- إنضم
- 24 أكتوبر 2010
- المشاركات
- 174
- مستوى التفاعل
- 0
- النقاط
- 0
ليه رحلت......؟
وتركت الحسرة بعيون امك
ليه رحلت......!
وتركت لنا الدمعة والذكرى
ليه رحلت......؟
وزرعت بقلوبنا اللوعة والفجعه
ليه يا راشد رحلت بدون ماتودعنا؟
حتى مع السلامه ماقلتها لنا؟
ااااااااه ياراشد لو تشوف امك من بعدك
ااااااااااااااااااااااااه ليه سويت جذي بابوك
خليته مثل المجنوووووون يصرخ ويطرد الناس من ديوانيته
ليه ياراشد ماتركت لنا الا صورتك... غرفتك... اثاثك... ثيابك.... عطرك.... ورقم موبايلك ؟
رحلت وامك تقوله لحفتوه زين عن البرد غطوووه لايقربه الدووود ؟!
حراااااااااااااااااااام اللي يصير ياراشد
راشد تدري اول ايام عزاك وبعد صلاة العشاء راحت الخادمة تفتح الباب تدري من كان موجود؟ تخيل عامل المصبغة جاي
يوصل ملابسك ما درى انك رحلت بعز شبابك
قولنا ....شنسوي بغيابك واحنا اللي عشنا على تواجدك ؟ شنسوي بشهادتك؟ نبروزها او نبلها ونشرب مايها
شنسوي بغرفتك؟
من صجك احد بيجرأ ويدخلها ويشم عطرك ويشم ريحة وجودك
كأنك مامريت ولا كأنك انخلقت وكأنك ما انخلقت الا علشان تفجعنا برحليك المفاجئ؟
تدري ريم تقول مايصير يروح احنا مازوجناه؟
راشد حبيبي بعد قلبي انت انا ما اتذمر من قضاء الله وقدره انا ابكيك ياراشد
راشد عورني قلبي عليك عورني قلبي على امك وعلى ابوك على اختك وعلى اخوك
راشد حبيبي كنت دايم مبتسم كنت دايم تضحك
" راشد رحلت وسرقت الضحك من شفايفنا "
راشد ما اظن بيوم اقدر انساك
راشد تخيل وانا امشي بالشارع واقول هني مر راشد وبهالساحة كان يلعب وهو صغير ومن هالفرع كان يشتري اغراضة ومن هالبقالة يشتري البيبسي
راشد كنت اظن العالم بيتغير كنت اظن كل شي بيتوقف مع موتك بس للاسف محد توقف عنده الكون الا اهلك ومن يحبك
راشد صج ما ادري اشلون اكمل مشوار حياتي بدونك
بس الله يرحمك ويرحم اموات المسلمين
(راشد شاب توفي بحادث سيارة والسبب السرعة )
