للعرايس اللي خلصوا من جهازهم كله ...قولولنا شنو شريتوا من عطور وميك وشوية شغلات ؟

[الحــور]

سويره حبيبتي

لا تشترين كل شئ مره وحده لا بالعكس كل ما تروحين السوق اشتري ونقي براحتج اللي يعجبج بس مو اللي يعجب اللي معاج
احسن من مره وحده ترى تتلخبطين بالريحه وتقولين ليش شريت هذا

 

[قاهره عذالي]

جزاج الله خير والله

تعالي ساعديني عندي اختي عروس
واحب اخذ فكره شامله غير اللي ذكرتوه

آمريني بشنو تحبين اساعدج
كفكره عامه للتجهيز
في حجز البدله البيضه والمسكه وحجز المصوره والصالون حق المكياج والتسريحه :eh_s(7):
واذا عندج حفله ثاني يوم لازم تجهزين نفنوف حق صباحية او مسائيه مع حجز مكياج وتسريحه تجيج للبيت ودفع حق البوم ثاني يوم مع المصوره تنسقين
الذهب (طقم ابيض واحد حق البدله البيضه او اكسسوار كيفج + ذهب اصفر على الاقل طقم ينلبس حق ثاني يوم الصباحيه او المسائيه )
هذي الاساسيات
نجي للدراريع بيت الحموله على الاقل 12 دراعه + 5 او 4 بدال او دراريع فخمه من العربيد من دراعات ساره من مجمع الاوقاف
عبي
جناط وجواتي تكرمين طقم مع بعض الالوان الاساسيه (ابيض-اسود-رمادي-بني-بيج)
قميص نوم اول ليله من محل نعومه + كم قميص طويل من عندهم من جميع الالوان
طقم فوط
بطانية العرايس
بجايم عندج لاسنزا وبجايم حرارير من انور والطاهر ونعومه
ع الاقل 20 قميص نوم منوعين مع قميص اول ليله والبجايم بعد ع الاقل عشر بجايم منوعين ودراريع قصيره حلوه للشقه
المكياج : عندج ماركة ريميل وريفلون ونيفيا وبرجوا ومايبيلين حسب اللي يمشي مع اختج وتحبه وكريم اساس للمناسبات وكريم اساس خفيف للاستعمال اليومي
وتشتري ستاند مكياج حلو شفاف تلم مكياجها كله على التسريحه من مكياج منصور هناك اشكال وانواع
العطور :
اول شي البخور : الملكي من القرشي +المميز من الرصاصي
تشتري طقم مباخر للشقه تنحط بصالة الشقه
دهن عود العتيق من اجمل يهبل
مسك العروسه من القرشي كل عروس لازم تشتريه
خلطات للفراش عندج اكوا كوثر من الرصاصي +نفحات ليلة خميس من اجمل + 4 خلطات من دار اطياب زكيه (ثراء - انيس الروح-غنى الحياة -الملكي )
عطور فرنسيه على الاقل 6 عطور فرنسيه ( كوكو شانيل - الور القديم - شوبارد-كوليستار - لاكوست الوردي - لاليك الاسود او بو ربطه حمره -كلوي الجديد)
العطور العربيه :
من اجمل :"مجموعة قطرات مطر ووصال وساكريفايس وعطر غرامي وتينز )
من الرصاصي :" عطر رومانس وعطر خلطة العود وعطر المحبه ودلع بنات الاسود والوردي "
من الشايع " عطر حروف وسطور وعطر هاجر وعندهم عطورات سيد جنيد :فنن-بنفسج-سرور-طيوب وخمرية الشايع للشعر ."
من سويس اربيان :" خلطة فراش كشخه + دهن عود نوره ودهن عود شذا + عطر مخلط عبير المجلس يجنن وهم بخور درة الخليج حلو حق بعد الطبخ والعصاري للشقه ".
بالنسبه لمعطرات الجسم :
بودي شوب : مجموعة المسك + مجموعة جابانيز شيري "
من نكتار :" مس نكتار + سويت نكتار .
من زهور الريف :" مجموعة سويت كاميليا + مجموعة نيترون ريحتها انتعاش وتهبل (على الاقل من هالمجموعتين اشتري (العطر+بدي سبراي+شاور جل + اللوشن )
من باث اند بدي ووركس تلقينه بالافنيوز ع الارض المجموعة البنفسجيه والبنيه
ومن بدي سنتر موجود بالمنار مول ع الارض وبمجمع العربيد بلازا المجموعة البنفسجيه تجنن كامله بـ15دك

وطبعا لاتنسين الاكسسوار والساعات الحلوه اللي تصلح للبدال الحلوه اللي بتشتريها اختج

 

[المـــــها]

هلا حبيبتي
أنا الحمدلله خلصت و صارلي متزوجة من 3 شهور تقريبا


للشقة اخذيلج 3 مرشات و عندج مرش نوف من المرشود لا يعلى عليه صراحه
و اخذي دهن عود واحد إذا ماتحبين دهن العود ،، أنا خذيت دهن عود المرشود روووووعه بمعتى الكلمة يجنن

و اخذي فواحات 3 عدد معقول
و فواحات نكتار لاااا يعلا عليها
خصوصا خلطة الفانيلا و الفراواة و التوت



و البخور نوعي 3 مابين عود معطر و بخور و معمول
أنا نوعت من البحرين و العبية و من أجمل عود معطر روووووعه ينزل على أهل زوجي من حلاته



العطور الفرنسية 5 كاااااافي و ربي
عطوري : فيكتور&رولف(فلور بومب)الجديد \ ديور أديكت الكحلي \ ليدي مليون \ انسولانس الجديدة البنفسجية
و العطور الزوجية خذيت ماكس مارا و مودي آي ييرن عجبوا زوجي
و اللي صج خذا عقله من نعومي نصيحه لكل العرايس ياخذونه : عطر شذى مجموعة اللي لونه برتقالي و بودرته لمعه تجنن




مجموعات الجسم خذيت من بودي شوب الفراولة و الورد المغربي كاملين ،، بس زوجي يموووت بالفراولة مع ان ماتوقعت هالشي!!

و من نكتار خذيت مجموعة الرازبيري حلووووه


و عندج من صيديلة بوتس مجموعة سوب&قلوري حلوة ريحة نظافة
مع سنفرة و كريم مرطب و غيرها




و من فيكتوريا سيكرتس نكهات و شغلات بصراحة الحلوين العصار الفوشي الصغير و البودي كسس بالفانيلا و القلوس الكرز



والعطور العربية شريت عطر وصال من أجمل موووووو طبيعي فووااااااح و ريحته خيال و طبعا زوجي استانس عليه
كل يوم يسألونه عن عطره و للأمانه يخلطه مع عطر تذكار من أصغر علي و أنا اللي ركبت هالخلطة
و هو اللي ربح من تجهيزي هههههههههههههههه




مرطبات الجسم زبدة الككاو و جرجنز بزبدة الشيا و البيبي أويل و جسمج مبلل روووووووووعه





الشامبو براحتج أنا ما بين بانتين و تيرزمي
و الحمام الزيت تيرزمي و بانتين




و سيروم للشعر حيل مهم
و السشوار و الفير مهم جدا للوكات يا بناااات
و الفوطه حلوووه للتنشيف لأن سشوار الهوا يخرب الشعر





اممممممممم
شباكيات ناعمه و شباصات حلوة للعناقيص و ماشات حلوووة للقذلة يعني لما بتسوين حركات





الملابس الداخلية كثروا منها و أحلا الأوان الأحمر و الأسود و الأبيض و الأوف وايت (( الأطقم العملية اليومية))
و أنصح بنعومي رووووعة للأمانة و لاسنزا نفس الشي لجميع الأنواع






اخذي لج كعب ريش للقمصان شحلاتهم عند اكسفورد على 10 تقريبا اخذي أوق وايت و أسود حيل حلوين





الغسول مهم للأماكن الحساسة
أنا أستعمل أنتيمنت ريحته تجنن

و مسك العروس للجسم و مسك الطهارة للماكن الحساسة من القرشي بس لا تدخلونه داخل ما جربت يمكن يكون حار ديروا بالكم


القمصان .......



اكسفورد رووووعة للمشخلعات هههههه يعجبكم
الجميع حلوووو للحراير مع أروابهم شي شي مثل القمصان التركية فخاااامة و ألوان رهيبة
و حتى الأطقم تجنن و القمصان بأنواعها


نعومي أطقم القطعتين تجنن و خصوصا الكرستال شوفوه يا بنات لا يطوفكم فخم و راقي ...


الأسواق الشعبية تلقين عندهم شغلات مو هينة






اخذي لج جي جي أسود \ أبيض هيلاهوب كرستال \ هيلاهوب شبك أسود








البجايم كثري منها و خصوصا الكيوت و السبورت و الضيج و الكشخة بلييييز خلو البجايم كشششششخة و ألوان كيوت
و نوعوا بالموديلات و الملابس الداخلية لازم تكون كيوت و لو تطلع من البيجامة تكونين شي شي







اخذي سليبرز ملون مع البجايم 2 أو 3 غير الموديلات الثانية كلهم 4 أو 5 كافي






اممممممم هذا اللي يحضرني حاليا
و أي سؤال من عنوني

 

[قاهره عذالي]

ماشاء الله المها
اغراضج حلوه
ابي عطر شذى من نعومي من وين احصله ؟
وشكرا لمشاركتج

 

[المـــــها]

نعومي بالجهرا مجمع أوتاد
و في بالفحيحيل بس مادل وين بالضبط
موفقه ياعمري

 

[قاهره عذالي]

نعومي بالجهرا مجمع أوتاد
و في بالفحيحيل بس مادل وين بالضبط
موفقه ياعمري

زين بالجهرا
هو محل عطور خاص
او قصدج نعومه اللي كله قمصان نوم؟

 

[المـــــها]

اي محل قمصان النوم

 

[قيم واخلاق]

راح احطلكم تجهيز عروستنا الغاليه طبعا تجهيزها قمه لاإله الا الله بس مايغلا عليكم انتم مثل بناتي بس انتظروني

 

[اسبــانيــة]

شريت مكياج من جيفنشي
وشارمل
واتش ار
وفي علبه ايلاينر فيها 6 الوان (بني+كحلي+فيروزي+اسود+اخضر+ابيض) من معرض الروضان

اما العطور يبت 5 من المانيا لانه اللي هني احسهم غير عن اللي برا(مجربه اللي برا)
صراحه ما اتذكر شنو العطور بس ستيلا وليدي ميليون ومادري والله شنو بعد

وكثرت بجايم وبخور وعطور عربيه (للعلم انا مو ووايد وياهم بس احب البخور حق الدار)

ويبت سوالف الصابون وعطور الفرش من بودي اند باث فضيعين

ويبت فناتق الملابس السهرة (اللي تخش الستيان(اذا لابسه حفر) واللي ترفع الصدر واللي تنزل ظهر الستيان(اذا النفنوف عاري الظهر) وسوالف وخرابيط)

وكثرت نفانيف خلاعيه حق البيت ولو انه اخر سته عرسي واول 8 رمضان ف جدامي شهر استهلكم هههههههههههههههه

وشنو بعد بتعرفون

 

[اسبــانيــة]

والساعات يمكن يايبه 8 والود ودي ايب بعد لوما زف الوالده

ككككككككككككككككككككككككككككككككككك

والله لوما المعاش جان رحت فيها

لانه المهر بح

 

[هـمبة]

اممم
عطوري

الفرنسية:
سان لوران الجديد بنفسجي مادري كحلي - كوكو مادموزيل مع اللوشن والشاور جل - فلورا - جوسي كوتور بو فيونكة فوشية - كلوي - عطر شذى من نعومي

العربية:
وودي من العربية - العاذرية من الماجد - ريم والصباحية من سيدة الاطياب - حنان من العبدالمحسن

وشريت بخور القرشي الملكي ومن بوراشد اللي بدبي ومعمول حنان

ومن بدي شوب شريت جابنيز شيري كاملة
ومن بودي وركس خذيت المجموعة فنيليا شوقر مع السنفرة والعطر


والمكياج ..
مسكرتين من لانكوم
وشدوات من شارمل وحنان دشتي
من مكياجي مجموعة بلاك آي
تاتو ومحددات وايلاينر داخل العين كل الالوان من المنصور
وبعد خذيت اضاءات وبلاشر من المنصور
وايلاينر برا العين من محمود سعيد
والحمر خذيت من نوبا احمر ولحمي
وباجي الالوان من ريميل ونيفيا
واصباغ الاظافر بعد من المنصور

جنه بس جذي هع

خوووش موضوع والله
جزاج الله خير حبيبتي

 

[غنآآآتي]

ماشاء الله الله يهنيكم وابدااااااااع ابداااااااااع اختي قاهره عذالي ماشاء الله عليج بانتظار العرايس الله يهني الجميع
بما اني تو بدري على التجهيز باخذ فكرة واسجل الشغلات المهمه عشان استفيد فديتكم
الله يرزق الجيع بلي يتمنونه

 

[Leann]

متزوجة من فترة قصيرة


ما جهزت شي غير فستان عرسي و الجوتي اكرمكم الله و الطقم اللي بلبسه يوم الحفلة

هدوم النوم جم قطعة بس .. عشان اعرف شنو ذوقه و اشتري بعدين على ذوقه

سوالف مكياج ما مكياج انا مكياجي خفيف و اللي كان عندي قبل لا انخطب كافي و يكفيني

و بعد نفس الشي العطور و هالسوالف كله عندي من قبل لا اتزوج صج شوية بس ادري من خبرات اللي تزوجوا قبلي انهم كافيين و ماراح استعملهم ما ضيعت مهري على هالسوالف

هدومي العملية اللي كنت البس حق الجامعة و جذي قصصتهم و قصرتهم بالمقص بنفسي و سويتهم بجايم حق البيت

بدل حق الطلعات حمدلله عندي ما كنت محتاجة اشتري الكل يشهد اني ذويقه باللبس قبل لا انخطب

سوالف دراريع و كفتانات هم بعد عندي كنت البس حق العيد و رمضان و اهمه اهله غريبين يعني مو شايفيني بهالهدوم فقلت البسهم لا رحت زوارة عندهم

وبنات ترا السوق مو طاير شوي شوي لا تطيرون مهركم كلله على هالاشياء .. الله يوفق الجميع

 

[قاهره عذالي]

راح احطلكم تجهيز عروستنا الغاليه طبعا تجهيزها قمه لاإله الا الله بس مايغلا عليكم انتم مثل بناتي بس انتظروني

ناطرين حبيبتي جهاز عروستكم
شوقتينا
الله يهينها ويبعد عنها العين:eh_s(7):

 

[معلمة شيسمونه]

شوفي اليوم مريت بالعربيد بلازا
لقيت عطورات النخبه

عندهم عطر 300 مل
على قولته
حل العبي حق البيت حق الجسم حق كل شي
اسمه الشرق
رشيته على عبايتي ورررررررررريحته تهبل وقويه ظلت على عبايتي لحد ما رجعت البيت طبعا على جمها بس

بعشر دنانير
بصراحه دخل مزاجي حيييييييييييل

 

[قاهره عذالي]

شوفي اليوم مريت بالعربيد بلازا
لقيت عطورات النخبه

عندهم عطر 300 مل
على قولته
حل العبي حق البيت حق الجسم حق كل شي
اسمه الشرق
رشيته على عبايتي ورررررررررريحته تهبل وقويه ظلت على عبايتي لحد ما رجعت البيت طبعا على جمها بس

بعشر دنانير
بصراحه دخل مزاجي حيييييييييييل

عليج بالعافيه :eh_s(7):

 

[3roo$ al.kon]

ماشاءالله تجهيزكم ياعرايس روووعه والله يذكركم بالشهاده ذكرتوني بشغلات كنت ناسيتها !!!


الله يوفقكم ويجملكم بعيون ازواجكم يارب :d

 

[قاهره عذالي]

عروس الكون
هذا هدفي من الموضوع
العروس ترا تحتاس وتنسى اشياء ضروريه تشتريها

 

[Koh Mi Nam]

السلام عليكم ..

ما شاء الله .. لا إله إلا الله ..

تسلمون بنات على هالموضوع القمة والمفيد ..

ويعطيج العافية إختي قاهرة عذالي .. والله حدي محتاسة وما رتبت أفكاري

إلا يوم شفت ردج إلي بصفحة 3 .. عاد عرسي شهر 9 وماني عارفة شسوي .. !

بس بغيت اسأل .. ثوب العرس .. وين أحسن مكان أقدر احصل فيه موديلات يديدة وحلوة وأسعار معقولة .. ؟

وهم المكياج .. وين حجزتوا .. ؟

وبدل الاستقبال .. والله ماني عارفة من وين اشتري .. السوق كله ما فيه شي يفتح النفس !!

فلي خلصت من هالأشياء تفيدنا الله يعافيها ويوفقها دنيا وآخرة ..

وإختي قمة وأخلاق .. ننتظر جهاز العروس بفارغ الصبر ..

موفقات ..​

 

[قاهره عذالي]

السلام عليكم ..​

ما شاء الله .. لا إله إلا الله ..​

تسلمون بنات على هالموضوع القمة والمفيد .. ​

ويعطيج العافية إختي قاهرة عذالي .. والله حدي محتاسة وما رتبت أفكاري​

إلا يوم شفت ردج إلي بصفحة 3 .. عاد عرسي شهر 9 وماني عارفة شسوي .. !​

بس بغيت اسأل .. ثوب العرس .. وين أحسن مكان أقدر احصل فيه موديلات يديدة وحلوة وأسعار معقولة .. ؟​

وهم المكياج .. وين حجزتوا .. ؟ ​

وبدل الاستقبال .. والله ماني عارفة من وين اشتري .. السوق كله ما فيه شي يفتح النفس !!​

فلي خلصت من هالأشياء تفيدنا الله يعافيها ويوفقها دنيا وآخرة ..​

وإختي قمة وأخلاق .. ننتظر جهاز العروس بفارغ الصبر ..​

موفقات ..​

ثوب العرس
في انجفه اشكال وارناق اهناك
وفيه الاسطوره
رفيجتي عندها ثوب يهبل من الخبر شاريته لبسه اولى اذا تبين صورته راسليني ع الخاص
رقمها
55068301

بدل الاستقبال
هم في بدل حلوه عند رفيجتي
بالنسبه لدراريع بيت الحموله
روحي فصلي بالعربيد 12 دراعه وحاولي يكونون ناعمين
بدل الاستقبال هم في عند رفيجتي
وفي مشاغل فري المشاغل وحدج جذي 4 الى 6 بدل استقبال فخمه + 12دراعه ناعمين
وانا نصيحتي لج
اختاري انه ثوب عرسج يكون اجار
احسن لج
عشان تقدرين تشترين ذهب
المكياج
انا بعرسي عند صالون ماي فير ليدي (ساس سابقا) عند ميرفت والشعر عند روعه وطلعوني شي لان كل شغلي ناعم واحب النعومه بس قولي لهم ابي كريم جسم ناعم
واحجزي مصوره
عندج زيزي حلوه وعروضها حلوه
66628195
ورشا شيك عند رشا الحافظ نفسها حلو بس غالي ترا مكياجهم
المسكه عندج محل ازهار الفيصل قبال مستوصف الراشد اللي يم مستشفى العرف بالجهرا واسعارهم هاديه
الحين اللي عليج
تحجزين مصوره
تحجزين صالون مكياج
والمسكه قبل العرس باسبوع تروحين وتحجزينها
واذا عندج حفله ثاني يوم دوري مشغل حلو وسوي فيه ثوب ثاني يوم
او عندج رقم رفيجتي اللي عندها الثوب الابيض هم عندها بدلات مسائيه او صباحيه
واشتري البخور والعطور اللي حطيتهم لج بالصفحه الثالثه
وقمصان النوم والبجايم والملابس الداخليه وتكرمين الجواتي والجناط وطقم الفوط وبطانية العرايس:eh_s(7):
واشتري مكياج من سنتر بوينت
وستاند مكياج من محلات مكياج منصور احلى تلمين مكياجج كله على التسريحه واذرب كشكل
واكسسوارات وقميص نوم اول ليله من نعومه واستشوار وفير وبجايم اهم شي لانهم استهلاك ودراريع بيت قصيره