لقينا ريايل وقلنا لاء!

[زهر الرمان]

هاي بنوتات شخباركم؟

ذاك اليوم بالدوام رفيجتي اتقولي بودي سيارتي الفحص الفني وله ينط واحد من الموظفين يقولنا انتوا كل مكان اتروحون؟
بالقراجات نلقاكم وبالفحص الفني شنو ماكو شغل؟

جان ارد عليه قلتله لقينا ريايل يودون سييايرنا وقلنا لاء؟ خنت حيلي رفيجتي ابوها ريال كبير واخوها لاهي مع مرتة
يعني شتسوي البنية؟

وهم انا صارلي موقف من يومين تخيلوا ضغطي كل يوم ينزل اكثر كليت ملح لين صار فيني حارج وموراضي يرتفع
قلت اروح الطبيب وراسي يفتر بالغصب اثبتة وصداع
قلت حق اخوي ودني الطبيب طبعا لام المخدة وبالغصب يتكلم يقولي روحي بروحج دلوعة مافيج شي وامي كانت طالعة
ما ابي اخرعها وابوي مسافر
قلت بالطقاق بروحي بروحي اللي الله كاتبة بيصير
ورحت المستشفى وحطولي ادرب
وقلت حق امي انا بالمستشفى ودقت على التحفة اخوي طبعا ياي يتحلطم واذيتنا ومادري شنو وانتي كله تستمرضين
قلتله دام مو مشتهي شكو ياي ؟
المهم الغرفة اللي يمي طاح عندهم شي وصوتة قوي الدكتور ماشاف اخوي لما ياني
خنت حيلي ياي ركض يطل علي عباله طحت ليش حالتي كانت تعيسه
شوفوا الغريب اشلون والقريب اشلون
وعقب السانهم اشطوله انتوا صرتوا ريايل وحريم؟ مو منكم صرنا جذي؟
اتصدقون رفيجتي قالتلي عن وحدة تعلمت اتسوي البنجر بروحها وله عازت احد
بس شنقول الله يصلح الحال وحسبي الله ونعم الوكيل
بعض ريايل العازة لو رفيجتة وله رفيجة داق عليه يركض بس اهله لاء مادري شبيفيدونة باجر
:0bee2e8d89:

 

[كوكب الدرر]

كلامج صحيح

صارت البنت مسئولة عن نفسها وعن أهلها بعد

منو اللي يشيل الأم والأبو لي كبروا ؟؟؟

الولد ما يدري عن أهله

وحتى لما تتزوج الريل يعتمد عليها في كل شي

حتى ملابسه اهي اللي تشتريهم حقه

نادر تلقين ريال يشيل بيته ويتحمل مسئوليته بالكامل

 

[Ibtisama]

انا اقول احنا عودناهم على جذي .. احنا قمنا نسوي الشغل اللي المفروض اهم يسوونه وعلمناهم على الرباده و الكسل وعدم تحمل المسؤولية

 

[katko0ota]

انا اقول احنا عودناهم على جذي .. احنا قمنا نسوي الشغل اللي المفروض اهم يسوونه وعلمناهم على الرباده و الكسل وعدم تحمل المسؤولية

و انتي صاجه امس هذا كان محور حديثنا مع الوالد و الوالده على الغده و الي تفضلتي فيييه هوو كان رد الوالده علي هههه

موضوع حلووو يسلموو عزيزتي صاحبه الموضوع

تقبلي مروري

 

[قلبين وسهم]

يامعوده الحمدلله الدنيا بخير وانا عقب ماقريت كلامج ماقوول إلا الحمدلله رب العالمين

مادري بس الحمدلله ان عندي اخوان مومقصرين علي بشي

ومهما كاااااااان قاسي او مايطيع بشغلات ولا يخدمج هم يضل اخووج عزوه لج طال الزمن ولا قصر

وباجر ان شاء الله لما تتزوجييييييين راح تعرفين انه عزووووه صج حتى لوو مايخدمج ببس اسمه اخوو يكفي جدام زوجج وغيره من الناس

ربي يرزقج الزوج الصالح ويسخره لج ويسخر اخوووج لج والجميييييييييع يارب



بالتوفيـــــــــج


​

 

[العين الكحيله]

كلامج صــــــح
والحين الحريم=الرياجيل مافي فرررق

ويالله يارب مايمر هالشهر الا وانتى مملجه((والقارئ يقوول آميييين))

 

[مطيريه ماركه]

وآلله صآجة

مع الأسف مآعآد فيه مسؤولية

مآينفعج آلآ أبوج !

الرجآل الأخو كلهم صآروآ آتكآلييييييييييين لأبعد آلحدود

آلله يرزقج بـ آلزوج الصآلح آميييييييييييييين

وأخيرآ عرفت نك نيمج كتبت عنّج حيآدر مرة موضوع عرفتج من توقيعج !

 

[Deep FeeLing]

وااااااااااي انا قمت اتمنى ان في قراجات للبنات

ولا منه احد

والرياييل للاسف صار ماعندهم احساس عادي اخته والا زوجته تترزز جدام العمال بشويخ

استغفر الله

بس ترى من التربيه من اهو ياهل لازم تعلمينه عيب هذه اختك ولازم تقوم فيها وجذي

في ناس ما يتعمدون بس تطوفهم هالنقطه على بو انها بديهيه

بس صارت الحين لازم يدرسونها بعد لوووووووووووول

 

[@ربانة العود@]

ماكو احد يشيل مسئوليه الحين
الله يعيييين

 

[بحر هادي]

والله كلامك ع الجرررح
انتوا بعد احمدوا ربكم الوحده تدبر عمرها تطلع وتسوق..يعني تشيلين عمرك ..حتى لو شي يقهر ومو من اختصاصك..
عندنا كلش مافي طلعه ولا تسوقين ولاشي كله لازم تدبرين واحد من اخوانك يوديك لو احتجتي شي..هذا ان وداك بعد..(انا مابي اسوق بصراحه..بس في وضع ان الرجل تخلى عن التزاماته ومسؤلياته وصار همه نفسه وطلعاته الخاصه ومو لمك..صرت اشوفها شي مطلوب) بعد شلون هو يعيش ويطلع وينبسط ..وفوق هذا متخلي عن مسؤلياته بعد..وانا حتى الضروريات مو قادره اجيبها قاعده بين اربع جدران..!!

هذا الزمن البنت هي اللي لازم تدبر حالها ولاتعتمد على الرجل..
لا رجال بعد اليوم..

 

[غربــــة اِحساس]

الله لايحوجنا لمنة احد

ساعات ادعي اقول يارب لاتحوجني لاخو او لقريب !!

وصاجه الي قالت مافي مثل الابو

 

[pride&prejudice]

صح كلامج بهل وقت المرأة تقدر تسوي كل شي من تصليح بنجر إلى تشيل بيت بكامله ، ماكو أحد يتحمل مسئولية ألحين أغلب الأشياء انتي تسوينها بس والله ما ينفع إلا الأبو فديته عسى الله يخليه

 

[عاشقة_الجمال]

ترى مو كل الرياييل مثل مثل

بس الغالبيه العظمى صارت تعتمد على الحريم بكل شي

روحوو بالويك اند وشووفو المجمعات والالعاب تلقوون الحريم اهم اللي مطلعين عيالهم والريال الله بالخير

ديوانيه او قهوووه

ونفس الشي بالاسواق الاغلبيه حريم مع عيالهم يشتروون لهم الاغراض

الله يعين بس ويهدي هالريياييل

 

[يمة يادلبي]

إي والله ريايييل هالوقت حق الغربب يدق الصدر وحق أهله تبوسين ايده وريله ويالله يرضى يلبيلج طلباتج

الله يعطينا الصحة والعافية ويغنينا عن مذلتهم

 

[وجدان الكويت]

تدرين شنو الطاامة الكبرررى لما تمرضين والا تحتاجين ريال واتكونين متزوجة وعندج شحط بالبيت مثل قلتة اسم ريال بالبيت

انا رفيجتي بعددد قلبي جذي والله تكسر خاطري حامل وااااصلة بالشهر الاخير ومعطينها موعد عملية الاسبوع الياي ولادة تخيلي قبل عمليتها بيوم رايحة تجيل للبيت من الجمعية واهو نايم على التلفزيوون حسبي الله عليه قلتلها خلييييه يولي مو لازم يزحر بس راحت علشان تشتري شي لعيالها ياكلونة واهي بالمستشفى

صج رياااييل عازة

 

[مـــامى]

تدرين شنو الطاامة الكبرررى لما تمرضين والا تحتاجين ريال واتكونين متزوجة وعندج شحط بالبيت مثل قلتة اسم ريال بالبيت

انا رفيجتي بعددد قلبي جذي والله تكسر خاطري حامل وااااصلة بالشهر الاخير ومعطينها موعد عملية الاسبوع الياي ولادة تخيلي قبل عمليتها بيوم رايحة تجيل للبيت من الجمعية واهو نايم على التلفزيوون حسبي الله عليه قلتلها خلييييه يولي مو لازم يزحر بس راحت علشان تشتري شي لعيالها ياكلونة واهي بالمستشفى

صج رياااييل عازة

حسبى الله عليه صج ما عنده رحمه حرنى

والله انا شايفه لكويتيه الحين ماكوله ومذمومه

 

[(كويتيه عسل)]

انا اييد مطيريه ماركه ماكو مثل الابو الله يطول بعمر ابوي ويخلي له يارب العالمين


ابوي الله يطول بعمره لما كنت طالبه كان كلا يقولي درسي محد بيفيدج ولا بينفعج


الا شهادتج وشغلج ومعاشج وسيارتج لا اخوج ولا اختج ولا احد يفيديج


فديت ابوي الله يطول بعمره والله كل كلامه صح محد فادني الا شهادتي وعسى ربي لايعوزني لاحد


زهراالرمان حبيبتي لاتتضايقين كلنا مثلج حز بخاطرنا وزعلنا بس الحين قمت انطش

قبل اذا طلبو مني شي اذبح عمري علشانهم

وآخر شي اطلع انا الموزينه وانا الغلطانه

الحين قرررت اهم شي مصلحتي وراحتي مثل مااهما يفكرون بروحهم قبل كل شي

الحين انا صرت جذي الحين اذا طلبو مني شي اذا فضيت واساعدهم اذا مشغوله

ومالي خلق اقولها بيوهم مالي خلق واذكرهم شلون كانو مايهتمون اذا بغيت منهم شي

ساعات قلبي يحن وانسى وماكو فاديده فيني بس لازم اصير مثلهم المهم

سلامات ماتشوفين شر :aha:

شلون صحتج الحين انشالله احسن ؟ :eh_s(2): ديريالج على نفسج وصحتج :aha:

 

[احترت انا فيها]

انا اقول احنا عودناهم على جذي .. احنا قمنا نسوي الشغل اللي المفروض اهم يسوونه وعلمناهم على الرباده و الكسل وعدم تحمل المسؤولية

صاااااااااجه 100/100

للأسف الرجوله فهالزمن صارت بالتعود عند بعض ناس

الله يعين

وصاحبة الموضوع يالله ياكــــريم يعوضج بريل يحطج بعيونه يدللج مثل الأميره وكل بنت ياااااااارب

 

[unreachable]

على قولتهم


راحو رياييل الدروازة وبقو رياييل العازة



الحين ما في أحد ينفعج إلا نفسج

 

[sweet dashttya]

والله عيب اذا المره تروح القراجات عيل شنو دور الريايل استغفر الله اتعبره مو ريال اذا خلى زوجته اي اخته تروح

القراج والله حبيبتي الله يعينج حاسه فيج لان انتي نفس حالتي ابوي كبير وطايح تعبان واخوي صغير وانا خواتي

كل وحدة فينا تتحمل مسؤولية نفسها وتعتمد على نفسها واذا الله لا يقول صار شي والله ما ندري شنو نسوي ونقول

حق منو عشان يساعدنا هذاك اليوم اختي طلعت مع رفيجتها بتروح كلية ثانية كان في ندوة اهناك ولا واحد طاير

دعمهم واختي طق راسها وطاحت غشيانه ولما قعدت شافت كله شرطة حولينها اخترعت قاعدة تبجي وتبي تدق

على اي احد عشان يساعدها وتخاف تقول حق ابوي بعدين يخترع ويصير فيه شي بروحه تعبان ودقت على منو

ولد عمي كان توه متزوج وفشله مسكين خلى مرته ويا لها تدرون شنو احراج ​