لقائـــــــــي مع خواتــــــــي في منتديــــات كويتيات النسائيــــــــة**حياكم الله *

[نهى الأحمد]

السلام عليكم​

​

شلونكم حبيباتي ​

​

عساكم بخير جميعاً​

​

دوم اعتبر الكويت ديرتي الثانيه والغاليه على قلبي دام اني عشت وتربيت فيها​

من يوم ولادتي ​

​

يوم حصلت على اجازة من الدوام نويت السفر للكويت الحبيبة​

ورحت حجزت في مكتب الخطوط الجوية الكويتيه​

​

ويوم السفر كان في 1/4/2011 يوم اليمعه​

​

وهذي بعض الصور وانا في الطيارة في طريقنا للكويت الحبيبه​

وهذي وجبة العشا ​

برياني دجاج مع المرق وجبن وكيك وسلطة​

طبعا الرحلة كانت بدايتها ونهايتها مسك مع الاخت العزيزه الغاليه​

الشهد كله​

​

ورح اتكلم الحين عن بدايتها المسك​

​

بان الغاليه الشهد كله استقبلتني في مطار الكويت الدولي​

وحييل استانست بشوفتها الغاليه​

وكان هذا اول لقاء لي معاها​

.................

يتبع...لا احد يرد حبيباتي لي يكتمل الموضوع مع الصور

:eh_s(7):​

 

[نهى الأحمد]

ثاني يوم


تاريخ 2/4/2011 يوم السبت


كانت عزيمة الغاليه شهووده لي على الريوق في مطعم البلد​

بصراحة خووش مطعم وريوقهم حيل طيب​

وهذي صورة ريوقي انا وشهوده​

وبما انه ارضية المطعم تتحرك طول قعدتنا التقطت هذي الصور​

​

​

​

مشكوره حبيبتي شهوووده على الريوق ​

كلج ذووق والله​

​

في تاريخ 3/4/2011 يوم الاحد​

رحت المنطقة العاشرة وزرت بيت اخت عزيزه على قلبي ​

&*بقايا.إنسان*&​

ماشاءالله عليهم ناس اجاويد يكفيني امها العسل​

ماقصروا والله بالضيافة​

وللأسف ماقدرت اصور لانه الكاميرا ما كانت معاي​

وان شاءالله خيرها بغيرها بقوووووووووي​

​

فديتكم والله​

يتبع.,.​

 

[نهى الأحمد]

بتاريخ 5/4/2011 يوم الثلاثاء صباحاً​

كان لقائي الاول مع الاخت العزيزه الغاليه ​

الشيف نانا في كويت ماجيك​

في البداية قعدنا صوب البحر وصرنا نسولف واستانسنا​

وصورت صورة للبحر وكان الموج عالي ​

وعقبها دشينا المول وعزمتني نانا على ريوق​

والريوق كان خفيف حتى نحافظ على رشاقتنا​

ههههههههههههه​

علينا بالعافيه​

خخخخخخخخ​

مشكوره حبيبتي نانا على الطلعة الحلوة ​

​

وبنفس اليوم ​

الغاليه الشهد كله كانت مسوية مفاجأة لخواتنا العزيزات ​

فوفو 22​

تم مشاري​

ملح وسكر ​

نونا 307​

بشوره الكويت​

​

والمفاجأة كانت ( أنـــــــــا )​

​

ههههههههه​

​

ويمعتنا كانت في الافنيوز ​

​

والله العظيم استانست بشوفة الوجوه الطيبه ​

يا حلوهم وياحلو قعدتهم ​

مهما تكلمت عنهم طبعا بالخير ماقدر اوفيهم حقهم بالكلام الطيب​

​

وتعشينا سوا وضحكنا وسولفنا ​

وعقبها قعدنا صوب النوافير عند الكافيهات وتحلينا وتقهوينا ​

​

من كثر وناستي بشوفتهم​

نسيت اصور ​

هههههههههه​

​

بس البعض منهم صوروا وباذن الله رح احاول احصل صورة ليمعتنا​

​

فديتهم والله كلهم ​

وعسى ربي يوفقهم​

يبتع .،.,​

 

[نهى الأحمد]

نجي الحين لليوم المميز في حياتي​

​

في تاريخ 7/4/2011​

يوم الخميس​

​

العزيزه الغاليه الشيف نانا ​

سوت لنا عشا بوفيه في بيتها بحضور اهلها الكرام​

والغاليه على قلوبنا كلنا ​

ام الطيب والوفا كله​

​

المشرفة احلى همبه (همبووووووووش) حضرت مع والدتها الغاليه وبنتها ​

عسى ربي يخليهم لها​

​

الله على حسن الضيافه يا اهل الكرم والجود​

معرفتكم والله ترفع الراس يا اغلى الناس​

​

ماقصرتوا​

​

والله العظيم حسيت اني من اهل البيت بين اهلي الغاليين​

​

في بداية قعدتنا تقهوينا وتحلينا من حلو شغل الغاليه نانا​

حيل طيب والله​

الحين اقدم لكم بعض من صور العشا شغل الغاليه نانا​

والزين مايطلع منه الا الزين​

ماشاءالله تبارك الرحمن​

شغل عدل مدل​

​

وهذا غير الترتيب والتنسيق​

​

ويزاهم الله خير خواتها ماقصروا​

​

صور العشا​

وهذا طبقي ​

هههههههههه​

وهذا الحلو عقب العشا​

​

هذا شغل الغاليه نانا​

جلاسات برد ومانجا ​

وهذا شغل العزيزه الغاليه همبوووش​

​

​

​

​

​

تسلم هالايادي يا الغاليه همبوووووووووش​

​

بصراحه​

​

كنت بطلب منها تسوي لي حلو الالبا​

سبحاان الله ​

القلوب عند بعضها​

لقيتها مسويته​

​

هههههههههه​

​

وعقب العشا ​

​

يزاها الله خير اخت الغاليه نانا ​

​

يابت لنا المبخره وتبخرنا من طيب اهل البيت اللي فتحوا لنا قلوبهم قبل لا يفتحون لنا بابهم​

​

وعلى رأسهم الغاليه نانا​

​

مشكوره بعد عمري نانا ​

طول عمرج رايتج بيضا وراعية واجب​

فديتج والله​

​

​

​

يتبع.،.​

​

​

 

[نهى الأحمد]

في تاريخ 9/4/2011 يوم اليمعه​

رزت العزيزه الغاليه ​

Marimar78​

مرمر​

​

في بيتها ​

​

وتقهويت عندها واستانسنا والله​

والحمدالله انه الله كتبلي اشوفها بالرغم من ضيق الوقت ولوية الامتحانات​

وعسى ربي يوفق الجميع​

​

مشكوره حبيبتي مرمر​

​

يتبع .،.​

 

[نهى الأحمد]

في تاريخ 10/4/2011 يوم الاحد​

كنت متفقه مع الغاليه ​

HearT ChocolaTe​

​

اني التقي معاها عند امها عسى ربي يطول بعمرها​

واتفقنا على الوقت ورحت لها ​

​

وفاجئتني بمفاجأة حلوة​

كانت مبلغة مجموعة من خواتنا في المنتدى اني بزورها ​

​

واحنا قاعده دشت اول وحده فيهم​

وكانت الأخت العزيزه الغاليه مشاعل الشمري​

​

وعقبها بدقايق دشوا ثلاثة البيت​

​

اول وحده سلمت علي ​

طلعت الاخت الغاليه مباركيه​

​

وثاني وحده سلمت علي طلعت الاخت العزيزه لولوا لصغيره​

​

وثالث وحده واللي اهي الاهم​

وحييييييييل استانست بشوفتها ولا يهونون باقي الحضور​

​

الأخت الحبيبة الغاليه​

الصابرة المحتسبة​

​

يا حلوها والله وياحلو طلتها الغاليه​

​

وطبعا ما انسى اللي يمعتنا في هذا اليوم الاكثر من رائع​

​

اختي وحبيبة قلبي​

​

HearT ChocolaTe​

​

ماشاءالله عليها ويهها البشوش ​

وانا مارح انسى وقفتها معاي على الحلوة والمره​

​

عسى ربي يعطيها الصحة والعافيه ويوفقها ​

​

ويا زين اهلها ويا حلو استقبالهم​

​

في كل وقت اسمع هالجملة​

(حيا الله منو يانا..هذي الساعه المباركه)​

​

حبيت اشكرهم على العشا الطيب​

​

تسلم يمناكم يا الغوالي ومشكورين على حسن الضيافة​

​

وحسافة ماصورت شي من العشا لانه اختلطت علي المشاعر​

من خجل ووسعاده وفرح​

بس انا شفت الغاليه Heart صورت صورة للعشا​

وان شاءالله انه الصورة لي الحين عندها​

​

وطبعا الغاليه ما نستني من الكاكاو اللي قدمته لي ​

ماشاءالله تبارك الرحمن على الشغل الطيب​

عسى ربي يوفقها الغاليه​

​

كاكاو بالفعل مميز​

​

تسلم يمناج يا الغاليه​

​

وشي ثاني​

​

طبعا مارح انسى هدية الغاليه الصابرة المحتسبة​

​

قدمت لي ساعة سميتها الساعة المباركه​

​

لانه بالفعل كانت الساعه المباركه اللي التقيت فيها مع خواتي في الله​

ساعة الصابرة​

مشكوره يا الغاليه ​

​

​

وكل الشكر لاختي وحبيبة قلبي ​

HearT ChocolaTe​

​

ماقصرتوا والله يا الاجاويد​

بلغي سلامي للوالده وللاهل جميعاً​

​

​

يتبع .،.​

​

 

[نهى الأحمد]

والحين يا خواتي ​

​

مثل ماكان بداية الموضوع مسك مع الشهد كله​

نهايته كانت مسك وياها بعد​

​

في يوم الاربعاء 13/4/2011​

كان يوم عزيمتها لي في سوق شرق في مطعم البيتزا هت​

ولاني وصلت قبلها قلت اطلع اخذ جم صورة بالرغم من الغبار​

هههههههههههه​

وهذا عشانا ​

​

​

​

​

​

​

​

وعقبها رحنا كلينا برد من الماكدونالدز​

​

تسلمين حبيبتي شهوووده​

​

مهما مدحت فيج وقدمت لج رح ابقى مقصره بحقج​

​

​

وطبعا اخص بالشكر​

الشهد كله​

الشيف نانا​

همبوووش​

الصابرة المحتسبة​

HearT ChocolaTe​

بقايا انسان​

على الهدايا اللي قدموها لي ​

​

فديتكم والله​

​

وطبعا ما انسى خواتي اللي دقوا علي وماصار لي فرصة التقي معاهم​

​

​

يتبع .،.​

​

​

 

[نهى الأحمد]

والتقطت هذي الصور عند الغروب​

عند شاطيء المارينا​

​

مشكورين يا اهل الكويت​

​

مشكورين يا خواتي على حسن الضيافة​

​

​

وهني كانت نهاية رحلتي ​

:eh_s(2)::eh_s(2):

واترك المايك لخواتي اللي شافوني​

ولكم بعد​

​

أختكم المحبة​

نهى الأحمد​

 

[ليلو جبريت]

وااااااااااااااااااااااو ونااااسه
نورتي لكويت نهى
الموضوع وايد حلو استانست وانا اشوفه
معروفين اهل لكويت بالكرم والجود ​

 

[الندى الجريح]

مشاء الله تبارك الرحمن

وحيالله نهى الأحمد عزالله انك اجوديه وتستاهلين هالكرم

وانتي مثل الطير الطيب اللي ينذكر ولاينشاف

والله اني تمنيت اكون بجمعتكم واتشرف بهالوجوه الطيبه

عسى الله يدوم هاللمه والمحبه والتاخي بين كويتيات

كل يوم حبي لكم يزيد ومنتدى كويتيات عشقي اللي ماينتهي

دام عزكم يأهل لكويت احب الكويت واعشقها من كل قلبي

 

[* بنت المطر *]

انتي من وين !! انا طول هالمده ع بالي كويتيه صراحه ؟؟؟

ماشالله عليكم كل يوم طلعه يختي انا ليش مااحصل رفيجات جذي !!!

لاجد والله نهى من صجي اتكلم ماشالله عليكم اللهم لاحسد _ يختي علامي كل ماتعرفت على وحده تقولي

قوانين زوجها الصارمه ومايصير ومااقدر ولا وعيب !!!

ممكن سلف وحده من رفيجاتج ؟؟ خخخ >> لا اتغشمر ترا

وعليج بالعافيه

 

[aṕriliå]

نورتي الكووووويت بطلتج والله ..

البنات كريماااات وانتي تستاااهلين والله

تشكرات على التقرير الخفيف اللطيف

كرري الزياااارة ونوري الكويت

 

[مزن الكويت]

نورررررررررتي الكووووويت:: نهي تصدقين عباااالي والله كوويتيه ::


حيااااااااااااااج الله بين اهلج يااانهي وانااا اشوووف الكووووويت منورررة ليش اثرري انتي موجودة فيهاااا وانا ماااادري


وعســــــــي الله ادوووم الجمعه والمحبــــــــــه بينكــــــــــــــم ياااااارب

 

[هيبة فتاه]

منوره يا قـلبي وحياج الله

ومشكورين العضوات بيضوا وويوهنى ما قصروا

 

[يارب الفرج]

الكويت كما عودتنا وكما احتضنتنا فهي لاتحتضن سوى من يملكون القلوب الطيبه
تحيه لمن يعيش على هاذه الارض الغاليه*

 

[ام دليار]

أنتي بتستاهلي كل خير
لأزم حطيتي أعلان بلمنتدى أنك جاية حتى نشوفك كلنا
بدي أشوفك:eh_s(2):
تعالي زورينا بسوريا :eh_s(7):

 

[Taktoka]

نورتي الكويت حبوبة وحياج باي وقت

 

[لاتكابر غلطتي]

حياج الله حبيبتي
ونورتي الكويت اكيد
بس انتي من البحرين يعني ؟
وبيضوهااا خواتنااا فديتهم


ونبي زياره مره ثانيه

 

[78MariMar78]

حبيبتي نهى
والله اني خجلانة منك ما قمت بواجبك
شفتي حالتي كيف كنت تعبانة
بس ان شاءالله المرة الجاية بقوم بواجبك وما بقصر

بس للعلم التاريخ كان 8/4 يوم الجمعه

ان شاءالله بنشووفك على خير يارب

وكل الشكر لبنات المنتدى اللي ما قصروا...

 

[فوفو22]

والله يا نهى تشرفنا بشوفتج ومعرفتج

ماشاء الله عليج كنتي عسل

ذوق واخلاق وادب وثقافه وكنز معلومات

انا ارتحت لج من اول لقاء

واتمنى تتكرر الزياره

فوفو