لعبة حلوه حق اللي عندهم آيفون حياااكم مع virtual families

[لازوردي]

السلام عليكم


شلونكم ياآيفونيات اليوم يبت لكم لعبة حلوه انا هابه فيها صارلي فترة و خليت اللي اعرفهم ينزلونها بأجهزتهم بعد و اهم نفسي ادمنوا اللعبه _03BA:_03BA:

اللعبه اسمها virtual families تلقونها في الآب ستور في منها فري و في منها للبيع و فكرتها اتكونين عايلة شوفوا هالرابط مال موقع اللعبة الرسمي و راح اتعرفون طريقتها اكثر و اذا عندكم اي استفسار انشالله مراح اقصر معاكم


و هذول بعض الصور الخاصة باللعبة

http://www.virtualfamilies.com/​

 

[..meme..]

وآآآو شكلها حلووه اللعبه ..

دشييت المووقع بس للأسف ماعرفت أقرأ للأنه انقليزي لووووول

اشلوون طرييقة اللعبه ..

ويعطيييج العااااااافيه

 

[لازوردي]

رد : لعبة حلوه حق اللي عندهم آيفون حياااكم مع virtual families

هلا حبيبتي شوفي اذا عندج آيفون يصير اتنزلينها من الآب ستور سواء فري او تشترينها

و طريقتها اول ماتفتح اللعبة عندج راح يحطون لج الشخصيات و انتي اختاري الشخصية اللي تبينها سواء مره او ريال و طبعا كل شخصية لها cv العمر و المهنة و جم الراتب و هم شنو اتحب او ماتحب و اذا ترغب بالاطفال او لا

و يحطون لج خيارين تحت cv واحد فيهم انج تختارين الشخصية او انج ترفضينها و اذا رفضتيها على طول تطلع لج شخصية ثانية و اللي تختارينها على طول تبدأ اللعبة معاج يحطونج في البيت اللي بتعيشين فيه و هم راح يعلمونج على الطريقة لأنه فيه شرح حق اللعبة بالبداية و يحطون لج الخيار اذا تبين يشرحون لج الطريقة او اذا اتعرفين لها ماله داعي الشرح ...

بس ترا سهله و اتونس و اذا اخترتي مره او ريال و بديتي الحياة باللعبة اييلج عرض زواج و هم نفس الشي يطلع لج cv المتقدم للزواج اذا عجبج عالبركة و كلولولولولوش و اذا لا ايبون لج واحد ثاني بس اللي يضحك يطلع مسج يقول لا ترفضين وايد ترا بعدين الخطاب يقلون لوووووول جنه صج و اذا اخرتي الشخصية و رفضتي الزواج وايد ومازوجتيها يضيق خلقها لووووووول


و طريقة الشخصية علشان تكسب الفلوس يطلع لها في البيت بالحديقة اشياء مثل اكل معادن و اشياء ثانية اتحركين الشخصية بصبعج لحد مكان الشغله اللي اطلعت و بعدين اتوخرين صبعج و اهي الشخصية راح تاخذ اللي طلع لها بالحديقة و اتروح اتبيعه بالانترنت ...

ترا هم حاطين في اليوتيوب طريقة اللعبة اذا مافهمتي علي :080402ask_prv:



و هم علشان ايبون عيال اذا تزوجت الشخصية تاخذين المره و الريال اتودينهم غرفة النوم و اتخلينهم يتقابلون بعدين يعطون بعض بوسة و اتروح المره اتحط ورد على الفراش ة الريال يرقص لووووووووووول يعني مستانس و يصعدون على الفراش و يعطون بعض بوستين و عقب تلقين المره بيدها ياهل يعني خلاص صار عندهم بيبي لووووووووووول


و ساعات ترا ما ايبون بيبي او مايصير بينهم شي يطلع لج مسج يقول انهم مايبون يقولون مجبر لوووووووووووول جنه صج

وهم اذا صاروا تعبانين اتعالجينهم و تشترين لهم الدوا و الأكل بعد و اتسوين upgrade حق البيت من اثاث او اي شي تلقينه ناحية الستور


ترا وايد في اشياء بس جني قرقت وايد انتي بس اتنزلين اللعبة على جهازج شوي شوي راح اتعرفين لها و هم اذا ماعرفتي عادي سألني و انشالله راح ارد عليج ... ترا انا ماعرفت لها الا عقب يومين عادي

انشالله اكون وضحت لج اللعبة و اذا هم عندج استفسار انا حضارة حبيبتي


انا بحط بعد شوية شرح بالصور عن اللعبة علشان اسهل لكم ​

 

[Muna 93]

:e3:

جاااري التحميل اا~

 

[G!RLY-PAci]

مشكوووووووووووووورة حبيبتي
انا بعد شوي بطلع من دوامي وبروح انزلها وانشالله ما اضيع فيها
بس من شرحج مبين انها نفس طريقه لعبه (سيمز)

 

[لازوردي]

رد : لعبة حلوه حق اللي عندهم آيفون حياااكم مع virtual families

هاي انا رجعت لكم الحين و معاي بعض الصور حق اللعبة علشان اتوضح لكم الطريقة


G!RLY-PAci العفو حبيبتي و على طاري لعبة سيمز انا اول مره اسمع عنها بس سويت بحث عليها و الله جنه نفسها انا مادققت عليها وايد بس من الصور على ما اعتقد تشبه لعبة virtual families

اول شي بداية اللعبة جذي

و تختارون play



وعقب يطلع لكم صور الشخصيات مع cv مالهم و تختارون اي شخصية اتحبون

طبعا هذي شخصية ريال و في غيره رياييل اشكالهم غير و مواصفاتهم غير و الحريم نفس الشي بعد انتوا اختاروا اللي يناسبكم


من بعد ماتختارون راح تبدا اللعبة الشخصية تدخل البيت و يكون البيت وصخ و يبيلة تنظيف و طريقة التحكم باللعبة على طريق اصبعكم اتحركون الشخصية بالمكان اللي تبونه و على الشي اللي تبون الشخصية اتسويه سواء تنظيف او اي شي و بمجرد ما انكم اتوصلونها بالمكان المطلوب اتوخرون صبعكم و اهي راح اتصرف ساعات مايسون اللي تبونه بس انتوا حاولوا و يسوون اللي تبونه عقب ...

تابع الجزء الثاني من الشرح ...​

 

[لازوردي]

رد : لعبة حلوه حق اللي عندهم آيفون حياااكم مع virtual families

راح اييكم ايميل تلقون علامته على يسار الشاشة او اتشوفون في غرفة المكتب الكمبيوتر مالهم يعطي اشارة انه في ايميل وصل اتودون الشخصية غرفة المكتب و تفتح الايميل و على حسب يا اما رساله او عرض زواج مثل هالصورة .

و اذا وافقتوا تنضاف الشخصية و يعيشون في البيت و اتخلونهم اييبون عيال


و هذا store في كل شي اكل ادوية اغراض شخصية و او اثاث حق البيت و كذا شغلة بعد ...

و اذا رحتوا عند المربع اللي مكتوب عليه detall تلقونه فيه وضع الشخصية اذا كانت زعلانه او حالتها الصحة و النفسية شلون تعبانه فرحانه و هم بعد معلومات عنها

 

[a7la-dlo3a]

وآآآآآآآآآآآآآآآآآآآي شكلهآآ اللعبهه تؤؤنسس

يبيله انزلهآآآآ وثآآنكيؤؤؤ سؤؤيتي : )

 

[moo-0-oon_14]

شكل اللعبة عجيبة وجاري التحميل
ويعطيج العااافية

 

[بنت الكويت العسل]

رد : لعبة حلوه حق اللي عندهم آيفون حياااكم مع virtual families

واووووووووووووو بنزلها ان شاء الله مثل سيمز تقريبا

 

[Loutes]

نزلتها يبيله

 

[هاديهـ&مطيعهـ]

رد : لعبة حلوه حق اللي عندهم آيفون حياااكم مع virtual families

مشكوووره وجاري تحميلها

 

[وداعيه]

شكلها حلوه
ميرسي

 

[~خطر~]

Up
Up

 

[lulwa-q8]

باااين عليهااا حلوه ،، يسلمووو حبيبتي =)

 

[رقية حمرة]

رد : لعبة حلوه حق اللي عندهم آيفون حياااكم مع virtual families

جاري التحميل ومشكورة

 

[miss zona]

رد : لعبة حلوه حق اللي عندهم آيفون حياااكم مع virtual families

حملتها وعجبتني

بس سؤال .. لو مثلن هي زعلانه وكدا

ايش اعمل عشان ارضيها ههههه

 

[miss zona]

رد : لعبة حلوه حق اللي عندهم آيفون حياااكم مع virtual families

ايوااا صح

الله يديكي العافيه ياعسل

لاتحرميناا

 

[بنت الوفا]

رد : لعبة حلوه حق اللي عندهم آيفون حياااكم مع virtual families

حسافه ماعندي الاب خربان والاب موارضي ينزله ليششش؟؟؟ ابي ؟؟؟ حل

 

[princess 79a]

يسلموووو
و جااري التحمييل ..~