للعصاقل فقط

[julanar]

السلام عليكم
بنات عصقولات .. ملينا من هالمتان
ماخذين كل القسم !
قلت خل نفرش لنا اهني بساط مع جاي وقروضات واللي عندها كيك وحلو اتييب .. خل انسولف عن تجاربنا مع النوادي
طبعا احنا مانبي نضعف
بس في انواع معينة من الرياضه تمتن مو ؟
مثل السباحه ؟
يقولون الماي يفتح الشهيه ويخلي الوحده بس تبلع
بعدين نبي نمتن على جسم حلو .. مو ننتفخ بخبال
يعني مانبي تطلع لنا كرشه واحنا زنودنا ضعاااف مو حلو مو؟
يله اللحين خلونا نسولف
في وحده اشتركت بنادي ؟

 

[مابي كيفي]

شوفي انا اشتركت بنادي ماني قايله اسمه مو مهم تدرين ليش


من اول رحت ... اليوم الثاني طاااااااااااااااااف وانتهى


واااااااااااي تعب مافيني حييييييييييل


طبعا طبعا عذري اني ضعيفه و مافيني طاقه اكسر خاطر امي و حرام بسرعه اتعب

والله يبنااات السهر مشلكته مشكله انا ايام الدوامات وما اكل الا وجبتييين خفاف

والحين فاضيه و كله اسهر ماكو وجبات كلش ... بروحه مافيني شي .. الحين انسلييت مره وحده هههههههههههههههه

>> مستانسه بعد

 

[julanar]

انا نفس حالاتج
تعلمت لي طبختين على قدي .. سوالف بيض وفول
بس وين لي خلق أدش مطبخ بالليل !!
انزين ماتهقين النادي راح يضبط يومنا ؟؟
أو على الأقل السباحه تفتح هالشهيه القرف اللي مهي راضيه تنفتح ؟

 

[مابي كيفي]

امبلا و الله يبيله نادي

صارلي شهرين اقول ابي نادي.. بس وين ما دورت ...

والله معاناه .. اقعد الساعه عشر بالليل او تسع ..!!

ما اسوي شي غير النت و لما يصير الظهر اكون تعبانه مالي خلق

يمعوده على ايدج .. !!

 

[شجرة الدور]

الحين انتم تتكلمون عن الرياضة احنا نبغى نمتن يعني نبغى اكلات

دسمة وسمن وشحم ونبغى الشهية كيف تنفتح واهم شي كيف يتصرف

الاكل انا كلما اغصب نفسي على الاكل تتعب كبدي

وكلما شربت من العصاير والماء يقلون انها تزيد الوزن

ونتم بكرامه على طول الماء مدحدر من تحت يعني ماستفدة شيء

يعني التمثيل الغذائي عندي سالب وش الحل ابغى موجب

 

[كيوت_25]

للرفع

 

[مشكلتي احبك]

ايييييييييييييييييه بنات انا اعاني ابي امتن بس شلووووووووووووووووووون ابي معالم
انا عندي بنتين وقلت يمكن امتن عليهم ضعفت بزياااااااااااااااااااااااااااااادة وصارت شهيتي حدها مو شي يعني من السهر والدراسة وهالبنات على ما ينامون....... انسى اني ما كليت واقعد جوعانة الى ثاني يوم!!!!!!!!:eh_s(13):
شالحل ؟؟؟؟؟؟؟؟
بس تدرون سمعت في بنات طايحين ببودرة تخلطينها بالحليب وتشربينها يقولون والله مو طبيعي صارت اجسامهم روووووووووووووووووووعة ومتنوا وطلعت المعالم باقل من اسبوعين بس خااااااايفة اجازف واجربها مدري شنو مكوناتها في احد يعرف هالبودرة بنات؟؟:eh_s(22):

 

[كويتيات]

: ) الله يزيد اوزانااااااااا

 

[حبيب قلبي]

بودرة السوستاجين اهيا مكمل غذائي وتزيد تقريبا 2 كيلو استعملتها واستفدت منها بس تدرون رحت لدكتورة وعطتنى حبوب فاتح شهية وابر فيتامينات تدرون صرت وحده ثانيه حتى وجهى وايد صار أحلى وطلعلى زنود وووووووووو

 

[مشكلتي احبك]

زين هالابر عادي مالها اثار جانبية؟؟؟
وشنهي الحبوب

يعني بنات انا ابي ......و........:eh_s(22): فهمتوني:eh_s(11):
ابيهم يكبرون شوي قاعدة اعاني والله
يابنات وللي يعافيكم منو جربت شغلة وامتنت عليه:eh_s(16):

 

[فراولة^فوشيا]

انا ابي امتن بعد

اشتركت سنه او اكثر بنادي فليكس واااااااااااو وناسه وكنت مواظبه كل يوم اروح

مشتركه بس جذيه تغيير وحدي استانست رقص وايروبك وسباحه ومشي ورياضه

احب الرياضه والحركه بس مشكلتي اكلي قليل

حتى الاخصائيه زفتني انا اول ما اشتركت قلت لها ابي امتن وقالت لي عن التمارين اللي المفروض اسويها بس ضعفت لأني ما آكل وايد

تقولي مايصير انتي قاعده تحرقين لازم تزيدين اكلج بس مو على خرابيط

يقولون التمر زين ؟؟!!

 

[julanar]

دام تبون أكل يمتن ( باب النجار مخلع ) بس لازم اقول كل اللي اعرفه
المعجنات
الخبز
(ترى السعرات بالأبيض والأسمر وحده بس الفرق بالألياف ان الأسمر يسد الجبد لمده أطول بس ! )
المعكرونية
العيش
اللحوم
سوستاجين
( بودر كاكاو أو فانييلا ينحط مع حليب او ماي مكمل غذائي فيه عناصر غذائيه زين حق اللي ماتاكل عدل .. شوي يساعدها بس ماتقتدر
تعتمد عليه تشربه بروحه موزين يبيعونه بالصيدليات والجمعيات يم حليب الرضع )
أحب البيض .. ويتروالي يرفع الوزن خصوصا مع الخبز الايراني يمي
تنظيم الوجبات والروتين شي أساسي بالنسبه للشهيه وانج تاكلين بكميات معتدله ماتكثرين عشان ماتنسد جبدج وماتقدرين تاكلين الوجبه اللي بعدها
ويابنات ترى الرياضه مهمه بالنسبه لنا لأن قاعدين نبني أجسامنا فـ خلونا نبنيها صح وعلى صحه وعافيه مو مرض ودهون وكوليسترول
ويعطينا ألف عافيه وإلى الأمام