للمرة الثانية احترق بالليزر ( نهاد) في بوشهري

[mi corazon]

السلام

بنات أنا منهاره

توني عروس ... قبل العرس كنت اسوي ليزر ويهي والبكيني في دار الشفا

ولا اروع

بس الله يهدأهم رفيجاتي مدحولي بوشهري عند نهاد

الحين صارلي اسبوع

حروق شديده وتقشرت وطلع جلدي .. من اول يوم والحرارة تبجيني

طلعت رافعه الحرارة ومو مسويتلي لدرجتي وانا سمره

ودفشه حدها

وريلي اخترع لمن شاف ويهي اسود عند الحنج بعدين صار قشر بعدين طاح وصار جنه بهق

حتى الكريم اساس ما يخشه

الحين أنا عندها

شسوي؟ أبيها تعالج اللي خربته

بروحي تعقدت من تجربتي في السلام والتشوه اللي بصعوبة عالجته

 

[حبيبه ببي]

واي يما انا حاجزه عندهاوالله ماابي اجرب عندها راجعي عند عيادتج الاوليه

 

[((غلاي))]

لازم تعالجج مثل ما هي غلطت

الله يهداهم البنات و يقولون الليزر ماله اثار و لاحروق

 

[مريااانه 4]

الله يعينج ويشافيج يسرع وقت

 

[رقـة الاحسـآس]

الله يشفيج ويعافيج
حبيبتي في هالامور لا تسمعين وايد ع راي البنات
خص انج جربتي غيرهم ومرتاحلتهم
جان كملتي عندهم؟

وما اعتقد يصير تحطين ميك اب ع المكان
روحي عند دكتوره شاطره و ابدي علاج
لا تخلين نفسج والطب تطور الحين

 

[mi corazon]

مشكورين بنات طيبتوا خاطري يزاكم الله خير

تدرون لما دخلت مساع وكلمتها طلعتلي الويه الثاني وقامت تردح وتقول انتي بشرتك حساسه ماتشككنيش في قوتي

بس عاد ماخليتها أنا سجلت حوارنا بتلفوني وسجلت لها انها قالت هاذي حروق وانتي بشرتك حساسه ولو نزلت الحرارة ماراح تييب نتيجه

قلت لها جان قلتيلي ولا أني احترق لو قايلتلي جان تميت عله دار الشفا أنظف واظمن ونتايجهم حلوه بس اللي ما يرضى بللي عنده يبلى

المهم قتلها تعالجيني ولا لي تصرف ثاني

وماني دافعه ولا فلس

قالت بس اقدر اصرف لج ميبو

قلت لها مستحيل استخدمه .. قالت انتي اللي تحددين ولا أنا .. قتلها لا انتي تحرقين وانا اكلها

المهم قتلها ابي كريم تفتيح شفتي الحرق اغمج ثلاث درجات مني

قالت ماقدر اعطيج علينا تبين اكتبلج واشتريه

نزلت عند الرسبشن قلت ابي المدير قالولي مسافر قلت ابي اكلمه

قالوا كتبيله شكوى

عاد كتبت ورقه شطولها قلتله أني سجلت حواري مع اخصائيتكم المستهتره وعديمة الضمير

وبروح اسوي فحص في مستشفى حكومي علشان اثبت الحاله وعندي الفاتورة بالتاريخ تثبت أني مسويتها عندها بالاسم

وبروح اقاضيكم


ماكو طلعت من أهني بعد نص ساعه ولا داقه علي

تقول انتي متزوجه؟ حسبت عروس بعدج مالكه قلت تستهبلين ؟

قالت حبيبتي أنا ضميري انبني وقلت شلون زوجها يشوف جذي .. تعالي اكتبلج ادويه وخلطات كريمات تطير كل شي

ضحكت وقلت أكيد شافت الورقة

شرايكم بنات؟ شنو تنصحوني؟ اكمل الشكوى واخليهم يعالجوني عند دكتورة جلديه ولا اسمع كلامها؟

 

[حبيبه ببي]

حبيتي كملي الشكوى لاتسكتين هذا بشره مولعبه

 

[mi corazon]

بستخير وانطر المدير

 

[mafio98]

نصيحة لاتسكتين كملي الشكوى انا اختي كانت تعالج اسنانها وقزها طبيب بالغلط بنج وشق شفتها اللي فوق وبعد نجره رد لها فلوسها وقطت دبلهم وسوت عمليه وتخيلي للحين صارلها فوق ال٦ اشهر وماراح الجرح واهو جرح مو حرق !؟ لو مشتكيه احسن لها فنصيحه لاتضيعين حقج بايدج

 

[الاحاسيس المبهمه]

حياااتيييي انا احترقت من الليزر بس تقريبا راح اثره ...
انا كنت بدار الشفا عجيب بس تضايقت من معاملتهم ومواعيدهم !!
ف الحين انا 4 جلسه مع دار البراء 3 جلسة احترقت بس تعاملهم و نتايجهم عجيبه ... وبكمل معاهم

الحين من خبرتي البسيطه نصيحتي لج ,,

ميبو واايد عجيييييب للاثار والحروق 100%
والشي الثاني حطيت اول 4 ايام على مكان الحرق كريم اسمه اليكا لونه اصفر مكتوب بالابيض
وكل يوم بليل احط eldopaque forte + eldoquin forte اخلطهم مع بعض واحطهم على ويهي كلله واركز على الحرق

والشي اللي يبيض اهوا ... : melano-expert لونه سماوي لماع حيييل خطير حق الاثار اهوا اييج صغيرونو فيه انبوبه تحطينها على الاثر ...

وفيه بعد جل نسيت اسمه احطه على ويهي كله ...
والله ييسر لج ويجملج يارب :**

 

[mi corazon]

حياااتيييي انا احترقت من الليزر بس تقريبا راح اثره ...
انا كنت بدار الشفا عجيب بس تضايقت من معاملتهم ومواعيدهم !!
ف الحين انا 4 جلسه مع دار البراء 3 جلسة احترقت بس تعاملهم و نتايجهم عجيبه ... وبكمل معاهم

الحين من خبرتي البسيطه نصيحتي لج ,,

ميبو واايد عجيييييب للاثار والحروق 100%
والشي الثاني حطيت اول 4 ايام على مكان الحرق كريم اسمه اليكا لونه اصفر مكتوب بالابيض
وكل يوم بليل احط eldopaque forte + eldoquin forte اخلطهم مع بعض واحطهم على ويهي كلله واركز على الحرق

والشي اللي يبيض اهوا ... : Melano-expert لونه سماوي لماع حيييل خطير حق الاثار اهوا اييج صغيرونو فيه انبوبه تحطينها على الاثر ...

وفيه بعد جل نسيت اسمه احطه على ويهي كله ...
والله ييسر لج ويجملج يارب :**

تسلمين حبوبه بس لو في حمل ما تضر هال كريمات ؟

 

[love love]

شوفي الحرق يصير اذا درجه الحراره عاليه وماقلتي لها توطيه

انتي ليش سكتي لما حسيتي حار عليج؟؟

واهي الغلط الاكبر منها انها شافت بشرتج حساسه وعلت مفروض تمشي عالدرجه المحدده من قبل وناسبتج




ميبو واااايد زين للحروق ويروح الاثر ديري بالج لا تطولين بالحرق علشان الاثر

وحاولي تخلينهم يتكفلون بالعلاج عند الجلديه

 

[نعوووووومه]

ياااي صج حقيره ليش ماخففت الحراره عليج؟
الله يشفيج قلبي صج اخترعت من اليزر

 

[Vous jamais]

حبيبتي ما تشوفين شر

ادعي ربج يشافيج وييسر لج العلاج المناسب

و تصدقي ( داووا مرضاكم بالصدقة )

 

[(حكاية قلب )]

هههههههههههههههههههاي حسبى الله عليها اشكره قرت الورقة

 

[uas grile]

امبيه الله يعينج

 

[Ms_perfect]

حسبي الله ونعم الوكيل
الله يشافيج ياربي وزين سويتي فيهم

 

[Dr.Nouf]

اشتكي اولا .. ثانيا ردي على عيادتج القديمة دام كنتي مرتاحة فيها ماكان لازم تسمعين كلام رفيجاتج حتى لو صج كانت العيادة الثانية زينة

 

[يرخصلك كل غالي]

انا حرقوني مو حرق عادي انصلج الجلد ونزل دم عند الدكتور الجديد محمد طلعت جنه

ولي شهر ونص اعالج الحروق

واماكن متفرقه
بس للاسف تعاجزت اروح لهم وجابو لي اهلي تقشير من امريكا قاعده استخدمه

عياده فاشله تعبانه مواعيد خرطي واللي يردح لهم يدخلونه قبل خاصه عند التعبانه نهاد

 

[يرخصلك كل غالي]

ومديرهم كله مو موجود ومايرد على رقمه