للحين تعبانة !!

[.،:"$الـعـوبــــة$":،.]

السلام عليكم ورحمة الله وبركاته ،،

<< كنت كاتبة مرحبا ونقدت على نفسي وغيرت !!

المهم يالغالين شخباركم ،، والله كنت مطيحة بهالقسم ايام الحمل الحين قاطعته يعني ولدت !!:wqedqw:
بس سبحان الله رديت لكم ،،:friends:

صارلي 3شهور والدة تقريبا ،، وللحين احس بتعب !! والله والله جسمي للحين كله يعورني !
ودي اروح وامشي واطلع بس بسرعة اتعب !!:bbbiu:

خدامتي نيبالية تشوفني شلون امشي واقعد واقوم ، تقول ( انتي لازم تحطين كوب زيت زيتون على نار دافيه مع ملعقة او ملعقتين كبار حلبة )

واتدلكين كل جسمك فيه ،،

الله يعين عاد عالريحة !!!

تقول يقوي الجسم والعظام وهي والله عردة وقوية مو انا صايرة رخوة مافيني حيل !! << بصكها عين !:rgewrg:

شرايكم منو سمع بهالخلطة !! بروح لاهلي وانام عندهم واسويها !
واذا عندكم نصيحة ثانية قولولي كلي آذان صاغية ! << ياحركات يا لغة انتي !:ggdw:​

!

 

[شالعه ضرس العقل]

اي اي سمعت بدهن بزيت الزيتون تسخنينه و تدهنين فيه وخصوصا اسفل قدمج يريحج اما انج تحطين حلبه لا ماسعتها

 

[حرم بدر]

رد : للحين تعبانة !!

اى زيت الزيتون معروووووووووووفه خلي اهلج يدلكووونج عدل لانه شكلج بالولاده ما ترددتى عدل وعظامج رخوه

ونامي ودفى جسمج عدل وباجر قومى تسبحى وان شاء الله تصحصحين او روحى الصالون يسوون لج ترديد بعد الولاده

 

[كميثره]

شوفي امي الله يخليها لي اذا اختي ولدت تحرر زيت زيتون وتدهن جسمها كله وتسوي لها شوية مساج وتخليها تلبس بجامه ثقيله شوي وتلبس دلاغات وتنام يعني ادفيها عالاخر :rerrerek:

اما الحلبه ما اشوف امي تحط مع زيت الزيتون .

 

[كويتيه مذهله 87]

يبيلج رداده احسن حوووبي
تلاحظينهم يستخدمون زييت الزيتوت بالتدليك
,,,

 

[randomy]

يبيلج مقويات , خذيتي فيتامينات وكالسيوم بعد الولادة ؟؟

 

[دنيتى زوجي M]

اول شي الحمدالله على سلامتج ومبروك ماياج

ثاني شي ماسمعت بهالخلطه ولا اعرف بهالسوالف

بس اتوقع لو اتيبين لج رداده وايد احسن يعرفون بهالسوالف عدل

واب لعيونج

 

[[[ عيون جابر ]]]

الحمدلله على سلامتج حبيبتي ومبروك ما ياج
زيت الزيتون انا سامعه عنه بعد وايد زين ومع مساج قوي انشالله بتتحسنين :wqedqw:​

 

[دانة بعين بحاري]

رد : للحين تعبانة !!

الحمدالله على سلامتج
زيت الزيتون وايد زين وانا اعرف وحده امها تحطلها الكركم مع الزيت تقول انه زين بس للامانه انا ماجربت
والافضل انج تجيبين وحده تسوي لج مساج وترديد

 

[جـــواهر]

رد : للحين تعبانة !!

زيت الزيتون ممتااااااااز

انا لو يدشني هوا اتمرخ فيه والله ماقوم الا وانا حصااان

جربيه وسلامتج قلبي

 

[ام كوشه منكووشه]

رد : للحين تعبانة !!

ماتشوفين شر والف سلامه عليج ان شاءالله

الزيت زيتون معروف انه زين بس ان يحطون معاه حلبه اول اسمع فيها

جربيها وان شاءالله تجيب نتيجه زينه معاج

 

[!الجادل الصعب!]

رد : للحين تعبانة !!

مآتحبين المسآج والا المفروض تجيبين لولو الصينيه تدوس ببطنج شوي ومسآجآت على كيفج ..!
كل من هالنتفه كثر مقآبلها هد الحيل بالمره ..! الله يديم النعمه ..!:jumpon:

 

[.،:"$الـعـوبــــة$":،.]

رد : رد: للحين تعبانة !!

اي اي سمعت بدهن بزيت الزيتون تسخنينه و تدهنين فيه وخصوصا اسفل قدمج يريحج اما انج تحطين حلبه لا ماسعتها

اي والله !!!!!!!!!!:hjy5jewf:
كنك تدرين اني وربي لما امشي اقدامي من تحت تعووووووورني !! كأني ماشية مسااافاااات ! وانا بالاساس ماتحركت !​

 

[.،:"$الـعـوبــــة$":،.]

رد : للحين تعبانة !!

اى زيت الزيتون معروووووووووووفه خلي اهلج يدلكووونج عدل لانه شكلج بالولاده ما ترددتى عدل وعظامج رخوه

ونامي ودفى جسمج عدل وباجر قومى تسبحى وان شاء الله تصحصحين او روحى الصالون يسوون لج ترديد بعد الولاده

الظاهر اني بدق على ردادة تجي البيت ، مع اني لما رحت لردادة بنفاستي ورددتني قالت خلاص ماتحتاجين مرة ثانية !
تسلمين ياقلبي ،​

 

[Tom ♥ Jerry]

رد : للحين تعبانة !!

.


سوي مثل مآ قالتلج (= !
الله يشفيج يارب

 

[مجنونة بس عاقلة]

سلااااااامات وماتشوفين شر ياقلبي
اكيد ماكثرتي حلب ببداية نفاسك
لان جدتي الله يرحمها كانت تقول اللي ماتاكل
حلب ببداية نفاسها تطلع من النفاس وكل عظم
يعورها يعني بس تعبانه

 

[.،:"$الـعـوبــــة$":،.]

رد : رد: للحين تعبانة !!

شوفي امي الله يخليها لي اذا اختي ولدت تحرر زيت زيتون وتدهن جسمها كله وتسوي لها شوية مساج وتخليها تلبس بجامه ثقيله شوي وتلبس دلاغات وتنام يعني ادفيها عالاخر :rerrerek:

اما الحلبه ما اشوف امي تحط مع زيت الزيتون .

الحلبة معروف انها تقوي العظم بس انا اللي اعرفه انها تفوح مع الحليب ! بس اول مرة ادري انها تنحط بالزيت من خدامتي !
عسى الله يطول بعمر اميمتك ويخليها لكم يارب ،:hjy5jewf:​

 

[@سيدة نفسي@]

رد : للحين تعبانة !!

شنو الحلب ياعاااقلة ؟؟

المحلب ولا الحلبة ؟؟

 

[.،:"$الـعـوبــــة$":،.]

رد : رد: للحين تعبانة !!

يبيلج رداده احسن حوووبي
تلاحظينهم يستخدمون زييت الزيتوت بالتدليك
,,,

حياتي ،، اممممم ،، مدري شقول !! مااحب المساج !! يعوروني !! بس شكلي بتوكل على الله واجيب ردادة ،،
مشكورة يالغلا ،،:hjy5jewf:​

 

[.،:"$الـعـوبــــة$":،.]

رد : رد: للحين تعبانة !!

يبيلج مقويات , خذيتي فيتامينات وكالسيوم بعد الولادة ؟؟

والله عندي !! ومن بداية حمالي للحين !! بس مدري شفيني هالمرة !!
ابي امشي ابي اسوي رياضة مااااااااااااافيني حيل ! وربي مافيني حيل حتى احوس في بيتي !!
شي يغث ويضيق الخلق !!!:cxxxp:
ومشكورة ياقلبي ،،:hjy5jewf:​