للصـبـر قـآل حـدود .. يـامصبـر المـوعود !

3ωɑƨнoυн · 15 سبتمبر 2012

سـلآم :*

شلـونكم بنـآت ؟
بهالفتـرة كتبت روآيـة ,
آتمنـى آنهـآ تعجبكـم !!
و آهـي شكـل ثـآني عن الي وقفتهـآ ..

نطـرونـي بـ أول بـآرت :*

انوار الكوويت · 15 سبتمبر 2012

ناطرينج
ويشرفني اكون الفيرست

3ωɑƨнoυн · 15 سبتمبر 2012

[font=&quot]الخيـران ..[/font]

[font=&quot]السـاعه 9 الصبح[/font]

[font=&quot]* اليوم : خميس *[/font]

[font=&quot]عايشة : اوه اوه هدوي , شمقعدك هالحزة ؟[/font]

[font=&quot]هادي " ولد خال عآيشة " : لوول شسوي بعد امس ييت سيدة قطيت عمري و نمت[/font]

[font=&quot]عايشة : ايي صح صح ماشفناك امس على العشى .. على العموم صح النووم[/font]

[font=&quot]هادي : صح بدنج , انتي شمقعدج ؟[/font]

[font=&quot]عايشة : والله ماكو انا و البنات متفقين ان ننزل البحر , بس اول شي بنروح ستاربكس نتريق ![/font]

[font=&quot]هادي : والله من صجكم ؟ رايحين جذي بروحكم ؟[/font]

[font=&quot]عايشة : اي عادي شنو فيها يعني ؟[/font]

[font=&quot]هادي : ها ؟ لا يبه مافيها شي , منو بيوديكم ؟[/font]

[font=&quot]عايشة : مادري يمكن منور او فطوم " بنات خالتها "[/font]

[font=&quot]هادي : اي و منو بيروح ؟ بس انتوا الثلاثه ؟؟[/font]

[font=&quot]عايشة : لاا معانا مريوم و ليلز و ملاك ! " هم بنات خالاتها "[/font]

[font=&quot]هادي : حلو عيل ! اقعد الشباب و نروح مع بعض , شرايج ؟[/font]

[font=&quot]عايشة : ها ؟ مادري اشوف البنات ويت ![/font]

[font=&quot]دشت غرفة فطوم و منور ..[/font]

[font=&quot]عايشة : صباح الخير ..[/font]

[font=&quot]فطوم & منور : هلا والله صباح النور ..[/font]

[font=&quot]عايشة : شلونكم ؟[/font]

[font=&quot]فطوم & منور : تمام ![/font]

[font=&quot]عايشة : بناات تو هدوي شافني لابسة و جذي فـ قعد يسأل و هيك , يقول بيقعد الشباب و اييون معانا ! ها شقلتوا ؟[/font]

[font=&quot]فطوم : مادري شوفي ليلز و ملوك و مريوم ! انا عن نفسي عادي ,[/font]

[font=&quot]منور : حياهم الله اصلا بيونسونا ![/font]

[font=&quot]عايشة : خلاص ليلز و ملوك و مريم عادي مو لازم ناخذ رايهم , لبسوا عشان نروح ..[/font]

[font=&quot]و طلعت برا الغرفه ..[/font]

[font=&quot]هادي : ها شقالوا ؟[/font]

[font=&quot]عواش : اي اوكي حياكم الله ![/font]

[font=&quot]هادي : يالله انا بروح اقعد الشباب ,[/font]

[font=&quot]عواش : بس لحظة هدوي بتروحون بسيارة منو ؟[/font]

[font=&quot]هادي : بسلفرادو وهيب ![/font]

[font=&quot]عواش : ماتكفي انتوا مشالله عليكم عن قبيلة !![/font]

[font=&quot]هادي : اي والله صح , ماعليج نشوف لنا صرفة ..[/font]

[font=&quot]عواش : اوكي[/font]

[font=&quot]راحوا ستاربكس و ردو ,[/font]

[font=&quot]نزلوا البحر البنات , بعدين الشباب ..[/font]

[font=&quot]و صارت حزة الغدا ..[/font]

[font=&quot]الكل تيمع ..[/font]

[font=&quot]الامهات " الخالات " : مها , مريم , ريم , ابرار ..[/font]

[font=&quot]الامهات الي من برآ : فاطمة " بنت خالة الامهات " , هديل " اخت فاطمة " , هدى , بدرية[/font]

[font=&quot]الابآء " الخوال " : انس " ريل فاطمة " , نادر "ريل هدى " , باسل " ريل بدرية " , بدر " الجعده و مو متزوج , 29 سنة , حيل ميانه مع عيال خواته و اخوانه "[/font]

[font=&quot]آزوآج الامهات الي من برآ : سالم " ريل مها " , آحمد " ريل مريم " , ابراهيم " ريل ريم " , حآمد " ريل هديل " , فارس " ريل ابرار و اخو فاطمة&هديل "[/font]

[font=&quot]عيآل مهآ و سالم : عبدالوهاب 22 سنة , منيرة 19 سنة , نايف 12 سنة , خالد 10 سنوآت ..[/font]

[font=&quot]عيآل مريم و آحمد : سعود 19 سنة , عايشة 17 سنة , محمد 16 سنه , عامر 14 سنة , طيوبة 8 سنوآت ..[/font]

[font=&quot]عيآل ريم و آبرآهيم : مريم 18 سنة , ملاك 15 سنه , ثامر 13 سنه ..[/font]

[font=&quot]عيآل ابرار و فارس : خالد 19 سنة , ليلى " ليلز " 17 سنه , نورة 6 سنوات ..[/font]

[font=&quot]عيآل أنس و فاطمة : عبدالهادي 19 سنة , روان 14 سنة , حمود 16 سنة ..[/font]

[font=&quot]عيال نادر و هدى : مشعل و مشاري " توأم " 22 سنة , عبدالله 19 سنة ..[/font]

[font=&quot]عيال باسل و بدرية : فيصل 22 , علي و عبدالعزيز " توأم " 19 سنة ..[/font]

[font=&quot]عيآل هديل و حامد : فاطمة 20 سنة ..[/font]

[font=&quot]على الطاولة الاهل قاعدين[/font]

[font=&quot]و البنات قاعدين ..[/font]

[font=&quot]بس الشباب مالهم حس ![/font]

[font=&quot]مر عليهم علي ..[/font]

[font=&quot]بدرية : علي حبيبي نجبنا الغدا تعالوا تغدوا يمه ..[/font]

[font=&quot]علي : انشالله , ثواني[/font]

[font=&quot]و طبعا .. راح مارد ![/font]

[font=&quot]بدرية : هذا وين راح ؟ انا مو قلت له نجبنا !![/font]

[font=&quot]مها : ماعليه , شوي و اييون !![/font]

[font=&quot]انس : يه ماصارت !! احنا يايين نستانس ولا نقلبها نكد و ننطرهم ؟[/font]

[font=&quot]احمد : ماعليه يا بوعبدالهادي , الحين اييون ..[/font]

[font=&quot]بدر : انا رايح اناديهم ..[/font]

[font=&quot]عند الشباب[/font]

[font=&quot]متيمعين ورا سيارة عبدالوهاب[/font]

[font=&quot]مشعل طايح على الارض ..[/font]

[font=&quot]مشعل : شفففففففيك انت شفيييييييييييييك مو صاحي ؟ شلت ريلي !!![/font]

[font=&quot]وهآب : انت الي شفيك واقف ورا السيارة !! ماتشوف عمي ؟؟؟؟؟[/font]

[font=&quot]مشعل : آآآه ريلي مو قادر احركها !![/font]

[font=&quot]مشاري : اشوف يمكن كسر او شي جايد !![/font]

[font=&quot]كشف على ريله ..[/font]

[font=&quot]الصدمة كانت قوية ![/font]

[font=&quot]ريل مشعل زررررررررررررررررقة !![/font]

[font=&quot]مشاري : ييبو خشبة ولا اي شي , خنحطها على ريله ..[/font]

[font=&quot]يابو خشبه ..[/font]

[font=&quot]حطوها على ريله ..[/font]

[font=&quot]مشاري فصخ بلوزته و ثبت الخشبه على ريل مشعل ..[/font]

[font=&quot]طبعا ولا على وصوول بدر ..[/font]

[font=&quot]بدر : انتو اوينكم ؟ يالله ماصا.. اووه مشيعل !!!! شفيها ريلك ؟ ليش جذي زرقه @@[/font]

[font=&quot]مشعل :أأ .. مو وقته بدير والله تعورني[/font]

[font=&quot]بدر : شباب شيلوه شيلوه ييبوه عندنا داخل !![/font]

[font=&quot]تو يبون يشيلونه[/font]

[font=&quot]مشعل : آآآآآآآآآآآآآآآآآآآآخ[/font]

[font=&quot]بدر : شوي شوي عليه شباب !!![/font]

[font=&quot]شالوه و يابوه ..[/font]

[font=&quot]هدى : ولدي شفيه ليش شايلينه جذي ؟؟؟؟[/font]

[font=&quot]نادر : مادري مادري ..[/font]

[font=&quot]الكل راح له ..[/font]

[font=&quot]نادر : شفيه الصبي ؟؟[/font]

[font=&quot]...[/font]

[font=&quot]نادر : اقول لكم شفيه الصبي ليش شايلينه وليشر يله زرقه جذي !![/font]

[font=&quot]مشعل : آخخ[/font]

[font=&quot]بدر يرقع : ماعليه يابومشعل , الحين بدال الهذره خلنا نوديه نشوف شفيه ![/font]

[font=&quot]نادر : اي يالله روح انت و فهد ودوه ..[/font]

[font=&quot]حاله سكوت غريبه ![/font]

[font=&quot]مريم مسكت عبرتها ..[/font]

[font=&quot]احمد ساكت ![/font]

[font=&quot]عايشة : انا استأذن بروح فوق ..[/font]

[font=&quot]راحت فوق ..[/font]

[font=&quot]نادر يعاتب روحه ..[/font]

[font=&quot]مريم تذكرت همها ..[/font]

[font=&quot]احمد مايبي يقول شي يذكر مرته و يتحسف ..[/font]

[font=&quot]عند بدر و مشعل و مشاري بالمستشفى ..[/font]

[font=&quot]الدكتور : آآ .. باين الاصابه خطيرة آوي !! هوّه ايه الي قرا بالزبط ؟[/font]

[font=&quot]بدر : والله .. آمم . أأ[/font]

[font=&quot]مشاري يقاطعه : احنا كنا واقفين ورا السيارة , فـ رجعت عليه بالغلط كلنا وخرنا الا اهو و طقت ريله من هالصوب !![/font]

[font=&quot]بدر مستغرب ..[/font]

[font=&quot]الدكتور : آه !! طيب حنعمل له اشعه و حنشوف مدى خطورة الاصابه , طيب هوآ صار تحت السيارة ؟[/font]

[font=&quot]مشاري : اي[/font]

[font=&quot]الدكتور : حنعمل له اشعه على راسه و حنشوف ممكن في حاقه لا سمح الله[/font]

[font=&quot]راحوا قسم الاشعه , و شافوا ريله و راسه ..[/font]

[font=&quot]الدكتور : آممم , آه آه , طيب ! بسس يا استاز العظم عندك مكسور و محتاج جبس .. راسك سليم الحمدلله بس حنخليك عندنا 24 ساعه تحت الملاحظة ..[/font]

[font=&quot]بدر : لازم تخليه تحت الملاحظة ؟[/font]

[font=&quot]الدكتور : لـ زيادة التأكد بس ..[/font]

[font=&quot]بدر : ماعليه دكتور بس صعبه شوي احنا مانبي اهله يدرون ان مسوي حادث .. اهو ما اشتكى من راسه ! بس ريله[/font]

[font=&quot]الدكتور : طيب بس ايه الي يمنع ان نتاكد , خلوه عندنا و بأذن الله مافيش حاقه ..[/font]

[font=&quot]بدر : انشالله ..[/font]

انوار الكوويت · 15 سبتمبر 2012

شكثر الشخصيات

Tom ♥ Jerry · 15 سبتمبر 2012

.

آهلين حبيبتي

نورتي القسم بالروايه الحلوة
سجليني من المتابعين

3ωɑƨнoυн · 15 سبتمبر 2012

انوار الكوويت قال:
شكثر الشخصيات

لـووول
اي بس مع الروايـة راح تتعودون و بتصير القصـه بين جم شخص بس !

و نـورتي :*

3ωɑƨнoυн · 15 سبتمبر 2012

tom ♥ jerry;31471779 قال:
.

آهلين حبيبتي

نورتي القسم بالروايه الحلوة
سجليني من المتابعين

حيـآتي بـوجودج :**
و بتنورين القصـه بمتابعتج :**

3ωɑƨнoυн · 15 سبتمبر 2012

نـرد للشـاليه ..
عـايشة بغرفتهـا تبجـي بدون صوت ..
رجعـت فيهـا السنيـن ..

2010
عواش : يالله فهههههود عفيه الله يخليك والله ملل ماكو شغل بالبيت

!!
فهد : هههههه عواشو سكتي مالي خلق اطلع الحين
عواش : عفيه فهيد عشاني !!
فهد : ماكو
عواش : انزين والله والله اسوي لك الي تبيه بس عفيه طلعنننني ، امبيه صج صج طقت جبدي !!
فهد : اي شي ؟ < يطالعها بنظرة حقيـرة ..

عواش : واااي فهود لا تطالعني جذي @@ ، ايي والله اي شي
فهد : آمممم ، شنو شنو شنو ...
عواش : يالله عفيه فهود !!
فهد : ايييي لقيتها !! اممم تغسلين سيارتي ، اي اي لا تطالعين جذي !! و بعد ملابسي !!
عواش : فهود والله من صجك الحين هذي طلبات ؟ اطلب غيرهم يبه ،
فهد : هالطلبات ولا ماكو طلعه !
عواش : لا لا لا خلاص والله الحين اروح و ايدي فوق راسي ،

آنهـآرت عـآيشـة ..

عـواش : السيارة و غسلناها ، و الملابس غسلناها ! اقوم البس ؟
فهد : ليش تلبسين بعد ؟
عواش اشتطت : وااااااي فهود مليق مليق اكرهك وايد حركاتك مليقه ، يعني إذا ماتبي تطلعني ليش تخليني اغسل ويع اكرهك اكرهك

" آخ لو قـايلـه احبـك مكـانهـا .. # لـي فات الفـوت ماينفـع الصوت "

فهد : اوه اوه شدعوه ؟ كل هذا كره ؟ شوي شوي يبه
عواش : روح روح ما اكلمك ..
طلعـت من غرفته معصبـه ..
لحقهـا ..
فهد : عواش
حاقـرته ،
فهد : عواش ، عواشو ، عوآشي ، عواشه !!
عواش بنفسيه : خير ؟ بغيت شي ؟ تبي شي ؟ اتوقع ماكو شي تكلمني عشانه !!
فهد : اوه اوه اوه !! كل هذا عشان ماطلعتج ، أنا فهود الي مضبطج

! أنا الي أنا ..
عواش بـضحكه : ويعه فهودوه شنو انته الي انته ؟
فهد : الي أنا !
عواش ماسكه ضحكتها : اي شنو ؟
فهد توّهق : الي !!
عواش بطتها : ههههههههههههههههههههههههههههه يحليلك فهوود امبيه والله ضحكتني
فهد : تضحكين بعد ؟ روحي روحي مالت عليج و أنا طاق درب من غرفتي لي غرفتج عشان اقول لج كسرتي خاطري .. بطلعج ! الشرهه علي زين يبه ؟
عواش : لا لا لا لا لا عفيه فهود ، سوري سوري ما اضحك والله ما اضحك خلاص
فهد : زين يالله قومي لبسي و سوي هالكشه عشان نطلع
عواش : مو كشه انت كشه ..
فهد : حاصل لج شعري اقول روحي دام النفس طيبة عليج
عواش : انشالله انشالله ..

" لو يرجع فيني الزمن ما اطلبك هالطلب والله "

طلعـوا و آهم رادين ..
عواش : واي فديتك فهود والله ونستني !!
فهد : مصلحه مصلحه ..
عواش : لول والله من صجي ثنكيو وايد !! وايد استانست ما انحرم يارب
فهد يطالعها و يبتسم : آمين
عواش : اي عاد مرة ثانيه خنعيدها :$
فهد : والله من صجج ؟ ماتسكتيـ..
عواش : لآآآآآآآآآآآآآآ فهد ديـر بآللللللللللللللللللك !!!!

صـوت صـرآخ ..
و آلسيـآرة تقلـب فيهـم ..
القـزآز تكسـر !
السيـارة رآحت فيهـا ..

... : دقوا على الاسعاف ياجماعه !
... : الله يكون بعون اهلهم ..
... : الله يصبر اهلهم ..

من بعيد ..
بـدر شـاف الناس متيمعين ..
مايدري ليش قلبـه نغـزه !
صفـط سيـارته و نـزل ..

بـدر : عسى ماشر ؟
... : والله بنت و صبي شاب توه بعمر الزهور ! مسوين حادث و حالتهم باين خطرة
بدر : لا انشالله ماكو الا كل خير ..

لمـا وصل حق البنت و الصبـي
كـانت صـدمة !
صـاعقـه !!!

3ωɑƨнoυн · 15 سبتمبر 2012

ظّل بدر واقف مو قادر يتحجى !!!
ماقـدر يعرف عيـال اخته من كثـر الدم !!
فجـأة ..

بدر : لااااااااااااااا !!!!!!!
... : تعرفهم اخوي ؟
بدر : شلون ما اعرفهم شلون ؟ قولي شلون ما اعرفهم و أنا بـ اييدي شايلهم ؟ شلون ما اعرفهم و أنا معاهم 24 ساعه ؟ شلون ما اعرفهم وانا مربيهم ؟ شلون ما اعرفهم و هذا الي تشوفه معاي كل يوم ؟ شلون ما اعرفهم و اهم عيال اختي شلون شلون ؟
حـالة بـدر يـــــــرثــــــى لهـــا ..
قعـد يبجـي و يشـاهق عليهـم نفس اليـاهل !!
الناس مايدرون يهدونه ..
ولا يشوفون هالاسعاف الي صار لها نص ساعه مو واصله ،

وصلـت الاسعـاف ..
نزلـوا ..
بدر بس كان يسمع ..
المسعـف 1 : عنـدنا حالـه وفـــــآة !!!!!

بدر انصدم !!
ماقدر يستوعب !!
هذا شيقول ؟
حاله وفاة ؟
منو ؟
عايشة الي ما عاشت عمرها ؟
ولا فهد الي معاي اكثر من اي احد ؟
مستحيل ..
مستحيل ..
مستحيل ..
مستحيل ..
مــــــــســــــــتـــــــحـــــــــيــــــــــــــل !!!!!

و طـاح بـدر مـن طـوله ..
فتـح عينـه متثـاقل ..
بينـه و بيـن نفسـه يقـول :
اشوه اشوه كان حلم !!
لما فتح عينه على كبرها ..
شاف روحه بالمستشفى ..
يمـه ابرا اختـه و آنـس !
بدر بصراخ : يعني صج ؟
ابرار و انس ساكتين ..
بدر انهار : ابرار يعني صج ؟ عايشه و فهد راحوا ؟ ماكو فهد ولا عايشه بعد ؟ راحوا !! شفتهم جدامي ، اتغشمرون انتوا صح ؟ صح ؟ يالله قولي ؟ ترا هالسوالف مافيها غشمرة !!! وينهم عفيه ناديهم بشوفهم مشتاق لهم مادري ليش !!

اول مرة ..
بدر تكون جذي حالته ..
كانو يعرفونه وايد قوي ..
بس انكسـر ..
شوفة اهله بـ الحاله
الي كانوا فيها كسرته

ابرار ماقدرت تمسك دموعها اكثـر ..
انس نزّل راسـه ..
طلـع انـس من الغرفه ..
راح ينـادي النيـرس ..

داخل الغرفه ..
ابرار : اسمعني بدر مهما يكون لازم يصير ايمانك بالله قوي , و بعدين هذا امر الله محد يقدر يرده ولا يغير فيه شي , الي مات الله يرحمه و الي عايش الله يكون بعونه , بس ترام افيهم الا العافيـ..
قاطعها بدر : تقصين علي انتي ؟ يبه انا شايفهم حزة الحادث !! ماعرفتهم من كثر الدم حتى اذكر .. آممممم ... آي اي ان المسعف قال اكو حاله وفاة !!!!!!!
ابرار تبلعمت ..
بدر : ابرار تحجي قولي منو الي توفى .. والله على اعصابي قولي ان محد توفى قولي .. " و قعد يبجي "
ابرار : هذا انت خالهم وجذي حالتك ماتقول لي امهم لي درت شنو بتكون حالتها ؟ الي راح يابدر فهد " انهارت " فهد رااااااااااح رااااااااااااح راااااااااااااااااااااااااح ..
بدر ساكت ..
مو مستوعب
فهد ؟
فهههههههههههد ؟
فهههههههههههههههههههههههههههد الي راح ؟
فجأة !!!!!
قطع كل الوايرات الي عليه و طلع من الغرفه يركض
طلعت وراه ابرار ..
ابرار : بدر بدر تعال !!!
السسترات يحاولون يوقفونه ..
محد قدر !
طلع بويهه سعـود اخو فهد ! توه داش المستششفى مايدري ليش داقيين عليه ,
بدر : سعود , صج الي سمعته ؟ صج قول لي موصج قول لي عفيه !!!
سعود مو فاهم شالسالفه : شنو شصاير ؟؟ شنو الي صج ؟
بدر : صج فهد مات صج ؟
سعود انصدم
خاله شيقول ؟
شيخربط هذا ؟
توني مكلم فهد و اهو طالع مع عايشة
سعود : انت شتخربط شتقول ؟؟ يبه انا توني مكلمهم !!!!!!!
يت ابرار ..
سعود : حالتي عايشة و فهد وينهم ؟ وين راحوا ؟ فيهم شي ؟ ليش كلكم بالمستشفى ؟

ابرار صار الوضع صعب عليها ..
شلون تقول اخوك توفى ؟
و اختك ماندري شنو وضعها ؟

سعود : تحجي خالتي
ابرار : والله مادري شقول لك ياسعود بس .. بسس .. أأ
سعود : بس شنو قولي تحجي !!!!!!!!!!!!!!
ابرار : اخوك فهد عطاك عمره ...

فهـد تراك بخاطري مقدر أنساك ... ياللي دفنتك وسط بدر العشيه
أنسى أنا نفسي لا حل طرياك... تذرف دموع العين غصب(ن)عليه
أذكر أنا مجلسك وأذكر سجاياك... زين الخصال وزين طبع وسجيه
وأذكر علوم(ن) لك وأذكر حلاياك ... وأذكر بسمتك يوم تطري عليه
وضحكتك يوم ودوم تعلو محياك... قرم (ن)كريم(ن) منت راعي رديه
يا ما تجي وتروح وحنا انتظرناك ... ولاشفت زولك جاتني أريحيه
وآخر لقانا بالفطور الصبح ذاك ... تضحك وتمزح يا خليلي عليه
يا ليتني بالسيـارة قبل ممشاك ... وتصير نفسي دون نفسك ضحيه
ويا ليتي نار(ن)ولعت في حشاياك ... شبت بجسمي وأتركتك المنيه
في وقت دفنك أتسلى بذكراك ... علّي أوقف دمع عيني شويه
رجعت يم البيت أبحث عن خطاك ... وبعد الشفا ترجع جروحي نديه
أروح للغرفه وظني أبلقاك ... علي أسلي عيني ...بعدك شقيه
في غرفتك أجلس وأناظر هداياك ... وسط الملابس فيه ريحه زكيه
وادعي الله الكون يا رب رحماك ... ترحم حبيب(ن)لي وترحم خويه

نطـروني بـالبآرت اليـآي :*

انوار الكوويت · 15 سبتمبر 2012

كملي اندمجت

ومشكورة على الروايه الروعه

3ωɑƨнoυн · 15 سبتمبر 2012

انوار الكوويت قال:
كملي اندمجت

ومشكورة على الروايه الروعه

حبيبتي والله ,
ان شاء الله باجر اكمل :*

انوار الكوويت · 15 سبتمبر 2012

اوكي ناطرينج

غرورك عذبني · 15 سبتمبر 2012

رووعه الروااية كمليها نااطرينج :rerrerek:

Tom ♥ Jerry · 16 سبتمبر 2012

,

وااااي بعد عمرري فهد

اندمجت
كملي بليززز

ღرحت فيهاღ · 16 سبتمبر 2012

ايداد بيداد

لاا حرااام فهددد

ناطرينج عواش

انوار الكوويت · 16 سبتمبر 2012

ااب

3ωɑƨнoυн · 22 سبتمبر 2012

سـوري بنـآت تأخرت عليكم
ثواني و انزل البارت

3ωɑƨнoυн · 22 سبتمبر 2012

قطـع صوت ذكريآتهـآ

صوت الباب ..

عواش : منو ؟

... : ممكن ادش !

عواش : تفضل ..

ماثبتت منو صاحب هالصوت , ماحبت ترده !

دموعها مو قادرة توقف ..

عبدالعزيز : افا ليش هالدموع الحين ؟

ساكته

عبدالعزيز : يالله عاد عايشة الي مات الله يرحمه و يغمد روحه الجنه ! هالدرب كلنا بنمشي عليه , و بعدين صدقيني ابوي ماكان قصده لما ياب طاري المرحوم , ماعليه انسي كلنا بنمشي على هالدرب والله ..

عايشة : تبيني انسى صح ؟ ماقدر كل يوم قبل لا انام ضميري يأنبني انا انا الي قلت له طلعني , لو مو مطلعني جان فهد بينا الحين !! يضحك و يستانس و ولا عليه شر !!!!! الشعور بالذنب مو راضي يخليني , كل يوم اتعذب اكثر من مرة !!! محد يدري شنو فهد كان بالنسبة لي , فهد كان اخوي رفيجي ابوي , اهو وصل مكان ابوي !!!! الي جامد معاي , فهد اهو الي رباني , فهد الي عمره ماخلى علي قاصر !!!!

كسرت خاطره , مو عارف بشنو يرد عليها ..

مرت عليه فكرة ان يفقد اخوه علي بنفس الموقف

خاف , و طلع هالفكرة من باله ..

طلع عبدالعزيز ,

نزل تحت ..

عبدالعزيز : ليلى , فطوم , منور , ملاك , مريم تعالوا ابيكم !!!

قاموا وراه ..

فاطمة : عسى ماشر عزوز شفيك ؟

عبدالعزيز : انا مافيني شي روحوا فوق عند عايشة ابوي من ياب طاري المرحوم , و اهي ذابحه روحها , لي الحين حاطه بـ بالها ان اهي الي ذبحته !!! مسكينه والله حالتها تكسر الخاطر , صح طاف على الحادث سنتين بس اهي عادتهم يومين ...

"

ماتدري ليش اهي بالذات كلام عزيز ذكرها بشخص غالي على قلبها

راحت بعالم ثاني ...

و قعدت تتذكر ,

فاطمة : يعني اخترتها علي ؟؟؟ يعني بديتها علي ؟؟؟؟

... : والله مو بيدي بس اهي غالية علي وايد

فاطمة : و انا رخيصة صح ؟ اذا من البداية انت تدري انك بتبديها علي !!!! ليش اخترتني ؟ ليش حبيتني ؟ ليش خليتني احبك ؟ ليش علمتني الحب على ايدك ؟ انت علمتني شلون احب !!! علمني شلون اكره !!!!

... : بس اهي نفس اختي !!!!! و وايد مهتمه فيني ,

فاطمة : نفس اختك ؟ هههههه !! و انا نفس حبيبتك الي ماتحبها صح ؟ لحظة لحظة انا ليش حارقة اعصابي عشان واحد يحب الي نفس اخته اكثر من حبيبته الله يوفقكم ..

"

عزوز : فاطمة ؟

فاطمة : ها , هلا ؟

عزوز : وين طرتي ؟ البنات راحو لها روحي لها يالله بسرعه

فاطمة : ها أي أي انشالله كاني بروح ..

و صعدوا البنات ,

بـ المستشفى ,

بدر يكلم نادر ,

بدر : الو

نادر : ها بشرني الولد شلونه ؟

بدر : والله ماعليه الا كل خير , بس جبسوا ريله و قالوا لازم يقعد تحت الملاحظة ..

نادر : نعم ؟ ليش يقعد تحت الملاحظة ؟ مافيه شي الصبي !!!

بدر : أأ .. آمم .. يقولون عشان يتطمنون !!

نادر : اهو ماقال لكم شصار ؟ ولا شسالفته ؟

بدر : أي , لا ها ؟

نادر : تحجى بدر شكلها السالفه جاايدة ..

بدر : والله بيني و بينك يقول عبدالوهاب راد عليهم بالسيارة !!

نادر : شنو انت اتغشمر ؟ اهو موشايفهم ؟؟؟

بدر : بعد شباب شتسوي لهم , افعالهم طايشة و حسبالهم كل شي غشمره بغشمره !

نادر : ماشي ماشي ..

و سكـره ...

بـ الشاليه ..

نادر : عبدالوهااااب , عبدالوهااااب و يهد !!!!

الكل تيمع عند نادر ؟

مو فاهمين اهو ليش معصب جذي

ولا ليش ينادي وهآب ؟؟؟

عبدالوهاب : هلا خالي , خير ؟

نادر بعصبيه و صراخ : أي خير ؟؟ قولي أي خير !! الي يشوفكم يشوف الخير ؟؟

اخذ نفس و كمل ..

نادر : عبدالوهاب رد على مشعل عشان جذي مشعل الحين بالمستشفى و بيحطونه تحت الملاحظة , زهبوا جناطكم الحين بنحدر الديرة كلنا ...

ليلى : بس خالي !!

نادر : لا بس ولاشي كلنا نمشي يعني كلنا ...

راحوا

ملاك : ويع قطيعه غصب يعني غصب !! مانبي نحدر

ليلى : استغفرالله ملااقه عشان ولده محروم احنا ننحرم بعد ويع

حدروا الديرة

3ωɑƨнoυн · 22 سبتمبر 2012

[FONT=.Helvetica NeueUI]

~

[/FONT]

[FONT=.Helvetica NeueUI]

[/FONT]
[FONT=.Helvetica NeueUI]
يوم اليمعه بعد الصلاة ..

العايله كلها بالزواره

الا نادر و هدى ..

ليلى متوتره و تفكر وتحاتي ؟

يدش سعود متأخر وقت الغذا

سعـود: السلام عليكم

العموم يرد : وعليكم السلام يا هلا

بو سعود : سعود الله يهداك وينك صيّفت؟

سعود : ولله ماكو مريت الجمعيه اخذت صحن حلو و كنافه عل سريع و ييت

أم خالد : أي يزاك الله خير من طيبك سعود

بو وهاب :ليش كلفت ﻋلى نفسك وأنا أبوك

سعود : لا خالي عادي

أم سعود : زين يلآ سعود تعال تغدا ترا ناجبين من زمان

[/FONT]
[FONT=.Helvetica NeueUI]
يمر سعود يم ليلى و يسلم عليها

سعود : ليلى شلونج ؟

ليلى ساهيه ما ردت عليه

سعود متنح يقول شفيها هذي

فجاه ليلى ترد : أي هلا سعود بخير عساك بخير

سعود : أي دوم ان شَآءآلله ..

مريم بنت خالتهم تقط ويهها : سعود شلونك وينك ما تبين ؟

سعود : أي الحمدالله الحمدالله ..

و يقعد يتغدا

[/FONT]
[FONT=.Helvetica NeueUI]
خلصو الغدا و إذن صلاة العصر

الشباب كلهم راحو المسيد ومن

بعدها ردو قعدو بدوانية الرياييل

[/FONT]
[FONT=.Helvetica NeueUI]
سعود نآسي فونه بالصاله .. يدش الصالة

يلآقي ليلى تتخانق مع أمها

ليلى : يمه شفيج كاهو قريب بعد ليش ما توديني:s

أم ليلى : أقول عن الهياته الزآيده ماله داعي تروحين البدله مافيها شي زينه عليج

ليلى : يمه لإزم أروح اليوم آخر يوم من صلاحية الفاتوره .. شوفي شوفي النفنوف ولله ضيج:s

أم ليلى : قتلج ماكو طلعه ويلا أنثبري مع البنات

[/FONT]
[FONT=.Helvetica NeueUI]
تطلع ليلى متضآيقه و تتحلطم و تصادف سعود عند الباب ..

سعود : ليلز شفيج عسا ماشر ؟

ليلز : ماشر ماكو شي لا تحاتي ، بس آمي مالها خلق توديني المجمع و أنا حدي متوهقه ببدلها و مو راضيه أروح بروحي

[/FONT]
[FONT=.Helvetica NeueUI]
سعود يفكر بينه و بين نفسه

[/FONT]
[FONT=.Helvetica NeueUI]
( أوف خوش فرصه أقرب لها و نكون بروحنا .. يمكن تضبط معآي )

[/FONT]
[FONT=.Helvetica NeueUI]
سعود : خلاص يبا خل أخذ فوني و أنا أوديج

ليلى : اخاف مشغول ولا شي مابي أثقل عليك ؟

سعود : لا يبا انتي بنت خالتي مافيها شي .. هاج سويج السياره نطريني فيها

و آهما طالعين ...

[/FONT]
[FONT=.Helvetica NeueUI]
بنت عمهم مريم شافتهم ..

(هذي وين رآيحه مع سعود و ليش بروحهم !!)

[/FONT]
[FONT=.Helvetica NeueUI]
و دخلت بسرعه البيت و قالت حق أم ليلى إلي شافته ..

أم ليلى عصبت على السالفه وايد ،

[/FONT]
[FONT=.Helvetica NeueUI]
" هيّن يا ليلى تطلعين من شوي ؟ هذي آخرت الدلع "

[/FONT]
[FONT=.Helvetica NeueUI]
يأخذ سعود ليلى يوديها 360 و تبدل ملابسها من المحل ..

و بعدها وصلت ليلى الزواره ..

ليلى : مشكور سعود انقذتني اليوم مآدري شقولك والله

سعود : عآدي يبا العفو ما سوينا شي يلآ مع السلامه

[/FONT]
[FONT=.Helvetica NeueUI]

[/FONT]
[FONT=.Helvetica NeueUI]

[/FONT]
[FONT=.Helvetica NeueUI]
-

[/FONT]
[FONT=.Helvetica NeueUI]
أول ما دخلت ليلى عند الحريم نادتها أمها

ام خالد: ليلى تعالي فوق شوي ابيج ..

[/FONT]
[FONT=.Helvetica NeueUI]
و مريم بضحكه خبيثه تطالعها

[/FONT]
[FONT=.Helvetica NeueUI]
تصعد ليلى مع امها

ام خالد : انتي شمطلعج ! مو قتلج ماكو طلعه و مع منو رآيحه !!!

[/FONT]
[FONT=.Helvetica NeueUI]
ليلى : يمه شفيج قتلج البدله لإزم أبدلها بآجر الاستقبال .. وأنا رحت مع سعود ولد خالتي مافيها شي !!

[/FONT]
[FONT=.Helvetica NeueUI]
أم خالد : ليش انتي ماتدرين عن سوالف سعود ؟ الكل يدري ان سوالفه بنات و خرابيط !!! شنو انتي ماتخفين على روحج ؟ ماتخافين على سمعتج !! البنية يا حبيبتي مثل اللؤلؤة بالمحارة ، تبين ؟ حفظي روحج ولا تخلين اي احد يطالعج من داخل !! مرة ثانيه هالسالفه ماتنعاد فاهمه ؟

[/FONT]
[FONT=.Helvetica NeueUI]
ليلى : يمه عاد لا تكبرين الموضوع ، و بعدين سعود ولد خالتي ما اتوقع في احد يفكر ان يضر بنت خالته !!

[/FONT]
[FONT=.Helvetica NeueUI]
ام خالد : أنا حذرتج ، ان عديتي هالسالفه ماراح تلومين الا نفسج فاهمه ؟

ليلى : انشالله

و طلعت ام خالد ..

ليلى بينها و بين نفسها ( معقوله صح كلام امي ؟ معقوله الانسان الي حبيته يكون جذي ؟ لا لا سعود شهم ما اتوقع تطلع منه العيبه !! و ما اتوقع ان راح يضر بنت خالته ، امممم امبيه انشالله مو صج الحجي !! ، بعدين امي شدراها اني طالعه مع سعود !! امممم .. ايي اكيد هذي مريم !!!! امببببببيه مو من صجها ماتخلي احد بحاله ، ماشي أنا اعلمها )

[/FONT]
[FONT=.Helvetica NeueUI]
سعود بالديوانيه ..

بينه و بين نفسه ( و هذي ليلى شوي و نضبطها ، صج البنات افلام و بسرعه ينقص عليهم ! بعد جم موقف و تتعلق فيني ، اخذ منها الي ابي و خلاص ! )

يرن تلفونه ..

" وليييييييه !! هذي شتبي داقه ؟ "

يرد على التلفون

سعود : خير ؟

البنت منهاره : سعود الله يخليك !! اسمعني ولا تسكر ، عفففيه

سعود : خلصي شتبين ؟

البنت : سعود أنا والله والله احبك ليش خليتني أنا بعدك ضايعه والله ضايعه سعود تدري شنو يعني احبك ؟ يعني لما اكلمك احسن اني مالكه الكون كله !!! و لما ما اكون معاك احس فاقده كل شي سعود الله يخليك الله يخليك لاتخليني مالي غيرك !!

سعود : اقول اقول !! فكيني من شرج بس !! ناقصج أنا ؟ احبك و احبك !

و أنا اكرهج يلا تت !! ولا اشوفج داقه على هالرقم فاهمه ؟

البنت : سعود اللـه يخليـ...

[/FONT]
[FONT=.Helvetica NeueUI]
و سكـر سعـود ..

وصلـوا نادر و هدى و مشعل " مجبسين ريله " و مشاري ،

[/FONT]
[FONT=.Helvetica NeueUI]
ام فاطمه : قولولولولولولولولولولولولولولولولولوليش ، الحمدلله على سلامتك يا وليدي

مشعل : الله يسلمج خالتي

[/FONT]
[FONT=.Helvetica NeueUI]
قعدوا يسولفون ..

صارت الساعه 6

الي راح يلبس و الي طالع

و البنات متيمعين فوق

[/FONT]
[FONT=.Helvetica NeueUI]
نزلت فاطمة الصاله

شافت مشعل

[/FONT]
[FONT=.Helvetica NeueUI]

[/FONT]
[FONT=.Helvetica NeueUI]
فاطمه : ماتشوف شر مشيعل خرعتنا والله !!

مشعل : الشر مااييج

فاطمه : شلونها ريلك الحين ؟

مشعل : والله الحمدلله احسن ماتعورني نفس امس ، بس الحين من شفتج مافيني شي و لو تبيني انط عادي p:

فاطمه : هههه يحليلك والله لي الحين على عيارتك !!

مشعل : امم . . . أأ ! بقول لج شي بس مادري خايف من ردة فعلج ،

فاطمه خافت " انشالله مو الي بـ بالي "

فاطمه : اي تفضل قول أنا نفس اختك !!

مشعل اندقر : اممم فاطمه والله مادري شقول بس أنا مو عادج نفس اختي

انصدمت فاطمة !!

كمل مشعل و قال : فاطمه مادري أنا سكت وايد عشان خايف من ردة فعلج ، بس مادري احس إذا ماقلت لج الحين بـ ايي احد و ياخذج ، فاطمه أنا .. امممم !! أنا ..

فاطمه بحاله صدمه !!

ماتدري شتقول !

معقوله مشعل يحبني ؟

فاطمه : كمل ؟

مشعل : أنا جذبت عليج و ريلي تعورني حيل < بطهـآ ضحك !

فاطمة حست انها ودها تقوم تطقه !!

فاطمه : مالت عليك زين ؟ الشرهه علي اسمعك ويع مليق !!!

مشعل : ههههههههه فطوم ويهج مال صورة

فاطمه : جب جب أنا بروح عند البنات احسن ..

[/FONT]
[FONT=.Helvetica NeueUI]
مشعل حس الدنيا ضاقت عليه ،

اهو صج كان بيعترف بحبه الكبير لها ،

بس اندقر لما قالت له أنا نفس اختك !!

يعني اهي عادتني نفس اخوها حتى لو ايي و اخطبها راح ترفضني

الله يصبرني ،

[/FONT]
[FONT=.Helvetica NeueUI]

[/FONT]
[FONT=.Helvetica NeueUI]

[/FONT]
[FONT=.Helvetica NeueUI]
فوق عند البنات ..

صوت الباب ،

منيـرة : تفضـل ،

عبدالعزيز يدش

عزوز : دام فضلج يالطويله

منيرة : مليق ، خلص شتبي ؟

عزوز : ابي عواش شوي

الكل استغرب :/

هذا شيبي ؟

مريم : شتبي فيها @@ ؟

عزوز : حجي بيني و بينها انتي شكو ؟ شحقه مدخله روحج بكل شي ؟

اندقــــرت

عواش متنحه : اي كاني يايه وراك ..

[/FONT]
[FONT=.Helvetica NeueUI]

[/FONT]
[FONT=.Helvetica NeueUI]
* تتوقعون شنو يبـي منهـآ ؟ *

[/FONT]
[FONT=.Helvetica NeueUI]
-

[/FONT]
[FONT=.Helvetica NeueUI]
عنـد بـدر بـ360

[/FONT]
[FONT=.Helvetica NeueUI]
يتمشـى ولا يلمـح وحدة يعـرفهـا @@

[/FONT]
[FONT=.Helvetica NeueUI]
بدر : اوه ؟ نور ؟

نور : عفوا اخوي ؟ منو معاي ؟

بدر : نور أنا بدر ؟ من ايام الجامعه !!!

نور : هلاااااا بدر !! امببببيه قديم حدك !!

بدر : هلا فيج !! هههه ، حتى انتي ، شلونج شخبارج شالدنيا فيج ؟

نور : والله الحمدلله انت شلونك ؟

بدر : أنا بخير ، ها يايه بروحج ؟

نور : اي والله يايه اتمشى

بدر : عيل يالله أنا عازمج

نور : ماله داعي تكلف على روحك !!

بدر : لا لا مامن كلافه ! بعدين هم بسولف معاج من زمان عنج

نور : اي والله ، مو مصدقه !!

بدر : يلا مشينا ..

[/FONT]
[FONT=.Helvetica NeueUI]
منـو نـور ؟

و ليـش بـدر مطيـح الميـانه جذي ؟

نطـروني :*
[/FONT]

Helenwatcher · 16 فبراير 2023

Untitled - Wakelet

wakelet.com

New Affordable Dive Watch - Helenwatcherのブログ：楽天ブログ

The name gives it away, but this monochromatic stunner is a blacked-out iteration of the brand's familiar silhouette. But just because it's executed in a single color doesn't mean its basic Cheap Rep

is.gd

Won't Be Around for Long - Helenwatcherのブログ：楽天ブログ

We're always on the hunt for unique best replica watches timepieces, the types of watches that stand out among a sea of options today. And every now and then, one well-designed and meticulously craf

is.gd

helenwatcher [licensed for non-commercial use only] / New Affordable Dive Watch

helenwatcher [licensed for non-commercial use only] / Won't Be Around for Long

http://shiningalightontheworldofwatch.splashthat.com

GTA 5 Mods by Anitawatches - GTA5-Mods.com

tinyurl.com

Home | Shining a Light on the World of Watches

Shining a Light on the World of Watches. “Maybe the Fake Watches industry is a little bit conservative, or not quite aware, but they will get a wake-up call, there’s no way around it,” Paul Roeland, a data and sustainability reporting expert with the Clean Clothes Campaign in Amsterdam, said on...

tinyurl.com

Home | New Affordable Dive Watch

. New Affordable Dive Watch The name gives it away, but this monochromatic stunner is a blacked-out iteration of the brand's familiar silhouette best replica watches. But just because it's executed in a single color doesn't mean its basic. True to Vuitton form, this timepiece is packed with...

tinyurl.com

Home | Won't Be Around for Long

tinyurl.com

Shining a Light on the World of Watches | Listly List

Rolex SA is a Swiss company (based in Geneva) important in the production of fine wristwatches, as well as one of the largest companies operating in the haute horlogerie sector.

tinyurl.com

https://newaffordabledivewatch.splashthat.com

New Affordable Dive Watch | Listly List

Rolex, a status symbol of entire generations, a classic, a story that made the Geneva Maison famous, fundamentally based on two magical words, Oyster and Perpetual.

tiny.cc

Won't Be Around for Long | Listly List

Rolex, a status symbol of entire generations, a classic, a story that made the Geneva Maison famous, fundamentally based on two magical words, Oyster and Perpetual.

tiny.cc

Shining a Light on the World of Watches

Tommy Hilfiger counts as one of the best replica watches brands for women in India thanks to its relatively affordable designer time-pieces and high-end

tiny.cc

THe good watches

The name gives it away, but this monochromatic stunner is a blacked-out iteration of the brand's familiar silhouette. But just because it's executed in

tiny.cc

Won't Be Around for Long

We're always on the hunt for unique timepieces, the types of watches that stand out among a sea of options while the Breitling Replica large illuminated

tiny.cc

https://wontbearoundforlong.splashthat.com

Shining a Light on the World of Watches

“Maybe the watch industry is a little bit conservative, or not quite aware, but they will get a wake-up call, there’s no way around it,” Paul Roeland, a data and sustainability reporting expert with the Clean Clothes Campaign Replica Watches in Amsterdam, said on a recent video call.This week...

rebrand.ly

New Affordable Dive Watch

The name gives it away, but this monochromatic stunner is a blacked-out iteration of the brand's familiar silhouette. But just because it's executed in a single color doesn't mean its basic. True to Vuitton form, this timepiece Fake Watches is packed with details and considered touches that make...

rebrand.ly

Won't Be Around for Long

We're always on the hunt for unique timepieces, the types of watches that stand out among a sea of options today. And every now and then, one well-designed and meticulously crafted piece comes our way that elevates the accessory to a work of art. Right now, no timepiece is doing that better than...

rebrand.ly

للصـبـر قـآل حـدود .. يـامصبـر المـوعود !

New member

New member

New member

New member

*مساعدة مشرفات قسم المشاكل الاجتماعية*

New member

New member

New member

New member

New member

New member

New member

New member

*مساعدة مشرفات قسم المشاكل الاجتماعية*

New member

New member

New member

New member

New member

Active member

مساعدة مشرفات قسم المشاكل الاجتماعية

مساعدة مشرفات قسم المشاكل الاجتماعية