لقيمات جارة القمر

[ماكو اسامي]

مرحبا اختي جارة القمر
لقيمات اختج ما شاء الله ضبطت معاي سويت لها تعديل بس حافظت على نفس المقادير

هني بدل ملعقتين نشا حطيت وحده نشا ووحده كستر
بدال كوب طحين ابيض حطيت ربع اسمر و3/4 ابيض

نص م اكل خميره نص م ص بيكن-ملعقة هيل ونص دارسين مطحون وملعقه صغيره سكر

خلطتهم كلهم بكوب لبن حامض وبيضه واختمروا بساعه الاربع يمكن لأن الكميه قليله بس حطيتها بالحوش ادفى

طريقتك اظن فيها زيت وانا ماحطيت لها زيت

قبل كل صبه يابنات رفعوا المقلاة عن النار عشان تهدأ وصبي وبعدين رديها على النار عشان لا يصير شي محمر وشي لأ

كوب اللبن سويته بالبيت تعلمته من كورس منال العالم (كوب حليب سايل وحطي فيه ملعقة اكل خل ابيض او عصير ليمون واتركيه متغطي ربع ساعه انا سويتها بالحليب البودره والله)

 

[جارة القمر]

مشاركة: لقيمات جارة القمر

مراحب يا قلبي

وماشاء الله عليج فنانه



عيني عليج بارده


لا إله الا الله


وبسألج سؤال أنتي مأخذه دوره عند منال العالم




واللقيمات فيه ربع كوب زيت


الظاهر أنت نسيتيه

وهذا رابط الموضوع

إلى عندها طريقة القيمات مضبوضه 100\100 تدخل



ومشكوره

وصج شكله يشوق

 

[ماكو اسامي]

مشاركة: لقيمات جارة القمر

اهلين جارة القمر
الفضل لج في هالوصفه اختي مو لي وفعلا انا تعمدت ما احط زيت كلش افضل

وايه يا غاليه اخذت 3 كورسات عند منال بس من 3 سنين تقريبا لو عليي ما اطوف لها دوره بس كله تسويها بالريجنسي وبعيد عني ويصير زحمة عند الدوار وما اعرف اسوق هناك بالليل
بس الحين الله يعافي النت وانا عندي مجازفه واجرب عشان اتأكد من اي وصفه

شكرا على الاهتمام

 

[الغلاااااااكله]

مشاركة: لقيمات جارة القمر

حلووووووووووووه الطريقه تسلم الايادي

ويعطيها العافيه قموووووووره


عندي ملاحظه مهمه :::

وملعقه صغيره سكر

<< هذا يخلي اللون خامج حلاتها ذهبيه ..

فإستغنوا عنه كافي مع الشيره سكر بتطلع رووووووعه

طعم ولوووووووووووون

وهني وعافيه

 

[دلوعة امها]

مشاركة: لقيمات جارة القمر

تسلم ايدج حبوووبه صج فنااااااااااااانه

 

[جارة القمر]

مشاركة: لقيمات جارة القمر

ماكو اسامي


حصلت احد نفسي يحب يجرب وصفات النت

في وايد شغلات بالمنتدى أنا مجربته

بس ما حطيت صورهم

بس حاليا كل شي أسويه بحط صورته

وتسلميييين يا قلبي

اشدعوه ما سويت شي


الغلا كله تسلمييين بعد عمري

وأن شاء الله نجربه بدون سكر




دلوعة امها

والله الفنانه ماكو أسامي

الله يعطيه العافيه

وصج ما أكو أسامي

أنا أتابع منال العالم ساعات علي م بي سي وعلي تلفزيون الرأي

وأحب شغلاته أحسه ثقه

 

[jolie_q8]

مشاركة: لقيمات جارة القمر

ماشاء الله

شكلها روعه

تسلم ايدكم

 

[ماكو اسامي]

مشاركة: لقيمات جارة القمر

مرحبا ياقمرات
الغلا كله
جزاج الله كل خير على التشجيع
ملعقة السكر الصغيره هذي لها مفعول كبير في في العجينه وهي تفاعل الخميره وتنفخها بسرعه ترا حتى بالخبز الايراني اللي تاخذينه من الخباز يحط شوية سكر عكس الملح اللي كل ما قل في اي عجين صار اطرى لأنه ييبس العجين

وهلا وغلا




دلوعة امها
حياج الله وسلمت يا ام الدلع






jolie_q8

الاروع طلتج يا قمر
حياج الله





جارة القمر
هلا والله
ومعاج حق منال شغلها مضمون و الاهم نظيف
وانا كل ماشفت وصفه واقتنعت فيها سويتها وصورتها وكلها بعالم حواء موجوده لأن ما شاء الله المطبخ هناك زاخر بالوصفات والتجارب وفيه كم اسم ثقه اخذ وراهم الوصف عالعمياني


وجزاج الله كل خير على التشجيع الطيب يا قمر

 

[جارة القمر]

مشاركة: لقيمات جارة القمر

ماكو أسامي

كلامج عدل

ومشكوره

 

[xxx]

مشاركة: لقيمات جارة القمر

تسلم ايدججججججججج

شكلها يشووق

 

[^^دموع الكويت^^]

مشاركة: لقيمات جارة القمر

شكلها عجيبة تسلم ايدج

 

[ماكو اسامي]

مشاركة: لقيمات جارة القمر

بنت الكويت

دموع الكويت
اللي يشوق وحلو طلتكم يا غاليات
جزاكم الله كل خير

 

[أغلى حبيبه]

مشاركة: لقيمات جارة القمر

شكلها لذيذه

تسلم ايدج بس شلون تصير مدوره

 

[ماكو اسامي]

مشاركة: لقيمات جارة القمر

الله يسلمج اغلى حبيبه
حياج الله
تصير مدوره عادي لما اضغط بالكيس اضغط على طرف القفشه وتنزل كره

 

[نفيشه]

مشاركة: لقيمات جارة القمر

تسلم ايدج وخوش طريقة وشكلها يشوق مشالله
عاد اللقيمات مو كل من يضبطها ودي اجرب اليوم
يممممممممممممممم

 

[jolie_q8]

مشاركة: لقيمات جارة القمر

تحطين بالقفشه ماي ؟؟ والا زيت ؟

 

[ماكو اسامي]

مشاركة: لقيمات جارة القمر

نفيشه
الله يعافيج ويسلمج وموفقه ان شاء الله


جولي الكويت
اللي تبين بس لو تخافين من طشار الماي بالزيت خليه زيت
وحياج الله

 

[under shadow]

مشاركة: لقيمات جارة القمر

تسلم ايدج

 

[ماكو اسامي]

مشاركة: لقيمات جارة القمر

ويسلمج من كل شر لوليتا
حياج الله

 

[سنابل]

عن تجربة ناجحة اليوم ..

طريقة اخت جارة القمر لذييييييييذة ماشاءالله بس انا ما حطيت بيض .. حطيت نص المقدار اللي حاطته اهي بس نسيت و حطيت ربع لتر لبن مو ربع الربع ! فاضطريت ازيد العجينة ربع كوب طحين و صار كل شي تمام

يزاج الله خير يا جارة انتي و اختج .. وناسة امي رضت علي ليش سويت لها اللقيمات