لشعر طوووويل

[Princess^Mom]

السلام عليكم
بنات ياريت كل وحده عندها معلومة عن تطويل الشعر تسردها اهني
مليت من طول شعري وابيه يطول باسرع وقت ممكن شنو ممكن استخدم من دهون وشامبو او مواد تجميليه من الصيدليه اللي عندها خبرة تفيدني:
وشرايكم بشامبو ميتال وبعد شكثر تبين نتيجته
مشكوووورين
eh_s(7):

 

[عذووبه]

هلا حبوبه

الشعر يبيله عناية دايمه

وانا انصحج بالحنه و زيت احلام

وتلاقين شكثر خلطات اهني شوفي الي يناسبج

 

[Princess^Mom]

زيت الاحلام من وين من الحواي ولا من تاجرة عندنا

 

[ام فاطمه 12345]

انا بعد ابي شعري يطول
والحين قاعدة استعمل
زيت دابر املا +زيت براشوت
يقولون بسرعه يطول الشعر
انا صارلي استعملهم من يوم
٢٦/٢
والله كريم

 

[((غلاي))]

رررفع

 

[Princess^Mom]

رفع

 

[Fajory]

انا جربت اشياء وااايد ، اللي ياب نتيجه شغلتين
من الحواي تاخذين عشبه الاس ( مقدار قفشه لي قفشتين على كوب ماي مغلي تنقعينها فيه) وتصفين الماي وتخلينه يبرد بعدين فرغيه في علبه بخاخ .. وكل يوم بخي على فروه راسج بليل مره والصبح مره مع التدليك وبخي على شعرج كله لانه ينعم الشعر
.. انا مجربته يهبل بصراحه ، ان شاء الله خلال شهر جذي بتلاحظين فرق.
الشغله الثانيه من الصيدليه امبولات اسمها ( أكرينال ) الحلو فيها انها مرتين بالاسبوع حسب ما اذكر وتخلينها بس 20 دقيقه عالفروة وتغسلينها مو مثل باجي الامبولاات تخلينها طول اليوم ,, ايي من نفس الماركه بخاخ لوشن للشعر تبخينه عالفروة و تدلكين شويه و تخلينه ما ينغسل.

هذول اللي يابو نتيجه و اي سؤال انا حاضر بس دزيلي عالخاص لاني انسى ادش الموضوع مره ثانيه ..
ان شاء الله شعرج يوصل للطول اللي تمنينه

 

[sha1234]

نميرو شامبو وكريم من الشوفان روعه لتطويل الشعر من الروضه

 

[&موناليزا&]

عزيزتي رفع لعيوووووووونج

 

[فلانه وعلانه]

حبيبتي عليج بالسدر ثم السدر ثم السدر استمري عليه ولاتقصين شعرج وزيت دابر او زيت سدرين

 

[فرحتي2.2]

حبيبتي عليج بالسدر ثم السدر ثم السدر استمري عليه ولاتقصين شعرج وزيت دابر او زيت سدرين

زيت سدرين من وين؟

اول مره اسمع فيه

وشلون استخدامج للسدر الله يعافيج

 

[فلانه وعلانه]

زيت سدرين من وين؟

اول مره اسمع فيه

وشلون استخدامج للسدر الله يعافيج

زيت سدرين شريته لمن رحت للخبر بس مادري اذا موجود عندنا اولا

بما ان شعري يتساقط حيل حيل حيل استعمل يوم سدر ويوم زيت يوم سدر ويوم زيت

التساقط خف نسبة تسعين بالاميه وشعري احسه زايد طوله

اعرف بنات شعورهم للركبه ماشاء الله يستخدمون السدر

 

[دآآآنــه]

الســـــــــــــــــدر
كذا مره اشوف بنات شعورهم تهبل و بس على السدر
و انا قررت استخدمه وخلطت معه مشاط و محلب و شمطري
و ان شاء الله نوصل للي نتمناه

 

[فلانه وعلانه]

عشان تتحمسون للشعر

يعووووووووووور القلب صح

 

[فرحتي2.2]

زيت سدرين شريته لمن رحت للخبر بس مادري اذا موجود عندنا اولا

بما ان شعري يتساقط حيل حيل حيل استعمل يوم سدر ويوم زيت يوم سدر ويوم زيت

التساقط خف نسبة تسعين بالاميه وشعري احسه زايد طوله

اعرف بنات شعورهم للركبه ماشاء الله يستخدمون السدر

يامال العافيه علي الرد وتسلمين

والله يباركلج فيه ان شاءالله

بس ممكن استفسار من وين بالخبر انا دايم اروح الخبر

وشلون طريقه استعمالج للسدر

انا قبل شعري رووووعه بس من قمت اصبغه بالاسود اخترب

 

[Princess^Mom]

مشكورييين بنات ماقصرتوا جد كفيتوا ووفيتوا يعطيكم الف عافيه وبمشي على نصايحكم ان شالله

 

[فلانه وعلانه]

يامال العافيه علي الرد وتسلمين

والله يباركلج فيه ان شاءالله

بس ممكن استفسار من وين بالخبر انا دايم اروح الخبر

وشلون طريقه استعمالج للسدر

انا قبل شعري رووووعه بس من قمت اصبغه بالاسود اخترب

الله يعافيج حياتي
شريته من صيدليه الدواء

طريقتي بالسدر يوم سدر اخليه ست ساعات اواكثر ويوم زيت اخليه بعد ست ساعات او اكثر

يعني جذي يوم سدر ويوم زيت

 

[موزة ام فارس]

عشبة الاس تطول الشعر ورووعة صج روووعة
انا ماستغني عنه بخلطاتي

 

[العقيق الأصفر]

خلطي الحنه مع القهوه وزيت داب املا بالاسبوع مره
وادعيييييلي

 

[فرحتي2.2]

الله يعافيج حياتي
شريته من صيدليه الدواء

طريقتي بالسدر يوم سدر اخليه ست ساعات اواكثر ويوم زيت اخليه بعد ست ساعات او اكثر

يعني جذي يوم سدر ويوم زيت

بعد عمري والله ماقصرتي


الله يباركلج ويبارك فيج يارب