لـيـش ( نـبـيـهـا شـبـابـيـه ) ؟!

[cuteya_85]

السلام عليكم


( نبيها شبابيه )
حملة أطلقوها مجموعه من شباب وشابات الكويت
لدعم المرشحين الشباب في انتخابات مجلس الامه 2012


الكويت بالستينات نهضت بشبابها, بتقولون شلون ؟!



1
-الشيخ جابر الأحمد رئيس مجلس الوزراء سنة 1965 ( كان عمره 39 سنه )

- الشيخ جابر المبارك رئيس مجلس الوزراء الحالي ( عمره 69 سنه )



2
- الشيخ صباح الاحمد أول وزير خارجيه سنة 1962 ( كان عمره 34 سنه )

_ وزير الخارجيه الحالي صباح الخالد عمره ( 58 سنه )



3
_ الشيخ جابر الاحمد وزير الماليه سنة 1962 ( كان عمره 35 سنه )

- وزير الماليه الحالي مصطفى الشمالي عمره ( 63 سنه )



4
- الشيخ سعد العبدالله وزير الداخليه سنة 1962 ( كان عمره 32 سنه )


- وزير الداخليه الحالي أحمد الحمود ( عمره 60 سنه )



5
-رئيس مجلس الأمه سنة 1963 عبدالعزيز الصقر ( كان عمره 50 سنه )

- رئيس مجلس الأمه الحالي جاسم الخرافي ( 71 سنه )




ولو تفحصنا الكثير من المراكز الحساسه بكويت السبعينات
والستينات لوجدناها بأيدي الشباب من أبناء الكويت , لهذا نهضت .





و ( نبيها شبابيه )

@NabehaShababiya

 

[softlady]

حبيبتي الموظف العادي اول 3 سنوات منظم ويقاااااتل علشان يثبت نفسه

ويدش بقلب صافي بدون عداوات وتصفيه حسابات مع هذا وذاك

وعارف النائب اليديد انه تحت المجهر ان ما اشتغل الاربع سنوات ماله رده

غير الي تغلغل وكون قاعده انتخابيه عريضه وخلص

اذا هذا ماعطاه غيره يعطيه فيقل اداءه

انا استغرب اعضاء من اكثر من 10 سنوات

ماكو بهالبلد الا هالولد!!!

 

[cuteya_85]

صحيح كلاامج والتغيير بإذن الله بيكون أكثر من ٥٠٪

 

[pinks]

المفروض يحطون مهلة محددة وتنتهي مايصير اعضاء ينتخبون نفسهم مليووون مره

يعني لو يحطون عضو مجلس الامه حده ينتخب نفسه مرتين يكوون احسن

وان شاء الله تكوون شبابية نبي دماء جديدة ملينا منهم

 

[cuteya_85]

pinks

اتفق وياج .. هذا اللي لازم يصير .

 

[cuteya_85]

نبي الكويت تنهض ما نبيها ترجع ورى
وراح تنهض بفكر شبابها بإذن الله

 

[بنات حواء2]

اتفق وياج

 

[ام محمد بن علي]

موضوع حلو بصراحه ونبيها شبابيه