للي راحوا امريكا (ضروووووري)

[deenaa]

بنات بليز ابي اسأل اللي راحوا امريكا انا سمعت ان هناك الكهرباء ضعيفه واذا خذيت مثلا سشوار رماراح ينفع لأن بيصير بارد.. فأبي اسأل اللي راحوا شسووا؟ مافي حل حق هالسالفه؟ لأني بصراحه ما استغني عن السشوار والستريتنر كلللش
وسمعت ان في شغله يبيعونها تقوي الفولت .. هذي تنفع؟؟ و وين يبيعونها؟؟
بليييييييييز بنات اللي عندها معلومه عن هالشغله تفيدني لأن مابي اتوهق هناك

والله يعطيكم الصحه والعافيه

 

[اوركيدا]

صح كلامج والاستشوار نشتريه من اهني National رووعه ..
يبيعونه اللي يقوي الفولت بكارفور او جيان .. لكن احيانا ماينفع مع السشوار لكن والله اللي اللحين قاعدين نستخدمه National وايد زين والستريتنر موجود اشكال او انواع بكل مكان فلاتحاتين

 

[deenaa]

مشكوووووره اوركيدا على الرد
انزين ناشيونال اي نوع؟ اللي يصير طوالي اللي فيه مشط ؟؟ و يصير حار؟؟

 

[اميرة الغيد]

انا شريت يوم بامريكا سشوار اشتغل هناك ويوم ييت الكويت ما رضى يشتغل ، احسن شي لاتاخذين معاج شي كهربا اشتري سشوار من هناك عندهم انواع رخيصه وزينه في ب 3 دنانير هناك واذا ييتي الكويت ماتقدرين تستعملينه بس خليه حق السفر . اللي يعدل الكهربا ما اعرفه .

 

[اوركيدا]

في انواع ناشونال فيه طويل بو بروش او فيه بدون البروش الهوا اللي ويا المشط وايد انواع

 

[A. style]

انا اقول اخذيلج من هناك حتى المطار تلقين في انواع رخيصة حيل .. لاني نفسج توهقت بس بعض الفنادق استشوارها قوي ينفعلنا .. انا خذيت استشوار من هناك 4 دنانير

 

[الجعده]

اولا كهربة امريكا غيييير 110 فولت مو 220 مثل الكويت ! فالاستشوار و الستريتنر او مسجله او اي شي كهربائي لازم اول شي تحولينه على 110 والا راح يحترق !!

 

[deenaa]

مشكوريييييييييين على ردودكم