لعيونكم طريقة مضمونة لكبة العيش و كبة البطاط

[بسمة باباتي]

نبدأ بكبة البطاط

المقادير : 7 حبات بطاط كبار + 1 كيس توست ابيض +بيضة واحدة +ملح و فلفل اسود +2 ملعقة اكل نشا
الطريقة : نسلق البطاط نص سلقه و نقشرة و نقطعه و نحد فوقه التوست المقطع و نطحنه على الماكينه .. و نضع له الملح و الفلفل و الملح و النشا و البيضة بعد الطحن و نخلطه مع بعض
الحشوة 1 : بصل و لحم .. نقلي البصل و اللحم المفروم و نحط فوقهم ملح و بهار و فلفل اسود و قرفة << يعطيه طعم
الحشوة 2 :جبن كرافت .. نبرشه على المبرشه و نحشي فيه البطاطا و نسكره عدل عشان لا يطلع الجبن من الكبة لما نقليه
ملاحظة : قبل القلي نغلف الكبة بالبيض و البقسمات بعدها نقليها


كبة العيش
المقادير : 4 أكواب عيش بسمتي + حبتين بطاطا كبار مسلوقين + 2 ملعقة اكل نشا +كركم و زعفران + ملح + بيضة +اشبنت ( حسب الرغبة )
الطريقة : نحد الماي على النار عشان نسلق العيش و نحط فيه كركم و زعفران (( اذا ما في زعفران نحط بس كركم )) .. لما تشوفين العيش استوا شوووووي ما نبي حيل يستوي نحطه بالمشخال .. و البطاطا المسلوق نقطعه و نحطه فوق العيش و نطحنهم على الماكينه و بعد ما نطحنهم نحط النشا و الملح و البيضة و الاشبنت و نعجنهم مع بعض
الحشوة : نفس حشوة كبة البطاط

 

[جرح الليالي]

تسلم ايدج حبيبتي

 

[احاسيس طفله]

يسلمو قلبي

 

[بسمة باباتي]

هلا فيكم صبايا و أتمنى تجربونها لانها فعلا لذيذة

 

[قطرية كوول]

تسلميييين اختي

شكلي باجر بجرب كبة العيش

 

[بسمة باباتي]

هلا و الله حبيبتي .. عاد انا صج احب كبة العيش و من رايي انه كل ما كثرتي فيها اشبنت طلعت احلى من حيث الطعم و الشكل

 

[جارة القمر]

مشكووووووووووووووره

 

[بسمة باباتي]

هلا قمووورة عاد انتي صج القمر اللي منور مواضيعي

 

[mngo67]

تسلمييييييييييين حبيبتي علي الكبب
بحاول أجربها

 

[بسمة باباتي]

هلا حبوبة نورتي الموضوع

 

[Snow angel]

يسلمو حياتي

 

[قطورتي]

مشكورة اختي الله يعطيج العافية
بس سوال بالنسبه للعيش والبطاط والتوست
اقدر اطحنهم بالبلندر العادي ما تتلزق
ولا لازم مكينه خاصة

 

[ضحكة الدنيا]

مشكوووووره

حبيبتى

 

[:: Diva ::]

اقدر اغمسهم بالبيض و البقسماط و احطهم بالفريزر ولا دايركت قبل القلي ؟
و يعطيج العافيه حياتي

 

[بحرينية محرقية]

ماشالله كبة العيش عجبتني انا دايم اسويها
بس ما قط فكرت احط شبنت ويا العيش هالمرة بجرب

يعطيج العافية وتسلم ايدج..

 

[بسمة باباتي]

خلا فيكم حبايبي راح اجاوبكم لى اسئلتكم اول شي بالنسبة للاخت قطورتي تقدرين تسوينهم بالبلندر عادي حسب نوع الالة المتوفرة عندج المهم يطحن عدل .. اما الاخت ديفا تقدرين تغمسينهم بالبيض و البقسمات و تحطينهم بالفريزر بس انا افضل انه ما تغمسنهم الا لما تلطعينهم من الفريزر وقت اللي و تغمسين ..

 

[أم ريوف 1400]

تسلم ايدك حبيبتي

 

[شقرديه]

تسلم الايادي

 

[بسمة باباتي]

هلا فيكم أم ريوف & شقردية

 

[noorq8]

تسلم ايدج ...........بس سؤال انتي بكبة البطاط حاطه توست ماتشرب زيت الكبه ؟؟
أنا طريقتي أفوح البطاط وأبشره ماأطحنه وأحط عليه شوية ثوم مدقوق وشوية فلفل حار مدقوق للنكهه وأضيف له طحين العيش وملح فقط وتالي أغطيه بالبقسمات وأثلجه يعني لابيض ولا اضافات وتظل متماسكه وحلوه شقره بالقلي .