للحريم السنعات بس شتسوين اذا جاج ضيف فجأه؟؟

[هيللو كيتي]

طبعا مرات اسوي بسبوووسه.. بس مكوناتها موو دايم تكون موجودة مرات ..

اووووو

اسوي حلو بارد
اصف كيك جاهز بصحن واسوي خلطة ظرف دريم ويب وشوية فانيلا ونص حليب سائل واحوسهم مع مااي ورد اكثر نكهته .. واحمس شعيريه باكستانيه وارشها عالوجه .. حيييل لذذذذيذة..

اوووو

شرايح السمبوسه اقليها واصب عليها شيرة وارش فستق..
او اصفهم بصحن اكون حاطه فيه خلطة دريم ويب وقيمر وسكر بودرة ودارسين مطحون واخلطهم مع بعض واصف عجينة السمبوسه عليها بس اكون لافته نفس الاصابع ..

اووو

بلاليط بس مو دايم لان اكلتها صعبه وطبعا اقدمها بدددون بيض..

او عجينة بف باستري احطها بالقوالب واحط قشطة اخلطها مع شوووية ماي ورد وارشها فستق وادخلها الفرن لين تتحمر
ومرات احط تفاح مقطع صغار وارشه دارسين مطحون وسكر بودة واصب عليه شيرة للتحليه شوي..

هذا بالنسبه للحلويااات ..

اما اذا مناسبه او عنددي خبر من قبلها احب اطلب شي مميزززز وراقي ..

ان شاءلله اكوون فدتكم واطباقي عجبتكم..

 

[Huda alotaibi]

رد: رد : للحريم السنعات بس شتسوين اذا جاج ضيف فجأه؟؟

ومنكم نستفيد

 

[هيللو كيتي]

اسوي حلووي عمانيه طريقتها جددا سهله ماتاخذ وقت وحلاتها تتقدم حاارة..
اخلط سكر مع نص غلاص ماي حار مغلي ليما يذووب واصبه بالجدر علي نار هاديه واتم احوووسه
واحط بقلاص ماي مغلي بعد نشا واخلطهم لمن يذرب واصبه عالجدر طبعا جذي اسهل عشان لايتكتلون ولا تاخذ وقت بالحوس علا النار..

واصب عليها ماي ورد وزعفران وشوي صبغة زعفران عشان تاخذ اللون الاورنج الفاتح ... ومرات احط معاها هيل مطحون مع ماي ورد شويا وتصير لونها اخضر تقريبا نفس الهيل..
واحوسهم مع بعض لمدة خمس دقايق عشان لاتكتل واصبها ع طول بصحن تقديم عميق واقدمها وتكون لاهي جاامدة ولا هي سائله لا اهم شي متماسكة
واللي تحبها تصك حيل تزيد النشاا..



وطبعا بمساعدة الخدامة تغسل الصحون وتطلع لي اللي اقولها عليه ومرات تكون عاارفه من قبل تسويه بسرعه وانا اقعد مع الضيوف اذا ماكانت خالتي موجودة .

وسوررري عالاطاله بس حبيت اكتب كل اللي عندي لان مووو دايم ادش المنتدي او ارجع للمواضيع ...
تحيااتي

 

[هيللو كيتي]

بالنسبه للموالح

اسوي عجينة بان كيك واضيف لها حبة حلوة وبعدين ادهنها بعسل او جبنة قلاص او حلوم مبشور مع زيتون واسفطها واقصصهاا واصففها..

او كلووب ساندويش..

او جباتي اطلبه من المطعم واحشيه بالموجود والفه روول واقصه بالنص

وطبعا الجباتي والبانكيك عشان يمسك احط فيه بالنص عود اسنان وازينه بزيتونه او بيبي طماط اللي موووجود..

او عجينة البف باستري احطها بالقوالب واحشيها جيكن او جبن او مكونات البيتزا واحمرها..

او الصمون العادي اقصه بالنص اسوي خلطة اجبان ( غلاص وكيري وجبنة مالحه من كل شي شوووي وادهن الصمونه فيها واقطع طماط صغير عليها وارشها نعنااع ناعم فريش او. اريغانوو وجبن موزريلا بالاخير وادخلها الفرن تتحمر))

او اذا يمدي اسوي عجينة فطاير والحشوات اللي موجودة ..

ومرات اسوي بسكوت مالح ادهنها بجبن غلاص واحط عليها التوسته اقصها بحجم البسكوته وعلا التوسته احط مكونات البيتزا او خلطة الاجبان نفسها ..

وشكرررا لكم ..

 

[هيللو كيتي]

وصراحه اهم شي تكون عندكم صحوون حلوة وفناتق وطريقة التقديم لازم تكون مررتبه ..
والوان المواعين متناسقه..
لان الشكل ياخذ 50٪ والطعم 50٪

ع قولتهم العين تعشق كل جمميل..

 

[مفعمه بالحيويه]

رفع

 

[ديانا سبنسر]

ياكثر ماتصير فيني اسوي جاي وقهوة واحطه بمواعيني الكشخة تمر وهردة اطلب حلو قهوة وفطاير من اي محل حلويات سنع وياكثرهم

العشا مجبوس دجاج. مع سلطات

بعد العشا نحلي بفواكه او نشرب مشروبات غازية او شاي
واهم شي النفسية. والاستقبال الحلو

 

[om MaRyooM]

الحمدلله ماتصير معاي ظيوفي يعطون خبر

واساسا ماعندنا وايد معارف اللهم اهلي واهله وعادة احنا اللي نزورهم

 

[latkt7as]

انا اتدوده اذا احد جاني فجاءه

ف حلي الوحيد اطلب من اي مكان


تقبلي مروري

 

[روزالكويت]

مشالله شطار

 

[Withered flower]

والله نادرا ما احد يمرنا بدون ما يقول واحس هالشي عيب
الواحد اذا بيزور ناس لازم يعلمهم

اهم شي الجاي والقهوة او التانج والفيمتو والتمر واذا في كيك او درابيل حطينا والجود من الموجود

 

[PuPa^^SWeeT]

جاي و مقالي و اطلب كيكة وفطاير

 

[أبله أريج]

اطلب على طوووووووووول لان ما اعمل حسابي للشي هذا الناس الحين كلهم يبلغون قبل الزيارة

 

[mrs.abk]

أنا توني عروس يديدة .. بس بيتي ما شاء الله عامر وايد يوني يزورون ..

زوجي يحب أساسا يكون كل شيء متوفر بالبيت لأنه يتوقع الضيوف كل وقت ..

فعندي موالح وحلو عربي مثل البيتفور والبقلاوة متوفر دايما .. والفواكه موجودة دايما

غير جذيه ما أأسوي غير الشاي والقهوة والشاي الأخضر .. وأرتب الأغراض للتقديم ولكن لو على وقت العشا أو الغداء أجهز السلطات وألف شيء خفيف .. مثلا سمبوسة ( عندي مجمد وأقلي ) أو أقلي شيبس أو أسوي مسخن دياي بخلطتي الخاصة الكل يحبها الحمد لله .. أو بيتزا البف باستري أو أي شيء خفيف .. بس غالبا ضيوفي ما يقعدون للوجبه الرئيسية ..

 

[لمسات اسلاميه]

1. انا لما يجوني ضيوف افتت الكيك الجاهز في بايركس واخلط حليب مكثف وقيمر وكاكاو ودريم ويب وجبنه كيري وفانيليه كل المكونات في الخلاط واضيفها على الكيك واحطها في الفريزر على مااسوي القهوه يكون الحلا جاهز

 

[تبيني آرضى عليك]

آآآآآآآآآآآب

 

[kareeb]

عن نفسي على حسب الأغراض الموجودة عندي اسوي الحلى واذا كان حزت عشا اطلب من مطعم

 

[Bnt-USA]

انا اول ما انصدم بضيف فجأءة


اهم شي عندي ترتيب البيت والبخوووووووووووووووووووووووووووووووووووور اهم شي


طبعا انا طاولة الطعام عندي مبدعة فيها صايرة تحفة فنية بروحها ههههههههههههههههههه


ووووو بالنسبة للتقديم
انا العصاير ما تنقطع من بيتي
موجودين
وانواع القهوة ،، <=- عشششششاق القهوة
وانواع الجاي ،، (( ايرلي قري - وايت تي ..... الخ ))

عندي النيسبريسسو للضيوف اللي امون عليهم اقدم لهم ب كوب ،،

بس اللي ما امون عليهم
ازهب طقم القلاصات ملوت العصير الكشخة
واحطهم بصنية ذربة الفضية اللي تكون فيها زخارف بالذهبي مادري شنو مصنوعة منه ،، بس الثقال الكشخة معروفين


واحط صنية ثانية فيها استكانات نفس طقم القلاصات ،، (( من تجهيز خالتي لشقتي )) فديتها الله يخليها لي ولا يحرمني منها

واحط فيها انواع الشكر ،، مال الرجيم و البراون شوقر ،، والوايت شوقر ،،،
واحط عندي صحن مقسم ثلاث اقسام صغير ،،
احب احط فيه (( زعتر - ميرامية - حبك ))
حق اللي يحب اضافات للجاي ،،

واطلع مطاطيري
و اعبي اللي يسخن الماي - ماي
عشان اول ما يدشون اسخن الماي ،،

ووو شنو بعد

عندي فازه نفس الطاسه تقريبا نفس هذي شكلها

احب امليها من الككاوات ملا جالاكسي جواهر
كب كيك لوزين فراولة عجيييييييييييييييب ويهبل تقدرون تفتحونه من الجيس وتحطونه ب صنية ذربة للتقديم

وعندي تقريبا مثل هذا بس الصحون مربعات

احب احط فيه انواع المكسرات

مثلا مكسرات يابانية
و حب عادي مشكل
واحب احط
هذا
خبز محمص على نكهات
احب احطة ذرب بالتقديم

وبالنسبة للفطاير ولا مره زاروني ناس وطولو عشان جذي ما فكرت احط فطاير ولا مره





ومشكورة خوش موضوع

 

[هنا22]

عندي كيك جاهز طحين للزنقات