للعرايس اللي خلصوا من جهازهم كله ...قولولنا شنو شريتوا من عطور وميك وشوية شغلات ؟

[AL ANOOD]

تدرين ليش ما كثرت دراريع .. لان اهل ريلي حضر ومستحيل الا من عاشر المستحيلات البس لهم دراعة ومع هذا قلت باخذ اثنيني زيادة حق اهلي انا .. واهله راح البس لهم الاشايء القصيرة وبدل الطلعة لاني اخذت وايد .. حتى حق طلعتي معاه ما راح البس غير الجينزات لان عايش برا ويحب هالستايل .. ومالي خلق يقعد يعلق علي وعلى لبسي

اما عن العطور تكفين لا تقولين فرنسي لا ابجي .. لان ريلي المصون ما يحب الروايح القوية ويحب الفواكة وهالسوالف حتى القلوسات اللي على نكهات لمه احطها يكسر فيني يقولي مسحيها ماحب شي دبق على شفايفج ---- يبي ياخذ راحته الاخو
وهم انا من النوع اللي اذا شميت عطر فترة تلوع جبدي منه فما ابي اكود عشان ما امل منهم واقطهم

طبعا ان اخذت بجايم اللي البسهم بعد السبوح بعد قميص النوم كلهم شورتات ونفانيف كيوت وحراير ومن هالسوالف
وطبعا نسيت اتكلم عن قمصان النوم .. سويت تشكيله من القصار والطوال واخذت جم واحد بيبي دول وجم واحد طويل
واخذت تنانير قصيرة حييييل مع بديات شغل صياعه للتغيير مو كله قمصان شفافة .. وغير الشورتات الجينز وال جي جي تحتهم
يعني تقدرين تقولين نوعت من كل شي

وانا مشيت على نظام كل يوم اخصص شي .. يوم بجايمي وملابسي الداخلية
يوم عطور .. يوم قمصان النوم .. يوم للدراريع وطبعا ما يمنع لو شفت شي حلو واخذته زيادة

وشنو بعد ياربي .. خل اتذكر ؟؟؟؟؟؟؟؟ صح الكفرات اخذت ثلاثة واحد احمر فخم حيييل حق اول ليلة بسوي شي يديد غير عن الكل
واخذت واحد جاكار ابيض .. وواحد لونه بني على لون الدارسين واكتفيت لاني مابي دثرة في البيت واخذت اربع مخاد من ردتاغ
وبس .. ولي عودة انشالله

 

[قيم واخلاق]

الحصاله اللي قلتكم عنها كل مايبقى مبلغ من اي ظرف حطيه فيها ولا تفتحينها الا بعد ماتخلصين كل تجهيزج وتكون كل الاظرف فاضيه وشريتي كل اللي محتاجته وبعدين تذكرتي اشياء ناسيتها او مشتهيه تكون عندج او شي كنتي غافله عنه ونسيتي تشترينه يعني الحصاله للاشياء الطارئه والمنسيه *يتبع*

 

[قاهره عذالي]

العنووود الله يهنيج
صح الحضر يحبون نظام بدلات وتنانير ممو كله دراريع

وبعدين حبيبتي

ع الاقل البخورات وخلطات الفراش والكلونيا ودهن العود المنوع ماراح تملينه

حرام عروس ماتشتري عطور ع الاقل 5 عطور فرنسيه
(شوبارد - لاليك الاسود - لاكوست الوردي - الور شانيل القديم -كوليستار الوردي )
والعربي : عندج خلاب وغرامي ومذهله ووصال من اجمل هالعطور القويه تثبت اكثر بالشتا وحلوه للمسا ولليل

ع الاقل اشتري 15 عطر 5 فرنسي و10 عربي مع البخورات ودهن العود وخلطات الفراش خليهم 4 + كلونيا اشرقت من اجمل حيل حلوة لما تحطينها بمرش اللي بطقم المباخر وترشين على فراشج روعه وعقب ماترشين الكلونيا حطي بخورج وسكري غرفة النوم وخليها 10 دقايق او 5 وارجعي وشوفي غرفة نومج شلون تصير ريحتها
ترا الرجال يبي المراه تعطر يمل كله ريحتج وحده التنويع بالعطور يغري الرجال خاصه بتكونين انتي وياه بفراش واحد فلااازم كل مره يشم منج ريحه غير وحلوه
مو كله على عطر واحد والا 6 عطور وكلهم نفس الريحه هادين وباردين
عندج العطور البارده للنهار والقويه لليل ترا البخور استهلاك للعروس كل ليلة بتبخرين شقتج وغرفتج وترشين قبل التبخير خلطات الجو والفراش على الستاير ع الاثاث ع الفرش والجو


والله عندج رين دروب من اجمل حلوه
ومجموعة سويت كاملياا من زهور الريف تهبل
بخور المميز من الرصاصي
هالثلاث اشياء اعجبوا زوجي
وعطر ساكريفايس اللي شريتيه ومسك العروسه من القرشي
وعطر كوليستار ولاكوست الوردي كنت ارشهم الصبح اول ايام زواجي كان يحبهم بعدين مل منهم وغيرت بس لو من الاول مسويه تنويع احسن
بس العطور والله تبي تنويع والبخور استهلاك
وانتي كيفج
وربي يوووووووفقج يآآآآآآآآآآآآآرب

ولا تحرمينا من مشاركاتج الحلوه بالموضوع

 

[قاهره عذالي]

الحصاله اللي قلتكم عنها كل مايبقى مبلغ من اي ظرف حطيه فيها ولا تفتحينها الا بعد ماتخلصين كل تجهيزج وتكون كل الاظرف فاضيه وشريتي كل اللي محتاجته وبعدين تذكرتي اشياء ناسيتها او مشتهيه تكون عندج او شي كنتي غافله عنه ونسيتي تشترينه يعني الحصاله للاشياء الطارئه والمنسيه *يتبع*

اي والله مفيده هالطريقه
سبحان الله لما يبقى ع العرس اسبوع والا عشر ايام
تطلع شغلات وطواري نسيتهم ومو بالبال
فحلو الواحد يحاول يحط مبلغ احتياط حق الازمات
فكره جدآآآآآآآآآآآآآآ مفيده:eh_s(7):

 

[AL ANOOD]

حياتي تسلمين على النصيحة .. بس مادري ليش احس صار عندي وايد عطور لان سفاري مو عود فرنسي وهم سكفايس وايديل فرنسي وهم بعد جم يوم بروح العمرة باذن الله وقلت بلقط اشياء من السعودية لان يقولون شغلهم ارخص من هني حتى المكياج باخذه من هناك والله ما خذت شي رخيص غير سكرفايس والباجي كلهم على 40 و 35
وهم اخوي شرالي كمبودي معتق واختي هدتني من سيد جنيد عود معتق مادري شسمه
والمرشات عندي سته من دخون وامي الله يحفظها شرتلي 4 من الفايز يعني صاروا 10 ؟؟؟ تهقين احتاج بعد
شككتيني والله ؟؟؟؟؟

وعموما مشكورة على الموضوع الحلو لانه نفعني ونبهني بصراحة

 

[قاهره عذالي]

حياتي تسلمين على النصيحة .. بس مادري ليش احس صار عندي وايد عطور لان سفاري مو عود فرنسي وهم سكفايس وايديل فرنسي وهم بعد جم يوم بروح العمرة باذن الله وقلت بلقط اشياء من السعودية لان يقولون شغلهم ارخص من هني حتى المكياج باخذه من هناك والله ما خذت شي رخيص غير سكرفايس والباجي كلهم على 40 و 35
وهم اخوي شرالي كمبودي معتق واختي هدتني من سيد جنيد عود معتق مادري شسمه
والمرشات عندي سته من دخون وامي الله يحفظها شرتلي 4 من الفايز يعني صاروا 10 ؟؟؟ تهقين احتاج بعد
شككتيني والله ؟؟؟؟؟

وعموما مشكورة على الموضوع الحلو لانه نفعني ونبهني بصراحة

يبيلج عطور فرنسيه
انتي شريتي عطر ماركة فرنسي واحد
ساكريفايس من اجمل حلوو ورخيص
عندج رين دروب رخيص وحلو العطر ب3 وربع والمجموعه ب6و900فلس ويهبل وبارد وحلو كعطر نهاري
عندج عطر رومانس من الرصاصي بدينارين بس شنو ريحته حلوه وفرنسيه وهاديه وتحسين فيها فرح
وعطر المحبه من الرصاصي بـ7 يجنن
وعطر رصاصي بيور فيم هم فرنسي وباربع دنانير ريحته نفس نينا ريتشي اللي بعشرين دينار
عطر دلع الوردي من الرصاصي حلو او الاسود اختاري واحد سعرهم بخمسه
الشايع عندج عطر سطور بـ7 دك
وخمرية الشايع تهبل
الخلطات دام صاروا عشره اجل كفيتي ووفيتي
والبخورات ما ادري ماقلتي اسمائهم
عندج عنبر العود دهن عود من الرصاصي بدينارين يهبل
وعطر تينز باربع دنانير من اجمل حلووو
وبخاخ خلطة العود بدينارين من الرصاصي حلو للعبي والشيال


هذول كلهم لو تحسبين رخاص وما يكلفون وبيسوون لج تنويع بالعطور حلووو


العربي اللي حلو من اجمل : غرامي ووصال وخلاب حيل حلوين وما يتعدون العشره

وصاجه السعوديه هناك ارخص

اشتري مكياجج من سنتر بوينت ومكياج منصور ماركاتهم رخيصه وحلوه
عندج سنتر بوينت ماركة ريميل وريفلون ونيفيا وبرجوا والمنصور عندهم شدوات قولدن ليدي وماركة سمايلينج حلوه

وربي يوفقج

اقترحت عليج عطور رخيصه وحلوه
اسعارهم تبدى من 2دك الى 10 دك

اذا صاروا عطورج 20 عطر خلاص تكونين كفيتي خليهم الاساسي 5 عطور فرنسيه
والباقي عربي مشكل عطور الرصاصي واجمل رخاص وشغلاتهم حلوه :eh_s(7):

 

[قاهره عذالي]

ترا العطور الفرنسيه اللي اقصدها عنود مو اللي من اجمل والرصاصي صح عندهم عطور ريحتها فرنسيه

انا اقصد العطور الفرنسيه اللي من المركز الفرنسي ودبنهامز
مثل اللي ذكرتهم لج :
(شوبارد - لاليك الاسود - كوليستار - الور شانيل القديم -لاكوست الوردي - عطر بلاك اكس هم يمدحونه- كوليستار الوردي )
تختارين منهم 5 عطور
والباقي خليهم من محلات العطور الشرقيه مثل اجمل والرصاصي والقرشي ودخون وسيد جنيد اللي قلتي عبهم
ويكون عددهم من 10 الى 15
ودهن العود انتي شريتي مسك العروسه
هم حلو اشتري عنبر العود اللي بدينارين يهبل من الرصاصي
وفي من الفايز دهن عود سكيب يجننن عندي بس اتعطر منه ريحته فرنسيه
ترا الدهونات مهمه تدهنين فيها اماكن النبض على ايدج وورا اذانج وشوي على فخوذج تخلي ريحتج حلوه لو تشترين 3 الى 4 دهن عود كفيتي وانتي شاريه مسك العروسه اشتري 2 بعد وتكونين قفلتي على دهونات العود

 

[كتكات احمر]

ابي الي قالت ترينقات من وين شرتهم

 

[كتكات احمر]

مشكووووووورة قهووووووورة على الصور

 

[كتكات احمر]

ابي اسماء محلات حق البدل الجاهزة بالطو وتنورة قصيرة مثل استايل غادة ارزوقي ينيت عليه حيل حلوو

ابي نظام بالطوات ؟؟؟؟؟؟ والبنجابيات الكشخة وين ؟؟؟؟؟؟؟

رحت البلوكات فضييييييع بس مو الي ببالي

 

[قاهره عذالي]

ابي الي قالت ترينقات من وين شرتهم

الترنقات

في بمحلات النصر الرياضي اشكال والوان

 

[قاهره عذالي]

ابي اسماء محلات حق البدل الجاهزة بالطو وتنورة قصيرة مثل استايل غادة ارزوقي ينيت عليه حيل حلوو

ابي نظام بالطوات ؟؟؟؟؟؟ والبنجابيات الكشخة وين ؟؟؟؟؟؟؟

رحت البلوكات فضييييييع بس مو الي ببالي

شوفي الحمرا مول
العربيد بلازا
مجمع الاوقاف
عندنا بالجهرا بالخيمه مول بسوق الوافي ع الارض محل كراميل يجنن
وفي محلات بالسليل الجهرا للملابس نظام اللي رسمي تحسينه

محلات بالفحيحيل عندج مجمع الدبوس فيه بدل وملابس لانجري وقمصان نوم

وفيه محلات عبايات وغيره من محلات ساعات و اكسسوارات وقبال مجمع الدبوس في مجمع أسمه

أجيال عندهم بعد بدل وجنط وكرمج الله نعال وشحاطات وإذا تمرين البيرق عندهم محلات قمصان نوم حلوه

وبعد عندج كويت ماجيك فيه لازنزا عندهم بجامات وقمصان روووعه وعندج النقره الشمالي والنقره الجنوبي

بحولي فيهم محلات بدل والبدل إللي نفس البلايز طويله عندهم أسعارها زينه ومناسبه وعندج بعد

ستي سنتر تحصلين عندهم البلايز الطويله

إللي تلبسين تحتها لقنز أو جنز

أي شيء تحتاجينه حاضرين للطيبين

هذا رد وحده من البنات نقلته
​

 

[كتكات احمر]

قهورة مثواج للجنة على هالردود التحفة :eh_s(16):منقذة حدج

 

[ياحبي له]

مساء الخــــــــير ..


انا الحمدلله تقريبا قبت اخلص تجهيزي ..

فصلت فستاني عند المصممه مشهوره عندنا .. بس لسى ماخلص باقي ..

اخذت لي ملابس النوم بانواعها .. بس باقي كذا قطعه ..
اخذت ملابس لطلعات + الشقه
اخذت شناط كلهم ماركات + الاكسوارات ماركـــات بعد + اكسوارت الشعر ماركات
اخذت كذا جزمـــه بس باقي لي
اخذت عبي
اخذت شنطه اكسورات من givenchy
اخذت فساتين بين الطويل و القصير
اخذت طقم ارواب حمام
اخذت عطور سان لوران + جفنشي + ايلي + شوبارد + كوج + كالفن كلاين+هيلينا هريرا الوردي وبس باقي كم عطر
المكياج + الكريمات+ الصداليـــه راح اخذهم قبل زواجي بـ اسبوع
اخذت بخور بس باقي اخذ كذا شغله ( دهن العود مااحب اكره ) كذا مااشتريبه
هذا اللي اتذكره من اللي اخذتهم ..
طبعا لســي ماخلصت باقي لي اغراض
بس هالفتراه مره عجزانـــــــه انزل السووووق من جد تعب التجهيز ..


يعطيها العافيييييييه صاحبه الموضوع منجد ماتقصر
استفدت من خواتي شغالات كثيره ..

 

[قيم واخلاق]

نجي حق جناط السفر وصناديق الميك اب والاكسسوارات وتقسيمات الادراج والملابس وعلاق الجناط والتقسيمات الشفافه حق المكياج تلقينها عند المنصورتحطينها فوق التسريحه وتقدرين تزينينها باي شي انتي تحبينه سواء دانتيلات وورود صغيره او تلبسينها بمخمل وتحطين عليها كرستال انتي وماتحبين وجنطه الساعات طبعا صغيره ونفس الشي جنطه حق الخواتم ترتبلج خواتمج وطبعا حلو ان جناط السفر تجي لون واحد وديزاين حلو يليق بجهاز عروس وصناديق المكياج تكون مقسمه من داخل بحيث ماتتعبين وتدورين بكل مكان لما تحطين مكياج أما التقسيمات تجي على أشكال منها خليه نحل ومنها مربعات صغار ومنها مستطيلات يصلحون حق اطقم الملابس الداخليه او الاكسسوارات او الستيانات اللي باسفنج تلقين التقسيمات بكل مكان واسعارهم رخيصه*يتبع*

 

[سلاسل ذهبيه]

الله يهنيكم ويوفقكم .. العطور اللي بداية الموضوع يهبلون انا مجربتهم

 

[ياعين ابـوي]

سمو المجد عادي لاتحاتين في وقت يااقلبي ..​

عندج اللحين شهر كامل قبل الرمضان و شهر الرمضان بنفسه ترا التجهيز فيه روعه السوق امبطل لي 1بالليل​

.............................​

انا عن نفسي شريت 7 قمصان نوم طوال​

و4 لانجري​

و8 نفانيف قصاار ​

شريت بجايم يمكن 10​

والمكياج للحين ماخلصته مابي اشتريه واخزنه اخاف يخرب​

البخور والعطووور شاريه وااجد من محمود سعيد وسيد جنيد ومابي اكثر بروحي فيني حساسيه بالصدر​

فصلت عبايتين كتف فيهم شغل ناعم وعبايتين دلع حق العروس​

ووحده راس اخاف يصدمني ويقولي البسيها بالعزايم .. ​

خلصت مال ثاني لليله خذيته ب600​

وحجزت الابيض​

بقالي المسكه محتااره اي لون اسويهااا وطبيعي او لا​

بنات انصحكم بمحددات سمايلنق اتهبل كل ماحطها يسالوني عنها بنات الكليه​

ونصيحه اللمعه والحمر العاديه اشتوورا من الهنود اشتروا جميع الالوان من ماركت مكياج اللي تجي محدد وقلوس وحمرا وبس بدينارين ​

والحمر الماركه اشتروا من ماك الالوان الاساسيه / احمر / وردي / لحمي / بنفسجي .​

والجناط شريت ماراكات 4 والباقي عاديات والشحاطاااات من سوق السالميه.
وعلى قولت امي ترا منتي امهاجره ولا بيحطج بقفص ومايخليج تطلعين
هههههههههههههههههههههههههههههههههههههههههههههههه
​

وبــــــــــس سلامتكم .​

 

[قيم واخلاق]

ياعين ابوي الله يهنيج جهازج حلو والمسكه انصحج بالورد الصناعي ليش انا اقولج الورد المجفف يتنتف والطبيعي لازم تستلمينها بنفس يوم العرس ويمكن ماتعجبج ومايمدي تغيرين فيها بنت اختي اختارت ورد طبيعي والله قبل تدخل الصاله كل شوي طايحه ورده وتلعوزنا كل شوي رادينها مكانها انصحج بعد ماتحددين الثوب اللي تبينه صممي المسكه على حسب موديل ولون الثوب بس انتي ماقلتي شنو لون ثوبج عشان نقولج لون الورد اللي يناسبه موفقه يالغاليه

 

[قيم واخلاق]

سمو المجد اذا عرسج بعد العيد خلصي الذهب والدراريع لان هذا وقت المعارض بس خلي كم دراعه من العربيد فصليهم برمضان لانهم راح ينزلون موديلات جديده حق العيد اما الاكسسوارات والعطور وكل شي خلصيه من الحين لان برمضان راح تشب الاسعار ولازم بشهر رمضان تكون فتره راحه لج لان مو معقوله صيام بالنهار وتعب بعد الفطور راح يكون ارهاق لج استغلي هالشهر بالعباده والعنايه اتمنى لج ولكل عروس السعاده

 

[قيم واخلاق]

*تابع لتجهيزات بنتي*
‏.................
الكهربائيات ومنها طقم *براون لازاله الشعر لونه ازرق احلى من الورديه
‏*فير سيراميك بيبي لس
‏*سشوار باناسونيك
‏*كواية بخار عموديه
فواحه بخار كهربائيه تحطين فيها خلطه وماي وتقدرين تحكمين بكميه البخار المعطر تلقينها بكل مكان بس انا شريتها من الروقي بعشره
‏*ابجوره اللي على امواج البحر وصوت البحر وابجوره على عبارات رومانسيه <هذولي موضروريات بس انا حبيت تكون مع الجهاز كتغيير وتجديد بدال الروتين اليومي
‏ *يتبع*