوط-فلفل اسود- كاري شويه- دارسين نتفه)

* اذا شرب الماي..ضيفي زيت شويه.. وحمسيه.. ولا تنسين الملح ..بعدين قصري على الجوله ويخليه يستوي براحته..

(الطريقه هذي ماخذتها من بنت الكويت..يعطيها العافيه)

****************************
طريقه الصلصه

تيبين مقله كبيره.. وتحطين زيت زيتون وتحطين البصل والثوم والفلفل البارد لين يصير لون البصل ذهبي...

* بعدين تضيفين الطماط وتحركينه شويه... وتقصرين على الجوله وتغطين المقله 10 دقايق

* بعدين تضيفين معجون طماط + اورغانو والفلفل الاسود + وملح اذا احتجتي.. وشويه ماي وغطيه مره ثانيه وقصري على الجوله وخليه يطبخ 40 دقيقه

********************
البشاميل

3 كوب حليب (سائل)
3 ملعقه كبيره طحين
زبده شويه- ملح- فلفل اسود

وخلطيهم بالبلندر..بعدين حطيهم على النار وحركيه بالسلك (مال البيض)

لين يثخن شويه... لا تصير وايد جامده

*******************

طريقه صف اللزانيا

تيبين بايركس..تحطين الطبقه الاولى (صلصه خفيفه) جنج تدهنين الصينيه
بعدين تصفين شرائح اللزانيا

تخلطين الصلصه+ اللحم المطبوخ وتحطين الطبقه الثالثه صلصه
بعدين ترشين الجبن المشور (نوعين)
بعدين باشاميل بعدين تعيدين الطبقات
اخر طبقه شرائح لزانيا.. وحطي عليها باقي البشاميل
ورشي باقي الجبن.. وزعي عليها قطع زبده

وغطيها بالقصدير وحطيها بفرن درجه حرارته 240 لمده 40 دقيقه (لاحظوا اللزانيا اللي استخدمته بدون سلق)..اذا انتو سالقينها..قللوا المده.

وبعدين شيلي القصدير علشان يحمر الوجه...


تقدم مع خبز بالثوم

وسلامتكم وتعيشون




اختكم/جولي

 

[جارة القمر]

مشاركة: لزانيا...بطريقتي الخاصه

jolie_q8


يم يم يم يم

بروحي


يوعانه


مشكوره يا قلبي


علي الصور

والأكله اللذيذه

شكرا

 

[jolie_q8]

مشاركة: لزانيا...بطريقتي الخاصه

جارة القمر

العفو حبيبتي

وحياج الله

 

[xxx]

مشاركة: لزانيا...بطريقتي الخاصه

تسلم ايدجججججججججججججج

أأأأخ

 

[BlUe SkY GuRl]

مشاركة: لزانيا...بطريقتي الخاصه

يسلمو جولي

 

[jolie_q8]

مشاركة: لزانيا...بطريقتي الخاصه

^^بنت الكويت^^

ثانكيووووووووو...وانتي مشكوره على طريقه اللحم..طلع خنين حده


BlUe SkY GuRl

حياج الله

 

[xxx]

مشاركة: لزانيا...بطريقتي الخاصه

العفو حبيبتي وعليكم بالعافيه

 

[jolie_q8]

مشاركة: لزانيا...بطريقتي الخاصه

الله يعافيج بنوته

 

[رفرف]

مشاركة: لزانيا...بطريقتي الخاصه

يعطيج العافية جولي اتشوق ...

ماعمري سويت لازانيا (كله اشتريها جاهزه وتتسخن بالمايكروويف خخخخ رفله) انشالله يمديني اسويها قبل رمضان

 

[jolie_q8]

مشاركة: لزانيا...بطريقتي الخاصه

رفرف

جربيها... وايد لذيذه ..وما يبيلها شي

حياج الله

 

[لازانيا]

مشاركة: لزانيا...بطريقتي الخاصه

جولي يعطيج العافيه طريقتج رهيييييبه

ممكن احط اضافه.....

تدهنين الصينية بزبده وثوم مدقوق تطلع ريحتها هممممممممممم جربيها

 

[LajoOona]

مشاركة: لزانيا...بطريقتي الخاصه

جولي انا عمري ما ضبطت معاي الزانيا مادري ليش .... فبجرب طريقتج وبشووف وبعدين بسالج عن البشاميل ما تحطينه على النار ؟؟؟؟

 

[!+!ربيع العمر!+!]

مشاركة: لزانيا...بطريقتي الخاصه

يعطيج العافية حبوبة على اطلريقة

أنا غرامي اللازانيا

وصفة ممتازة تسلمين

 

[jolie_q8]

مشاركة: لزانيا...بطريقتي الخاصه

لزانيا

مشكوره على الاضافه

لجونه

البشاميل تحطينه على النار لين يثخن شويه

!+!ربيع العمر!+!

الله يعافيج

 

[عمري الكويت]

مشاركة: لزانيا...بطريقتي الخاصه

مشكوره حبيبتي

 

[bnt q8 in usa]

مشاركة: لزانيا...بطريقتي الخاصه

تسلم الايادي وانشالله بنسويه

 

[jolie_q8]

مشاركة: لزانيا...بطريقتي الخاصه

حياكم الله

وناطرين تجاربكم

 

[حنـــــان]

رد: لزانيا...بطريقتي الخاصه

:eh_s(15): يعطيج العافية

 

[LaSt WoMeN]

تسلم الأيادي

 

[jolie_q8]

حنـــــان

الله يعافيج


flana

الله يسلج حبيبتي