لفوق ال 21 سنة: المرأة وممارستها لحقها السياسي - تعالي قولي تجربتج

[C'est La Vie]

قوة بنات شلونكم؟؟؟
اليوم قعدنا انا ورفيجاتي نتذكر ايام انتخابات مجلس الامة واللوية اللي صارت
وحماس الحريم حق مشاركتهم بحقهم السياسي
للأسف انا ما كنت موجودة بالكويت فطافتني هالتجربة
فسؤالي :
شنو كان العامل اللي خلاج تختارين مرشح معين؟
رحتي ندواته؟ سمعتي مبادئه وخططه واهدافه؟؟
ولا احد مدحلج اياه بس؟
ولا شنو؟
هم انا سمعت شغلة مادري صج ولا جذب ياليت تعلموني
انه بعض الحريم رياييلهم يغصبونهم يصوتون حق مرشح معين
صج في؟
وملاحظة خواتي الله يعافيكم بلا ذكر اسامي اخاف تتضايق الاخت المشرفة
يعطيكم العافية

 

[ii DareeN ii]

يعطيج العافية اختي اول شي شاركت بالمرتين الي كان يحق للمرة انها تصوت

كانت تجربة بالفعل جميلة

حضرت ندوات ماقصرت الوالدة كانت ترافقني بالندوات خصوصا اني احب مجال الانتخابات ولي تجربة نقابية سابقة بالجامعة ودارسة علوم سياسية فالقى متعة كبيرة في موسم الانتخابات

كان اختياري اول شي مو على اساس عائلي بالعكس كان لي اقارب نزلو كنت مخالفة لهم قلبا وقالبا

اخترت الي اشوفة تهمة مصلحة لكويت بصورة عامة مايفرق بين بدوي حضري سني شيعي

وتكون ذمتة المالية نظيفة


يكون مدافع قوي عن مكتسباات لكويت وحقوقها وحقوق مواطنينها ومحافظ على المال العام


اخترت من الجيل القديم واليديد وتحسفت لاني ماعطيت مرشحة لاني ماتوقعت انها بتوصل لرقم الي وصلت لة

 

[laura mercier]

انا درست السياسه ومارستها في عملي...المرأه الكويتيه ذكيه ..و فطينه ..تدرين اختي انا تفاجأت من السيدات الكويتيات عندما وحده تمدح المرشح فلان في مجلس ترد عليها كذا وحده باعماله السيئه بالمجلس و اختلاساته وموقفه من الجنسيه ...ماشاء اله اتابعون الجلسات بالتلفزيون بعد...ونائب الازمات مافي امراه تبيه...وانا اعرف شيعه صوتو لدينين سنه سلف وسنه صوتو لشيعه ملتزمين...كلنا كويتيين ويالنهايه اسم الكويت اهو المحك....وشكرا:tek:

 

[غيدآء]

موضوع حلوووو..

وحسافه انج ما جربتي تشاركين بالعرس الديموقراطي


انا تجربتي الاولى كانت هالسنه هذي....

وطبعا صوت بمحض ارادتي محد قالي صوتي لفلان او علان بالعكس الاهل شجعوني ...قالوا الي تشوفينه كفو عطيه صوتج من غير اي تردد..

وبالنسبه للندوات حضرت ندوتين وكانت تجربه حلوه فعلا..

كنت حابه اصوت لمرشحه تمنيتها تكون بدائرتنا...بس غميضه كانت بدائر ثانيه

ومشكووره على الطرح مره ثانيه خليتيني اتذكر تجربه فيها مشاااعر حلووووه

 

[laura mercier]

يا حلو العرس الديمقراطي...

 

[*مارلين_مونرو*]

اي والله كان ونااااااااسه و خاصة كانت دراستي علوم سياسيه فكنت وايد مهتمة بالموضوع و عندي خلفيه عن هالموضوع وصوت لمصلحة الكويت فــقـــط ! و كل اللي صوت لهم كنت سامعه ندواتهم و اهدافهم و خططهم و و كل شي !!

 

[coffee]

تسلمين على الموضوع الحلو

وفعلا كان من أروع أيام حياتي .. وطبعا كنت احضر الندوات.. فعلا كان عرس ديمقراطي الكويتيه يدا بيد مع اخوها الكويتي رغم انف المعارضين واللي على كثر ما عارضو هم شاركو هههه.. والله يديم هالديمقراطيه ويبعد كل من ينوى ابادتها

وفي اول حق تصويت لنا كانت رفيجتي من سكان جنوب السره اللي ما صوتو مساكين فكنت اطفرها جنسيـــتي مختــــــــــومه وطرشت لها هالمسج من موبايلي فالصوره ما كانت واضحه

 

[softlady]

تسلمين حياتي على الموضوع الي بيخلينا نؤكد على افكارنا ومبادئنا بعيد عن ضغوط الانتخابات والزحمه وضيق الوقت والشد والجذب

وهم بعد عشان اكد ان كلمتنا وحده وما تتغير مع نتايج التصويت ومنو فاز ومنو خسر



بالنسبه اخترت على اسس

الاول


تجديد الدماء


خاصه ان دائرتي محتاجه هالشي واعضائها من 3 دورات ماتغيروا


الثاني

البرنامج الانتخابي


هل البرنامج الانتخابي في افكار ومقترحات واقعيه مو خياليه وصعبه التنفيذ

هل البرنامج الانتخابي يحتوي على وعود بحل مشاكل معقده وقديمه ومستعصيه او مشاكل بسيطه ولكنها تمس شريحه كبيره من المواطنين

برنامج في قدر من الشفافيه والا مجرد مداعب للمشاعر



السبب الثالث


التاريخ المهني والسياسي


مو شرط يكون المرشح سبق ان كان نائب عشان تكون له الخبره السياسيه


لكن على الاقل عمله الاساسي له علاقه بقضايا المجتمع مثل ان يكون صحفي - قانوني - معماري - اقتصادي ومفكر



الي منعت نفسي عنه


اني افكر بأصل

او مذهب

كلنا كويتيين وبس


وسألت ابوي من باب الاستشاره لان خبرتنا واحتكاكنا قليل مع الرجال بالفتره الاولى


واكيد سنه عن سنه بنعرف المرشحين اكثر


ورد على قال لا تحمليني اثم !!

اختاري بروحج



مشكوره على الموضوع قلبي​

 

[softlady]

رفع