لكل من جربت الخادمة الهندية او السيرلانكية تدخل تجاوبني ... الله يجزاها الجنة

[عزوف الزمن]

حبيباتي بنات الكويت

تكفووون ابي اراءكم وتجاربكم مع الخادمة الهندية والسيرلانكية بكل صراحة

انا بيتي كبير وعندي ست اطفال اربع بالمدارس واثنين صغار حفايظ ورضاعات
شغل ماينتهي وزوج غير متعاون ابدا بالبيت ...
وانا اخترت الجنسيات هذي لانها بنظري افضل شي للتعامل مع الاطفال ...
اتمنى الاقي عندكم تجاوب وتفاعل

ولكم مني دعوة بظهر الغيب :eh_s(7):

 

[@أم يوســـف@]

للرفع

 

[غلآتي]

جربت الهنديه بااارده ووصخه

اما السيلانيه تهبل حبوبه ونظيفه وتحب عيالي

 

[@شمس الضحى@]

السيلانيه احسن بواجد

 

[عزوف الزمن]

طيب الله يعافيكم ايش هي افضل الشروط لاستقدام السيريلانكية ؟؟

يعني اطلب جديدة او مشتغلة من قبل ؟
وتكون متزوجة او لا ؟
وعمرها يكون بحدود كم ؟
والافضل المسيحية ولا المسلمة ؟
وافضل المدن عندهم ايش هي ؟

الله لا يحرمني منكم ويجزيكم كل خير :eh_s(7):

 

[مناي@]

الخدم حظ ونصيب كل جنسيه فيها الزين والشين انتي وحظج بالنسبه للهنديات عيبهم فيهم برود بالشغل عكس السلانيات شغيلات/ بس الهنديات احن على الاطفال وصدرهم وسيع اما السيلانيه لااا / الهنديه ما ترادد عكس السيلانيه لسانها طويل / هالجنسيتين ماكو نظافه لا زم وراهم وراهم واسرار بيتج توصل لسابع جار هههههه ....... وأول وتالي الخدم حظ / بالنسبه للطلب اخذيها مسيحيه بالثلاثينات يفضل ارمله عشان تكد على عيالها او متزوجه وعندها عيال عشان تحن على عيالج ويفضل تكون متعلمه تعرف تقرا وبس .. وعسى الله يرزقج بخدامه تريح بالج وتقعد عندج سنين

 

[مناي@]

اخذي مشتغله بس ما طبت الكويت كلش يعني مشتغله بالسعوديه قطر امارات

 

[M!SS.LOBY]

الهندية والسيلانية ما عليهم كلام حلووووووين حبوبين يبون العيشه يتحملون الشغل حق كد

 

[عزوف الزمن]

الله يجزاكم كل خير

 

[بشـاير]

بصراحه عمري ما شفت سيلانيه ولا هنديه نظاف ما تعتمدين عليهم كلش
يشتغلون يشتغلون ولا يبين وغير جذي كل اغراضج سارقينها
مو امينات خاصه السيلانيات
الاندونيسيات يجننوووون امانه ودين ويحافظون على البيت وطبخ وزينين مع الاطفال
النيباليات مع الاطفال حيل حيل زينات ورحومات وينظفون بس بطيئات ونظافتهم مقبوله بس اكيد لازم انتي وراهم
محد بيحرص على بيتج كثرج

هذول انا شايفتهم ورايي بكل جنسيه مرت علي يمكن غيري عنده وجهت نظر ثانيه مادري

 

[كارلوفي فاري]

انا عن تجربه وجربت اغلب الجنسيات ةمثل السيلانيه مالقيت بالنظافه. وحتى الفلبينيه اللي يمدحون بنظافتها عندي غير. بس السيلانيه تعتمد على انتي شنو علمتيها. اذا علمتيها على التنظيف الدقيق والزين راح تلقينها على نفس طريقتج. صج عيبهم لساناتهم. بس انتي تقدرين تتحكمين فيها. وهم يحبون المديح ويحبون الهدايا. وهم شغله حاذري منها لا تحتك واجد بخدم اللي تعرفين تراها ساعه بالكثير تكر الاكو والماكو. وعلى العموم هي مسئلة حظ ونصيب. واصابع ايدج مو سوا. وكل جنسيه فيها الزين والشين. بس احنا كخليجين اكثر شي تصلح لنا السيلانيه.

 

[ورد الجناين]

الخادمة الهندية فيها طيبة و بالها طويل حج اليهال .. بس مسألة النظافة لازم انتي تعلمينها و تتابعينها من وقت للثاني لأنهم يردون يخورونة اذا محد متابعهم
و نصحيتي لج (( استخيري)) قبل ما تستقدمين الخادمة لأن في أشياء ما يعلمها إلا رب العباد تبين عقب صلاة الاستخارة بإذن الله

موفقة

 

[M!SS.LOBY]

مووووفقة

 

[M!SS.LOBY]

بخصوص السيلانية او الهندية مريحين حييييل من حيث التعامل والنفسية ويسمعون الكلام

يبون شغله وحده الاكل يبون عالراحتهم( ويحبون الفلفل )يسووون ماعون بروحهم ياكلونه بسسسس وفري هالشغله هذي لهم يطولون عندج ويتحملون كل شي <<<<<<<<<<< عن تجربة شخصية

 

[انصاريه قمره]

اذا تبين الحنيه عاليهااال هنديه وبس بيت ابوي من عمري ما اييبون الا هنود امينين ويتحملون

 

[زين ودلال]

الله يرزقج الخدامه الزينه ويعطيج خيرها ويكفيج شرها

 

[om.aboodi]

بصراحه عمري ما شفت سيلانيه ولا هنديه نظاف ما تعتمدين عليهم كلش
يشتغلون يشتغلون ولا يبين وغير جذي كل اغراضج سارقينها
مو امينات خاصه السيلانيات
الاندونيسيات يجننوووون امانه ودين ويحافظون على البيت وطبخ وزينين مع الاطفال
النيباليات مع الاطفال حيل حيل زينات ورحومات وينظفون بس بطيئات ونظافتهم مقبوله بس اكيد لازم انتي وراهم

اما الاندونيسيات امينات وديانه اسمحيلي انا ماتترك فرض وصيام اخرتها لقيت سحور عندها لان السحر شي اساسي عندها وكانت صج شايله البيت بس لاني مسحوره يمكن ماشوف عيوبها وحاقده خصوصا المتزوجه تقارن ريلج بيلها عيالها بعيالج واحنا ياغافلين لكم اللهى

 

[om.aboodi]

جربت كل الجناسي الخدم حظ بس اذا تبين اللي شوي تحن لان بيتج في اطفال الهنوووووووود

 

[حكآية قلب]

انا خدامتي هندية بس متزوجه سيلاني و عاشت 30 سنه سيلان


و متزوجه وعندها عيال و للاسف خدامتي كبيره

عمرها 38

بس صجججج غيررر عن الهنديات بس لسانهم طويل شوي


بس شنو نسوي نتحمل عشان هالدوام

 

[بيرشيكا]

والله حيرتونا الظاهر الشغله حظ ونصيب نستخير ونتوكل علي الله