لسانها وصخ..وماتخاف من احد!!!! شالدبرة !!!!!!!!!!!!!!!

[om MaRyooM]

السلام






بنتي كالعادة الله يحفظها

ميننتني الا شوي

اهو عناااااااااااد .. اهو حنننننننننه .. اهو بجيييييييييييي 24ساعة .. كل شي كل شي ينرفز تسويه
:rgewrg:



بس مشكلتي معاها الحين كالتالي



عمرها سنتين ونص بالظبط الله يحفظها

ومتعلمة من اليهال كلمات السب والتتفل حشاكم ..

وانا طفاااااارتي الياهل اللي جذي

مادري شسوي معاها ..

حقرتها مانفع
طقيتها على حلجها مانفع
عاقبتها بدارها عشان تفهم ... عمك اصمخ
ساحلتها ياماما عيب ومادري شنو . تقولي (انذين انذين) يعني انزين .. وتلف ويهها تنحاش


مابقى احد ماتفلت عليه ولاسبته

وللعلم .. انا ببيتي مع زوجي هادين جدا ومانسب وكله جدامها ظحك والجو مستقر الحمدلله

مادري شفيها فاصلة هالبنت



لا والحين يبت خدامة يديدة .. بس تقولها (هيوااانااااا ماحبش) يعني حشاكم حيوانة ماحبج
:eh_s(1):

تعبت بنااات شسوي
مفشلتني جدام الكل .. وعنييييييييييييييييييييييييييييدة فوق ماتتصورون




تهقون اذا دخلتها حضانة تتسنع ؟؟؟؟؟؟

 

[سلاسل ذهبيه]

الله يصلحها ويخليها لج عموعا الجاهل في سن السنتين يعاند هذا الشي انا مجربته بعيالي اما يعاندون باللبس يقطون لبسهم ومايلبسون الا على كيفهم او يعاندون باشياء ثانيه جربي معاها اسلوب الثواب قولي اذا صرتي شاطره اشتري لج لعبه والا اوديج بيت يدتج او نروح ملاهي ونفذي لها الوعود
والخدامه الجديده مايتقبلها الطفل بسرعه مثلنا حنا الكبار مانتقبل الخادمه الجديده, من يلومهم حنا مانتعود على الخدامه الا بعد فترهشلون الجاهل الي بتشيله وتلبسه وتوكله انا قبل لاتكمل الخدامه ست شهور مااكل طبخا واغسل المواعين بعد غسلها حاله نفسيه
طلعت من الموضووووع لووووووول
ان شاءالله الاخوات الحكيمات يفيدوني ويفيدونج من خبرتهم بتربيت عيالهم

 

[عطر الدوحه]

هههههه ياحيليلها اسم الله عليها

والله تبين الصراحه كل اليهال ان بدوا يتحجون مايعرفون غير يسبون ويعايرون خلق الله

والله عيال خواتي اكبر واحد ابو 4 سنين ولاتهاوشو مع احد كل الالفاظ العجيبه تطلع

اللي يقهرني ابو سنه توه متعلم كلمه ؛( دب) يعني جب ويحط اصبعه على حلجه خخخخخخخ


اي اختي يوم حطت بناتها بالحضانه اسم الله عليهم تغيروا حتى صغار السور حفظوهاا ويحفظونهم احاديث سهله

واناشيد يعني حيل تغيروا

 

[ليلو جبريت]

عندنا وعندج خير
اذا لقيتي حل لاتنسيني
بنت اخوي مطلعه قروني

 

[om MaRyooM]

مشكورين بنات


والله يصلح حالهم هاليهال

 

[ام سلومd]

خخخخخخخخخخخخخخخخ

و الله مو احسن احسن من الي عندي بنتي ام سنه و 3 اشهر متعلمه من اخوانها مسبات عجيييييبه و اكثر شي بب يعني كرم السامع و ملائكه كلب و عاد الباجي حدث بلا حرج جميييييييييع الاشاء سويت ويهام بس هم الله يعيني و يعقلووون

 

[opera]

كان ولدي بهالعمر جذي انا ساكنه ببيت حمولتي

فلم كان ينزل يسمع حماتي تسبع عيالها وعيالها كل واحدد يسب الثاني

فتعلم

عموما انا من اسمعه يقول كلمه مو زينه حتى لو مثلا كلمات متداوله مثلا خايس ما اخليه يقول

علمته انه هذا كلام موزين مايصير نقوله

في طريقه حلوه

انها اذا قالت كلام سحبيها على طووول الحمام قوليلها غسلي لسانج لانه صار وصخ انتي قلتي كلام وصخ لسانج صار لونه اسوود

يمكن تخاف وتتعلم

 

[jaaanooo]

هههههههههههههه توني قاعده اقول لرفيجتي بالدوام بنتي بنفس عمر بنتك سنتين ونص واسم الله عليها عنادية ومتعلمه كلمة مسبه امس خليتني اطقها على ئيدها واقولها No عيب جذيه يقولون اوقفت تطاالع ومو عاجبها وراها يابها ابوها ويقولها قولي حق ماما سوري جان تقولي ماما سوري آسفة ما وعيت الا امسكت ئيدي وطقتني ليش حقرتها هههه والله هالبنت بتطلعلي قروون

 

[الكادي 2011]

هههههههههههههههههه مت ضحك على بنتج الله يخليها لج

 

[الأماكن]

طريقة اوبرا حلوة

اختي اذا قالوا عيالها كلمة مو حلوة

قالتهم لهم لا تكلموني ريحة حلجكم خايسة

قوموا غسلوا

و ان ما نفع ... ذوقت كل واحد فلفل بو ديج << بس بنتج صغيرة مو تروحين تسوينها لووووووووووول

والحضانة على حسب الاطفال اللي فيها

انا مرة عيالي سمعوا كلمة وصخة حيل ما اقدر اقولها ... من عيال حماي "طبعا هم عندهم الكلام العيب نكتة"... تدرين سكت ما قلت شي

عشان ما يحطها بمخه و يعرف انها غلط و اخاف يصر عليها

والحمدلله نساها

 

[@ام يوسف@]

الله يصلحهم ويهديهم يااارب

 

[om MaRyooM]

مشكورين بنات



بجرب طريقة اوبرا
لعل وعسى

 

[سموره 87]

نفس المشكله
الله يعينا عليهم

 

[BoZo]

ولد اختي جذي يفششل و يتفل و يسب بس نحقره لان اذا طقيتيه يشوتج من تحت لي تحت هههههه المشكله ينحاش ويقول دلبه ههههههههه يعني جلبه يكرم السامع

 

[ELFAD3Ah]

والله حتى انا ولدي متعلم التفال من يده عمي والحين اي احد يشوفه يتفل عليه ويقوله انته وينتحاش ماادري شسويله
اب

 

[om MaRyooM]

مشكورين بنات

 

[shak!shoka]

هههههه يختي حلااات البنات الله يخليها لج
ترا عادي باجر تييها النونو اليديده و تلتهي فيها و تغير طبعها ما عليج

انا ولدي بعد توه متعلم يتفل بس تفلته تهببببل ههههههه انا صراحه اول شي افج حلجي و اقعد اضحك لانه شكله يونس بس بعدين استوعب و اعصب اقوله نوووووبس ما يفهم ينطرني الف ويهي و يعيدها بصوت واطي ؟؟

اختي تخرعه و تعصب هم ما يفيد

و امي تاخذ بحضنها و تقوله نو حبيبي و هم ماكو فايده ؟؟


يعني هاذي الظاهر مرحله لااااازم يمر فيها ؟

بجري هذا ف ما اعرف اتصرف

 

[coralia]

اب اب

 

[جلكسيه اس 3]

نفس الحال
لا ينفع معاهم فلفل و لا غيره

ماادري شسوي معاهم
يارب الله يهديهم
و ان شاء الله يكبرون و يعقلون ههههههه

 

[.،:"$الـعـوبــــة$":،.]

والله شي يفشل ويقهر ،،

للاسف لاحظت اغلبيه هالجيل لسانهم وصخ ،،

وحنا نقابل قلة ادبهم بالضحك وهذا اللي خلاهم يتمادون ،،

انا متضايقه لان ولدي تم 3 سنين ونص وللحين هذي حالته والله اني مرات اقوم عليه

اطقه طق وانا ماودي بس مدري شسوي فيه ؟

تجاهلته طنشته حقرته عاقبته مافيه فايده وفشلني وانا اكره الجاهل القليل الادب !

والمصيبه والكارثه زوجي يضحك له وهذا اللي مخليه يتمادى !

والحين مدخلته حضانه وحاطه ايدي على قلبي والله العظيم خايفه بكره ينادوني عشانه قط

كلمه منيه مناك !!!:eh_s(1):​