لكل اللي جربو حبوب الروكتين

[يا سلامي عليكم]

السلاك عليكم ورحمه الله وبركاته ​

بنات دكتوره وصفت لي حبوب الروكتين لمده كورس ست شهور والحين انا بقرب اخلص الشهر الرابع على حظي الحلو الدكتوره سافرت < مقروده خخخخ

, وانا ملزومه اكمل الكورس فرحت مستشفى حكومي جلديه وشافني دكتور وقالي سالفتج مطوله ان اخذتي حبه حبه انتي المفروض تاخذين حبتين باليوم لمده شهر واحتمال ارفع الجرعه الى ثلاث حبوب ولا تخافين مافيها اضرار من هالكلام ,, ​

فانا محتاره شسوي امشي على كلام دكتوره حبه حبه وانطرها لما ترجع من السفر ولا اسمع كلام الدكتور الثاني والله اني احترت مو عارفه شسوي ​

واصلا الحبوب اللي بظهري وصدري نشفو بس اللي بوجهي بعد فيه ​

وابي اسال اللي تاخذ حبوب الروكتين تصاب بالشيخوخه مبكرا ؟ والتجاعيد ؟؟ .. ​

اتمنى تفيدوني :eh_s(7)::eh_s(17):​

 

[نوره95]

ماأدري بس استشيري اكثر من دكتور

 

[عناقيد الجنه]

ما عليج من الدكتور الحكومي

انا أقول استمري على حبة وحده

ولنا ترجع دكتورتج راجعيهااا

لا تاخذين جرعة زيادة

لأنه إلي أعرفه الجرعة على حسب وزن الجسم مو كمية الحبوب إلي بالجسم!

 

[يا سلامي عليكم]

جزاكم الله خير لكل اللي مرو .


ابي راي البنات اللي مجربين هالحبوب فيدوني بارك الله فيكم ..​

 

[العثمانية]

رفع للعيونك

 

[يا سلامي عليكم]

تسلمين من ذوقج ..​

 

[يا سلامي عليكم]

بنات شدعوه عليكم ردو محد منكم جربت هالحبوب !

شلون النتايج معاها شلون طريقه الكورس ؟

ابي منكم افاده وعسى ربي يوفقها اللي تفيدني بشي . ​

 

[faa97]

بصراحه انا توني راجعت الدكتور احمد رشيد في عيادة بوشهري ووصف لي اياهم و قال لي انهم يحددون الجرعه على حسب الوزن انا وزني 95 فقال لي اخذ 3 حبات يوميا و بعد شهرين يخليهم حبتين يوميا لمدة شهرين و اخر شهرين حبة و حده يوميا

 

[انسه انيقه]

ودي اساعدج بس ماعندي خلفيه عن هالموضوع رفع

 

[يا سلامي عليكم]

مشكورين على المعلومات


جزاكم الله الف خير . ​

 

[الهندسة]

أنا كنت مأخذته من 4 أو 5 سنين النتيجة كانت أوكي ورتحت وأيد من الحبوب لكن قبل سنة رجعتلي مرة ثانية مرة تزيد ومرة تخف إن شاء ناوية أخذ كورس ثاني
أنا كنت أخذ حبتين يعني 40 ملغ في اليوم ويعتمد عالوزن ولازم توصلين الجرعة التراكمية. 120 ملغ لكل كيلوغرام يعني مثلا لو وزنج. 60 ضربيها في 120 يطلع 7200 ملغ وقسميها على جرعتج والجواب اللي يطلع قسمي على 30 والجواب اللي يطلع أهي مدة الإعلاج بالشهور
لأن إذا أخذتي أقل من الجرعة التراكمية بتردلج الحبوب وهذا اللي صار معاي

 

[law love]

والله ما ادري شنصحج فيه

انا خذيتهم و ربي لك الحمد حيييل استفدت منهم و تبين الصج كنت اخذهم عند بو حمره وعطاني ياهم فتره طويله

و راجعت عقب بشوره وزفني ليش خذيتهم فتره طويله و قطعتهم و عطاني كريمات

الاحسن انج تراجعين دكتور ثقه و اتمين معاه على طول

و فيه تجمع حق اللي استخدمو حبوب الريكوتين واايد مفيد ادوره و احطلج اياه

 

[o0O 6aM6oMa O0o]

أنا استعملتهم قبل 7 سنين تقريبا

و حاليا رجعت الحبوب
لاني خذيتهم بعمر صغير 14 سنه

شهرين ويهي صفا عقبهم و عقب رجعت الحبوب مع الاسف

لا تاخذين اكثر من حبه تأثيرها وايد قوي

أنا نزل وزني وااايد منهم لانه ينشف كل الدهون

و تسبب تساقط شعر

حيل كرهت الحبوب حتى قبل فترة الدكتوره نصحتني اخذهم مره ثانيه قتلها لا يحوشك

بس يختلف من شخص للثاني
اخوي خذاهم ما شا ء الله انقطعت عنه الحبوب نهائيا

شفيه هالدكتور 3 حبوب و حبتين !

لا تجازفين الحبوب مو هينه من جذي تحليل دم كل شهر لانه لهم تأثير

 

[الهندسة]

عدد الحبوب اللي تآكلينهم يعتمد عالوزن كل ما قلت الجرعة كلما زادت الفترة لازم توصل الجرعة التراكمية عشان جذي ترجع الحبوب إذا ما أخذتي كل الجرعة

 

[الهندسة]

عدد الحبوب اللي تآكلينهم يعتمد عالوزن كل ما قلت الجرعة كلما زادت الفترة لازم توصل الجرعة التراكمية عشان جذي ترجع الحبوب إذا ما أخذتي كل الجرعة

 

[ميموووورااا]

ااب

 

[الهندسة]

اب اب

 

[دانه الشطوره]

حبيبتي انا الحين صار لي شهر ونص من اخذهم
والدكتور مالي اسمه عيسى بشور
الله يعافيهم بنات المنتدى قالوو لي عنه و امدحووه واااااايد
ونفسج قال لي لازم 6 شهور تاخذين هالحبوب
وقال لي ان المفروض تاخذين حبتين في اليوم بس لأن انا وزني مو كبير وزني 51 وحتى عمري توني صغير 16 سنه
عشان جذي قال لي بس حبه وحده تاخذين
ونصيحه مني امشي على كلام دكتورتج واااااايد احسن لج و اضمن لج
شنو 3 حبوب عمرها ما صارت اصلاً الدكتور بس قال لي 2 ولما شاف وزني صغير قال لي بس حبه وحده
اتمنى اني فدتج

 

[تفاصيل الغرابه]

رفع لعيونج
لان ماعندي فكره عنهم فدييتج ​

 

[دانه الشطوره]

اب اب
اب