للمبتدئات فالمكيــــاج نصايح بالصور

[اوركيدا]

السلام عليكم ..

اتقان المكياج فن و ذوق في دمج الالوان مع خفة اليد والقدره على التمييز بين النعومه والدفاشه ..
وكنت دائماً اقول اني دام ماعندي هالفن فمستحيل اعرف حق ويهي عشان هالشي ماكنت ابذل مجهود ..
استخدم من المكياج المتوافر فالبيت خصوصا انه اختي مدمنة مكياج .. واللي يناسبني من اغراضها اشتريه ..

مع الوقت وقليل من الفراغ بتديت اقرى اكثر في منتديات المكياج واتابع الفيديوات فاليوتيوب ..
ما اطول عليكم هذي نصايحي وياريت كل وحده تدخل تضيف وتصحح وتقول لنا طريقتها بنفس الترتيب اللي انا حاطته
عشان يكون الموضوع واضح وسهل فالقراءه ..

بدايتاً .. البشره ..
للبشره تأثير فوق ال90% على المكياج ..
انا قبل كنت اغسل ويهي بأي غسول للبشرة الدهنيه لاني كنت اظن انه طالما يطلع لي حرار فبشرتي دهنيه ..
ووراه المرطب (الموسترايزر) المتوفر فالبيت و ابتدي بالفونديشن ..

اما الحين فرحت حق اخصائية في كلينك .. وشلت المكياج وخليتها تشوف بشرتي وعطتني ال3 ستبز المناسب لبشرتي اللي طلعت مخلوطه الى دهنيه ..
طبعاً اللي في هالمحلات يبون يبيعون فبتصف لج اغراض وبتقول لج اخذي بعد هالسكراب ..
ويبيلج كريم لإزاله اثار حب الشباب (الاكني) ويبيلج كريم تحت العين .. لاتغلطون غلطتي

مادمتي مبتدأه ووراج لسته طويله من المشتريات والمكياج مكلف .. فالـ3 Steps اهيا الشي الاساسي اللحين ولا تاخذين غيرهم فالفتره الحاليه ..

ومتكونه من صابون غسول للوجه .. وتونك وموسترايزر .. وعادة يعطون معاهم كريم العين هديه .

غير كلينيك Roc و Vichy زينيــن وتلقونهم في بوتس. ويفضل استخدام ال3 خطوات من شركه وحده .. يعني لاتخلطون الغسول من مكان والموسترايزر من شركه ثانيه .. في ناس يناسبهم بس الاغلبيه لا فخلكم فالسيف سايد ..

بعد التونك وقبل الموسترايز انا ارش ويهي بماي ورد ..

وبعدين ارطبها وابتدي بالكونسيلر لتغطية اي اثار لحب الشباب ..
انا استخدم كريولان اول شي ..

من الصوب الافتح احطه بفرشاة الكونسيلر .. وبعدين اطق طقه بيدي على اي اثار اغمج من لون بشرتي و شوي فوق او تحت العين ..
بعدين اخذ اللون الطبيعي واحطه على ويهي كفونديشن بالفرشاة الخاصه بالفونديشن واستخدم فرشاه الفاونديشن من ماك ..
فراشي ماك ممتازه بس سعرهم غالي وايد .. ساعات ينزلون ويا اللمتد كولكشن برشز سات اهني اخذيهم لانه اسعارهم تكون معقوله .. فدايما مري ماك وسألي اذا كانو منزلين او خلي رقمج عندهم اذا نزلو يتصلون لج ..

الفونديشن برش من ماك مهم تشترينه لانه الفرشاه مهمه اولا وثانيا ماتتوافر في كل مكان .. بعكس فراشي الشدو والبلشرز والكبوكي ..
في لايف ستايل يبيعون ست فراشي ب 7 دينار بحريني .. من Adore عن تجربه فراشيهم للشدو ممتازه ووحده بس الكبيره مالت الشدو ماحبيتها ..

احب بعد فرش بدي شوب وبوبي براون ..
يمكن تلاقين ستات ب3 او 6 او 10 او 12 متكونه من ألف فرشاه .. بس لاتشترين اي شي شوفي ملمس الشعر شلون وحاولي تحركينه بقوه .. بعضهم كلش مب زين وشعرهم يحت من اول استعمال ويعفسون الدنيا ..

انا شخصياً جربت فاونديشن دبل وير من استي لودر وايد ناسبني ونفسه الفاونديشنات من ماكس فاكتور ..
من ميك اب فور افر فونديشن HD روعه بعد ..

كل ماكثرتي في كمية الفاونديشن كل مامولح الويه وصار مب طبيعي .. حاولي تقللين بقدر الامكان حطي كميه بسيطه على ظهر يدج وبالفرشاه اخذي شوي شوي وحطيه على الويه ..

حرصي انه مايصير لج خط .. ووزعي الفاونديشن على الاذن والارقبه .. ((بكميه قليله)) ..

بعدها انا اسوي الكونتورينج .. استخدم بلاشر يكون غامج او تان واللي استخدمه من بنفت او في بلشرات خاصه للكونتورنج من ماك و كريولان او معظم شركات المكياج بس انا اشوف انه النتجيه وحده

وهذي طريقة الكونتور

تحذيــر لاتغمجين بالعكس حاولي تخففين قدر الامكان .. عشان يعطيج تقسيمات وجهج طبيعيه وغير مبالغ فيها

بعدين ايي دور البودر .. سواء بالفرشاه الخاصه او بالاسفنجه .. لوز او كومباكت باودر ماتفرق , انا افضل اللوس بودر اللي اهيا تيي بودره في علبه مدوره .. للاعراس والكومباكت البودره المضغوطه للاستعمال اليومي .. طبطبي البودره على بشرتج .. بتخفف اللمعه اللي فالفونديشن وبتثبته وبتوحد لون البشره وبتعطيها لوك طبيعي اكثر ..

الكومباكت باودرز انا افضل تكون من نفس شركت الفاونديشن السائل .. واللوز باودرز اللي استخدمهم من شركه اسمها Setting FX وعندي منهم بعد لكريمي فاونديشن ممتاز بس ماينباع الا في لندن او سمعت البنات يمدحون اللوز باودر مالت ماك وبرجوا بس ماجربتهم

اللحين

نروح حق العين .. الآي برايمر اللي اهوا بيس الشدو مهم عشان تحافظين على شدوج مده اطول .. انا استخدم ساعات اللون الابيض اللي في عجلة كريولان ووزعة بصبعي على كامل العين لين تحت الحاجب .. او استخدم البرايمر من اربن ديكي بس بخيله عليه لانه من لندن بعد ومافي من فالخليج

بعد البرايمر احط الشدو ..

يتبع

 

[اوركيدا]

افضل شدوات للعين ماك .. ألوانهم واضحه وماتحتاجين بيس في معظم الاحيان يطلع اللون (البيس ينحط لما يكون اللون فاتح وتبينه يبينه .. البيس عادتاً يكون كريمي او تقدرين تخلطين باودر مع ماي ويسويلج نفس افكت البيس)

كل الناس هابين هالايام فالناجورال لوك ومعظم الشركات نزلت بالتس فيهم الالون الطبيعيه (النيكد كلرز) انا جربت بالت من بوبي براون ممتاز .. وفي بالتس بعد ينزلونهم Nyx وايد رخاص والوانهم حلوه .. وريفلون وطبعا ماك او لانكوم ..

طريقتي فالشدو اني ابتدي بالهايلايت تحت الحاجب .. احط لون كريمي ابيض من كريولان .. وتحته درجه من افتح درجات البني فالعين كامله .. او بفرشاة الدمج تيي بيضه وفلافي ماعرف اوصفها .. اوزع الدرجه الاغمج اعلى الجفن المتحرك .. او بعدها احط الايلانير ..

]

اللكود او الجل ايلاينر من بوبي براون روعه لكن يبيله براكتس شوي عشان تقدردين ترسمين الخط ..

واستخدم حالياً ايلانير محمود سعيد واااااااايد حلو بس بسرعه يتلعوز .. يعني لازم محد يجيسه دليع ..



مسكراتي ريميل الحمره و ديور السلفر نسيت اسمه .. ممتازين ..
بعد ماخلص ارسم حواجبي بقلم ميبلين الاخضر .. انا مايعجبني اللي يخططون الحاجب كامل من البدايه افضل الون الحاجب من النص وبالفراشه الضعيفه اوزع اول او اخر الحاجب .. يكون شكله طبيعي اكثر .. واخر لمسه لمعة بيضه من ميك اب فور افر فوق الشدو الابيض المائي عشان الاضائه تحت الحاجب ..

الكونتور بيكون عطى خدج لون .. فالبلاشر ايي فالخد اللي ينط لما بنتسم بطريقه دائريه .. بعدين امشي عالسريع بكامل الويه ..

اخر شي الشفايف .. قلم تحديد الشفايف مهم جداً واحياناً يغني عن الحمره ..
تقدرين ترسمين الشفايف باللب لاينر او تلونينهم واخر شي تضيفين لمسات بسيطه بالحمره ..
الكونسيلر حوالين الشفايف يعطيهم شكل حلو بس لازم الكميه تكون قليله

 

[_zahra]

يعطيج العافيه بدايه حلوة وسهلة,,الكونتوور شفته باليوتوب خظات وايد بس البنت تخلصهم بدقيقه وحده ,,

 

[اوركيدا]

يعطيج العافيه بدايه حلوة وسهلة,,الكونتوور شفته باليوتوب خظات وايد بس البنت تخلصهم بدقيقه وحده ,,

الله يعافيج حبيبتي .. ياريت تحطين لنا لينك الفيديو ولا عليج امر ..

 

[law love]

نووور هالقسم بموضوعج

ولهة على تقارير فلوريدا و امريكا عموما

مالج تقرير يدييد ؟

 

[شـو shoo]

رد : للمبتدئات فالمكيــــاج نصايح بالصور

يعطيييييج العاافية

وتسلم الايادي ع هيك موضوع

 

[سمو الغلآ]

رد : للمبتدئات فالمكيــــاج نصايح بالصور

الله يعطييج الف عافيه

مجهود تشكرين علييييه..

 

[Princess 93&94]

رد : للمبتدئات فالمكيــــاج نصايح بالصور

مشكـــــــوووره ع النصايح

 

[مضاوي 75]

مشكوره حياتي ويعطيج العافيه على المجهود المميز

 

[عبير البنفسج]

رد : للمبتدئات فالمكيــــاج نصايح بالصور

تسلمين على الموضوع المفيد..

 

[بسكاتي اذلهم]

رد : للمبتدئات فالمكيــــاج نصايح بالصور

يسلموووووووووووووووووووو

 

[قطوة@@]

رد : للمبتدئات فالمكيــــاج نصايح بالصور

وايد استفدت من النصايح

مشكورة حبيبتي :*

 

[frfr]

رد : للمبتدئات فالمكيــــاج نصايح بالصور

يعطيج العافيه خووش نصايح

 

[اوراد العشق]

مشكوورهـ
وفعلا كل النصاايح مهمه واحــلا شي انج ذكرتي الكونتور لانه فعلا يستااااهل تشتروووونه وفوقه بلاشر مشمشي خفيييف يطلع واااااااو

 

[lulwa-q8]

يسلموووووووووو


=)

 

[dior-girl]

تسلميــن يااقلبــي .. مااقصــرتي ...

 

[ATOoOMA]

يعطيج العافية حبوبة على المجهود

 

[R'3wa-P!nKya]

مشكوره حياتي ويعطيج العافيه

 

[noty]

يعطييج العافيه و شكرا على نقل التجربه

خووش موضوع حبيبتي

 

[foshia girl]

رد : للمبتدئات فالمكيــــاج نصايح بالصور

الف شكر لج ,, صراحه مجهووود اكثر من راااائع ,, يعطيج العافيه