للبنات اللي مروا بقصة حب قبل الزواج !

[/كلي تعب/]

صباح الخير



بنات انا احب واحد حيل حيل وموقادره انساااه وعرسي للحين ماحددوه
واحاول قد ماقدر اني انساه لكن ماباليد حيله ولانه هو يصد عني فتره ويرجعلي ..

سؤوالي يابنات

هل بعدين بحياتي الزوجيه راح الهى وانساااه ؟
وراح احب زوجي وزوجي راح ينسينياااه ؟؟
انا اخاف ان يطلع عكس شخصية اللي احبه ؟؟

تكفون ردووو علي

وهل فعلا ان الحياه الزوجيه تلهي ولالا؟


وابي نصايحكم عشان انسااه​

 

[الله كرريم]

الله يعين قلبج
ياحبيبتي ادعي ربج ينسيج اللي تحبينه وحاولي تشغلين نفسج بزوجج ولاتسمعين اغاني حزينه واذا زوجج يحبج ويحترمج ويقدرج صدقيني راح تنسين الحب ،وراح يصير زوجج هو حبيبج وماتستغنين عنه و يبيلج فتره على ما تتأقلمون مع بعض

 

[ريمي اميري]

ايه راح تنسين ابووووووووه بعد ..
اتوكلي على الله وطلعي اي شخص ثاني غير زوجك من قلبك , وقدميله كل الحب عشان ينعكس هذا الشي عليك
الله يوفقك ويبعد عنك الشكوك قولي امين .

 

[بانانا]

حبيبتي كلل البنات اللي اعرفهم اللي تزوجو وهم يحبون نسووو اللي يحبونهم من اول يوم زوااااج
مو بعد. فترة بعد
اصلا حب قبل الزواج خرابيط بعد الزواج اهو الحب الصجي
انا تزوجت حبيبي بعد قصه حب وكفاح ومعاناة ٣ سنين
والله دايما اقوله ترى قبل الزواج ماكنت احبك حب قوي وصجي نفس الحين
واهو نفس الشي
توكلي والله يوفقج

 

[ليل السفر]

الحمدالله اللي احبه بيتزوجني بعد 3 شهور

 

[فطوم1993]

الله يعينج يا قلبي احينه ماكو حل غير انج ترضين بالواقع وصدقيني راح تنسينه حبيبج وراح تحبين زوجج اكثر من حبج لحبيبج لان زوجج بالاصل خصوصا اول الايام راح ينسيج كل همومج وحاولي ماتقارني ابدا لا تقارنين بين حبيبج وزوجج مثلا زوجج سوا حركه لا تقولين والله لو حبيبي ما بسويلي جيه فهمتي وعسى الله يهنيج بزوجج وكللللللللللششش شعليج بتتزوجين وانا بعدني ! ههههه

 

[دلوعة أبوهآ]

دامك راح ترتبطي بشخص ثاني وبتصيري ع ذمة رجال ثاني .!
لازم تخلصي له وتصونيه بقلبك وجسدك : )

هذاك لو يحبك كان خطبك مهما كانت الظروف اللي عنده أو اللي بينكم ..
فَ طنشيه وغيري ارقامك وايميلك وكل شي يعرفه ويخصك ..

وحاولي تنسيه وادعي انه ربي ينسيكِ هو ويحنن قلبك ع زوجك ..


وموفقه ..

 

[تباعدناااا]

الله يعينك
حاولي تنسينه والله يصبرك
انشغلي بحياتك الجديده فكري بزوجك واهم شي اقبليه بأي شكل عليه اخلاقه
لاتقاارنين بينه وبين حبيبك ادري صعب بس حاااااااااااولي

 

[ya al3rosa]

اااااااااب
البنات مو قصرووو

 

[مهآآآآآ]

بتنسين طوآيفه وبتلهين
خلي عنج الخرابيط
زوجج بينسيج كل شي
اللي عايشه فيه انتي وهم صدقيني

أستغفري ربج وتوبي

 

[الأميرة جوري]

خلاص انسيه لادمرين حياتج مادام خذيتى غيري ...وكل شيء يربطج فيه انهيه قبل لاتتزوجين علشان تعيشين باحلي واسعد ايامج ..والله يوفقج

 

[جمالي خيالي]

وليش اللي يحبج ماخذاج وليش بياخذج واحد ثاني؟

 

[يعنني أتغلى]

شوفي الحب يصنع المعجزات

وهذاك اللي تحبينه صدقيني لو يحبج

يتزوجج واسأليني انا

الرجال لاحب مايعوقه شي عن اللي يحبها

وهذا مايحبج وحطي ببالج انه يلعب ويتسلى وانتي قلتي يقطع ويرد يعني يحن بس مو مايستغني عنج

وثقي ثقه تامه عنده غيرج عشر

بس الرجال بطبيعته يحن ويحب يرجع الايام اللي فاتت ومايحب يحس ان في وحده قدرت ترده

فانتي التفتي لرجلج وحاولي تحبينه قد ماتقدرين

وصونيه قد ماتقدرين

وترى ربي ماراح يرضى عنج ان فكرتي بغيره اذا ماتقدرين كلش كلش لاتضيعين ولد الناس

والله يوفقج ويسهل دربج يارب

 

[كـ غلا ــلي]

والله يتروالي هالشي يعتمد عليج انتا تحديدا هل انتي فعلا ناويه تنسين حبيبج الاولي وتسخرين روحج

وقلبج حق زوجج الشغله جدا بسيطه اذا انتي فعلا تبين فاكيد بتقدرين

 

[اشكي]

صدقيني موبس تنسينه الا بتحطين حبه وذكرياته بصندوق وتشوتينه مثل الكرة هههههه

انا حبيت قبل الزواج لا وحب جنون وخبال وربي مونسيته الا اذا شفته اقل شي بسويه اني اقولها اشكي عليك الحال ياعارف الحال

خلاص زوجي عمري وحياتي ومستقبلي هالانسان الي شراني بماي عيونه موحبيبي الي باعني وانا بعته والله عندي ضحكه من ضحكات زوجي تسوي الدنيا ومافيها ..

 

[ZaNoBiA]

الله يعيييييينج​

 

[ميس الورود]

اللي نساك انساه حاولي تكرهي نفسك فيه
وبعدين زوجك يكفي يبيك وشاريك مو بايعك ماتدرين يمكن تعشقي زوجك للجنون وتحسي بتفاهه اللي كنتي تحبيه الله وياك استغفرررررري كثير

 

[لولوه الاموره]

اااااااااااااااااااااه من الحب

 

[زوجة عزيز]

الله يوفقج بحياتج اليديده

 

[classicyah]

مآ ادري ،

بس الي أشوفه ، انه عآدي بتنسين اذآ كـآن زوجج أحسـن من حبيبج . .

ادعي الله يحببج فيه ، و ينسيج الحب القديمْ ، ،