للشعر ان ما نفعتكم ما تضركم من تجربتي الشخصيه حياااكم

[ليش نحب ؟؟]

السلام عليكم

شلونكم حبايبي خواتي شخباركم

وايد بنات يتضايقون من ريحه الحنه او لونها الاحمر اذا صبغت
انا وحده منهم بس انا شعري وايد متعب و محتاجه فايدت الحنه بس مابي ريحتها ولا لونها الاحمر
المهم مابي اطول عليكم سويتلي خلطه وحطيتها بشعري صار شعري يهبل و ما ابالغ بهالشي
انا اساسا شعري متعب بس احب اجابله و استشور و اسوي ستريت بس الحين صرت ما احتاج الستريت صرت بس انشف شعري بالسشوار و صار لوني بني وايد حلوو نعمت شعري وايد و كثفته


الخلطه :
من 4 الى 6 ملاعق حنه >>> تكثف الشعر و تنعمه و تعطيه لمعه و لون افتح
1 ونص ملعقه مايونيز>>> معروف انه ينعم الشعر
كوب ماء ساخن مع ملعقه نسكافيه >>>عشان ريحه الحنه و عشان تعطي الشعر لون البني و ما تخليه احمر
3 ملاعق زيت زيت زيتون و 3 ملاعق زيت دابر املا الاخضر >>> يطري الشعر و يطوله


خلطي الزيوت مع بعض

اول شي حطي المايونيز و حطي فوقه الحنه بعدين حطي الماي المخلوط مع النسكافيه وحوسيهم و حطي فوقهم الزيوت و خلطي واذا حسيتيها ثقيله وايد زيدي الماي اذا حسيتيها خفيفه زيدي الحنه حسب النظر

وخلي اختج او اي احد يحطها بشعرج
وخلها مدة ساعه عالاقل و اذا حابه تخلينه اكثر ماكو اي مشاكل و يكون احسن بعد

وانا قلت لكم من البدايه ان ما نفعتكم مستحيل تضركم لانها اعشاب و زيوت طبيعيه و ماكو موايد كيماويه الي تضر الشعر


ولما تغسلها راح تلاحظين اول يوم جنه شعرج مدهن بس ما عليه اليوم الثاني غسله وراح تشوفين الفرق من اليوم الثالث ان شالله
وبين فتره و فتره حطيها مره ثانيه

انا تقريبا صارلي 7 مرات حاطه حنه براسي و لا صار لونه احمر بالعكس صاير كستنائي و اهم شي ان صاير ناعم و مو ناشف

دعواتكم :eh_s(9):

 

[ام ساره 4]

حبيبتي يعطيج ألف عافيه وجزاج الله ألف خير عالموضوع الرووووعه

 

[toota ali]

بالعكس ريحة الحنه وااااااااااااايد حلوه
واللون الاحمر هم حلوووو
عاد يبيله احط حنه حق شعري صاير خفيف وباااااااااااااهت

 

[ليش نحب ؟؟]

جربي هالخلطه ورايح تعجبج انا بالبدايه كنت استعمل الروب بدال المايونيز كانت زينه بس بالمايونيز وايد احلى

 

[رآآحٺ آيآمڪْـ]

مشكؤرة حبؤبه ه

 

[وردة سلفر]

مشكوووورة يازتلي الخلطة ​

 

[ليش نحب ؟؟]

ولوو فديتكم هاذا واجبي اذا شي فادني اقولكم

 

[هدوء البنفسج]

مشكوووورة

انا احط في الحنة حلبة

 

[ليش نحب ؟؟]

افا بنات وين ردودكم هاذا اول موضوع لي بالقسم ؛-(

 

[كلك حنان]

يعطيك العافيه
وتسلم يمناك

 

[ليش نحب ؟؟]

الله يعافيج و يسلمج

شكرا عالمروور

 

[عبقرية]

انه لون الكستنائي علة هو ومدرجات الاحمر ​

افعلا إذا نفعت ماراح تضر ​

اشكرك كثير ماقصرتي ​

 

[بنوتة طموحة]

الله يعطيج العافية

باجر ناوية أحط حنة

وبشوف آنا ولا شعري <<< هووشة مع هالشعر التعبان خخخخخ

 

[ليش نحب ؟؟]

ههههههههههههههه اي ما ينفع الا جذي

انا قلت مابي تجرب شي و اخليه جذي بس ايدي تحكني ماعرف اخلي شعري جذي


وعاندت شعري و مشيت كلمتي عليه

 

[تفاصيل الغرابه]

يعطيج الف عاااافيه وفعلا الحنه مفييييييييييييييده

 

[FTOoMI]

حَبِيْبَتِي بَغِيْت أَسْأَلُك نَوْع الْحِنَّه الْلِي تَسْتَخِدمِيّنْها
وَانَا صابِغُه شِعْرِي بَس لِي سِنِّه وَخَلَاص قَرَّرْت أَحنيَّه
بَس خَايفْه يُقَلِّب بُرْتُقَالِي مَع الْحِنَّه - أَعطِيْنِي مَشْوَرَتِك
وَتُسَلِّمِيْن يّاقَلَّبَي ع الْمُوَضُوْع ..
.
.
:eh_s(7):​

 

[يازمان العجايب]

يعطيج العافيه بس مابي حنه بجربها بالسدر
​

 

[♥الامل المنتظر♥]

يعطيك العافيييه

 

[_ظل الياسمين _]

مشكوره حبيبتى....

 

[ليش نحب ؟؟]

حَبِيْبَتِي بَغِيْت أَسْأَلُك نَوْع الْحِنَّه الْلِي تَسْتَخِدمِيّنْها
وَانَا صابِغُه شِعْرِي بَس لِي سِنِّه وَخَلَاص قَرَّرْت أَحنيَّه
بَس خَايفْه يُقَلِّب بُرْتُقَالِي مَع الْحِنَّه - أَعطِيْنِي مَشْوَرَتِك
وَتُسَلِّمِيْن يّاقَلَّبَي ع الْمُوَضُوْع ..
.
.
:eh_s(7):​

لا حبيبتي ما تقلب برتقاليه انا جربتها على خالتي و علي مرت اخوي صارت حلوه لا تحاتين
والله انا جربت اكثر من نوع بالحنه بس احلى شي خلطي الحنه السودا مع الحمره تصير عجيبه بس عادي اي نوع تجربين و انا مره حطيت قفشه صغيره كركم وايد حلو لونه صار بس اذا ما تبين مو مهم
مشكوره عالمرور فديتج :eh_s(7):