لـ تجديد النفسيه من خلال تجديد غرفتكي عزيزتي

[هـــدوء]

مرراااحب .

انا ودي اغير بغرفتي اسسويلها نيو لوك نياهاهاها عطوووني افكار حلوووه !

نبذه صغيره عن غرفتي / صغيره , جدران بيضا مصوفره < مدري شنو لونها بالضبط , اثاث < كبت وسرير وتسريحه ودرجين كلهم بني :eh_s(11): ..

ومافي امكانيه اغير الغرفه . فـ قلت اضيف فيها اشياء واشيل اشياء < يعني مثلا ودي استغني عن التسريحه بس ايش البديل لها !! .

ودي اغير لون الجدار بس مقدر اصبغ لانه بيت اجار واحتمال ننقل بعد فتره < بس ابي اغير لان النفسيه دممار منها وكله منحاشه فـ بيوت خلق الله . فـ قلت اضبط وضعها واحبها وارتاح فيها ؟

يعني مثلا بدل الصبغ فكرت احط قماش !! ..

يالله يالله عطوني اقتراحاتكم وبدائلكم خلو غرفتي ق

 

[Patcholli]

حبيبتي مدام بتغيرين المكان بكبره انا اقول نطري لاتقطين فلوس على خرابيط يمعي ولي رحتي مكانج اليديد حطي شي عدل من الالف الى الياء
الحين قزريها باللي عندج
وتقدرين تعيدين ترتيب الغرفه وتغيرين اماكن الاثاث
تقدرين تروحين هوم سنتر وشترين اكسسوارات مثل شموع فازات ولوحات وجذي
ترتيبن الغرفه وتنظفينها عدل واذا في اشياء مسببتلج عرقله حاولي تتخلصين منها ..
اشتري كفر يديد وكوشيات ملونه
وتقدرين تشترين كرسي او قنفه صغيرونه نفس لون الكوشيات ..
اشتري مرايا يديده حق التسريحه وغيري طريقة تسريحتج مثلا اذا تارستها اغراض فوق رتبيهم داخل التسريحه وحطي عالتسريحه صندوق حلو حق البخور او حطي ورد او حطي شموع
اشتري سجاده صغيره حق الغرفه هم اذا بتشترين كفر يديد وهالاشياء خليها بالوان تلبق مع كلشي عشان لو نقلتي من شقتج تستفيدين منهم وتاخذينهم معاج

بالنسبه للطوفه اشتري اكسسوارات اللي تتعلق عالطوفه حطي ساعه يديده وحطي لوحات مو لازم صبغ
ويبيعون الستيكرات المشيره اللي على اشكال وزخارف موجودين بايكيا اشتريهم ولزقيهم يسوون تغيرين جنج حاطه وول بيبر

 

[ديمي 12]

دام اجار حرام تخسرين نفسج على الفاضي اذا ماتبين تصبغين حطي استكرز الطوفه حلو تلقينه عند ايكيا وهم شفت في رد تاق حلوين وفي فكره عاجبتني شفتها في قوقل ملبسين الباب خام زيبرا وحاطين على الاطراف الدبابيس وكان شكلها يجنن تقدرين تسوين هذي الفكره على باب الكبت وغيري اماكن الاثاث واذا تقدرين جيبي ستاره جديده شوفيهم بسنتر بوينت حلوين وفي بايكيا واذا ماتقدرين في خيوط طويله تجي الوان تنحط كاستاره تقدرين تحطينها فوق ستارتج القديمه علشان تعطيج شكل جديد وحطي زرع او ورد صناعي يعطيج روح في الغرفه وغيري كفر السرير انصحج في كفرات ايكيا حلوين وعملين واخذي كذا كوشيه وشوفي كتالوج ايكيا يعطيج افكار حلوه للتخزين تقدرين ترتبين الكبت فيها وحطي فواحه كهربا علشان الريحه وتغير النفسيه وحطي سجاده جديده واشتري بجورات حلوه ملونه وغيري بشكل التسريحه حطي عليها مفرش

 

[بنت العقربيه]

ممكن تغيرين الاثاث لان تقدرين تنقلينة بس خسارة تصبغينها او تسوين تغيير للجدران بمبالغ كبيرة اذا بتنقلين قريب واذا في كل الاحوال بتغيرين الصبغ خلية لون ابيض مريح جدا للعين والنفسية وماراح يخسرك

موفقه

 

[latkt7as]

ماقصرو البنات كفوو ووفوو