لكل مراجعات مستشفي الصباح وعاليه الفضلي بوحده اطفال الانابيب

[خل وملح]

السلام عليكم ،، بنات منو فتحت ملف بمستشفي الصباح وكان الخلل من زوجها بضعف بحركة الحيوانات المنويه وحملت طفل *انابيب انا متزوجه وصار لي سبع اشهر وزوجي عنده ضعف شديد*!!*
جم المده اللي نطرتها بالمراجعات والتحاليل ؟
*ومنو سوتها عند الدكتورة عاليا الفضلي وجم كلفتها ونجحت معاها ولا لا ؟*
استغفرالله احس اني ماراح احمل ونفسيتي تعبانه *
بليز ارفوع الموضوع وادعولي بالذريه الصالحه*

 

[حبي راشد]

اا انشالله بتحملين شتقولين عن اللي عندهم انعدام احمدي ربج وانا حالتي نفسج وسويت انابيب والله يسهل

 

[خل وملح]

حبي راشد الله يرزقج ويرزقني بالذريه الصالحه يااارب

 

[last piece]

افا لا تقولين جذي شنو ما راح احمل الحمل بايد الله وهو اللي يهب من يشاء


حبيبتي الصباح اذا كانت حالة زوجج فعلا ضعف شديد راح يستعجلون معاج
ودام بسلكم ٧ شهور تقدرين تكفين السنة الناس عنكم وتقولين احنا ماجلين الموضوع نبي نستانس اول سنه
وبنفس الوقت خلصوا شغلكم بسكات وماله داعي تقولين حق احد انه في مشكله عند زوجج عشان تظلين
بعينه كبيره

وعشان اشجعج تر انا رحت الصباح بعد شهور من زواجي لاني عارفه مسبقا مشكلتنا ومتناقشين فيها انا وزوجي وعارفين الحل بالانابيب
وعندنا تقارير بالحاله الصحية
وابدا ما اخرونا بالعكس انا اللي اخرتهم وسافرت ومره مارحت الموعد والحين الف حمد وشكر لله وتبارك الرحمن انا حامل
وربج جعلهم سبب لي

واتكلي على الله وتر الصباح وغيره كلهم اسباب بالاخر الرزق بيد رب العباد
ولاتقولين حاسه اني ما راح احمل لانه هذا قنوط ويأس

ربي يرزقج الذرية الصالحة السليمة المعافاة

 

[خل وملح]

الله يطمن قلبج مثل ماطمنتيني بس قاعده اشوف بنات يقولون ان الصباح مو شي ومراجعاتهم اطول ونطري دورج بالعمليه سنه او اكثر حبطوني زياده

الله يرزقج بالذريه الصالحه وعسي الله يثبت لج الحمل وتولدين بالسلامه محد يدري عن حاله زوجي حتي اهلي مايدرون لاني احبه وماحب اجرحه بكلمه

 

[last piece]

مشكوره عالدعوه
و احنا خوات ونواسي بعض بالمنتدى لان همنا واحد
واي استفسار احنا موجودين بالمنتدى
بس المهم لا تتاخرون اكثر لان
التحاليل يبيلها وقت لانها مرتبطه بالدوره
تقريبا تاخذ شهرين والمقابله قبلهم يبيلها شهر

يمكن تكون اجراءاتهم اطول من الخاص لكن
لازم نقدر لهم تعبهم وانهم يخدمون شريحة كبيرة
من المجتمع
بس تر ماتقل كفاءتهم عن الخاص بالعكس عندهم
تحاليل بالخاص مايسونها وعندهم اجهزه افضل من الخاص

رب يوفقج ويرزقج الذرية الصالحة السليمة المعافاه

 

[حبي راشد]

انا متفاءله فيج الله رزق وحده زوجها فيه انعدااام وسحبوله من ىالخصيه وووجابت توم لاتسبعدين شي عن الله كن فيكووون موفقه

 

[فــــلـــحـــه]

اختي الفاضله اذا رحتلي المستشفي الصباح قولي حق السكرتاريه اي سنه الحين واصلين (أطفال الانابيب)

وانصحج مستشفي المواساة عند دكتور عماد غزاوي او ناهض حماديه

الدكتورين حاليا متواجدين نفس المشتفي
​

 

[خل وملح]

مشكورين خواتي

منو مجربه الصباح ؟

 

[عسل حدي]

اب اب اب

 

[خل وملح]

معقوله محد يرد علي موضوعي

 

[عسل حدي]

اب لعيونج

 

[Q8_QT]

حبيبتي انا كنت اراجع بالصباح بس آنا المشكلة كانت مني مو من زوجي والحمدالله ربي كتب لي الحمل وولدت الله يخليلي ولدي اللي حط لي خطة العلاج الدكتور حازم بس اللي تابعني وسوالي العملية الدكتور عبدالعزيز الصرعاوي خووش دكتور ونفسه حلوة وهم كان فيه معاه دكتورة ثانية مااذكر اسمها وتري اللي يتابعج اكثر من واحد حسب منو يكون موجود وقت السونار والدكانرة ماشاءالله ممتازين ومافيه تأخير ان شاءالله من تسوين التحاليل ويحط لج الدكتور خطة العلاج يبدون معاج من الدورة الياية اهو لأن شغلهم مرتبط بالدورة ويارب يرزقج الذرية الصالحة ويسخر لج هالدكاترة

 

[عسل حدي]

اب اب اب

 

[خل وملح]

حبيبتي انا كنت اراجع بالصباح بس آنا المشكلة كانت مني مو من زوجي والحمدالله ربي كتب لي الحمل وولدت الله يخليلي ولدي اللي حط لي خطة العلاج الدكتور حازم بس اللي تابعني وسوالي العملية الدكتور عبدالعزيز الصرعاوي خووش دكتور ونفسه حلوة وهم كان فيه معاه دكتورة ثانية مااذكر اسمها وتري اللي يتابعج اكثر من واحد حسب منو يكون موجود وقت السونار والدكانرة ماشاءالله ممتازين ومافيه تأخير ان شاءالله من تسوين التحاليل ويحط لج الدكتور خطة العلاج يبدون معاج من الدورة الياية اهو لأن شغلهم مرتبط بالدورة ويارب يرزقج الذرية الصالحة ويسخر لج هالدكاترة

مشاءلله الله يخليه لج يارب
مشكورة قلبي?

 

[خل وملح]

عسل حدي مشكوره حبوووبه علي الرفع الموضوع

 

[عسل حدي]

اب اب اب

 

[كرستاله q8]

نفس مشكلتي الله يرزقج ويرزق كل محرومه