للي راح تركيا عفيه استفسار

[yasmeen_q8]

كويتيات الى كل من راح تركيا ... استفسار



السلام عليكم ورحمة الله وبركاته
مادري وين احط موضوعي بالضبط هني ولا بالدول العربيه وحطيته بال2 بس حابه اسأل جم سؤال عن تركيا للي سافر من قريب لها
انا ودي اغير جو بس المشكله قراري يه بسرعه شوي فالوقت مو مسعفني ازهب ميزانية قويه
فاول شي حبيت اسأله شلون اسعارهم ؟! ولما تقولين غالي او رخيص بحدود جم يعني ؟!
اللي حابه اقضيهم هناك بس 5-6 ايام مو اكثر جم احتاج مصرف هناك تقريباً اذا كنت حاجزة التذكره والاوتيل وخالصه يكفيني 1000 -1200دينار مصرف ايد حق 5 ايام ؟! (للعلم اذا بتسوق بس ملابس واكسسسوارات مابي كفرات وخامات وفرش)
واذا قلتوا اي تكفي او لا بليز قولولي جم يكفي عيل عالاقل ؟!
وبليز لاحد يقولي روحي دولة خليجية ابي اغير جو مابي اروح مكان قريب

السؤال اللي بعدو الفندق اللي حاجزته بتقسيم فابي اماكن سياحيه واسواق ومتاحف هناك ماعليكم امر
وابي نصايحكم
وابي بعد اعرف شلون الجو بالصيف ؟! وشلون معاملتهم للعرب هناك؟!

 

[اخت خالتهم]

حبيبتي تركيا فيها رحلات حلوه يعني اتوقع 750 تكفيج مصرف حق مشترا و 300 حق رحلات كشخه و حلوه
و التذكرة اذكر كانت ب230 دينار مادري اذا زادت و السكن الليلة من 80 و فوق

يعني كلهم تقريبا 1680 اذا في احد بيساعدج بالمسكن وتذاكر الطيارة بيكفي وزود
و اذا تبين تيمعين اكثر نصيحه حجزي بشهر 8 الجو احلى وابرد

 

[اخت خالتهم]

بس ترا تكفي 1200 اذا خليتي المصرف حقج 500 دينار
اتوقع تكفي ب5 ايام
خلي السوق 3 ايام و يومين رحلات

 

[yasmeen_q8]

اي حبيبتي انا حاسبه التذاكر شايلتهم من الحسبه مع السكن
الحسبه عذي بس حق وناسه

 

[دلع86]

يكفيج حق تمشي ووناسه وتشري علخفيف
روحي استانسي
وبالسلامه انشاءالله

 

[ليتل سيزر]

اهلين اختي اعتقد المبلغ كافي بس حاولي الرحله مو بشهر 7 لان الحر يزهق وشمسهم حاره حاولي بشهر 5 او 6 الجو حلو واتمنالج رحله موفقه

 

[yasmeen_q8]

ما تقصرون حبايبي بس ما قلتولي وين اروح

 

[عيش و ملاس]

شنو تحبين متاحف ، تسوق (غالي-متوسط-رخيص) ، ملاهي و أماكن خاصه للأطفال ، طبيعه ، حدائق ؟

 

[الحبيبه الدبيبه]

المبلغ كافي ويزيد
اسعارهم نفس الكويت فيها الغالي وفيها الرخيص
اهلها حلويين ويرحبون بالخليجيين
فيها رحلات واايد ، ونيسه
اذا بغيتي رقم مكتب سياحه هناك انا تعاملت معاه واايد محترمين ويتكلمون اللغه العربيه ويشرح لج ادق التفاصيل
واذا بغيتي سايق تتعاملين معاه طول اليوم ارخص لج من التاكسي
وضروري تروحين قصر اكابي وتشوفين اماكن تصوير حريم السلطان مع الشرح عجيييييب
بس عموما اختي اسعار تركيا الحين ارتفعت عن الاشهر السابقه لانه موسم سياحه انا رحت بشهر يناير كانت رووووعه بالجو والاسعار كلها نازله وخصومات وتنزيلات
اي استفسار انا حاضره
الله يوفقج بسفرتج

 

[شذى الدعوه]

الحبيبه وعيش وملاس
الله لايهينكم ممكن تردون علينا

يلوا تستاهل العنوه لها وبطلع من بورصه وارجع لبورصه افضل او نبيت يومين فيها
وبورصه صج واجد عليها اسبوع
والتلفريك لجبل اولداغ يخرع افضل اروح بتاكسى خاصه اطفال معاى شرايكم بنات

 

[شذى الدعوه]

الحبيبه دزي رقم المكتب السياحى ابى سواق خاص لنا
ممكن الله يعافيج دزيه خاص اذا فيه اشكال لو سمحتى

 

[عيش و ملاس]

يلوا روحي لها من بورصه من الصبح لليل ما تسوى تسحب الجناط ، بورصه بالفعل وايد عليها أسبوع أنا راح أقعد فيها ٣ أيام ، التلفريك تجربه حلوه حق العيال وشي جديد عليهم بس اذا عيالج حيل صغار روحي بتاكسي أفضل

 

[عيش و ملاس]

أنا بس راح أروح اسطنبول و بورصه ما أقدر أتنقل أكثر من جذي لأنه ولدي عمره ٤ سنوات وحركي ومدة سفرتنا ١٠ أيام

 

[أم مباركـ]

السلام بورصه فيها التلفريك احسن تجربينه والشجره التاريخيه والشلال الصغير عنده مطاعم بس احرصي ترا اذا شافو خليجين زادوا الاسعار بعدين مجمعات بورا بارك - از مركز فيه تزلج علي الجليد - كنت ميدان - زفر بلازا - السوق المسقف - (استنبول ) جواهر بلس - السوق المسقف - سنتيا مول - لا تنسين المتاحف واكلي احسن طبق اسكندر مكون من خبز وفى طبق وعليه لحم شورما -

 

[شذى الدعوه]

أنا بس راح أروح اسطنبول و بورصه ما أقدر أتنقل أكثر من جذي لأنه ولدي عمره ٤ سنوات وحركي ومدة سفرتنا ١٠ أيام

الله يعين انا معاى سنه ونص والدراجه مالت البيبى شنو وضعها لما اصعد التلفريك وين تصير

وسبع سنين وثمانيه وعشر سنين الله يحرسهم شلون افضل التاكسى
التلفريك صعدوه قبل هالمره بس هذاك صغير وكراسى وبس احنا
هذا 35شخص

 

[شذى الدعوه]

السلام بورصه فيها التلفريك احسن تجربينه والشجره التاريخيه والشلال الصغير عنده مطاعم بس احرصي ترا اذا شافو خليجين زادوا الاسعار بعدين مجمعات بورا بارك - از مركز فيه تزلج علي الجليد - كنت ميدان - زفر بلازا - السوق المسقف - (استنبول ) جواهر بلس - السوق المسقف - سنتيا مول - لا تنسين المتاحف واكلي احسن طبق اسكندر مكون من خبز وفى طبق وعليه لحم شورما -

ياهلا ومرحبا الله لايحرمج العافيه ويخليك لعيالج دايما تقدمين ألى عندج وتساعدينا ميزان اعمالج فديتج

كلهم بورصه الى ذكرتيهم

تعرفين ام مبارك اسم الفندق الى عند لونا بارك يمدحونه يقولون حلو كتبى اسمه ياحياتى

 

[شذى الدعوه]

اب
اب
اب

 

[الوسم الرشيدي]

حبيبتي عليج بالف عافيه هالسفره واختيارج موفق حييييييييل بالنسبه لخمسه ايام ، أّنِـٌmeـُآ توني يايه ‏​مٍْْـٍْْ♡̷̴̬̩̃̊ـٍْْنٍْْ تركيا شهر 4 وقعدت فيها 6 ايام ╝ ُصٌٍُُـٍُـٍُ(⊙︿⊙)ـٍُـٍُـٍُجًُْ ╚ رووووووعه وديره تستااااهل گـِْ♡̨̐ـِْلِْ فلس اتقطينه عليها ،
بالنسبه للمصروف المبلغ اللي مقترحته وااااااايد منااااسب ويكفي ، واذا ع الرحلات والاماكن السياحيه التاريخيه انصحج اتروحين مع الشركات والمكاتب السياحيه الموجوده باسطنبول لانهم راح يوفرون عليج الوقت والمصروف ، وهم راح يودونج باليوم الواحد اكثر ‏​مٍْْـٍْْ♡̷̴̬̩̃̊ـٍْْنٍْْ مكان سياحي ، أّنِـٌmeـُآ كانت گـِْ♡̨̐ـِْلِْ رحلاتي مع مكتب الكرنك للسياحه وصج كاااان تعاااملهم روووووعه ومواعيد رحلاتهم مضبووووطه ، ودلوونا ع الاماكن والمطاااعم الراقيه والهاديه واي استفسار عندج تقدرين تسألينهم وراح يفيدووونج حيل ، والمرشدين كلهم عرب او اتراك ‏​مٍْْـٍْْ♡̷̴̬̩̃̊ـٍْْنٍْْ اصل عربي يعني يعرف يتكلم عربي عدددل ،
الاماكن السياحيه عندج : قصر التوب كابي اهو القصر اللي صوروا فيه حريم السلطان ،
ايا صوفيا ، الجامع الازرق ----> هذيلا كلهم يم بعض تقدرين تروحيلهم بيوم واحد ،.
- قصر الدولما بهجه عجيييييييييييييييب لـٌٍْـٍـٍـٍِـٍ لا ـٍـٍـٍـٍـٍـٍِ يطوفج .
- تل العرايس : عباره عـِْ♡̨ـِْن هضبه مرتفع عـِْ♡̨ـِْن الارض تصعدين لها وتطل هالهضبه ع اسطنبول كلها ، وفيها كافيهات ومطاعم اطلالتهم روووعه والجو عجيب هناك
- جوله فـْ♡ْـي البسفور : تروحين لها بالقارب .
- رحله لجزيره الاميرات : مدة المسافه ساعه الا ربع حلوووه الجزيره فيها مطاعم وكافيها ع البحر والجزيره تكون خاليه ‏​مٍْْـٍْْ♡̷̴̬̩̃̊ـٍْْنٍْْ أًيْ وسيلة مواصلات يعني التنقل فيها ‏​مٍْْـٍْْ♡̷̴̬̩̃̊ـٍْْنٍْْ خلال الحنطور او الدراجه الهوائيه .
- حديقه مينا تورك .
-رحله لمدينة بورصه : لـٌٍْـٍـٍـٍِـٍ لا ـٍـٍـٍـٍـٍـٍِ تطوفييييييييينها ‏​مٍْْـٍْْ♡̷̴̬̩̃̊ـٍْْنٍْْ ارووووع واجمل بقااااع العالم رووووعه الطبيعه والجبال والاكل ، ╝ ُصٌٍُُـٍُـٍُ(⊙︿⊙)ـٍُـٍُـٍُجًُْ ╚ خياااااليه ،تروحين لها الصبح وتردين فـْ♡ْـي الليل .
الاسواق :
- جراند بازار( السوق المسقوف) فيها الاكسسوارات والمفارش عجيييب. ويستاهل الرووحه وانصحج تروحيله ليوم كامل ،لانه يصكر ع الساعه 7 المغرب .
- السوق المصري : فيه البهارات والقهوه والحب .
- جواهر مول . مجمع كبير وفخم .
- سنتيا مول .
- عندج شارع عصمان بيك : عباره عـِْ♡̨ـِْن سوق فيه محلات للبيع بالجمله (بدل الحفلات ، ملابس الماركه ، .....) تلقينه فـْ♡ْـي منطقه عصمان بيك.
- انصحج بمطعم حمدي رووووووووعه .
- شارع التقسيم عباره عـِْ♡̨ـِْن شارع طويييييييل ومتروووس محلات عالميه ومطاعم وكافيهات القعدهً فيه حلووووه خاصه بالليل لانه مايسكر .
وانصحج بالتنقل بواسطه المترو ، والابتعاد قدر الامكان عـِْ♡̨ـِْن التاكسي لانهم نصااااااااابين درجه اولى ، بمعنى لـٌٍْـٍـٍـٍِـٍ لا ـٍـٍـٍـٍـٍـٍِ تنصدمين اذا اخذج مشوار مدته عشر دقايق ، يفر فيج اسطنبول فر واخرتها يطلع حسابج فوق العشر دنانير ،



اتمنى اني وفقت بمساعدتج والله يسهل امووورك وتروحين وتردين بالسلامه ، دعواتج ليً☺

 

[yasmeen_q8]

رووعه الردوود الوسم الرشيدي ونستييني دبيبه والوسم ياريت تعطوني رقم المكاتب السياحيه

 

[برواز]

الوسم حبيبتي وينه فيه مطعم حمدي
و قصر الدولما بهجه عادي فيه الاحذيه ندخل فيها ؟؟ و الا مثل ايا صوفيا و غيرها