للبنات اللي مروا بقصة حب قبل الزواج !

[/كلي تعب/]

صباح الخير



بنات انا احب واحد حيل حيل وموقادره انساااه وعرسي للحين ماحددوه
واحاول قد ماقدر اني انساه لكن ماباليد حيله ولانه هو يصد عني فتره ويرجعلي ..

سؤوالي يابنات

هل بعدين بحياتي الزوجيه راح الهى وانساااه ؟
وراح احب زوجي وزوجي راح ينسينياااه ؟؟
انا اخاف ان يطلع عكس شخصية اللي احبه ؟؟

تكفون ردووو علي

وهل فعلا ان الحياه الزوجيه تلهي ولالا؟


وابي نصايحكم عشان انسااه​

 

[غايتي جنتي101]

حطي شي واحد ابالج ( لو يحبج تزوجج ) تعوذي من ابليس وهيييييئ نفسيتج ع حياتج الجديده والا والله بتخسرين كلشي

ابدي حياااتج عن حب وقتاعه عشان الله يوفقج والماضي انسيه ترا محد يسوووا ( تذكرين هالشي ورددديه بينج وبين نفسج لو يحبني تزوجني )

بالتووووفيق ..

 

[/كلي تعب/]

يحبني والله العظيم يحبني
بس خطبني واهلي ارفضوا
هذا الشي اللي كاسر ظهري
وتزوجت ولد عمي


تكفون شالحل
تعبت نفسيااا
يمكن من الفراااااغ اللي قاعده اعيشه؟

 

[سفيره الكويت]

ممكن سؤال ليش ماتقدم لج او ليش ماقلتي له يتقدم لج لانه يمكن انتي لي صديتي وفضلتي ولد عمج تبينها مني؟!

الحب مايتعوض الزواج التقليدي يحتاج وقت ليصنع الحب لكن زواج الحب يحتاج لحظات ليصنع السعاده بس حب عن حب يختلف في فرق

يكلمها وتكلمه وانعجب فيه وخذاها وبين اثنين يعشقون بعض عشق لدرجه لحظه ينشغلون فيها ينعفس قلبهم ويولهون على بعض

 

[/كلي تعب/]

اهووه تقدملي واهلي ارفضووه لبعده عننا شوي
وانا اللحين مملجه على ولد عمي

ومعقوله الحب التقليدي ماوراه حب ؟؟

عيل ليش يقولون الحب الحقيقي هوو بعد الزواج ؟

 

[غايتي جنتي101]

اتركي الماضي دشي وانتي هاده الماضي حرام تضلمين ولد عمج

الحب يجي مع الايام لا يقص عليج ابليس باجر تحسفين وتندمين

حطي ابالج هذا مستقبلج باجر الله يرزقج بعيال تحبينهمم وحبيه بالاوول هيئ نفسيتج من الحيييين والا باجر ع ادنت الدنو اي هوووشه بدورين هالحبيب

ولو. يحبج يهدج !! ما يرضا باجر ينقال عنج خاينه !!


عيدج مبارك

 

[منار البربرية]

الله يستر علينا وعلى بنات المسلمين

 

[سفيره الكويت]

اهووه تقدملي واهلي ارفضووه لبعده عننا شوي
وانا اللحين مملجه على ولد عمي

ومعقوله الحب التقليدي ماوراه حب ؟؟

عيل ليش يقولون الحب الحقيقي هوو بعد الزواج ؟

الحب الحقيقي بعد الزواج مع العشره بس باول سنين الزواج الكل بيحاول يفرض نفسه اضافه الى الخجل

والحساسيه المفرطه من الطرفين هناك امور كثيره تحدث وبعدين خنكون صريحين الحب اصرار ولو

تحبون بعض صج كان كل واحد اصر على موقفه وقال مابي الا هذا او هذي انا اقولج سويلج فلم وفهمي

امج انه هالريال وبس الي تبينه وخليه يكلم امج ويكسر خاطرها بدمعتين ويثبت لها انه يحبج

:eh_s(7):

 

[/كلي تعب/]

مشكورين بنات
وتكفون كرهوني فيه

 

[نــgف]

مو البنات اللي يكرهونك فيه
وليش تكرهينه لانو اساسا مو بالضرورة أنك تكرهين ..
هو اوكي ماعندنا القدرة على النسيــان او بمعنى مافي شي اسمه نسيان ..
لكننا بالتأكيد نملك قدرة المحـــاولة على التناسي
اووكي يلاه نبدا " محـــــاولة " التنـــاسي
انتي صلى وأقرى قرأن واشغلى نفسك باي شيئ
يعنى لا تتركين لنفسك مجال للتفكير فيه وحطى برأسك شيئ انه "عسى ان تكرهوا شيئا وهو خير لكم"
اكيد راح تتعبين وراح تصرخين لكن اعتبري هذي الصرخه صرخة يوم ميلادك ..
لاستقــبالك الحياة من جديد حطي هالكلام بعقلك قبل قلبك ..​

والله يكون بالعون ..​

 

[انوثتي غير وياك]

لو يحبج جان اخطبااااااااااااج
والله لو يبيج يدورج
يطلعج من تحت الارض صدقيني
حتى لو مهما كان
( وهل شي كذا مرا اشوفه من الي حولي )
اعرف واحد حبلا وحدا من البحارنه بالغزوووو
كااان ينطرد تخيلي !!!
ويرد يخطبها
الحين اعيالها على 19 و20
ونصيحه للكل ومن قلب
الي يبيج ويحبج
مثلا ما يقول اهلي ما يرضون بعيمي لاني بحرانيه
ومثل ما قتلح فوق ^^^^
وعلى العموم الزواج بنسيج
راح تلهين لما تجهيزين حق عرسج وبصالون والبدله وبكل شي
فكري بحياتج اليديده وشنو تبين تسوين
فكري بالواقع والصح
حياتي انتي :eh_s(7):
للعلم انا مو متزوجه​

 

[ام كوثر2007]

توكلي علي الله وتزوجي وانسي الماضي كله لانه ما راح يفيدج بشي


اللى انتي فيه الحين حاله من التعود مو حب ... انتي متعوده علي اللى تعرفينه لانج ما شفتي غيره


لكن لا تزوجتي اهني صج بيكون الحب حب العشره حب الشخص اللى بتيبين منه عيالج هذا اهو اللى اسمه حب


اما الحب اللى قبل الزواج اذا ما تكلل بالزواج ما منه فايده ..


تعوذي من بليس وابتدي حياتج اليديده وقطي كل شي ورا ظهرج لانه لو بتتزوجين ولد عمج وعقلج مع اللى تحبينه تعتبر خيانه وربج ما يرضي بالخيانه ..


عسى الله يستر عليج ويسهل امورج علي خير ..

 

[ياغفور اغفر لي]

الله يهنيج مع ولد عمج

وانتي ع ذمته يعني لاتفكرين باللي تحبينها خلاص ستوب خلي عندج اراده

ودايما رددي الله اجعل بيني وبين زوجي مودة ورحمه

 

[وردة-الكويت]

الحل انج تقربين من الله سبحانه وادعي ربج انج تنسينه وغيري رقم تلفونج لانه ماكو فايده اذا دق عليج ورد لج غير عوار

القلب لج واقعج زوجج الي ملج عليج اقلمي نفسج على هلوضع وبلنسبه ان هل زوجج راح يكون مثل شخصيه الشخص

الي تحبينه هذا غلط يااختي لاتفكرين بهشي يعني يايكون مثل شخصيته عشان احبه لا يااختي كل شخص وله طريقته واسلوبه ف

الحياه لاتحطين زوجج وشخص هذا في مقارنه ابدا ابدا ابدا الحين اخوانج او خواتج من ام امج وابوج كل واحد له شخصيته

وتفكيره ف الحياه ومع ذلك انت تحبينهم وان اختلفو معاج براي او بشي ف نصيحتي لج يااختي غيري رقمج وبدي صفحه

جديده مع نفسج قبل ماتبدينها مع زوجج اصدقي مع نفسج وحطي بين عيونج ان زوجج واقع وشخص هذاك خلاص صار وهم

ومحد يعلق نفسه في وهم !!

 

[| تفاصيل |]

رفيجتي حبت واحد اكثر من 5 سنوات
وعقب تزوجت
والله كرهت حبيبها كره
وحيل تعلقت ب زوجها

الله سبحانه يحط بين الزوجين موده
ولا تنسين العشره

الزوج غير عن الحبيب
الزوج علاقة بالحلال علاقه بالنور
مافيها استغلال ولا ذنوب

فكري بزوجج وتجهزي له من الحين
صدقيني هالشي بلهيج عن حبيبج
وبيحببج بزوجج

وتفكيرج بحبيبج الحين وسواس من الشيطان
غيري خطج وتوكلي على الله

الله يسخركم ل بعض

 

[khawla&tito]

بنات معليش اللي ايده بالنار مو مثل اللي ايده بالماي

لاتقولون لها راح تنسينه مسسسسسسسستحيل في ناس مستحيل تنسى وحرام تتزوجين ولد عمج وانتي قلبج معلق بواحد ثاني اهوا شذنبه ؟؟ نصيحه مني استخيري اكثر من مره

 

[المرتاحة]

تنسين حبيبج او لا

كله يعتمد عليج بالدرجة الاولي بعد ما تتوكلين على الله و ثانيا على زوجج وطريقة تعامله وياج

انتي تأكدتي صج اذا ولد عملج اهو مناسب لج ولا بس تبين تتزوجين و السلام

 

[Habibat Abooha]

الله يوفقج
بقولج شي انا خذيت ريلي عن حب وكاني الحمدلله يوم حلو ويوم يمر اقل من العادي ويوم انتهاوش ويوم وده يشيلني من الاارض ويوم
العكس
يعني الحب مو كل شي
يعني مو معنى اذا خذيتي الى تحبينه راح تعيشين ملكه لا يا قلبي
الحياة الزوجيه اساسها الاحترام قبل كل شي
انزين خذيته يمكن مايحترمج ويمكن تتفاجأين بطريقة تعامله بتقولين مو هذا الى حبيته
عيشي حياتج مع خطيبج
وانسي الى حبيتيه
واذا على ان ريلج بينسيج حبيبج ايه يقدر ينسيج ونص

الله يتمم لج على خيـر

 

[سميتك الغلا كله]

الله يقويج على فراقه ..
وانشالله تنسينه يَ رب ..

 

[متى بتعود]

الحب الحقيقي والي يدوووووووووووووووووم الحب بعد الزواج
صدقيييني