للمنقبات دشو ابي ردودكم

[سمابينك.]

السلام عليكم ورحمة الله وبركاته
خواتي أنا كل ماروح مطعم خاصة اللي في المجمعات يعني المطاعم المكشوفه أتفاجأ بعض الخوات الله يهديهم قاعدين في المطعم ومنزلي نقاباتهم
يعني كأن ما فيه حولهم شباب :gathering:
يعني انتي منقبه بس عند الاكل تنسين نفسج ؟؟؟؟ ويكون حلال تكشفين
آخر مره كنت في البيرق عند كنتاكي الا وحده منزله النقاب وواحد هندي على يمينها والثاني مصري على يسارها والاخت لاحسيب ولارقيب
بعرف خواتي أنا ماقلت كل المنقبات أنا خصيت بعضهم ابي ردود ورايكم بالموضوع.​

:0bee2e8d89:

 

[كوشيه فوشيه]

رد : للمنقبات دشو ابي ردودكم




اي في بعض الحريم الله يهديهم


يغيمون لا جاء وقت الاكل تنسى نفسها المسكينه


وعلى ابو ان الهندي مو رجال وتسترسل :eh_s(13):


الله يهديهم بس

 

[أستغفِرُ الله]

رد : للمنقبات دشو ابي ردودكم

تبين الصج ؟
اللي تسوي جذي متخلفة
لأنها بالأساس مو لابسة النقاب من الإيمان و الستر
لابسته فقط ( غطاء للوجه )
و عبالها بس الخليجي رجال
أما الباجي لا هو رجال و لا هو إمرأة !
و هالفئة إهي اللي تشوه صورة المنقبات
و تعمم مع إنها فئة قلييييلة
ما أقول إلا الله يهديييكن

 

[سمابينك.]

ههههههههههههههههههههههههههاااااااااا

اي والله كلامج صح وما نقول غير الله يديهم

ومشكوره على الراي ونبي ردوود

 

[نونا المجنونه]

الله يهديهم

 

[درة أهل الطولات]

رد : للمنقبات دشو ابي ردودكم

الله يهديهم

 

[الـزيـــــن]

.. ايه انا بعد ذاك اليووم شفت بالبيرق ..عند المطاعم
حبووبه . وبشكل عاام ترى في منقباات مو كويتات ..
الديره مليانه اشكال واجناس ..
في مصريات وفي فلسطينيات وفي سوريات وانا مااقصد اساءه لهم ..
بس في بعضهم النقاب مو شي اساسي عندهم .. بس لابسينه جذي ..
وفي بناات الله يهداهم مايعتبرون الوآفد .. رجآل .. يعني هي جت على الاكل بس ..؟؟
شوفيهم بالترفيهيه يوم النساء الله لايوريج ..
مو بس منقبات حتى المتحجباات ..
حدث ولا حرج .. الله يصلحهم بس.. شتبينا نسوي ..!
وانت تكلمنا او نصحنا قبت الوحده فيج .. انتي شكو حريه شخصيه ..
اوكي ماقلنا شي حريه شخصيه بس الدين نصيحه ..
انا منقبه وانقهر من تصرفاات البعض بس شتبينا نسوي .. كل واحد وبيئته ..
وإللي بتقول الوجه حلاال .. فصخي نقابج الله لا يهينج .. شحقه لابسته .. قاعده تشوهين صورته .. وصورتنا معاج
بعدين .. ربج يحاسب انتي عليج النصيحه بس

 

[مـ ع ـزوفة حز*ن]

رد: رد : للمنقبات دشو ابي ردودكم

تبين الصج ؟
اللي تسوي جذي متخلفة
لأنها بالأساس مو لابسة النقاب من الإيمان و الستر
لابسته فقط ( غطاء للوجه )
و عبالها بس الخليجي رجال
أما الباجي لا هو رجال و لا هو إمرأة !
و هالفئة إهي اللي تشوه صورة المنقبات
و تعمم مع إنها فئة قلييييلة
ما أقول إلا الله يهديييكن

معاها ,,


وأضيف :: حتى الحجاااب والله صاار بس للأهل أما خارج نطاق الأهل لا عادي تفصخه المهم محد يعرفها ,,

الله يهديم

 

[أشبـاهـ المطـر]

وايد ناقشنا هالمواضيع !
يبا حريه شخصيه إذا اهيا ماحفظت
ماء وجهها احنا وشعلينا ؟؟!!

براحتهم جهنم ماخلقت عبث !

 

[ST SMILE‏JU]

رد : للمنقبات دشو ابي ردودكم

الله يهدي الجميع ويجيب الامطار

 

[aṕriliå]

رد : للمنقبات دشو ابي ردودكم

انا اعرف ناس جذي

ولما قلت لها ليش قالت يبه انا لابسة النقاب بس لانه مو عوايدنا
واذا طلعت برا الكويت تكشف

 

[سمابينك.]

احنا مانتدخل بخصوصياتهم بس هذا الشي يوسئ لباجي المنقبات اللي اهم فعلا مستترات
يعني اذا انتي مو لابسه النقاب لله الافضل لاتلبسينه
والله يهدي الجميع

 

[دلــ مهره ــــع]

رد : للمنقبات دشو ابي ردودكم

استغفر الله
ياكثرهمــــــ بالكويتــــــــ .. وازيدج.. تقط الملفع بالكباينـ وتشيشــــــ ـ وماخفي اعظمــــــ على بن بنات بس مايحترمون الموجودين بالمطعمــــ وصوتهم حشآ طقاقه يلعلعـ ..الفئة المترديه والنطيحهـ ..

 

[روح غاليك]

رد : للمنقبات دشو ابي ردودكم

الله يهديهم والشره على رياجيلهم
انا شايفه بالبيرق وحده منقبه مع رجالها عند الكنتاكى ومنزلته عادى والامر طبيعى والزوج لا فيه غيره على زوجته ودينه ولا شى الله لايبلانا

 

[Tom ♥ Jerry]

.


آلله يهديهم و الله !

بس ترا بعض الحريم > مثل خالتي فيها ربو و مريضه سكر
لمآ رحنآ الآفنيو نزلت نقآبها لآنه مآ تقدر تاكل
تعرق و جي ! فلازم تنزل نقابها عشان تنفس عدل !

الله يشفيهآ و يهدي الكل .!

 

[معكرونه أسبكتى يم يم]

رد : للمنقبات دشو ابي ردودكم

الله يهديهم

 

[ORKDI]

احتمال ما يكون منقبات

لاني انصدمت مره شفت بنات من اهلنا

بالفروانيه وانا امشي وله وحده تناديني تعالي اطلعه نعم

ما اعرفه جان تضحك شفيج انا فلانه

تصير لي حيل انصدمت @@

ليش النقاب جان تقول ما ابي الحريم يشوفني وين افصل

وااااااااااااااي فراق الحمد الله اني ما افكر جذي

كل اللي البس اقول من وين عادي

وفي وحده اعرفه عدل عدل مو منقبه تزوجت واحد من اهل محافظة الاحمدي

المهم بتروح معه الجمعيه اللي بالمنطقه جان يقولها البسي نقاب

تقول انصدمت ليش جان يقول بس لانه بروح الجمعيه تقول يا البس على طول وله البس بس اذا جمعيه مستوصف

قال اي اصلنا ما ابيج تلبسينه على طول

تقول انصدمت ليش يعني .. تدري عيل بطاقتي على منطقة اهلي وعيالي معاي علشان ما اروح مستوصف منطقتكم

لي اليوم ترجع بالمستوصف اللي عند اهلها

اما بالمطاعم ما شفت هالشي بالكويت

شفت بالسعوديه كنت بالخبر بالميريدان الخبر وله حريم قاعدين ياكلون وثانيه مع زوجه بدون نقابات

لما خلصو اكل كل اللي بالمطعم

كل وحده اطلع النقاب يا من الجنطه يا من تحت الملفع انصدمت

وفي رياجيل المطعم اخوي وغير اخوي قاعدين وقرسون مصري وفلبيني وهندي يعني علشان معاج محرم عادي وله شنو

كان ودي اسال

وهم انا اقول بعض البنات

اللي تسافر تقطه برا ليش

انا امي براقع اذا سافرت ما تقط البراقع

بس في بيتنا بدون براقع وعند خوالي

 

[^ أم الـزيـن ^]

اي عاادي ماافيييها شي بعد شتسوي اذا المطعم مافييه كبااين شلوون بتااكل ؟؟

تر حدده عاادي انا مااشووف فييها شي وبعديين الويه مو ظرووري تخشه وعلى قوولت بعض البعض يمكن البنت تكوون مو لابسته لله او ستر او مااتبي الريااييل يشووفوونها يمكن لابسته لأن مغصووبه علييه او أمر من زووجها ومااتقدر تقطه او عاداات اهلها

انا اشووووف انه حددده عاادي بعد المره بتااكل منو إللي بييطل بويها وبيدقق فييها واهيا المسكيينه قااعده تاااكل شلوون تااخذ رااحتها عيل ؟؟

انا براايي عاادي وما اشووف فييه شي غريب او جريمه يعااقب عليها القاانوون .. كييفها تلبسه متى مابغت وتقطه متى ماابغت وحريه شخصيه على ما قاالو البنات

 

[روح غاليك]

رد : للمنقبات دشو ابي ردودكم

اجل وين الدين راح؟؟؟

 

[7sasa]

رد : للمنقبات دشو ابي ردودكم

اغلبهم يكونون مو منقبات اعرف بنات جذي تكون مو منقبه بس ساعات تلبسه جذي لأي سبب
فعادي عندها تنزله. و.بالعكس لاهذيل يشوهون صورة المنقبات ولا المحجبات اللي يقطون حجابهم يشوهون صورة المحجبات
كل انسان يمثل نفسه..وبالاخير تظل حريه شخصيه وشي بينهم وبين ربهم..والله يهدي الجميع