لقاء مع طفلة كويتية "منو الي يحميها"

[girl_in_abottle]

السلام عليكم
بنات اعتقد كلنا رقصنا و غنينا على اغنية "احلى السوالف"

و كلنا شفنا بناتنا يرقصون عليها

هذة مقابلة مع البنت الي تييينننن فيها, و اسمها رهام

و يقولون انها حاشتها عين و انشلت الحين, يقولون ان الشيخ جابر زارها

هذة مقابلة معاها في تلفزيون الكويت قبل
اشزينها,ما شاء الله

http://www.youtube.com/watch?v=UL_sC1fcpDY&mode=related&search=

اتمنى يعجبكم

 

[PINK CHEEKS]

شكرا . الحين بشوفه ..

 

[فراولة^فوشيا]

ايه ريهام الطراروه الله يذكرها بالخير

صج حاشتها عين مثل مس

بس الحين زينه سمعت انها متزوجه ومعيله

ومشكووره على الفيديو

 

[@أمواج@]

يا حلوها

 

[supermarket]

ياحليلها تزوجت؟؟

ربي يوفقها ويسعدها

 

[ساره ستايل]

ياحلوها
مسكينه ماتسوى عليها هالرقصه
العين صج ماترحم

 

[زلابيا]

ياحلوووهااااا اتهبل اسم الله عليها

مو عيال هالوقت مالقين وطينتهم ثقيله وكله مادين البوز :eh_s(13):

ثااانكس ...

 

[sondos]

عاد صج وااااااااايد نذكرها وودنا يسون عنها برنامج مع البنات اللى كانو يقدمون الاوبريتات ذاك الوقت

 

[rose2006]

الحين اجوفها

 

[ii DareeN ii]

مشكوره اختي على الموضوع الله يذكر ايام ذيج الاوبريتات بالخير كانت صج حلوه وشاركت في واحد منهم :eh_s(8):

 

[Layz]

تيننننن مشالله ..
اهم شي لما قالت امي تخليني أحفظ و ما تخليني أنسى وايد ههههه ..

 

[احلى عيون]

ياعمري والله ضاق خلقي لمن قلتوا انها انشلت
الله يشفيها يارب ..قال رسول الله صلى الله عليه وسلم
العين حق
"ولو كان شيء سابق القدر لسبقته العين"


بنات ترى الناس ما تعطي خير حصنوا وارقوا نفسكم واعيالكم ..

 

[jolie_q8]

مشكوره على اللقاء

بنات البنت مافيها الاا لعافيه مرضت لما كانت بالمتوسط - وبعدين تشافت وكانت وياي بكل مراحل الدراسه الى الجامعه وتزوجت وصار عندها عيال وقبل اسبوعين كان عندها معرض وكانت موجوده ومافيها شي

 

[أوركيد]

حلااااااااتها ..

الله يخليها لعيالها ..

 

[poneta]

ياحلوها الله يذكرج بالخير يا حلو هذيك الايام ليتها ترد والله خنقتني العبره ومشكوره حبيبتي والله يحفظ الكويت واهلها من كل شر

 

[OM-TURKY]

ya 7alat`haa
mashlla

 

[ام الفوز]

السلام عليكم اتصدقون بنات ذكرتونا بالذى مضى الا ليت يعود الشباب يوما انا كنت معاهم بالرقصه والله كانت ايام حلوه وناسه مو الحين حفلاتهم ثقيله سمعو اغانى قبل وسمعو اغانيهم الحين وقارنو وقتها كان عمرنا 7 سنين والله عمر وبنت الحين الحمد الله تزوجت وعندها عيال عسي يحفظهم ويحفظ امة محمد من كل شر

 

[تفاخيه مبطوطه]

تهبــــــــــل

حرام فشلها يقول لها ضروسج مختربه!!

ضروسها طايحه طبيعي مو مسوسه ههههه

مشكوره وايد حلو اللقاء

 

[jolie_q8]

ام الفوز كنتي باي مدرسه؟

 

[girl_in_abottle]

مشكوره على اللقاء

بنات البنت مافيها الاا لعافيه مرضت لما كانت بالمتوسط - وبعدين تشافت وكانت وياي بكل مراحل الدراسه الى الجامعه وتزوجت وصار عندها عيال وقبل اسبوعين كان عندها معرض وكانت موجوده ومافيها شي

مشكورة على المعلومة
الحمد لله طمنتينا
بغيت احط هل المعلومة بس ماعرفت اعدلها عقب

بس صج تعالجت على احساب الشيخ جابر؟؟
صج ابو الخير