للعرايس اللي خلصوا من جهازهم كله ...قولولنا شنو شريتوا من عطور وميك وشوية شغلات ؟

[قاهره عذالي]

الساعه شوفي في اقل من 100 خلي الساعه الماركة بس وحده تصلح مع بدلة العرس
والثانيه يكون لونها ذهبي عشان تصلح مع الملابس والباقي عادي لو تقليد
والجناط في تكون ماركة ب50 و60 و40 بس خلي الماركة اثنين والباقي حتى لو تقليد او عاديين بس الشكل حلوو يكون
الذهب انا اقول قطي 1200 او 1000
ومع ثوب عرسج اشتري اكسسوار

انتي يمكن يسنددج المعاش حتى لو كان 400دك معاشج بس والله يسندج لو يشيل عنج الملابس والدراريع والعطور والكفر

 

[كتكات احمر]

صعبة اشتري اكسسوار ودي ذهب ابيض اكشخ وبشتري طقم صغير للمناسبات ويمكن طقم اصفر معاهم بس مو عارفة بحدود جم يطلع لي؟؟
والساعة لازم الماس او فيها الماس ولو بسييييط بس اكيد تكون غالية

 

[قيم واخلاق]

كتكات شوفي قاهره توزيعها حلو للمهر واذا تبين ذهب ابيض مع كرستال خليه طقم حق عرسج واشتري طقم صغير ذهب اصفر يمكن يكلفج 600 والساعه اشتري فضيه ماركه بكرستال تطلعلج 100 وشوي وكلام قاهره صح يبيلج ساعه ذهبيه ماركه بحدود الميه مواكثر وباقي الساعات تقليد درجه اولى كم وحده انا شريت فضيه كرستال حق العرس ووحده ذهبيه مع كرستال اثنينهم ماركه والباقي تقليد ماركه مثل فندي وغوتشي وبربري ونينا ريتشي وبس

 

[كتكات احمر]

اي قيم هذا الي بسويه بس من وين اشتريهم؟؟

 

[قيم واخلاق]

قاهره مشكوره خوش موقع فيه عطرين من فكتوريا سكرت كنت ادور عليهم <نيور،اولالا> عجيبه هالماركه حق المتزوجات لاتطوفج تسلمين قهوره

 

[كتكات احمر]

انزين النفنوف مع الذهب طقمين مع ساعتين ماركة جم اخلي لهم ؟؟ 1200 كافي ؟

 

[عآشقة زوجهآ]

والله التجهيز همممم
الحمدلله مابقالي شي
ويارب انتوا تخلصون

ويارب أطلع أحلا عروس ^_^

دعوااااتكم بقى شهر بس

 

[فرزاشيهـ]

بناات هذا موقع كتالوج اكسبرس اي عجيب اعرفه من سنتين حتى اختي قبلي جهزت منه و انا كل متبغيت عطر و عجزانه ارووح السوق ادز منه و عندهم خدمة تغليق بعد بس ترا اسعارهم معقوله و خدمتهم وايد شي انا حاطه في بالي بطلب منهم ،.،

اليوم رحت حق الميك اب ،..سنتربوينت و كنت بمر المنصور و جم محل بس انصدمت جذيت اشياء يعني بس مو واايد واايد حتى الشدو ماخذيت ولا الاضاءات بس اضائتين طلع فووق المبلغ اللي كنت حاطته كنت حاطه 200 طبعا جان اعطي الوالده تلك النظره البريئه :$$ ههههههههه و تطلع الكردت مالتها و تنقذني ،.،حطيت الصور بموضوع تجهيز العرايس كنت بحطها هني بس علق اللاب :// اقولكم ،،شريت الله يسلمكم 2 فونديشن نيفيا يديد واحد طبيعي و واحد برونز مع بودرتهم و خذيت واحد من ماكس فاكتور اليدي اللي تحطه جويل مع بورده افتح منه و خذيت كونسيلر من ريميل و كونسيلر عجييب من ماكس فاكتور على شكل حمره ! عجبني الصرااحه و خذيت حمر من لوريال و ريميل و مايبيلين و برجواز ،،بلشرات من بوجواز و ريميل و مسكرات من ريميل 3 ووحده ضد المااي و وحده لوريال و وهده مايبيلين و حكل جل من مايبلين اسود و كحل ضد الماي الوان ،،و خذيت اضاءة من ماكس فكتور حق عظمة الخد على شكل حمره بعد وايد دشت مزااجي و خذيت كحل سائل ريميل و برد اخذ محمود سعيد احلى شي و سواده شي و خذيت همجة صبغ اظافر و عطوني 9 مجانا بعد لوووووول و في جم قميص طويل عجبوووني بس ماقدرت اخذهم شكلي برد مره ثاانيه ،.،
كتكات مووفقه حبيبتي و اذا تبين اي شي حاضره و ماشاءلله البنات قبلي ماقصروا

 

[فرزاشيهـ]

انزين النفنوف مع الذهب طقمين مع ساعتين ماركة جم اخلي لهم ؟؟ 1200 كافي ؟

لاا ماينفع شويه وايد !! انا حاطه 2000 ذهب و 1000 النفنوف مع المسكه
2000 ترا وايد كافيه تشترين طقمين و يمكن دبله بعد ساعه وي لج تقيسمه بروح حق الساعات احسن يعني حطي 150 جذي عاد على حسب ماركتج اللي تبينها

عااشقه الله يوفقج و يسعدج يارب ^_^

 

[قيم واخلاق]

كتكات اول شي مهرج كم ؟على أساسه راح اوزعلج المهر و1200 ماظن يكفون يعني بدله العرس ايجارها ب500 وطقم الذهب الابيض مع كرستال تقريبا يطلع عليج ب700 وطقم ذهب اصفر تقريبا 600 وهذا اقل احتمال لان الذهب شاب نار والساعتين تقريبا بميتين يعني حطي ببالج 2000 يمكن صدمتج بالاسعار بس هذا الواقع واذا تبين ساعات ماركه فيه بالمنار مول تحصلين ومحل وجدان بالتوسعه بالخيمه مول

 

[AL ANOOD]

انزين النفنوف مع الذهب طقمين مع ساعتين ماركة جم اخلي لهم ؟؟ 1200 كافي ؟

لا طبعا مو كافي

انا اخذت طقمين ذهب 2650

 

[عآشقة زوجهآ]

فرزاشيه مشكوووره ع الدعوه ^_^

الله يوفق كل العرايس يارب

 

[قيم واخلاق]

*تابع لتجهيزات العروس *
الاكسسوارات
اكسسوار اول ليله حق نفنوف العرس *اكسسوارات حق البدل والدراريع وخواتم وتراجي*اكسسورات حق قمصان النوم والبجايم طبعا تكون حيل ناعمه مع اكسسوارات شعر على اشكال رسومات تلقينهم بمحل اللي كل شي بنص تلقينهم بتوسعه الخيمه مول وفيه تيجان حلوه واساور اشكال غريبه ولاتنسين الحجول ونقشات التاتو اللمعه الملونه على اشكال قلوب وفراشات واشكال ثانيه تحتاجينهم بيوم من الايام

 

["خانتني دموعي"]

يعطيج العاافيه ياقاهرة المووضووع روووعه
ويعطيكم الف عاااااافيه يابنااااااات كفيتوا ووفيتوووا

انا من الاغراض اللي شريتها
اخذت لي 5 جناط ماركة متنوعات من كل ماركة واخذتهم وقت التنزيلات هلا فبراير واسعارهم رووعه يعني مثل جنطة كانت 232 اخذتها 93 انا المستفيدة من التنزيلات عشان جذي استغل الفرصة
واخذت لي ساعة ذهبية من جنيف بخليه مع لبسة الذهب
واخذت ساعات من السويسري 2 فضية وحده ذهبية وحده جلد
واخذت من محل بسرداب الفنار ساعة ذهبيه
تقريبا الساعات خلصت منهم بس باقي اللي جلد والعمليات ومالت اول يووم
وشكلت تنويعه من الاكسسوارات من سارة كولكشن والفراولة وابو نص وحتى من ابو اميه في شغالات حلوه بس يبيلها تنبش
واخذت لي كعوبه انتم بكرامة من ناين ويست
وان شاء الله على ما اخلص امتحاناتي ببلش اشتري وانتم بكرامة الشغلات البسيطة مثل الشحاطات والكعوب وببلش بملابس الشقة والبجايم

 

[قيم واخلاق]

بنات ذكرتني خانتني دموعي بشغلات بوميه عندكم المحاميد اللي بالعالميه مول خوش اغراض واكسسوارات لقيت عندهم اكمام كارينا نفس اللي بالسوق بنص لقيتهم ب 100 فلس لون بيج وابيض واسود أخذتهم لبنتي مع جهازها كثرت الاسود تلبسهم مع اكمام العبي الواسعه وعندهم اكياس الملابس اللي فيها سحاب بس موخام لا كوينا قمصان النوم وعطرناها وعلقتهم داخلها وسكرت السحاب حقهم بس الاكياس مو طويله لا قصيره تصلح لقمصان بلايز يعني تنفع اخذت كميه كبيره حيل نفعتني وأخذت منهم ماشات حلوه فرو وريش على شكل ارنوب ودبدوب وانمي حيل حلوين يصلحون حق البجايم اذا تبي منظر طفولي قدام زوجها واتذكر اخذت من الحفر اكسسوارات هم حق قمصان النوم ماشفت نفسهم هني من محل البندر بشارع الوطنيه سنتر تجي طقم سلسال وتراجي وخاتم على اشكال غريبه دراجه وباص مدرسه وبنوته وفراشات ملونه وب5 ريالات بس بنات لاتستهينون فيهم ترا الزوج يحب النعوومه الدلوعه الطفوليه حتى لو مايقولج وطبعا الاكسسوارات الكشخه والغاليه خليهم للبدل والدراريع موفقين

 

[كتكات احمر]

كتكات اول شي مهرج كم ؟على أساسه راح اوزعلج المهر و1200 ماظن يكفون يعني بدله العرس ايجارها ب500 وطقم الذهب الابيض مع كرستال تقريبا يطلع عليج ب700 وطقم ذهب اصفر تقريبا 600 وهذا اقل احتمال لان الذهب شاب نار والساعتين تقريبا بميتين يعني حطي ببالج 2000 يمكن صدمتج بالاسعار بس هذا الواقع واذا تبين ساعات ماركه فيه بالمنار مول تحصلين ومحل وجدان بالتوسعه بالخيمه مول

قيم قولي 6000 مع المساعدات الابوية والامية ههههههههههههههههههه:d

 

["خانتني دموعي"]

قيم واخلاق الله يوووووفق بنيتج ويوفقها ويوووووووووووووفق كل العراااااااااااااااااايس اميييييييييييييييين

بس بغيت اسالج بالنسبة لعطر جيفاكو وين حصلتيه لانه منقطع من السووووق اذا ماعليج امر
والصراحة حيل استفدت من الموضوع

 

[قيم واخلاق]

كتكات عسى الله يبارك لج فيه واكيد الابويه والاميه مالنا غناة عنهم ههه ابدأ معاج بسم الله
**1700 طقم ذهب ابيض بكرستال+طقم ذهب اصفر
‏================
‏**400عطورات فرنسيه وشرقيه وبخور وخمريات وخلطات ومجموعات عطريه
‏================ **550 إيجار بدله العرس ومسكه
=================‏
‏** 250مكياج اول ليله وتسريحه
‏================
‏** 250تصوير فوتغراف وفيديو
‏================
‏**650دراريع حموله وبدل استقبال ودراريع بيت
‏===============
‏**450قمصان نوم وجنزات وبجايم وبديات وملابس داخليه
‏===============
‏*350جناط وكعوب وشحاطات
‏===============
‏**400شيال وعبي
‏===============
‏**250ساعات
‏==============
‏**200 إكسسوارات
‏==============
‏**100 أغراض الجمعيه والحواج والصيدليه
‏==============
‏**50 شريط الزفه
‏=============
‏**100 حمامات وتنظيف بشره وبديكير ومنيكير
‏===========
‏**200 مكياج
‏======
باقي 100 اي شي ناسيته خليها قبل عرسج عقب ماتخلصين كل تجهيزج
هذا اللي قدرت انسقه لج وانتي اي خانه حاسه انها زياده وخانه شويه حطي مبلغ من الزياده على الناقص موفقه يالغاليه

 

[قيم واخلاق]

خانتني دموعي جزاج الله خير انا شريت حق بنتي طقم جيفاكو من سوق الوزير المركزي تحت واره بالجهرا قسم المكياج والعطورات بعد اذكر شريت منهم عطر باسيك من فكتوريا سكرت ريحته رهيبه

 

["خانتني دموعي"]

تسلمين يالغلا وجزاج الله الف خير عاد صار لي فتره ادور عليه ما قصرتي