للطموحات والمتفائلات فقط

[ام العثامين]

السلام عليكم
وصباح الخير

من البداية احب اقول للي ماتحب مهنة التدريس وتحس انها تعب وكراف لا تقرا ولا ترد
وياليت الطموحه في مهنة التدريس تشاركني الموضوع


انا معلمة لغة عربية صارلي سنة في مهنتي وصراحه احبها وايد
لكن المدرسات اللي معاي ماوراهم غير التحلطم
كلشي موعاجبهم وكله يشكون التعب
طبعا مومعناه ان انا ما اتحلطم لا في وايد قرارات تضايق
ووايد ظلم صراحه واشياء وايد انتو تعرفونها وتشكون منها
لكن في نفس الوقت هذا الواقع ولازم نتعايش معاه
ولاني احب شغلي ودي اكون مبدعه اكثر واستمتع فيه اكثر
بخاطري اذا في وحده عندها افكار ابداعية بطرق التدريس
او افكار بالوسائل او بالالعاب التعليمية تفيدني
اللي عندها اسلوب معين في التعامل مع الادارة بنشاط وحيوية بدون ما تضغط على نفسها تنصحني

باختصار وبدون وما اطول عليكم
اذا لقيت ردود على موضوعي حابة اسوي تجمع صغير للطموحات في مهنة التدريس
ومشكورين

 

[عواشه بنت بو حسين]

أختي بما إنها أول سنة لج اجتهدي
لأن التدريس متعة
والزميلات محبطات شي عادي
آنا خبرتي 9 سنين بس احس اني جديدة
وعلى فكرة آنا معلمة لغة عربية ثانوي ، وعندي طرق تدريس ممتعة بس ما أبي أحرق شغلي السنة الجاية
ووعد أعزمكم على ورشتي ، وإذا ما حضرتوا بنزله بالمنتدى لأن ودي الكل يستفيد ويحبب الطلبة باللغة العربية

 

[frketa1]

ماشالله عليج انا ما عندي اقتراحات الصراحة بس اعجبتني روحج التفاؤلية وحبيت اهنيج عليها وادعيلج بالتوفيق
الله يكثر من امثالج يااارب

 

[frketa1]

ماشالله عليج انا ما عندي اقتراحات الصراحة بس اعجبتني روحج التفاؤلية وحبيت اهنيج عليها وادعيلج بالتوفيق
الله يكثر من امثالج يااارب

 

[نجمة الجوزاء]

انا بعد مثلج احب التدريس والتعامل مع الطلاب ....بس انا لي الحين 5 سنوات في التدريس

الحمد الله مع ان الادارة تغيرت اكثر من مرة بس دايم اشوف الجانب الحلو في الادارة عشان جذي ابتعد عن التحلطم والسلبيات الي تحبط الواحد وتكرها بالدوام

بالنسبة للتدريس عندي وايد طرق بس ما يصلح للغة العربية

 

[نجمة الجوزاء]

انا بعد مثلج احب التدريس والتعامل مع الطلاب ....بس انا لي الحين 5 سنوات في التدريس

الحمد الله مع ان الادارة تغيرت اكثر من مرة بس دايم اشوف الجانب الحلو في الادارة عشان جذي ابتعد عن التحلطم والسلبيات الي تحبط الواحد وتكرها بالدوام

بالنسبة للافكار وايد ...بس اذا كنتي تدرسين اطفال اهم شي التشجيع يعني هدايا للمتميزين :eh_s(21):

 

[ام العثامين]

مشكورين وايد على ردودكم الحلوه مجرد الرد يفرح القلب والله يوفقنا جميعا

 

[أبلة كويتية]

آنا عندي طرق كثييييييييييييييرة حطيت الكثير من المواضيع المتعلقة بهذا المجال

بس يمكن أكثرها تنفع للمرحلة الإبتدائية

عموما تقدرين تطلعين على مواضيعي وإن شاء الله تستفيدين

وآنا مستعدة أنضم للتجمع إللي طرحتي فكرته

نبي طموح ..نبي نرتقي بمستوى التعليم

 

[ريحة الكويت]

الله يوفقنا ويوفقج حبيبتي.... كلامج حلو وطموحج أحلى ولا تسمعين من الي تتحلطم لأن هالشي مرض معدي حاولي تكونين مع المعلمات الي تحب الشغل وتبدع فيه والاحلى المنافسة الشريفة ....
ما قلتيلنا انتي اي مرحلة تدرسين؟؟؟

 

[واقعية حـلـم !]

ماشاء الله تبارك الرحمن


الله يتمم عليج يارب هالروح الحلوة



انا ان شاء الله الكورس الجاي بتعين مدرسة لغة عربية


موضوعج ان شاء الله يكون فاتحة خير عليج و علينا نستفيد منه ان شاء الله بعيد عن السلبية و الحنة السائدة



بالتوفيق


و اقبليني متابعة لموضوعج ...

 

[غلاوي85]

ماشاالله عليج

 

[غلا ستايل]

مشالله عمل جميل

 

[ام العثامين]

تسلمين الانامل يا ابله كويتية انشالله راح اقرا مواضيعج خاصه اني ادرس المرحله الابتدائية وهذا جواب سؤالج يا ريحت الكويت وحياج الله يا واقعية حلم ومتابعة موضوعج تزيدني شرف ومشكورين كلكم على مروركم

اذا وصلنا 10 ابلات راح افتح التجمع انشالله
وانشالله يطورلشي ثاني في بالي اذا كثرنا بعد

حياكم الله

 

[ام طلال]

السلام عليكم
لو كل معلمة تحتسب الاجر في شغلها جان مافيه تحلطم بصراحه احب المعلمة المبدعه واحرص على صدافتها تدرين ليش لأنها ترفع من روحج المعنويه ولله الحمد اني احب الابداع في شغلي بداية من تحضيري وانتهاء بطريقة التدريس واتمنى تفتحين القروب بسررررررررررعه

 

[ضحـاوي]

الله يوفقج ويتمم عليج هالروح الحلوه

والتجمع للطموحات فكره وايد حلوه ومفيده

 

[^ حـلـــــوى و رهـــــش ^]

ما شاء الله

فكـرة حلــــــــــــوة ..


التفائل مفتــــــــــــــاح النجـاح والابداع والتميــــــــــز ..

وانا معاكـــــــــــــــــم ..

وننتظـر القرووب بفارغ الصبــــــــــــــــــــــــــــــر ..

 

[ام العثامين]

صراحه ادهشتوني واحرجتوني وونستوني ماتوقعت كل هالاقبال ماشالله
وهذا ان دل على شي فيدل على ان معلمات الكويت مو مثل ما ينقال مالهم خلق شي
كل وحده فيكم متحمسه لشغلها اكثر من الثانية ومثل ما وعدتكم راح نبدي انشالله تجمعنا
وحياكم الله

 

[ذويقة]

ام العثامين بصراحة حبيتك لانك مو بس طموحة انت متفائلة وتدعين للتفائل ............_shh_:التدريس مهنة متعبة ولاكنها ممتعة !!!انا اشعر بالسعادة واناهبة للمدرسة واتصبح بوجوة طالباتي الحلوين الي امووووووت عليهم
مع انه صار لي 9 سنوات والله ما مليت صج تعب بفترات !!!!!لكن المتعة هي الغالبة انت اول مدرسة عربي اشوفها ما تحلطم الله يعطيك العاقية

 

[معلمه مغتربه]

بصراحة عاجز لساني عن الشكر لان جد القروب هذا دايم أحلم فيه وكنت ابي افكار وخطوات حلوه ومتجدده والآن متأكده راح ألقى ماابحث عنه عندكم حبايبي وأنا معكم أنظم والله يوفقنا يارب ويوفق صاحبه هالفكره الرائعه

 

[غرور وايل]

بنات بصراحه انتوا رفعتوا من معنوياتي انا ابي اصير مدررسه
بي الكل يقول انها متعبه و كراف ومووشيء
بس الحمدالله لقيت نااس فيهم تفاؤل
باذن الله بصير مدررسه حااسووب
والله يووفقكم ويووفقناا ياارب ’,..