للعرايس اللي خلصوا من جهازهم كله ...قولولنا شنو شريتوا من عطور وميك وشوية شغلات ؟

[قيم واخلاق]

رجعت لكم والحين راح اكمل باقي التجهيز الجناط والكعوب عزكم الله جنطه شانيل لون فضي جنطه جيس جنطه لويس فيتون جنطه بربري وجنطه فندي طبعا كل جنطه مع بوكها وجنطه ذهبي حق المناسبات مع كرستال وجنطه فضيه حيل كشخه وحلوه حق طلايع عروس *يتبع*

 

[قيم واخلاق]

والكعوب الالوان الاساسيه وموديلات مختلفه وذهبي وفضي وشحاطات بسيور عمليه حق الشقه والجنزات ونعال فرو وريش حق قمصان النوم والبجايم ونعال طبي حق السوق والطبيب

 

[قاهره عذالي]

حلووو قيم واخلاق احب النعال الريش حقت قمصان النوم

 

[قيم واخلاق]

قاهره عذالي اي خصوصا لقمصان النوم اللي عليها روب الله يجزاج خير عالموضوع المفيد

 

[ميممآإ]

انا عرسي في العيد ولا شريت ولا ششي احسس بـ تبلد مو طبييعي وبصراحه يوم دخلت الموضوع حسيت بـ نوعا ما من الحمماس خخ

موفقيين بنات ^_^

 

[قيم واخلاق]

اما الميك اب فنصيحه ترا مو شرط ان المكياج كله ماركه عشان يكون حلو اهم شي الكريم والماسكرا بنتي تحط مكياجها بنفسها كل من تشوفها تسألها شنو مكياجج اي ماركه وهم مايدرون انه من المنصور والماركات العاديه بس يعتمد على أساسيات المكياج وشلون توزعين الكريم عالبشره *يتبع*

 

[قاهره عذالي]

قيم واخلاق
الشدوات والبلشرات مكياج منصور حلو والاضاءات بس كريم الاساس لازم ماركة والماسكرا والكحل والبودره للمناسبات
بس مكياج منصور فيه شغلات حلوه والفراشي حلوه من عندهم

 

[قاهره عذالي]

انا عرسي في العيد ولا شريت ولا ششي احسس بـ تبلد مو طبييعي وبصراحه يوم دخلت الموضوع حسيت بـ نوعا ما من الحمماس خخ

موفقيين بنات ^_^

ترا ما بقى شي على رمضان والعيد
شدي الهمه
شوفي صفحة 3 بتنفعج فيها احد الردود مثل مختصر للتجهيزات المطلوبه:eh_s(7):

 

[اهداب]

موضوووع عااادي وما فيه أي فايدة ؟

ياليت توقفينه اخوي قاهرة عذالي

 

[ميممآإ]

ترا ما بقى شي على رمضان والعيد
شدي الهمه
شوفي صفحة 3 بتنفعج فيها احد الردود مثل مختصر للتجهيزات المطلوبه:eh_s(7):

اي والله مابقى ششي :eh_s(11): بس شسسوي على هـ التبلد الفضيع :eh_s(2):
اي شفت الردود فادتني كثيرر الله يوفقنا كلناا :eh_s(7):

 

[قيم واخلاق]

ابدأ بالمكياج من كريم حق المناسبات واول فتره العرس وطلايع العروس اللي هو كريم ديرماكول الاصلي وسوبر كولر اول شي تحطين الديرماكول واللي تبي طريقتهم تقوللي واضاءات من المنصور وبودره سمايلنغ وفكتوريا وقلم كحل سمايلنغ ضد الماي وماسكرا اركنسل وماسكرا كوفر اب وشدو اسود من شارمل وشدو شارمل الوان للمناسبات وشدو <البون> وبلاشر<قولدين بيوتي> للايام العاديه ولاينر محمود سعيد وهواحسن شي لاني جربت لاينر لانكوم مووشي وحمرمع غلوس فكتوريا وكفر أب وسوبر ستاروماك افنيو وفاشن ليدي وقولدن ليدي ومكياج 2000 وكلهم تلقونهم بسرداب الشايع او بالمنصور او الهنود اللي بالخيمه مول وبعد لمعات صدفي موبودره لا تجي نفس الشمع الناشف مع بودره لون فضي بيج رقم 1<سوبر ستار>وفي لمعه صدفيه اسمها فكتوريا تحطينها عالخدود وعالانف تعطي اشراق وطبعا في بودرات نحت الانف اذا كان عريض او طويل تقدرين تتحكمين بالملامح وعندج اختيارات كثيره ويجي لونها بني فاتح جاي على وردي فاتح وبعد لاتنسين فرش المكياج لهم اهميه ومثبت المكياج ومزيل المكياج وتاتو الحواجب والعدسات ماركه بيللا بإطار رمادي وماركه حنان دشتي وإي بعد نسيت كريم أساس يومي تغطيه عجيبه ناسبتني انا وبناتي وكل وحده تشوف مكياجنا تسأل شنو كريمكم اللي حاطينه مع انه رخيص ب2,500 إسمه كوفر أب رقم 5 ويجي مدور طبقتين من تحت كريم ومن فوق بودره بس انا ماأستعمل بودرته مااحتاج فوقه بودره لانه بسرعه تمتصه البشره مودهني ويدبق وفوقه بلاشر وإضاءه وانا ان تذكرت شي بعد اقولكم
‏ *يتبع*

 

[بـلآكـ مآتدري]

انا عرسي في العيد ولا شريت ولا ششي احسس بـ تبلد مو طبييعي وبصراحه يوم دخلت الموضوع حسيت بـ نوعا ما من الحمماس خخ

موفقيين بنات ^_^

حتى انا عرسي بالعيد و ماسويت شي ايضا تبلد مادري شسالفتي يمكن خايفة استوعب:bbbiu:
عبالي بس انا طلع في احد نفسي
يلا صرنا اصدقاء:ggdw:

 

[قاهره عذالي]

قيم واخلاق

شوقتيني على كريم اساس كوفر اب


كملي احنا مستمتعين بمشاركاتج
اللي اول مره اعرف منهم ماركة مكياج ما اعرفها

 

[فلنتينو]

اب اب
حلوو الموضووع انا احب العطور الفرنسيه اكثر من العربيه

بس شكله كلوي حلوو

 

[فرزاشيهـ]

قيم ماشالله حلوو تجهيز المكياج مالج او مال البناتج مووفقه و متابعينج ،،.

امس رحت كملت رحلتي الى السووق لوووول رحت حق امل الكويت مثل ماقلتي قاهره بس نسيت شنو اخذ سوو خذيت بخور المعاريس ريحته مووووووصج اول بخور يدش مزااجي جذي و همن خذيت مبخرين من عندهم و مريت القرشي خذيت مسك ابيض و مكعبات المسك و خذيت خمريه على شكل عطر يعني تنرش حلوووووووه اسمها جدايل لونها وردي ريحتها عجبتني واايد ،،.و مريت ماكس مسوين تنزيلات طبعا نص القمصان راحوا لووول خذيت trinning يمكن سته جذي وااايد حلوين قلت حق الشقه و عجبتني تشكيلتهم مثل ترينغز جوسي جذي مثل القصه ،.و خذيت فساتين قصار على ستايل سعاد حسني حلوووين حق الشقه بعد و همن خذيت جم طقم من عندهم ،.،

 

[قاهره عذالي]

قيم ماشالله حلوو تجهيز المكياج مالج او مال البناتج مووفقه و متابعينج ،،.

امس رحت كملت رحلتي الى السووق لوووول رحت حق امل الكويت مثل ماقلتي قاهره بس نسيت شنو اخذ سوو خذيت بخور المعاريس ريحته مووووووصج اول بخور يدش مزااجي جذي و همن خذيت مبخرين من عندهم و مريت القرشي خذيت مسك ابيض و مكعبات المسك و خذيت خمريه على شكل عطر يعني تنرش حلوووووووه اسمها جدايل لونها وردي ريحتها عجبتني واايد ،،.و مريت ماكس مسوين تنزيلات طبعا نص القمصان راحوا لووول خذيت trinning يمكن سته جذي وااايد حلوين قلت حق الشقه و عجبتني تشكيلتهم مثل ترينغز جوسي جذي مثل القصه ،.و خذيت فساتين قصار على ستايل سعاد حسني حلوووين حق الشقه بعد و همن خذيت جم طقم من عندهم ،.،

وااااااااااااااااو


ما شاء الله

حلو بديتي بالبخور

وفعلا صاجه عطر الشعر اللي بخاخ من القرشي حلووو

وترا في عطور للشعر من بدي سنتر اللي بالعربيد بلازا على 4ونص خاصه عطر فيوليت
مكتوب عليه hair mist خاص للشعر ومجموعة فيولت كل ابوها حلووه
هذا موقع فيه كل منتجات بدي سنتر وموقعهم يوصلون للبيت اذا انتي مالج خلق تروحين فروعهم
http://www.bodycenterperfume.com/default.aspx



عفيه عليج صراااااحه
ترينغات ترا حيل مطلوبه للشقه ومفيده

بالنسبه لمكعبات المسك
تحطينهم بين الهدوم بالكتب خاصه الملابس الداخليه وبجايم البيت تعطي ريحه حلوه


وعليج بالعافيه

واصلي ولاتنقطعين


باقي عليج بخور المميز من الرصاصي هذا زوجي حيل يحبه

والبخور الملكي من القرشي هم حلووو وبيدش مزاجج


خساره ماشريتي مسك العروسه من القرشي

:eh_s(7):

واصلي حبيبتي متابعينج

وماشاء الله اليوم قيم واخلاق بدعت باغراض مكياج بنتها عرفتني على اشياء ما كنت اعرفها
الله يعطيها العافيه

 

[كتكات احمر]

الاكسسورارت اي لون اخذ؟؟؟

 

[سموالمجد]

قاهرة حددوا عرسي بعد العيد صدموني

ما ادري اذا ابدا تجهيز او لا احس ببجي والله

 

[قاهره عذالي]

الاكسسورارت اي لون اخذ؟؟؟

الاكسسوارات مو الحين تشترينهم
لما تفصلين دراريع وتشترين بدالج الفخمه
تشترين اكسسوارات تليق عليهم

عندج الاكسسوار الفضي واللي يجي لولو واللي ذهبي واللي سلفر
هذوووووول اساسيات ويمشون مع كل بدله

حتى هالاطقم تصلح مع نفنوف العرس اذا تحبين

واللي يكون الوان على حسب النفنوف والبدله الفخمه حقت المناسبات

 

[قاهره عذالي]

قاهرة حددوا عرسي بعد العيد صدموني

ما ادري اذا ابدا تجهيز او لا احس ببجي والله

لا اسم الله عليج

الله يتمم لج ياربي على خير

انا معاج ليش تخافين
ويبي يكفي ان شاء الله


روحي محل نعومه

اشتري قميص طويل قولي لها ابي قميص اول ليله اختاري لون اوف وايت واشتري من عندها 4 قمصان نوم طوال مع روباتهم ( اسود - عنابي - وردي - اخضر )

وروحي الافنيوز هناك محلات في للبجايم اشتري 10 بجايم اللي برمودات واللي اشكال والوان من لاسنزا وعندج سنتر بوينت بجايهم حلوه وماكس اللي راحت له فرزاشيه شوفي ردودها بالموضوع واساليها وين مكانه واشتري

روحي انور والطاهر اشتري بجايم حراير 4 بجايم حراير حلوين وفي بجايم حراير قصار بعد خمي جم وحده


الدراريع لا يقصون عليج الحريم

روحي العربيد فصلي 10 دراريع للحموله اللي على 15 و18

ويخلصونهم لج باسبوع وفري الفروانيه اشتري عبي كشخه 2 وساده 2

واشتري شيال ملونه حلوه او شيال ساده حلوه وفيها تطريزات وتركيبات حلوه

وروحي العربيد بلازا اشتري 4 الى 5 بدللات مثل حقات العيد نظام قميص وتنوره او نظام قميص وتلبسين تحته جنز

واشتري جواتي وجناط الالوان الاساسيه روحي الافنيوز هناك ماركة شانيل وقيس ع الاقل اشتري 2 ماركة والباقي تقليد وخليهم الالوان الاساسيه (اسود ابيض رمادي كحلي بني بيج )

والمكياج روحي سنتر بوينت + محلات مكياج منصور وخمي مكياج واشتري ستاند مكياج شفاف من محل مكياج منصور

والعطور حبيبتي روحي صفحة 3 من موضوعي هذا في احد الردود كاتبه لمحة سريعه عن التجهيز

يبيلج طقم فوط
وكفر عرايس


ولا تنسين اشتربي الملابس الداخليه وقمصان النوم من غير ال5 اللي بتشترينهم من نعومه طوال اشتري 10 الى 15 قمصان نوم منوعه اللي قصير مع روبه واللي على شكل بيبي دول واللي قطعتين

واهم من هذا كله

احجزي الصالون + المصوره
+ دوري نفنوف عرس حلووو + نفنوف حق ثاني يوم اذا عندج مسائيه او صباحيه


تساهيل حبيبتي انا معاج بكل خطوه

واذا تبين ايميلي واساعدج ارسليلي ع الخاص

مافي شي يخوف مثل اختي والله معتبرتج وابي ادلج على كل شي زين

شوفي ردود العضوه قيم واخلاق وشوفي شنو شرت وجهزت لبنتها هم تعلمين


ولما تدشين ملفي الشخصي وتضغطين على خانة الاحصائيات المواضيع اللي كتبتها تطلع عندج كل مواضيعي للعرايس وبقسم العروس

كلها ان شاء الله بتفيدج وانا معاج ماراح اخليج باساعدج بكل شي اعرفه

وبيطلع ان شاء الله جهازج احلى جهاز بس لاتتوترين وافرحي

هذي احلى ايام عمرج وبيكون جهازج ذكريات حلوه ان شاء الله:eh_s(7):