للعرايس اللي خلصوا من جهازهم كله ...قولولنا شنو شريتوا من عطور وميك وشوية شغلات ؟

[قيم واخلاق]

قاهره مشكوره حبيبتي على الاطراء وصج والله انا حبيتكم مثل بناتي وحاسه بمعاناة التجهيز لاني مشيت مع بنتي خطوه بخطوه /سمو المجد نصيحه ابدي من الحين بالعطورات والبخور والبجايم وقمصان النوم لان مالهم موضه معينه وبعد الذهب واي مساعده انا حاضره لج يالغاليه

 

[قاهره عذالي]

العفوووو تستاهلين والله اختي قيم واخلاق اننا نشكرج
لان مشاركاتج بتكون مرجع لكثير من البنات اللي شايلين هم الجهاز
سمو المجد الموضوع وصاحبة الموضوع والعضوه قيم واخلاق والكل معاج
وان شاء الله بنساعدج ويبي يخلص جهازج على خير ان شاء الله ولا تخافين سهالات
اهم شي عندج خوات بالمنتدى يعرفون يدلونج على اشياء مجربه وحلوه وترفع راس العروس عند زوجها

 

[سموالمجد]

:eh_s(2): :eh_s(2): حياتي انتي والله جد ما تقصرين

كلامج خلاني ابجي حسيتج امي يا مال العافية

انا سويت كوبي لردج والعطورات بعد

وبكرا بروح ابدا اشتري

بس اخاف من الفستان الأبيض هذا اهم شي

 

[سموالمجد]

قيم واخلاق تسلمين فديتج ادري ما تقصرون وربي استفدت منكم حيل

 

[قيم واخلاق]

وصج العربيد اسعاره حلوه انا شفت دراعه بالمعارض ب25 ولما رحت العربيد لقيتها ب15

 

[قاهره عذالي]

:eh_s(2): :eh_s(2): حياتي انتي والله جد ما تقصرين

كلامج خلاني ابجي حسيتج امي يا مال العافية

انا سويت كوبي لردج والعطورات بعد

وبكرا بروح ابدا اشتري

بس اخاف من الفستان الأبيض هذا اهم شي

لا تخافين حبيبتي
في موضوع لي عن مشغل ام خالد حلو وفيه نفانيف حلوه
واذا تبين رفيجتي عندها بدله حلوه لبسه اولى
اخليها تأجرها لج بـ500دك
رقمها 55068301
وادز لج الصور ع الخاص
وان ماعجبتج البدله شوفي الاسطوره شوفي انجفه او مشغل ام خالد فيه 8 بدلات عرايس منوعه بس نصيحتي لج اجري اجار لان مافي وقت حبيبتي حق تصميم بدله وتخسرين نفسج
وحنا كلنا معاج
ابي اذا شريتي اي شي اكتبيه اهني بالموضوع عشان نذكرج بشي ناسيته او نزيد عليه اشياء لا تخافين ان شاء الله بتطلعين احلى عرووووووووووس :eh_s(7):

 

[قاهره عذالي]

وصج العربيد اسعاره حلوه انا شفت دراعه بالمعارض ب25 ولما رحت العربيد لقيتها ب15

اقسم بالله يا في بدله شريتها من مراه فصلتها لي ب50دك
ولقيتها عند الخياطين بواره ب7ونص لا وخياط الهندي احلى
وفي بدله شريتها من مراه
ب90
لقيتها بالعربيد بـ20 دك

شوفي القهر


عشان جذي انصح البنات الدراريع العربيد وبس وعندج دراعات ساره حلوه بعد مرات تلقين شغلات حلوه وناعمه
دراعات ساره ينوجد بالجهرا بالوافي واعرف انه لهم فرع بالمباركيه

انا تعلمت من هالغلطه ان الدراريع السوق وبس
مجمع الاوقاف العربيد دراعات ساره البلوكات والله احسن شي

 

[قيم واخلاق]

تستاهلون حبايبي وقاهره ماقصرت كفت ووفت /سمو المجد انا راح اكتب نصايح راح تهمج وتهم العرايس تابعوني حبايبي

 

[سموالمجد]

يا ليت تدزين الصور جان زين يعجبني وافتك

 

[kwait doll]

الله يوفقكم

 

[قيم واخلاق]

صاجه قاهره عاد في محل بالتوسعه نفس دراريع العربيد تقريبا على 7 وأعتقد جنب دراعات ساره اللي يبيع فيه افغاني

 

[قاهره عذالي]

قيم واخلاق بس الجاهز
لازم تقايسينه
عكس العربيد هم يفصلون على قياسج
اما الملابس الجاهزه
لازم تقاسين بالمحل او تخلين المحل يضبط لج القياس وتفاهمين معاهم
عشان مو تشترينها على الشكل وتطلع وسيعه والا جيب الصدر كبير وتطيح بجبدج حتى الخياط ما يعرف يصلحها

 

[AL ANOOD]

العطور
اخذت من القرشي : سفاري - مسك العروس - بنات الاكابر والاخير انصح فيه وبشده
اخذت عطر ايديل من غيرلان
لقطت من بودي شوب : سكراب البرتقال - وزبدة شفايف - وشاور جل باللوز رهييييب ينعم وايد واخذت زبدة الفروالة للجسم
اخذت مجموعة من نكتار
واخذت مرشات من دخون
والبخورات تشكيلة من ارض المعارض شي كمبودي وشي خشب بس ما اتذكر اساميهم
واخذت مجموعة عطر سكرفيس من اجمل
واخذت عطر على عود حق الدراعات من الارجوان

الدراعات
اخذت ثنتين من مشاغل ازياء بالسالمية .. واخذت وحدة من العربيد واخذت وحده من المثنى

النفانيف
فصلت واحد باتيليه وراح البسه لما اهلي يعزموني عندهم اول مرة اهو نص جم يعني نفس البدلة مو نفنوف طلعه ولا مال عرس
وهم فصلت نفنوف بس مال زوارة مو مال طلعة بس ناعم .. واخذت واحد من ستي سنتر .. واخذت واحد من فاشن مل الجهرا

البدل القصيرة
اخذت نفنوف قصير اسود كوكتيل من اتش اند ام .. وتنورة قصيرة مع بديها جبنيز من محل بالفروانية ما اتذكر اسمه
واخذت نفنوف قصير من سنتر بوينت وكلهم مو حق طلعه

ملابس الطلعة
اخذت تشكسلة قمصان طوال حق الجينزات
واخذت بنطلون بيجي من اللي هابين فيهم تكون خامتهم اشترتش بس مو ليجينز وهم واحد رمادي بعد
اخذت نفانيف شيفونات بس ملوت طلعه ما ينبسون بروحهم مثل اللي فوق

البجايم
اخذت 8 بجايم برمودات وبناطيل وايد كيوت وحلوين كلهم من محل اسمه شهد بالسالمية بس رهيبييين والله
واخذت هم 10 اطقم ملابس داخلية من عندهم واخذت 6 سليبات زيادة من جيان حلوين نفس الوان اطقمي للتبديل

دلاغات
درزن شفاف اسود وبيج
درزن قطنيات حق البجايم

اكسسوارات
اخذت وااايد من سرداب الشايع ذهبي وفضي والوان
ساعات اخذت من وحده تقليد ماركات درجة اولى ثنيتن وحده بني وحده اسود شانيل والثانية نسيت مادري شنو

جناط
اخذت اللي تجي على نصين لونين اوف وايت باسود
اخذت وحده بربري
اخذت ابيض بذهبي مو ماركة عادية
اخذت شانيل مشمية لان عندي قميص نفسها

الاحذية --- كرمكم الله
اخذت ذهبي وفضي كعوب عالية
اخذت اسود شحاطة ومسكر
اخذت فلاتات اخضر وبني احمر واسود
اخذت جوتي رياضة بيج بابيض

ااااخ تعبت .. انا كتبت لكم بالتفصيل الممل .. هذا اللي اتذكره وان تذكرت اقولكم .. والتوفيق للجميع

 

[قاهره عذالي]

العنووود ما شاء الله مبين شغلاتج حلوه
يبيلج بعد عطور عربيه وفرنسيه راجعي صفحة 3 من موضوعي هذا فيه رد طويل لوحده من الاخوات كاتبه لها كل العطور الحلوه اللي اعرفها ويبيلج بعد دهن عود وخلطات للفراش اللي من الرصاصي اكوا كوثر واكوا زينه ومن اجمل ليلة خميس
ويبيلج بعد بجايم حراير اربع انواع والوان
مجموعات الجسم اخذي من زهور الريف سويت كامليا تهبل
ومن بودي سنتر مجموعة فيوليت
على فكره الرجاجيل مايحبون ريحة الفواكه الاغلبيه الا اذا قلوس او شمعه عادي بس لوشن على فواكه ما انصح باللوشنات لان تقلب ريحتهم اما عطر او شمعه عاادي
بدي شوب عندهم مجموعة جابانيز شيري حلوه وفواحات
االدراريع ترا يبيلج بعد
الوحده ع الاقل يكون عندها 13 الى 14 دراعه منهم 4 فخمين او 6
والباقي ناعمين لبيت الحموله
خاصه اذا كنتي ببيت حموله ترا محتاجه تلبسين دراريع
عندج دراعات ساره والعربيد االلي موديلات تجي ناعمه حيل حلوه لبيت الحموله
قمصان النوم ماشريتي
لاتنسين قميص اول ليله مع 4 قمصان طوال مثله من نعومه الوانهم اسود وعنابي واحمر واخضر ووردي حق اول الايام
وقمصان قصيره مع روباتهم وقمصان بيبي دول واللي قطعتين يبيلج والله قمصان

وموفقه مبين علييييييييييج ذوووووووووووق

 

[يالبيه 17]

فدددددددددديت راعيه الموضوع والله جزاج الله خير

حيل استفدت

اول ماخلص امتحاناتي ابلش تجهيز واقولكم

 

[قاهره عذالي]

يآآ لبيه

على خير ان شاء الله

نتمنى لج التوفيق
وناطرين جهازج الحلووو ان شاء الله

 

[قيم واخلاق]

اي وحده تبي تجهز تجيب لها نوته اول شي لاتشترين بشكل عشوائي يعني اذا رحتي تاخذين العطورات والبخور لاتمرين محلات الدراريع او الاكسسوارات او قمصان النوم عشان مايتشتت تفكيرج واكتبي بالنوته اسامي العطورات ومحلاتهم وطبعا من ضمنهم الخمريات والخلطات ودهن العود ومسك الطهاره والشموع الفواحه والعطور الفرنسيه والشرقيه وطقم المبخر مع كرستالات دهن العود والصينيه ولازم ماتاخذين الا الظرف اللي محدده فيه مبلغ حق اللي ذكرته غيره لا صدقيني راح ترتاحين نفسيا وشوي شوي تلقين نفسج تأقلمتي مع الوضع وكل ماتشترين شي اشطبي عليه وان شفتي نفسج اكتفيتي من كل اللي قلته وبقت فلوس من هالظرف طلعيهم وحطيهم بحصاله و كل ظرف تسوين نفس الطريقه وانا راح اقولج ليش
‏*يتبع*

 

[قاهره عذالي]

فكررررررررررره روعه قيم الاخلاق
يوم للعطور والبخور
يوم لقمصان النوم
يوم لتفصال الدراريع
حتى الوحده تحس جهازها سرعه وعارفه شنو تبي ويخلص اسرع

المنار مول بالجهرا ماشاء الله انصح اللي تجهز عطور وبخور انها تروح له فيه كل محلات العطور ومجموعات الجسم
( نكتار - زهور الريف - اطياب زكيه - بدي سنتر - اجمل - الرصاصي - امل الكويت - الدر المنثور - الفايز - الرايه - المركز الفرنسي وشكثر محلات عطور حتى السرداب فيه كشك قبال المطعم حق منتجات سويس اربيان يعني جد كل شي اللي تبي تجهز عطورها تروح المنار مول والعالميه مول مجمعين يم بعض بالجهرا فيهم كل محلات العطور خاصه المنار مول السرداب في وعلى الارض في وفوق في مكياج منصور وزهور الريف ونكتار )

 

[قيم واخلاق]

قاهره انا شفت المحل بعد ماخلصت تجهيز الدراريع لفت انتباهي انه نفس خامات العربيد وموديلاتهم بس اكيد الجاهز ماراح يجي نفس قياسات العربيد

 

[قاهره عذالي]

اي حيل حلو هالمحل اللي بالتوسعه بالوافي يم دراعات ساره رفيجتي شرت من عندهم دراعتين لبيت الحموله يهبلون وناعمين وعلى 8 دك مو غالين اسعارهم زينه