للعرايس اللي خلصوا من جهازهم كله ...قولولنا شنو شريتوا من عطور وميك وشوية شغلات ؟

[قاهره عذالي]

http://www.q8yat.com/t98928.html

شوفي هالموضوع عن اماكن البجايم الحرير

 

[قيم واخلاق]

قاهره فديتج على هالاطراء انا بعد بعرسي محد نصحني ونبهني ولا كان في كل هالتنوع في جهاز العروس عشان هالشي انا اعوض ببنتي مابي ينقصها شي وانتم بحسبة بناتي وحابه افيدكم ربي يوفقكم وتتهنون في حياتكم يارب

 

[قيم واخلاق]

كتكات احمر شالسالفه علميني شنو القطعتين فيني لقافه‎:-*‎

 

[حبج يا يمه بدمي]

اول شي دراريع الحموله ما قصرتي
والدراريع المناسبات 2 فخمه و2 ناعمه يعني 4 عدد حلوو ولا باس فيه
ناقصج شوية بدلات حلوه نظام تنوره وقميص حلوين هم للمناسبات ع الاقل عدد 5 لان حلو التنويع مو كله باالمناسبات دراريع
ابي اسالج حبيبتي
شريتي ذهب ؟
تحدد عرسج؟
اذا تحدد عرسج اشتري ذهب هالشهر احسن لان برمضان بيرتفع
باقي عليج حبيبتي البخور هذا ما يخترب وحلو
عندج بخور المعاريس من امل الكويت
بخور الملكي من القرشي
بخور المميز من الرصاصي
مسك العروس او الختام من الرصاصي اختاري اللي يعجبج

اذا تحدد عرسج عليج انج تحجزين المصوره
تحجزين ثوب الزفه وافصل لج الاجار
تحجزين الصالون حق المكياج والشعر
تدورين ثوب مسائيه فاخر
وتحجزين وحده تحط لج مكياج المسائيه العصر تجيج بشقتج تمكيجج وتسوي تسريحه
لاتنسين تخصصين مبلغ لتبييض الاسننان قبل العرس باسبوع تسوينه
وبرنامح حف العروس بصالون حلو قريب من منطقتج
والدراريع والملابس نصيحتي كمليهم وقميص اول ليله اشتريه الحين من نعومه اختاري يكون اوف وايت
حبيبتي صفحات موضوعي فيها كل شي حتى احط للبنات صور
فاقريه
وشوفي صفحه 3 من هالموضوع تلقين كاتبه رد طويل لاحد البنات وفي اخر شي العطور اللي اعرفهم حلوين
ونصيحه لواشن النكهات ترا مايحبونها الرجاجيل لا تكثرين منهم اللهم قلوسات على نكهات عادي عطر عادي بس لوشن لاااء لان تقلب ريحته خاصه بودي شوب
بودي شوب الحلو عندهم للعروس مجموعة المسك ومجموعة جابانيز شيري

وموفقه حبيبتي اغراضج حيل حلوه

بس لو نعرف كم بقى ع العرس وموفقه لان خاف اقولج اشتري مكياج ويخترب
بس اذا تبين تشترين مكياج استغلي هالايام لان سنتر بوينت مسوين تنزييلات روحي اشتري من عندهم بجايم ومكياج ماركة ريميل وبرجوا ونيفيا وريفلون

ونصيحتي خلي مبلغ ع الاقل 300 االى 200 دك احتياط بظرف لان سبحان الله يمكن يبقى ع العرس يومين وتذكرين شي مهم او يطري شي ماتدرين
ويمكن تحتاجين تاجرين ليموزين من الصالون للصاله حقت العرس

مشكوره والله مانمت انطرج تردين على
عرسي اول عشره
ماشريت ذهب انطر ابوي يرد من سفر ويروح معاي تعرفون محلات ذهب اذا شافو حريم ماينزل من سعر حيل يعني ان شاءالله يرد اول شهر 7
حجزت البدله دفعت عربون 100
وحاطه بالي ماكثر سولف لوشن للجسم بس 3 من بدي شوب فراوله
من بدي سنتر زهرة النرجس
ومن زهور الريف سويت كاميليا
والبخور مثل ماقلتي سجلتهم من زمان
بنات انا محتاره من شي واحد تكفون قاهر وقيم ردو على كنت بسوى ليزر جسم كامل عند بوشهر 180 وقلت حق رفيجتي قالت مايمدي بس سوي منطقه البكيني والاباط وانا مشعره حيل
شرايكن اسوي كامل للجسم ولا بس البكيني والاباط بس على فكره وجهي حيل مشعر
وكنت حاطه بالي العطور الفرنسيه 6 بس ورفجتي شاريه 10 وزوجها يقول انتي مو شاريه عطور وايد
واللي عرفته سي سيد يحب العطور الفرنسيه
تنصحوني 10ولا كافي 6
وان شاءالله هاليومين ابلش اجهاز وبحط لكم كل شي
قاهر فيه محل وجدان اللي اوتاد فوق دور ثاني جدام يمكن دراريع ساره عندهم بعد جناط حلوين باخذ لي جم وحده منهم
مشكوره ماقصرتي ع المساعده

 

[قيم واخلاق]

دلع الله يرزقج الزوج الصالح عاجلا غير آجل آمين وحلوه الاغراض اللي قلتي عليها بس الويفي اوصفيلي شكله وشنو احلا ماركه وصاجه حلات العروس تجدد مره ناعم مره ويفي ربي يجزاج خير

 

[قيم واخلاق]

فرزاشيه اذا ماتقدرين تروحين الحفر وانتي موباقي من مهرج كثير اتركي عنج الطاهر لانه حيل غالي انا اشوف تروحين ماكس فيه بمجمع صحاري بالجهرا شغلاته حلوه واسعاره مناسبه تلقين عنده بجايم حراير وحتى اللي تجي شورت موطويل شكلها روعه

 

[قاهره عذالي]

حبيبتي حبج يا يمه
شوفي قلبي اشتري 10 عطور او 6 عطور فرنسي ونوعي بالعربي
يعني اعطيج اسماء عطور ريحتها فرنسيه بس هي من محلات عربيه
مثل قطرات مطر من اجمل وعطر ساكريفايس من اجمل وعطر تينز هم من اجمل وعطر شادو من اجمل هذول كلهم ريحتهم فرنسيه وحلوه
وعندج من الرصاصي عطر رومانس ودلع بنات ورصاصي بيور فيم وعطر ما اروعك كلهم ريحتهم فرنسيه وعطر ايموشن بعد
وعندج من سيد جنيد تلقين عطورهم بمحل الشايع فوق بالشاهبندر الجهرا جانج من اهل الجهرا
عندهم عطورات سيد جنيد ريحتها فرنسيه مثل طيوب وسرور وفنن وبنفسج
ومن الشايع عندج عطر حروف وسطور ريحتهم فرنسيه وعطر اسمه moon life
يجنن بسبعه دنانير
شوفي هذول العطور كلهم ريحتهم فرنسيه يعني لو تشترينهم مع 10 او 6 عطور فرنسيه ماركه من المركز الفرنسي وبيضون ودبنهامز ووجوه مثل :"شوبارد-كوليستار-ايلي سان لوران - ستيلا- كلوي - لاليك الاسود -زين من شيسيدو-جينفشي الاحمر - الور شانيل القديم " بتكونين كفيتي ووفيتي
وهم عندج عطر حور ريحته قريبه من فرزاشي وتجنن من العبدالمحسن لهم فرع بجمعية الخالديه ولهم فرع بمجمع واره بالجهرا على الارض
وترا لابد من العطور العربيه عشان العزايم
مثل عطر خلاب من اجمل وعطر لجين وعطر وصال من اجمل هذول كلهم
الرصاصي عندج عطر خلطة العود
من سويس اربيان عندهم محل بسرداب المنار مول بالجهرا كشك قبال مطعم ولهم محل بمجمع واره ع الارض
عندهم عطر نوف وعطر عبير حلوين ومن العطور الفرنسيه الحلوه اللي عندهم عطر سويت هارت وشي شي ورخيص وحلو
طبعا لاتنسين دهن العود اللي على ريحه فرنسيه
من سويس اربيان عندهم دهن عود نوره
ومن الفايز دهن عود سكيب على ريحة عطر فرنسي

الله يتمم لج على خير الساعه او الجنطه مو مهم قيمته كثر مايكون شكلها كشخه
واختيارج موفق بالنسبه لمجموعة سويت كاميليا من زهور الريف وهم عندهم مجموعة نيبتون حلوه
ومن بدي سنتر نفسي قبل شريت مجموعة زهرة النرجس بس ترا مجموعة فيوليت بعد احلى من عندهم
بدي شوب انصحج بمجموعة المسك فااااااخره بمعنى الكلمه وروعه للعروس
ونكتار عندهم سويت نكتار تجنن وهم مس نكتار

بالنسبه لليزر مثل ما قالوا لج البنات الاباط ما انصحج يقولون تطلع ريحة
بس البكيني سويه والوجه لان هذول اهم شي وعقب الزواج ابتدي جلسات الليزر احسن لان صج ماكو وقت
بس ادهني جسمج بعد الحف بزيت زيتون ساخن مباشره بعد الحف جذي تقلل نمو الشعر
وشوفي في كريمات تقلل نمو الشعر بالصيدليه او من العطار والجمعيه مكتوب تقلل نمو الشعر لوشن كل ماسبحتي حطيه انا نفع معاي وريحني

وربي يوفقج
ظلي معانا وتواصلي وبشرينا دايم باخبار تجهيزج
وتابعي ردود العضوه قيم واخلاق بموضوعي شوفي جهاز بنتها شلون حلو ماشاء الله ومو ناسيه شي

 

[قاهره عذالي]

قاهره فديتج على هالاطراء انا بعد بعرسي محد نصحني ونبهني ولا كان في كل هالتنوع في جهاز العروس عشان هالشي انا اعوض ببنتي مابي ينقصها شي وانتم بحسبة بناتي وحابه افيدكم ربي يوفقكم وتتهنون في حياتكم يارب

الله يوفق بنيتج
هم انا اذا تزوجوا خواتي وان شاء الله ان الله مد بعمري ورزقني بنات وصاروا عرايس
ابي انبهم لهالشغله واجهزهم صح
خاصه البدو ملابس ودراريع الاستقبال لازم اكثر عكس الحضر بدل او عادي اي لبس والسلام بس يكون حلو
ان شاء الله ياربي يتمم على بنيتج وتشوفينها متهنيه بحياتها :eh_s(7):

 

[قاهره عذالي]

كتكات احمر شالسالفه علميني شنو القطعتين فيني لقافه‎:-*‎

هي سالت بصفحه مدري 14 او 15 ان كم قميص نوم وشنو انواعهم
وانا حطيت لها صور على شكل قميص اول ليله وقمصان مثله بس ملونه وشكل قميص البيبي دول
وشكل القميص اللي طويل وحفر
مع عدد مقترحته عليها انه ممكن يكفيها اول شهر بالعرس تبدل فيهم :eh_s(7):
وحطيت لها انها تشتري احتياط قميص ابو قطعتين
سبحان الله يمكن الرجال خبره ويقولها البسي ابو قطعتين يمكن عنده بخصي لمحلات قمصان النوم
بعد الرجاجيل بلاوي

 

[كتكات احمر]

كتكات احمر شالسالفه علميني شنو القطعتين فيني لقافه‎:-*‎

مصدوووووووووومة من القطعتين

:eh_s(11): مابي البسهم

شكلي تححححححححفة :krkrkr:

 

[قيم واخلاق]

ههههه قاهره االسالفه وضحت صاجه شباب الحين مفتحين باللبن احلى تاخذ احتياطها مبروك مقدما كتكات ربي يهنيج مشكوره قاهره ربي يوفقج في حياتج ماقصرتي مع البنات رايتج بيضا

 

[قاهره عذالي]

العفووو قيم واخلاق والله لا يحرمنا من تواجدج ومتابعتج للموضوع ومشاركاتج القيمه
عطيتي للموضوع معنى وفايده

 

[كتكات احمر]

ابي عيادة الليزر رخيصة للجسم وين؟؟

 

[كتكات احمر]

قيم الله يبارك فيييج ويخليج لعين ترجيج
ماقصرت قاهرررة

 

[قاهره عذالي]

ابي عيادة الليزر رخيصة للجسم وين؟؟

يقولون عيادة ابولو
بس نصيحه اذا بتشيلين الجسم
شيلي بس البكيني ونص رجلج
وعقب العرس عاد كملي
لان ماتدرين متى عرسج
والجسم يبي وقت
والاباط يقولون يصير ريحة من الليزر
يمدحون عيادة ابولو حيل اسمع فيها بس مدري وينها:eh_s(7):
http://www.q8yat.com/t199921.html
شوفي هالموضوع وتجربة البنت

 

[كتكات احمر]

1- برنامج عناية للعروس
2- ظرف النفنوف الأبيض / الذهب/ ساعات ماركة /المسكة/ الكوشة
3- ظرف المصورة والصالون (مكياج وشعر)
4- ظرف قمصان نوم ملابس داخلية أرواب حمام وكفر
5- تنويع البجامات وملابس الشقة
6- البدل الجاهزة والدراريع والعبايات والملا فع + اكسسورات مناسبة
7- الأحذية والجناط (ماركة) + المكياج
8- العطور الفرنسية والعربية والدهن عود واللوشنات ومرشات البيت والبخور
9- الدي جي والبوفيه والصالة والتوزيعات
10 الادوات الكهربائية واغراض الحمام والجمعية

جم احط فلوووووووووووووووووووووس حق كل ظرف ؟؟ والله ابتلشنا 4000 ماتكفي لو قلنا زادوا 2000 من الحكومة الله يخليها لنا جم لازم احط فلووووس ؟؟؟؟

 

[كتكات احمر]

اي حكووووووومة لووووووووووووووووول مني معاشي ماصارت معاش رااااااح خخخخخخخخخخخخ

 

[قيم واخلاق]

حبج يايمه مانصحج بالليزر مايمدي الله يخلي البراون نصيحتي اشتري البراون الزرقا وحفي كل مايطلع الشعر وبعدها على طول جيبي ترمس مطحون مخلوط بماي حار تكونين حاطته بصحن وانتي تشيلين بالبراون بس تخلصين يكون الماي برد خوذي الماي المخلوط بالترمس الناعم وادهني المكان اللي شلتي منه وخليه 10 دقايق وبعدين ادهنيه بزيت زيتون للشعر وكل مايطلع الشعر سوي هالطريقه لحد مايجي عرسج راح تلاحظين الشعر خف حيل وبراون كامله لونها ازرق احلى من الوردي

 

[قاهره عذالي]

شوفي الثوب خليه اجار
اذا تبين ادبر لج ثوب اجاره 500 ولبسه اولى
المسكه راح ادلج على مكان سعر المسكه ان كثرت 60دك
المصوره عندج زيزي حلوه ورخيصه بـ200 تصويرها اذا مافي ثاني يوم
الصالون روحي ساس عند ميرفت وبتطلعج جنج لبنانيه
والله الكل انعجب بمكياجي عندها كان مكياج مع تسريحه بـ225 جنه مع تركيب الاظافر
احسبي حساب ليموزين من الصالون لي صالة العرس ياخذج مع المصورات وزيزي تعرف تدبر ليموزين بـ25دك
قميص اول ليله معروف من نعومه بـ60 اذكر شريته
بس عادي تقدرين تشترين من مكان ثاني بس انا مشكلتي ما اعرف غير نعومه
وترا في قمصان نوم من ماكس والجميع على 7 وعلى 8 و5 دنانير وتجنن اهم شي تكون خامتهم حريم خاصه القمصان الطويله مع روبها او قميص قصير مع روبه
نصيحتي لج بالنسبه للدراريع سوي 10 الى 13 دراعه
من العربيد والبلوكات والاوقاف
هناك العربيد الدراريع على 12 وعلى 15 و18 بس اهم شي الاختيار والذوق
الجناط اشتري 2 ماركة وسعرهم زين هادي اقل من 60 دك
والباقي تقليد بس اهم شي الشكل شوفي مجمع منيره بالفروانيه عنده جناط وجواتي حلوه والاسعار اوكي
العطور الفرنسيه لا تشترين من المركز الفرنسي وبيضون ووجوه لان يرفعون السعر وغالين
عندج سرداب الشايع عندهم عطور فرنسيه اصليه وسعره اقل يمكن ب5 او 6 دك
وهم عندج موقع كتالوج يبيع العطور الفرنسيه الاصليه بسعر ارخص من بيضون والمركز الفرنسي
وهذا رابط موقعهم
http://www.catalog-express.com/store/

اشتري 6 عطور كافي
وعندج عطور اجمل والرصاصي والشايع رخيصه وكتبتهم لج قبل
بالنسبه لمجموعات الجسم اشتري 4 بس
زهور الريف منها مجموعة سويت كامليا ولا تشترينها كامله بس العطر حق الملابس وبخاخ الجسم والشور جل واللوشن
من بودي شوب مجموعة المسك
من بدي سنتر مجموعة فيوليت
من نكتار اشتري مجموعة مس نكتار او سويت نكتار بس مو كلها بس عطر الجسم والشعر واللوشن والشاور جل

بالنسبه للبخور :
الملكي من القرشي ب25
المميز من الرصاصي ب20
بخور المعاريس من امل الكويت ب10

دهن العود :
عنبر العود من الرصاصي بدينارين
مسك روز من اجمل بس رخيص مدري بكم
مسك العروسه هذا لازم من القرشي ب16دك


خلطات الفراش :
اشتري 4 خلطات من دار زكيه للطيب
انيس الروح-ثراء-الملكي -غنى الحياة وبس ال4 بعشره

وكلونيا للفراش من اجمل اسمها اشرقت بعشره

اهني تكونين كفيتي ووفيتي

الدي جي شوفي فرحة اثنين رخيص

وطقم الفوط ترا مو غالي
والكفر تقدرين تلقين واحد اقل من 60دك

انتي مالج الا يساعدج المعاش جان عندج معاش خليه على العطور والبخور خليه لدراريع العربيد والبدل والمكياج وادوات الكهربائيه والجمعيه
مهرج خليه لثوبج للمسكه للذهب والاكسسوار

تساهيل يا كتكات
انتي متى تحدد عرسج ؟؟؟؟؟؟؟؟؟

 

[كتكات احمر]

ان شااااااااااء الله ياااارب انا قاعدة ارتب اموري عشان لاتضيع الفلوس بلا فايدة مااعرف اشتغل الا بجدول

مهرج خليه لثوبج للمسكه للذهب والاكسسوار

جذي ماراح اشتري شي كل شي غالي ...
الثوب اكيد اجار وماراح ازيد عن ال500
المسكة 50 حدي
الذهب جم احط له ؟ والساعة ؟؟
للحين ماتحدد عرسي ان شاء الله قريب ورا الامتحانات