للاسف >>>>معلم>>>>>تربوي

[ام الخير2006]

المفترض انه المعلم هو اللي يربي الاجيال ويصلح ويعلم ويربي ويوجهة للاخلاق الطيبة

بس للاسف والاسف الشديد
برفض الكادر شفنا غضب كبير من المعلمين والفاظ بذيئة ماترتقي لمستوى المربي
يعني المعلم المفروض من سماته الحلم
بس اللي شفناه احبط الغالبية
الحين الكادر وزيادة الرواتب كله لانه شغل المعلم بناء الجيل


بس لما شفنا المعلمين والبعض منهم يتهجم بالفاظ وكلام بذيء على النواب او النائبات
والمصيبة الحركات الوصخة --- الغير لائقة --اللي سواها معلم
ما أظن انه كل المعلمين يستحقون المكافات او الزيادات

كيف تربى الاجيال واللي يربي يبيله تربية
يعني المفروض المعلم عنده يقين انه الرزق بيد الله سبحانه والمفروض يكون حليم والمفروض يلتزم باحترام الغير بسسسسسسس
الله يعينا على المسؤولية العظيمة والامانة الكبيرة في اعناقنا:yaaaaaarb:

ولاشرايكم؟؟؟؟؟؟؟؟؟؟؟؟؟؟؟

 

[بنات حواء2]

تبين الصج و لا ولد عمه
اهمه تلا عبوا بمشاعر المعلم زياده عن اللزوم الكل اقرولهم زيادات ماحدثت هذي البلبله اشمعنى المعلم
من يلعب في مشاعر الناس و يستفزهم خليتحمل نتيجة اللعبه
القضيه كلها على بعضها ردة فعل
مثل لمن يحرقون ايدج لازم تقولين اي
نفس الشيء تلاعبوا بمشاعر المعلمين و لفتره طويله و تعشيمات و انتهت برفض + الاسهزاء و الضحك بسخريه
بالعقل هذي المعادله شنو تساوي
=ردة فعل انا بصراحه برايي الي لازم يتحاسب هو من استفز مشاعر المعلمين و لم يحترم وجودهم وليس من ضهرت منه ردت فعل و ان كانت خاطئه الا و ان مافي دخان من غير نار
و شاكرتلج

 

[اجياد]

صباح الخير بنات حواء 2.....الكل يتحمل وزر الخطيئة من نواب وحكومه وايضا من تلفظ او قام بحركات غير لائقه ، ومثل ماقلتي الموضوع كان جدا مستفز!!! لكن انا كمعلم اظل الارقى والانظف وما اسمح لاحد يسحبني للدرك الاسفل....من جذي قالوا ....يلا هذا مستوى معلمين يستحقون كادر!!!!!

مع تقدريري الشديد لكل معلم عطى ويعطي من قلبه

 

[قمر الكويتية]

يمكن في ناس غلطت صح ،، بس الله يعين ،، طول فترة إلي يتكلمون عن الكادر كنت مو مقتنعه إنه ينقر أكيد بس لما حمسونا على أخر شي صدقت و قلت خلاص أكيد بقرونه ،، بصراحه حطينا آمال ،،

و ما نقول إلا قدر الله و ما شاء فعل

 

[fri2010]

معاج حق اختي اذا الله كاتب الرزق لا يمكن لا اي احد يوقف في طريجه

بس المشكله ان يطلبون على المعلم شي فوق طاقته مثل الدرس الريادي والورشه وما اعرفش ايه

يعني معروفه وظيفة المعلم اهيا التعليم ماله داعي حق هذي الاشياء من جذي تحمسنا لي سالفه الكادر

واعيد واكرر كلامي اذا الله كاتب لنا الرزق بناخذه يعني بناخذه

 

[عنووود]

مساء الخير اذا الاخت تقصد الصورة اللي بالوطن فهي نلفقه ومو اول مرة يسوونها

 

[عنووود]

شنو الهدف من تشويه ثورة المعلم؟


هذي الصورة في الوطن


http://alwatan.kuwait.tt/articledetails.aspx?id=121743
وهذي الحقيقيه

http://alwatan.kuwait.tt/openPhoto.aspx?Id=127665

 

[ذكريات عشاق]

كل تاخيرة فيها خيرة
والخخيرة فيما اختاره الله

يمكن الرفض هذا بيكون بدداله شي افضل لنا انشالله
والحمدلله على النعمة

 

[جيتك تعال]

كل شخص يتحمل وزر عمله ... قال تعالى " ولا تزر وازرة وزر اخرى " صدق الله العظيم

لذلك لا يجب الحكم على كل المعلمين بسبب حركات والفاظ البعض

والشخص مهما كان هو ابن بيئته وتربيته .... بغض النظر عن وظيفته وان كان المعلم يجب ان يحكم سلووكه الادب اولا واخيرا

لكن ما حدث يتحمله من قام به سواء النواب الذين خذلوو معلميهم والوزير الهمام الي حالف يخربها اكثر ماهي خربانه

والمعلم عليه التحكم في ردات افعاله " لكن ما حدث التمس العذر فيه للمعلم لانه مو سهل انه يشوف الخبلة رولا

ترفع يدها بالدعاء لربها " الي لو تعرفه كان تحجبت عالاقل " اول ما رفضو الكادر

ومو سهل بعد يشوف نظرة الانتصار الي صدرت من معصومة لرولا اول ما طلعت نتيجة التصويت

مو سهل كل هذااا وياريت بدل ما نلقي التهم عالمعلم الي ما تحكم في رده فعله ... ياريت نعرف انه عدد المعلميين

وصل 37 الف صوت .... ووعدنا معهم الانتخاباات الجاية ولحد يقوول ما ابي ارووح اصوت

لانه عدم ذهابنا يحقق النجاح لهؤلاء الشرذمة الي خلاص احترقت اورااقهم ووييهم

 

[PuPa^^SWeeT]

في شي اسمه اتق شرر الحليم اذا غضب



وفعلا تلعبوون باعصاابنا و تعطوون الشمس بايد و القمر بايد بعديين تسحبوون منه كل شي

واللي اتسوي حركة النصر و تضحك بالقاعة


ماتبوونه يعصب

زين ماحرق المجلس


وبعديين ترا الحيين المعلم مو تربوي

لأنه اولياء الاموور مايبونه انربي عيالهم

عيالهم يدشون المدرسة يتامرون و يتضحكون بالحصص و يسوون حركات ولي ييتي قلتيلها بنتج و سلووك بنتج و عصبت و قالت انا مربية بنتي مالج شغل فيها


بس نجحيها

 

[قاهرتهم 2011]

في شي اسمه اتق شرر الحليم اذا غضب



وفعلا تلعبوون باعصاابنا و تعطوون الشمس بايد و القمر بايد بعديين تسحبوون منه كل شي

واللي اتسوي حركة النصر و تضحك بالقاعة


ماتبوونه يعصب

زين ماحرق المجلس


وبعديين ترا الحيين المعلم مو تربوي

لأنه اولياء الاموور مايبونه انربي عيالهم

عيالهم يدشون المدرسة يتامرون و يتضحكون بالحصص و يسوون حركات ولي ييتي قلتيلها بنتج و سلووك بنتج و عصبت و قالت انا مربية بنتي مالج شغل فيها


بس نجحيها

نفس الموقف صار معاي مع ولية أمر

 

[PuPa^^SWeeT]

حياتي قاهرتهم

شفتي شلوون

انا موافقي رهييبة عااد اذا تبين اقوولج ماخلص

 

[ام الخير2006]

لأ والف لأ شلوووووووووووووووون مو تربوي
هذي مهنة المعلم التربية والتعليم وحنا مؤتمنين على المتعلمين
ماأرضخ لاي كان حتى لو كانتا مديرة المدرسة
او الوزير خل يعصبون ويقولون اللي يقولون
دام في غلط وسلوك بعيد عن الاخلاق
واي احد يكلمني او يحاججني بالانكار ومالج شغل انا اربي
اقوله انه هذا واجبي
والدليل هو الهدف العام للتربية واقولهم انه انحط من السبعينات بمرسوم اميري
العام للتربية في دولة الكويت هو "تهيئة الفرص المناسبة لمساعدة الأفراد على النمو الشامل المتكامل روحياً وخلقياً وفكرياً واجتماعياً وجسمياً إلى أقصى ما تسمح به استعداداتهم وإمكاناتهم في ضوء طبيعة المجتمع الكويتي وفلسفته وآماله وفي ضوء مبادئ الإسلام والتراث العربي والثقافة المعاصرة بما يكفل التوازن بين تحقيق الأفراد لذواتهم وإعدادهم للمشاركة البناءة في تقدم المجتمع الكويتي بخاصة والمجتمع العربي والعالمي عامة" (وزارة التربية 1976م، ص20).
وتقدرين تكتبينه وتخلينه عندج اي احد يكلمج وريه الهدف وعلميه
واذا مو عاجبه كيفه المهم انج اديت الدور والواجب اللي عليج
اصعب شي في الحياة قيادة البشر
واي وحدة عندها عيال او تربي راح تتحاسب اذا ماادت دورها باللي يرضي ربنا سبحانه

 

[قفشـه]

يعني تبون كل المعلمين ملائكه...!! غريب امركم!

 

[ام الخير2006]

ياحبيبة ماقلنا ملائكة
بس انتي شايفة انه

مربي الاجيال

بيربي الاجيال صح واهو بهالاخلاق المنحدرة

 

[Miss Cherry]

انا ماشوف انه فيه انحدار بالاخلاق مثل اللي تقولين

احنا مدرسين بس احنا بشر قبل ما نكون مدرسين

لما تجي وحده حتى كويتي ماتعرف تتكلم وتناشبنا على حقنا وتحط راسها براسنا وتستفزنا بس عناد يوم انرفض الكادر ضحكت ضحكة وقحه لانها اهي وقحه ماعندها اخلاق .. حزتها من حقنا نعصب

لما وزيرنا قبل ما يمسك وزارته - بسبوع بس - يعطينا من هالتصاريح الشقاقيه ويطلع بندوة الا الكادر يقول انا مع الكادر وراح اعطي المعلم حقوقه وسأجعل مهنة التعليم مهنة يتكالب عليها الناس .. واول ماستلم منصبه بشكل رسمي صار ضدنا .. حزتها من حقنا نعصب

لما تطلع وحده حراميه متكسبه للاسف انها دكتوره ونائبه حتى كلام ماتعرف تتكلم .. وتصرح بتوتر انا مع كادر المعلمين والمعلم يستحق بعدها يوم صار التصويت خونت ووقفت ضدنا وحجتها الكادر جاء متأخر عذر اقبح من ذنب .. حزتها من حقنا نعصب

لما يجون ناس مالهم علاقة بمهتنا او بالسلك التربوي ويتكلمون عننا بسوء ويحقرون عملنا واحقيتنا بالمطالبه بالزيادة او بامانتنا بعملنا وهم مايعرفون عن طبيعة شغلنا شي .. حزتها من حقنا نعصب

قهرنا مو على الماده او الفلوس .. بس قهرنا على مكانة المعلم اللي وصلت للحضيض صرنا مطقاقه للي يسوى واللي ما يسوا .. وحده اعرفها شهادتها دبلوم تقول انتوا ماتستاهلون الزيادة ما تشبعون فلوس وهي شهادتها دبلوم هههههههههههههههههههه مو شي يبط الجبد


انا قلت قبل وارجع اقول مانبي زيادة بس مانبي البونص بعد .. ماراح نسمح لحد يذلنا لا ادارة ولا توجيه كافي مذلة والله كافي لاوين ذراعنا بالتقييم والاعمال الممتازة تنزل لربعهم وحبايبهم .. مو الكل بس فئة كبيرة ماتخاف ربها بالتقاييم

بمدرستي وحده مدرسه ماخذه اجازة خاصة كانت مسافره بالصيف وكملتها شهر بعد العطلة ونزلت لها اعمال ممتازة .. وانا عندي طفل معاق ومع ذلك شايله صفوفي ونصابي مثل باجي المعلمات بس اللهم اخذ تخفيف ساعات عمل وهذا حق معطتني اياه الدولة مالهم حق يحاسبوني عليه وتقولي الناظره قبل ماتطلع الاسماء بالجرايد والله يابله انتي ممتازه ومتميزه بس خربتي على عمرج بتخفيف ساعات العمل .. ويوم قريت اسم المدرسة هذيج قلت حسبي الله ونعم الوكيل

انا اللي ظروفي صعبة وعندي حالة خاصة ومع هذا شايله شغلي ادخل من الصبح ماكو راحة ليما اطلع بس فرقي عن المدرسات اني اطلع قبلهم بساعتين .. والمدرسه الثانية مسافره شهر كامل سياحة تتكرم وتاخذ اعمال ممتازة .. الفرق بيني وبينها ماحب المجاملة والجذب اقدم حصصي وامشي تدخل الناظرة علي تدور زلة ما تلقى ما ممسكت علي الا سالفة تخفيف ساعات العمل

خليها على الله بس والله الوضع بالتربية مزري

 

[قاهرتهم 2011]

ياحبيبة ماقلنا ملائكة
بس انتي شايفة انه

مربي الاجيال

بيربي الاجيال صح واهو بهالاخلاق المنحدرة

حبيبتي تكلمي معانا بالمنطق احنا مو قاعدين بالمدينه الفاضله ترى حتى الأمهات اللي المفروض تكون اهي المربيه بالدرجه الاولى حق عيالها ممكن تتلفظ وتعلم عيالها سلوكيات غير أخلاقيه هل معنى هذا أقول خلاص الامهات مالهم حق بالحضانه خلي الحكومه تسحب عيالهم مثلا لانه في منهم اللي ما تصلح انها تكون ام طبعا لا

حتى الشرطه اللي المفروض تحمي وتدافع ممكن تلقين من بعضهم عكس اللي المفروض يكون عليه واعتقد انه مرت عليج بعض القصص هل يعني هذا اني اعمم على كل الشرطه واتهمهم بسوء الاخلاق علشان فئه قليله منهم أخطات هل يعني هذا اني آخذ حقوقهم من المعاش والزيادات لانه والله في منهم ناس ما تستاهل

وبعدين تقولين لا ما يصير لازم تربون هذي وظيفتكم يعني تبينا نتطاقق مع أولياء الأمور ولا مع الاداره المدرسيه مثلا خلاص هم احصروا دور المعلم بالتعليم مو بالتربيه ..

 

[PuPa^^SWeeT]

لأ والف لأ شلوووووووووووووووون مو تربوي
هذي مهنة المعلم التربية والتعليم وحنا مؤتمنين على المتعلمين
ماأرضخ لاي كان حتى لو كانتا مديرة المدرسة
او الوزير خل يعصبون ويقولون اللي يقولون
دام في غلط وسلوك بعيد عن الاخلاق
واي احد يكلمني او يحاججني بالانكار ومالج شغل انا اربي
اقوله انه هذا واجبي
والدليل هو الهدف العام للتربية واقولهم انه انحط من السبعينات بمرسوم اميري
العام للتربية في دولة الكويت هو "تهيئة الفرص المناسبة لمساعدة الأفراد على النمو الشامل المتكامل روحياً وخلقياً وفكرياً واجتماعياً وجسمياً إلى أقصى ما تسمح به استعداداتهم وإمكاناتهم في ضوء طبيعة المجتمع الكويتي وفلسفته وآماله وفي ضوء مبادئ الإسلام والتراث العربي والثقافة المعاصرة بما يكفل التوازن بين تحقيق الأفراد لذواتهم وإعدادهم للمشاركة البناءة في تقدم المجتمع الكويتي بخاصة والمجتمع العربي والعالمي عامة" (وزارة التربية 1976م، ص20).
وتقدرين تكتبينه وتخلينه عندج اي احد يكلمج وريه الهدف وعلميه
واذا مو عاجبه كيفه المهم انج اديت الدور والواجب اللي عليج
اصعب شي في الحياة قيادة البشر
واي وحدة عندها عيال او تربي راح تتحاسب اذا ماادت دورها باللي يرضي ربنا سبحانه

حبيبتي انتي اتكلمييين اهنيي و اتقولين شلون مو تربوي


الكلام سهل

بس هل انتي مدرسة ولا ولية امر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[PuPa^^SWeeT]

وبعدييين شوفي حال البنات الحييين هل احد يقدر يكلمهم


شووفي عدل

انا بقووولج شنو يصير ا


انا مرة مجموووعة بنات تشاغبوو بالحصة

رحت الاخصائية كلمنا اهلهم في الام انشالله انا اشووفها انا اكلمها

وحدة البنات رد علي ابوها لما قلتله طقها طققققققققققققققققققققققققققققق بالبيت يقولوون !!!


يتني الام باجر انتي دقيتي على ابووها و شيشتي ابوها @@ و الادارة خذت موقف مني ؟؟؟؟؟؟؟؟؟؟؟؟؟؟؟؟؟؟؟؟

موقف ثاني


بنية اتوزع ارقام شباااب بالحصة قمت وديتها الادارة و دقينا عالاهل


يت الام ( انا برفع علييج قضية قذف بحق بنتي ) @@



موقف ثالث


اقووول حق الام بنتج فيها شي مو طبيعية اتقوولي بنتي مافيها شي بالاخير البنت فيها حالة انطواء )


بنية مو يايبة درجات ولا شي و مشاغبة اتييني امها مالج شغل بس نجحييها مابي منج شي الله الغني عنكم @@



بنية كل يووم حركة و لسااان و قلة ادب بس روحي نزلي بالادارة اتييج الام ( عادي بنتي شخصيتها جذي شفييج على بنتي )



حبيبتي انا مرة قلت حق البنية ( اهيا سمممممممممممممممممممممرة حيييل و صابغة ثلجي كل شعرها )

اقوولها مو حلوو صدقييني مو حلوو رووحي ردي بس قمجي شوي خلي الخصل ثلجية و الارضية كستنائية


اتييني الام انتي حبطتي بنتي و سوييتي بنتي و مادري شنووو

و رفعتها لي المراقب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ شدعوا نصييحة بيني و بين بنتج شدعواا




انا وحدة الحيين صارلي 6 اشهر ماشييل حواجبي فا قعدت بحصة كانو شوية احتياط ايام الغيابات اقوولهم انه النمص حرام و جذي


اييوووني من الادارة انتي ليش اتدخليييين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟




شوفي انتي اتقولين وظيفتي تربية لا وظيفتي الحييين مو تربية


لأنه مثلج و امثال هالاولياء الاموووور


يقولوووون المعلم تربوي


بس يبوونه تربوي على نفسه

يعني اتيييني بنت اتسب سببببةةةةةة هالكبر وتبوون الابلة تسكت عنها





بنااات

صارت بمدرستنا

بنية سبت ابلة سبة شكبرهاااااااااااااااااااااااااااااااااااااااااااااااااااااااااااااااااااااااا سبة بالشرف اتعرفوونها ماني قايلة حرف منها



الابلة حااامل و هرمونات و اعصاااب المهم طقت البنية


قالوولها ليش طقيتيها وليش مادري انزيين بنات هالابلة بالمدرسة مايصير اتطيحون من قيمتها جذي ؟؟؟؟



يالله اخر شي لما قالتلهم محد يردني عن بنتهم الا برفع قضية ذيج الساعة طخوووووووووو ؟؟؟؟


البنية قلييلة ادب و شيطانة و مشاغبة و كسووولة و بلييدة و مهملة





اتييج ولية الامر الا بنتها ماتجيسينها






مرة ابلة صفها مشاغب قالتلهم نسخو الاخواص الاربع متوازي الاضلاع 5 مرات بس



بنية سمعتها خمسين

يت الوحييدة اللي ناسخه خمسيين

ولا الام يااايبة المراقب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شكووو ليش انشالله

انشالله نسختها 100 ؟؟؟؟؟؟ انا ماطقيتها

ولا شي





اللي تبي اتقووول المعلم تربوي اقوولها انتي وين عايشة ؟؟؟؟؟؟؟؟؟؟؟؟؟؟؟؟

بالكويت

عيل انتي مو عارفة اللي يدوور حواليج


واذا على اخلاق المعلم مايطلع اخلاقه عالبنات ( الا الوافدين )


المعلم ( اتق شر الحليم اذا غضب )

و خافووو ربكم

الظلم ظلمات


و ربي يحاسبكم على كل كلمة اطلعت من حلجكم


احنا نستاهل الكادر و فوقه الف بعد



اذا تبون المعلم اخلاق عطووه قيمته بالاول مو جنه خداام عندكم و عند بناتكم ؟؟؟؟؟؟؟؟؟؟؟؟؟؟؟؟؟

 

[درة أهل الطولات]

والله تعبنا ومليناااا

وما الوم اي معلم هاج